Esy'Abaleefi 23:8 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁸ Yanaanga ebiyaanwa byao by'ebyohulya endaalo chitaanu-na-chibiri. Nae hu ludaalo lwa hataanu-na-habiri haandi muhoyere ohuhung'aanaanga alala ohwiinamiraanga Omwaami Nasaae, nae haba simuhoyere ohuholaho kata omulimo kwoosi hu kyeeng'we kya buli ludaalo.

EBBAIBBO EMBOOSI YA NASAAE

⁸ Yanaanga ebiyaanwa byao by'ebyohulya endaalo chitaanu-na-chibiri. Nae hu ludaalo lwa hataanu-na-habiri haandi muhoyere ohuhung'aanaanga alala ohwiinamiraanga Omwaami Nasaae, nae haba simuhoyere ohuholaho kata omulimo kwoosi hu kyeeng'we kya buli ludaalo.

Esy'Abaleefi 23:8 Iomraidhean Croise

Ohutula 12:16

Mani hu ludaalo lutaangira, haandi neende hu ludaalo lw'ohutaanu-na-habiri, muhoyere mubukaananeenge ohwiinamira Nasaae. Kubulao omulimo kwoosi okuhoyere ohuholwa hu ndaalo echio choombi, ohumalaho sa mbwe munyala mwaatekeha ebyohulya.

Ohutula 13:6

Hulw'esiha sy'endaalo chitaanu-na-chibiri muhoyeere ohuliichaanga emigaati kitaabbaahirwe haandi hu ludaalo lw'ohutaanu-na-habiri olwo yihoyeere ohubaao Esidyaalo siisa oluyaali mu Omwaami.

Esekeeli 45:23

Haandi hulw'embaka ch'endaalo chitaanu-na-chibiri ech'esidyaalo esyo, omutuki anaberesanieenge esiyaanwa sisaambwa nisiri esilaamba. Ahoyere haandi ohuyaanira Omwaami esurusi ndaaga chitaanu-na-chibiri, neende emiiku chitaanu-na-chibiri echitaalihooho embala, hu buli ludaalo lw'endaalo chitaanu-na-chibiri echo. Hu buli ludaalo ohuyaana ehole, yibe esiyaanwa sy'ebyonoono.

Esy'Abaleefi 23:7

Hu ludaalo lutaangira lw'endaalo chino, muhoyere ohuhung'aanaanga ohwiinamiraanga Nasaae, mani simuholaho emirimo kyeeng'we kyoosi ekya buli ludaalo daawe.

Esy'Abaleefi 23:9

Haandi Omwaami yaboolera Musa ati,

Ohubala 28:18

Hu ludaalo lutaangira lw'esidyaalo, nilwo lu muhoyere ohwebuusiraho alala ohusaba Nasaae, mani aba abulao omulimo kwoosi okuholwa.

Ohubala 28:25

Nimumala mutyo, bulaanu bukaananeenge alala hu ludaalo lwa hataanu-na-habiri, muhayeenge ohuholaho omulimo kwoosi daawe.

Ohubala 28:26

Hu ludaalo lutaangira olw'Esidyaalo sy'Ekesa, nimuyira esiyaanwa sy'emere njaaha eyiri Omwaami, muhoyere ohwebusaanga alala ohwekongooya Omwaami, mani abulao omulimo kwoosi okuholwa.

Amalako Kohubiri 16:8

Hulw'embaka y'endaalo chisaasaba, munalichaanga emigaati kitaabbaahirwe; nae hu ludaalo lwa hataanu-na-habiri, munebuusaanga ohwiinamira Omwaami Nasaae weeng'we; haandi simunaaholeenge emirimo hu ludaalo olwo.