Esy'Abaleefi 20:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² ohuboolera abaandu ba Yisiraeli ati, “Mulala hweeng'we, oba omuteende yeesi owabamenyamo, oyanaangayo omwaana wae yeesi, ohuchia ohwehoonyerwa mu hwiinamiraanga nasaae Moleki abaandu boosi bahoyere ohumuhubbaanga amakina ohwoola lwaafwa.

EBBAIBBO EMBOOSI YA NASAAE

² ohuboolera abaandu ba Yisiraeli ati, “Mulala hweeng'we, oba omuteende yeesi owabamenyamo, oyanaangayo omwaana wae yeesi, ohuchia ohwehoonyerwa mu hwiinamiraanga nasaae Moleki abaandu boosi bahoyere ohumuhubbaanga amakina ohwoola lwaafwa.

Esy'Abaleefi 20:2 Iomraidhean Croise

1 Abatuki 11:7

Mani hu lugulu lwa luundi ebukwe wa Yerusalemu yoola ohwoombahaho abuundu wohwiinamiraangao Kemosi, nasaae musinyisi owa Moabbu, haandi neende abuundu waandi ow'ohwiinamiraangamo Moleki, nasaae musinyisi wa Abaamooni.

2 Abatuki 17:17

Mani nibayaanayo abaana baabwe basyaani neende abahaana koti ebiyaanwa bisaambwa. Nibalakulaanga haandi nibahola eby'eloko, mani nibeweerayo elalira ohuhola ebiindu bibi mu moni w'Omwaami, ebyanyoolesa Omwaami.

2 Abatuki 23:10

Omutuki Yosia haandi yanyaasa Tofeti, esyali mu hooho ly'abaana ba Hinoomu, yaabulao omuundu yeesi owanyalaanga ohusaamba omwaana wae musyaani oba omuhaana koti esiyaanwa eyiri Moleki.

2 Ebyomubiha 28:3

yanioohesaanga obubbaani mu Hoondo lya Hinoomu, haandi kata yayanaangayo abaana bae beene koti ebiyaanwa bisaambe eyiri ebiloongaloongwe, niyekeraania neende ebiholwa bimayaanu eby'abaandu ba Omwaami yali niyeerusa mu syaalo koti Abaisiraeli bayindulaanga nibeengira.

2 Ebyomubiha 33:6

Yayaniraangayo abaana bae mu hooho lya Hinoomu koti ebiyaanwayo bisaambe. Yaholaanga obulakusi neende amayia, haandi yeteebaanga hu balakusi neende abaseebe. Yonoona yabitiirisa mu moni w'Omwaami, mani yaabira etima.

Esabbuli 106:38

Beetaanga abaana baabwe abataaliho omusaango, mani nibabayaanayo eyiri ebiloongaloongwe bya Kanani. Esyaalo nisyonoonebwa neende abatemo abo.

Yeremia 32:35

Boombahira Bbaali alutaari mu hooho ly'omwaana wa Hinoomu, ohumuyaanira abaana basyaani baabwe neende ohuyaana abaana baabwe bahaana eyiri Moleki. Haba simbalagiraangaho ohuhola esiindu esyo, haandi haba si sibaasangaho daawe endi banyala ohuhola esy'omusiro sino, ohukera abaandu bomu Buyudaaya bonoone.”

Yeremia 7:31

Boombaahe ebituundu bihunuufu Tofeeti, mu hooho ly'omwaana wa Hinoomu, ohusaamba abaana baabwe basyaani neende abaana baabwe bahaana mu muliro, esiindi sitabalagiraangaho ohuhola, oba sitabaasaangaho daawe.”

Esekeeli 20:26

Nimbaleha benyaase abeene nibayaana ebiyaanwa eyiri ebifwaanani byaabwe; olwohuba bayaanaanga abaana baamberi baabwe koti ebiyaanwa bisaambwa. Ndahola endyo ohubasaandya, hu mbeekese endi Niise Omwaami.’

Esekeeli 20:31

Nimuyaana ebiyaanwa byeeng'we, haandi nimuyaana abaana beeng'we koti ebiyaanwa bisaambwa, abeene mwenyaasa nimwiinamira ebiloongaloongwe byeeng'we ohwoola buti. Eng'we Abaisiraeli, nyala endye ohubafukiirira ohundeteebaho? Ese Omwaami Nasaae, ndeechuba endi, koti lu ndi omulamu, eng'we haba simuchia ohundeteebaho daawe.

Esekeeli 23:37

Olwohuba bahola obucheke haandi batemula. Bahola obucheke neende ebiloongaloongwe by'ebiindu ebiloongaloongwe. Beeta abaana baabwe basyaani bandeebula nabo, mani babayaana koti ebiyaanwa bisaambwa eyiri ebiloongaloongwe byaabwe.

Esekeeli 23:39

Oludaalo lweene lu beeteraho abaana baabwe nibabayaana eyiri ebiloongaloongwe baabwe, nilwo lubeecheraho mu Nyuumba yaange njoolerefu ohuyinyaasa.

