Esy'Abaleefi 2:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Omuundu yeesi naleeteraanga Omwaami esiyaanwa sy'emere, ahoyere ohusisyechaanga syehola obusye. Haandi ahoyere ohumeedaangaho amafuta k'emiseituuni alala neende obubbaani

EBBAIBBO EMBOOSI YA NASAAE

¹ Omuundu yeesi naleeteraanga Omwaami esiyaanwa sy'emere, ahoyere ohusisyechaanga syehola obusye. Haandi ahoyere ohumeedaangaho amafuta k'emiseituuni alala neende obubbaani

Esy'Abaleefi 2:1 Iomraidhean Croise

Ohutula 29:2

Wehoonyere obusye bw'engaano buhiramo obulai, obutaalimo amamera, mani obuholemo emigaati niwehoonyera amafuta k'enaasi, neende ekiindi kibe sa emihaya nikibulamo amafuta ako, nae ekiindi kifwaanane neende bbisikuuti bibahirweho sa amafuta.

Yisaaya 43:23

Haba simundeeteraanga amakoondi keeng'we koti ebiyaanwa bisaambwa, kata sa mwaanjisamo oluyaali neende ebiyaanwa byeeng'we.” Ese haba simbasabaanga neende amaani ohunyaanira ebiyaanwa byeeng'we daawe, haandi siimbajoong'iaanga nimbasabirisa obubbaani.

Yisaaya 66:20

Mani bahaleete abebulanwa beeng'we boosi ohutula mu byaalo, koti esiyaanwa eyiri Omwaami, hu Lugulu lwao Lwoolerefu Yerusalemu. Bahabaleetere hu faraasi neende mu bigaari neende hu suhiri njere neende hu solo chiiruha muno. Ao Abaisiraeli bahaleete eyiri Omwaami ebiyaanwa byaabwe by'emwo mu bikiingiro byoolerefu.

Esekeeli 46:20

Omusaacha oyo yamboolera ati: “Ano niwo abuundu yi balaamisi banaadeehereenge enyama y'esiyaanwa siyaanirwe hulw'ebyonoono, haandi niwo yi banoobbereenge ebiyaanwa by'obusye, ataali ohubitusa mu lwaanyi lw'erwaanyi, mani byaleetera abaandu omusaango.”

Yoeli 1:9

Abalaamisi, mulire, eng'we abahalaabanira Omwaami. Olwohuba ebiyaanwa by'emere neende eby'ohung'wa haba sibisisiiri mu nyuumba y'Omwaami.

Yoeli 2:14

Wiina omanyire Omwaami n'atakaluuhaanie ebibaaso byae mani yeyolobya, mani yaleha n'ababereese ehabi, mani nimuba neende ekesa liingi, nimuyaanira Omwaami Nasaae weeng'we ebiyaanwa by'emere neende ebyohung'wa.

Esy'Abaleefi 14:10

Hu ludaalo lwa hataanu-na-hadatu, omuundu oyo ahoyere ohuchia mani yaleeta amakoondi kabiri amayere amasaacha, haandi neende lala doto haandi ehasi ak'omwaaka mulala-mulala, haandi akataaliho obufwoolwa bwoosi, neende ekiloguraamu chidatu ech'obusye busaasirwe neende amafuta k'emiseituuni, haandi neende silala syohudatu esy'elita y'amafuta k'emiseituuni.

Esy'Abaleefi 24:7

Techeenge obubbaani buhaya hu buli lunyiriri, koti esilolero sy'esiyaanwa sy'ebyohulya eyiri Omwaami, ohubukula abuundu w'emigaati.

Esy'Abaleefi 5:11

Nae omusaacha yeesi naahaywa ohunyoola amaguugu kabiri oba amabburuuku kabiri ako, aba achia ohuhoyera ohuleeta ekiloguraamu ndala ey'obusye, ohuba koti esiyaanwa sy'esyonoono esyo. Bulaanu haba saaba naachia ohudahibwa ohumeedaho kata amafuta k'emiseituuni, oba kata sa obubbaani, olwohuba sino siba esiyaanwa sy'esyonoono esyo, esitaali esiyaanwa sy'emere.

Esy'Abaleefi 6:7

Mani omulaamisi oyo aba achia ohuyaana esiyaana esyo esy'esyonoono sy'omuundu oyo, mani anyale ohuleherwamo.

