Esy'Abaleefi 19:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ “Nimwiitaanga esisolo syoosi, koti esiyaanwa sy'ohukobola alala, loondakaneenge neende amalako ka ndababeresa, mani ao mba njia ohusimaanga esiyaanwa syeeng'we esyo.

EBBAIBBO EMBOOSI YA NASAAE

⁵ “Nimwiitaanga esisolo syoosi, koti esiyaanwa sy'ohukobola alala, loondakaneenge neende amalako ka ndababeresa, mani ao mba njia ohusimaanga esiyaanwa syeeng'we esyo.

Esy'Abaleefi 19:5 Iomraidhean Croise

2 Ebyomubiha 31:2

Omutuki Hesekia yakobosao endekeha y'Abalaamisi neende Abaleefi, mu buli otula yalichiingi neende omulimo kwae ku yedeeka. Kino mirimo kyali koti ohuyanaangayo ebiyaanwa bisaambe, haandi neende ebiyaanwa by'ohuholegana, ohuchiraanga alala mu hwiinamiraanga Nasaae hw'Omunyuumba ya Nasaae omwo, haandi neende ohupakiraanga neende ohwebasiraanga mu bituundu bikabuhaane ebyomu Nyuumba ya Nasaae eyo.

Ohutula 24:5

Bulaanu Musa yatuma abasyaani baraaga, bachia basaambira Omwaami ebiyaanwa, mani bayaana ebyaayo ebya ebiyaanwa by'ohusaangirana.

Esekeeli 46:12

“Omutuki n'ayaanayo esiyaanwa si mweene atekeehe ohuyaana eyiri Omwaami, esiyaanwa sisaambwa nisiri esilaamba, oba esiyaanwa sy'ohusaasania, banaamwikulireengeo esiruwa syomu lwaanyi lwomuukati esyatingaala ebukwe. Anaatekeheenge esiyaanwa sisaambwa nisiri esilaamba oba esiyaanwa syae sy'ohukobola alala koti lw'aholaanga hu ludaalo lwa Sabbaato. Ebyo nibiweere, anaatuleenge erwaanyi, mani beekalao esiruwa sy'erwaanyi n'amalire ohutula.”

Esekeeli 46:2

Omutuki aneengiriraanga mu siseenge syoobitamo hu wiingire mu lwaanyi lw'erwaanyi, yeema aambi neende emiwaango ky'esiruwa. Abalaamisi bahoyere ohuyaanayo esiyaanwa sisaambwa nisiri esilaamba, neende esiyaanwa sy'ohusaasania. Omutuki aneenamireenge ao hu siruwa mani amala atula erwaanyi. Nae esiruwa sihoyeere ohudoong'aanga nisikuuhe ohwoola engoloobe.

Esy'Abaleefi 1:3

“Naaba niyoobba eng'oombe yae ohuba esiyaanwa sy'ohusaambwa, ahoyere ohuleetaanga esurusi yitaaliho obufwoolwa bwoosi. Ahoyere ohuyileetaanga hu mulyaango kw'Eyeema ly'Ohubaao hw'Omwaami, hu Omwaami anyale ohumusiima.

Esy'Abaleefi 19:4

“Mutanjwaang'aanga mani muchia mwenamiraanga ebiloongaloongwe daawe; muteeholeraangaho banasaae b'ebichuma mani mumala mubeenamiraanga daawe. Ese niise Omwaami, Nasaae weeng'we.”

Esy'Abaleefi 19:6

Enyama yasyo yihoyeere ohulibwaanga hu ludaalo lweene lu sisolo esyo siba nisiitiirweho, oba neende hu ludaalo luloondaho. Nae enyama yoosi eyiba niyidoong'ereho ohwoola oludaalo lwohudatu, yiba yihoyere ohusaambwa yaawa,

Esy'Abaleefi 22:19

Hu sinyale ohufukiirirwa, siba sihoyere ohuba nisiri esisaacha esitaaliho obufwoolwa bwoosi.

Esy'Abaleefi 22:21

Omuundu yeesi n'aleeta esiyaanwa sy'ohukobola alala eyiri Omwaami, oba niyooseresa esyeyamo syoosi, oba koti esiyaanwa syebihaya sa, esisolo sihoyere ohuba nisitaaliho obufwoolwa bwoosi hu sinyale ohufukiirirwa.

Esy'Abaleefi 22:23

Koti esiyaanwa syebihaya, onyala wayaana esisolo syadoondobana ohuhula, oba esyahula bubi, nae haba sisifukiirirwa mu hwooseresa esyeyamo daawe.

Esy'Abaleefi 22:29

Nooba n'oyaana esiyaanwa sy'ohweebasa eyiri Omwaami, loondakanaanga neende amalako koti lu kaboola hwoonyale ohufukiirirwaanga;

Esy'Abaleefi 7:16

Nae omuundu yeesi n'aleeta esiyaanwa sy'ohukobola alala n'adaha ohwooseresa esyeyamo syoosi oba nisiba nisiri esyae omweene, koti esiyaanwa sy'ohweyaanayo hwae, haba sisiyikwa mbwe sihoyere ohuliibwa syoosi syaawa hu ludaalo lweene lwasiyaanirayo daawe, nae nisibaao esyo syoosi esidoong'aho, siba sihoyera ohuliibwa hu ludaalo luloondaho.

Esy'Abaleefi 7:18

Nae naabaao eyo yoosi eyiliibwa niyimalire endaalo chidatu, Nasaae aba haba saachia ohusiima esiyaanwa esyo. Esiyaanwa esyo haba sisiba nisichia ohufukiirirwa ohubalirwa hu muundu oyo daawe, nae siba sichia ohuyirwa koti esy'omusiro, mani buli muundu yeesi oba n'achia ohuyirya aba achia ohukiinga esibwaabo sichiiraho.