Esy'Abaleefi 2:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ Nikali mbwe esiyaanwa esyo sy'emigaati kideheerwe mu ofuna, kiba ekideeherwe nikitaalimo emera lyoosi. Kinyala ohuba emigaati mihomefu ekiholerwe mu busye obwakaandwa neende amafuta k'emiseituuni, oba bbisikuuti ebyabahwaho amafuta k'emiseituuni.

EBBAIBBO EMBOOSI YA NASAAE

⁴ Nikali mbwe esiyaanwa esyo sy'emigaati kideheerwe mu ofuna, kiba ekideeherwe nikitaalimo emera lyoosi. Kinyala ohuba emigaati mihomefu ekiholerwe mu busye obwakaandwa neende amafuta k'emiseituuni, oba bbisikuuti ebyabahwaho amafuta k'emiseituuni.

Esy'Abaleefi 2:4 Iomraidhean Croise

Esabbuli 22:14

Mbweeremo amaani, ndi koti amaachi kabachuhire aasi, haandi amakuumba kaange koosi kasoboheyo mu nyiingo; omwooyo kwaange kuli koti obubbaani kusaanguluuhire mu sirifu syaange;

Ohutula 12:8

Enyama eyo yihoyeere ohusaambwa esiro syeene esyo, haandi yiriibwe alala neende elyaani lulu muno, alala neende emigaati ky'obusye butaali obubbaahe.

Ohutula 16:31

Abaandu ba Yisiraeli bachaaka ohulaanga ebyohulya ebyo bati, mana.

Ohutula 29:2

Wehoonyere obusye bw'engaano buhiramo obulai, obutaalimo amamera, mani obuholemo emigaati niwehoonyera amafuta k'enaasi, neende ekiindi kibe sa emihaya nikibulamo amafuta ako, nae ekiindi kifwaanane neende bbisikuuti bibahirweho sa amafuta.

Yisaaya 42:1

Omwaami aboola ati, “Bone, omuhalaabani waange nguno, wuno niye yinyomiisa. Niye yindadoolamo, haandi niye yindehoyeramo.” Ndamwichusamo Mwooyo waange, mani achia ohuleeta obwadyeeri mu buli syaalo.

Yisaaya 61:1

Mwooyo w'Omwaami Nasaae yaandimo, olwohuba Omwaami yandoolere yaanduma ohuyaalira abamanani emboosi ndai. Yaandumire ohulemya emyooyo kileeya-leeya, ohuyaalira abawaambe endi bachia ohunulwa, neende eyiri ababoye endi bachia ohuboololwa.

Esekeeli 46:20

Omusaacha oyo yamboolera ati: “Ano niwo abuundu yi balaamisi banaadeehereenge enyama y'esiyaanwa siyaanirwe hulw'ebyonoono, haandi niwo yi banoobbereenge ebiyaanwa by'obusye, ataali ohubitusa mu lwaanyi lw'erwaanyi, mani byaleetera abaandu omusaango.”

Esy'Abaleefi 1:11

Ahoyere ohusiitira hu lwaande lw'emukulu olwa alutaari, nae abalaamisi nabo nibo ababa nibachia ohunyulaanyusa amabaanga kasyo hu nyaande chine choosi echa alutaari.

Esy'Abaleefi 10:12

Musa yesi yeemao yaboolera Arooni neende abaana bae, Eliasaari neende Yitamaari ati, “Eng'we muchie mubukule esiyaanwa sy'emere esidoong'ereho hu byohulya byayaanwa eyiri Omwaami, mani muyiholemo emigaati kitaali emibbaahe, mukiliire mu ndulo w'alutaari, olwohuba esiyaanwa sino syoolerefu muno.

Esy'Abaleefi 6:17

Haba sibuhoyeerwe ohubbaahwa neende amamera daawe. Esyo, ese mbabeere ohuba koti omukabo kwaabwe ohutula hu biyaanwa byaange by'ohusaambwa bulaamba neende omuliro; siindu syoolerefu muno, koti sa ebiyaanwa by'esyonoono, haandi koti ebiyaanwa by'ohutuunga ekobi.

Esy'Abaleefi 7:12

Omusaacha yeesi naaba nayaanireyo esiyaanwa sino koti esiyaanwa sy'ohweebasa Nasaae, aba ahoyere ohusiyaanira alala neende esisolo sihoyere ohuyaanwayo, esiyaanwa sy'omugaati kuubbwa mu busye butaabbaahirwe, oba emigaati mihomefu ekyakaandwa neende amafuta k'emiseituuni oba bbisikuuti ebiba nibibahirweho amafuta k'emiseituuni oba keeki ech'obusye bukaandiirwe neende amafuta k'emiseituuni.

Ohubala 6:15

Haandi baba bachia ohuyaanayo esimweero esilaamba esy'emigaati kideeherwe nikitaalimo emera: emigaati mihomefu ekideeherwe mu busye bukaandiirwe alala neende amafuta k'enaasi neende ebibbisikuuti ebibahirweengeho amafuta k'enaasi, haandi ohumeedaho neende ebiyaanwa bidahibwa eby'emere neende efiini.

Matayo 26:38

Mani yaababoolera ati, “Engisa enyiingi yi ndi hu mwooyo, kata yinyala sa ohunjita-bwiita. Eng'we mudoong'eho sa ano mani mube naange.”

Yowaana 12:27

“Bulaanu omwooyo kwaange kweelalihiire muno. Ndaaboole endye? Laata, monie esiha sino? Haba daawe, nae haandi esyakera ninjicha nisyo ohwoola hu siha sino.

Yowaana 3:34

Olwohuba oyo yi Nasaae yatuma alomaloma emboosi cha Nasaae, olwohuba Nasaae amuberesa Mwooyo wae mu bwiichufu.

Abaibburania 7:26

Yesu niye Omulaamisi Muhuluundu onyala ohutuhoonya mu buli siindu si hudaha. Olwohuba mwoolerefu niye, haandi abulaho esisobyo syoosi, oba esyonoono syoosi; mwoolerefu haandi yaawulibwa ohutula hu bahola-mbi, mani yakiingwa yaaninisibwa aakulu ohubita ekulu.

1 Petero 2:1

Sakira mwemalemo ehiinda yoosi, ohuchuunia abasyeeng'we, obubacha bwoosi, oba, ehiinda yoosi, neende obumoonyi bwoosi.

1 Petero 2:22

Ebyandiiko byoolerefu biboola biti, “Haba siyaholaho esyonoono syoosi, haandi abulao obubacha bwatulaho muhanwa mwae.”