Esy'Abaleefi 9:17

Yayaanayo esiyaanwa sy'emere, mani yaabukula obusye oluyu lulala, mani yasaambira hu alutaari. (Sino syali nisimeeda hu siyaanwa sya buli ludaalo esisaambwa syaawa.)

Esy'Abaleefi 9:4

haandi neende esurusi ndala, haandi neende ekoondi emiiku lala, ebiba ebiyaanwa by'ohukobola alala ohulai. Bahoyere ohubiyaana eyiri Omwaami alala neende ebiyaanwa eby'emere, eyisaasirwe neende amafuta. Bahoyere ohuhola batyo olwohuba Omwaami achia ohubabonehera enyaanga yino.”

Malaki 1:11

Olwohuba ohutula ebukwe ohwoola emuumbo, abaandu boosi baanjisamo oluyaali. Haandi buli abuundu, banioohesa obubbaani haandi bayaana ebiyaanwa byoolerefu. Boosi baanjisamo oluyaali.”

Ohubala 18:9

Hu biyaanwa bihiramo obulafu, ebitasaambirwa hu alutaari, ebiloondaho bino byoosi byao: ebiyaanwa by'emere, ebiyaanwa by'esyonoono, neende ebiyaanwa by'ohutuunga amakobi. Buli siindu esiba nisindeteerwe koti esiyaanwa silafu siba siri esyao neende abaana bao.

Ohubala 28:5

buli litula alala neende esiyaanwa sy'emere esy'ekiloguraamu ndala ey'obusye, osasaanie neende elita ndala y'amafuta k'enaasi kahiramo obulai.

Ohubala 29:18

Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere.

Ohubala 7:13

nae esiyaanwa syae syali, olusaani lulala olw'efeesa olw'obusito bwoola sekeli emia ndala neende amahumi kadatu (130), ebbeseeni y'efeesa ey'obusito bwoola sekeli amahumi kataanu-na-kabiri, ohweema hu sekeli chali mu sanduuku ly'emigaati ky'Omwaami, kyoombi kino kyali nikiichuule obusye bunyuhe bweene obusasaaniiswe neende amafuta ohuba esiyaanwa sy'emere;

Ohubala 7:19

yoobba koti esiyaanwa syae, olusaani lulala olw'efeesa, olw'obusito bwoola sekeli emia ndala neende amahumi kadatu (130), ebbeseeni ndala ey'efeesa ey'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

Ohubala 8:8

Bulaanu baba bachia ohubukula eng'oombe surusi njere alala neende esiyaanwa sihoyera ohuba esy'emere, esy'obusye obasasaaniiswe neende amafuta k'enaasi; mani ewe niiwe oba n'ohoyeere ohubukuliraho esurusi yiindi ey'esiyaanwa sy'esyonoono.

Yowaana 6:35

Yesu yababoolera ati, “Ese ndi omugaati kwobulamu. Oyo owiicha yi ndi haba saachia hulumwa enjala, haandi oyo owufukiiriramo siyahalumwe obuluwo daawe.

1 Yowaana 2:20

Nae eng'we Kristo yamala ohubachuhaho Mwooyo Mwoolerefu, mani eng'we mweesi mumanyire obwadyeeri.

1 Yowaana 2:27

Nae ebidiira hweeng'we, Kristo yamala ohubachuhaho Mwooyo wae. Nae Mwooyo wae naali mweeng'we, ao haandi simuba nimusidaha omuundu yeesi abeekese. Olwohuba Mwooyo mweene oyo, aba abeekesa ebidiira hu buli siindu syoosi. Haandi buli siindu si yekesa siba esyadyeeri ataali obubacha. Bulaanu mudoong'e mu bulala neende Kristo.

Yuda 1:20

Nae eng'we, basyaange baheerwa, mwemeede ohuhula mu fukiirira yeeng'we yihiramo obwoolerefu. Haandi mulaamire mu maani ka Mwooyo Mwoolerefu,

Ohubwiihulirwa 8:3

Malaika wuundi, owali ali neende esisaambiro sy'obubbaani esy'esaabbu, yeecha mani yeema hu alutaari. Malaika oyo yeecha yabeeresebwa obubbaani obubitiirifu ohumeeda hu masaayo k'abaandu ba Nasaae boosi, haandi neende ohubutaayo hu alutaari y'esaabbu eyeemeswa mu moni w'esisaala sy'obutuki.