Esy'Abaleefi 17:13

Nae Omuisiraeli yeesi, oba omuteende yeesi owabamenyamo naaba nayiimire mani yeeta esisolo syoosi esiba nisiri esilafu ohweema hu miduunga koti lu kiri, oba eyoni lyoosi eliba niliri elafu ohweema hu emiduunga koti lu kiri, aba ahoyere ohwiidisaanga amabaanga koosi ak'esisolo esyo, oba eyoni elyo, hu loba mani amala abbuukaho neende eloba liindi.

Esy'Abaleefi 17:15

Mani omuundu yeesi, Omuisiraeli oba omuteende sa, olichaanga enyama y'esisolo esiba nisyafwa obulwaae bwa buli ludaalo, oba esiba nisyeetwa neende ebisolo biteende, aba ahoyere ohuchichaanga mani yoosa engubo chae bulai bweene, haandi amala achia omweene yeeyoka omubiri kwae kwoosi bulai, mani yaliinda ohwoola lu bwiire bwiira, hwaanyale ohuba omulafu ohweema hu miduunga kiba nikiri.

Esy'Abaleefi 17:8

Omuisiraeli yeesi, oba omuteende yeesi owamenya mu baandu bano n'ayaanira esiyaanwa sy'ohusaamba syaawa, oba esiyaanwa syoosi

Esy'Abaleefi 18:21

Otalehaanga omwaana wao yeesi achia yehoonyerwa mu hwiinamira nasaae Moleki, olwohuba sino siba sichia ohuchalaasa eliita lya Nasaae, Omwaami.

Esy'Abaleefi 20:1

Omwaami yaboolera Musa

Esy'Abaleefi 20:27

“Omusaacha yeesi oba omuhasi yeesi, oweteebaanga hu myooyo ky'abafwa, ahoyere ohuhubbwaanga amakina yaafwa; omuundu yeesi, ohola sino siti omusaango kuba kumuhira omweene.”

Esy'Abaleefi 24:14

“Bukula omusaacha oyo omutuse erwaanyi w'ekaambi. Buli muundu yeesi owali naamuwuliireho n'abwaaba yeeche ate omuhono kwae hu mutwe kw'omusaacha oyo, ohweekesa mbwe omusaango kumuhirire, mani oluyia olwo lwoosi luhoyeere ohumuhubba amakina ohwoola lwaafwa.”

Esy'Abaleefi 24:16

mani yeetwe. Buli Muisiraeli yeesi, oba omuteende yeesi owamenya mu Yisiraeli, ofwoola Omwaami, oluyia lwoosi luhoyeere ohumuubba amakina ohwoola lu aafwa.

Esy'Abaleefi 24:23

Mani Musa niyamala ohuboola atyo eyiri abaandu ba Yisiraeli, babukula omuundu oyo mani baamutusa erwaanyi w'ekaambi, mani baamuhubba amakina yaafwa. Mu ngira yino, abaandu ba Yisiraeli bahola esiindu si Omwaami yali n'alagiire Musa ati siholwe.

Ebiholwa 7:43

Mani mwabukula eyeema lya nasaae olaangwa Moleki neende esifwaananii sya nasaae olaangwa Refani, eng'ining'ini yeeng'we, ebiloongaloongwe ebyo bi mwahola ohubinamiraanga; mani njia ohubayira mububoye eyale muno ohubita Bbabbilooni.’

Amalako Kohubiri 12:31

Muteenamiraanga Omwaami Nasaae weeng'we mutyo; olwohuba buli siindu sy'omusiro si Omwaami atadaha nisyo si baholera banasaae baabwe; Kata bayaaniraanga banasaae baabwe abaana baabwe basyaani neende abaana baabwe bahaana, nibabasaambira hu alutaari chaabwe.

Amalako Kohubiri 17:2

“Niyinabecheengeo omusaacha oba omuhasi mu biko byeeng'we bi Omwaami Nasaae weeng'we ali ohubaberesa, owonoona mu moni w'Omwaami Nasaae weeng'we, yafunaka endagaano yae,

Amalako Kohubiri 18:10

Leha abuleo mulala hweeng'we onayaanengeyo omwaana wae musyaani oba omuhaana koti esiyaanwa sisaambwa oba omuundu yeesi hweeng'we aholaho eby'obulakusi neende eby'eloko.

Amalako Kohubiri 21:21

Abasaacha bomu siko esyo boosi baba bachia ohumuhuyaanga amakina bamwiita. Mani buli muundu oba anasiwuliraanga mu Yisiraeli aba anaatichaanga.

Amalako Kohubiri 22:21

baba banaamuyireenge mu lwaanyi lwa laatang'ene mani abasaacha bomu siko esyo bamuhuyira eyo n'amakina bamwiita, olwohuba yahola esiindu sy'esoni mu Yisiraeli. Yahola obucheke n'asisiiri mu nyuumba ya laatang'ene. Muholeenge mutyo, humuba muchia ohweetusaangaho esyonoono esyo.