Esy'Abaleefi 19:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Buli mulala hweeng'we ahoyere ohwisaanga oluyaali mu ng'ina neende laatang'ene, haandi ahuseenge Sabbaato, koti lu ndagiire. Ese niise Omwaami Nasaae weeng'we.

EBBAIBBO EMBOOSI YA NASAAE

³ Buli mulala hweeng'we ahoyere ohwisaanga oluyaali mu ng'ina neende laatang'ene, haandi ahuseenge Sabbaato, koti lu ndagiire. Ese niise Omwaami Nasaae weeng'we.

Esy'Abaleefi 19:3 Iomraidhean Croise

Ohuchaaka 48:12

Mani Yosefu naabatusa hu makulu ka Yakobbo, omweene n'aguunama nageeng'a omutwe hu loba.

Nehemia 9:14

Ewe wabeekesa ohuhusaanga Sabbaato yao njoolerefu, haandi ohubitira mu Musa omuhalaabani wao, wanyala ohubaberesa amalako kao.

Ohutula 16:29

Yichulisaho oti ese Omwaami, omweene ndababeresa oludaalo lw'ohuwuluuha, mani sakira hu ludaalo lwohusaasaba njia ohubaberesaanga ebyohulya ebimala endaalo chibiri. Buli muundu ahoyere ohudoong'a naali yaali hu ludaalo lwa chitaanu-na-chibiri n'atatula mu daala lyae.”

Ohutula 20:12

“Yisaanga oluyaali mu lataao neende maakoo, hu onyale ohumala endaalo nyiingi mu syaalo sii huberesa.

Ohutula 20:8

Liindaanga Sabbaato mani oyihola yiba enjoolerefu.

Ohutula 21:15

“Oyo yeesi ohuya laatang'ene, oba ng'ina aba ahoyere ohwiitwa sa.

Ohutula 21:17

“Oyo yeesi obwaaba laatang'ene oba ng'ina ahoyere ohuwiitwa-bwiitwa.

Engaado 1:8

Mwaana waange, wuliraanga amakerako ka lataao, haandi otayinganaanga neende bi maakoo ahweekesa;

Engaado 23:22

Wuliraanga laatao owahwibula, haandi otalekeeresaanga maakoo kata yahaba naali omukofu.

Engaado 30:11

Baliwo ababwaaba balaata yaabwe haandi baahaya ohuberesa bang'inaabwe oluyaali.

Engaado 30:17

Emoni ch'omuundu abisa emoni mu simwana neende ech'oyo olekeeresa ng'ina hoyerwa ohuchomolwaho mani engosya chaachirya.

Yisaaya 58:13

Omwaami aboola ati: “Munaliindeenge Sabbaato, mani mwahaya ohuholeraangaho ebiindu byeeng'we bi mudaha hu ludaalo lwaange lwoolerefu olwo, mani mwalaanga Sabbaato oludaalo hulw'esangaalo haandi oludaalo lw'Omwaami, olw'oluyaali; mulwiisamo oluyaali, mani mwahaya ohukoonyaanga esangaalo lyeeng'we sa, mwaahaya ohululomalomeraho emboosi ch'ohukachula sa;

Esekeeli 20:12

Haandi ndabateerao ohumanya Sabbaato yaange, yibe ahalolero akatikaati waange nabo, banyale ohumanya bati, Niise Omwaami obahola ohuba aboolerefu.

Esy'Abaleefi 11:44

Ese niise Omwaami, Nasaae weeng'we, mani eng'we muhoyere ohweliindaanga nimuli aboolerefu, olwohuba ese syesi ndi omwoolerefu.

Esy'Abaleefi 19:25

Nae mu mwaaka kwa hataanu, ao muba munalya ebyaamo ebyo. Nimuhola bino byoosi, emisaala kyeeng'we kyoosi kiba kichia ohwaamaho ebyaamo bihiraho ao. Ese niise Omwaami, Nasaae weeng'we.

Esy'Abaleefi 19:30

Liindeenge Sabbato, haandi yiseenge oluyaali mu bituundu bi baanyinamiraangamo.” Ese niise Omwaami.

Esy'Abaleefi 19:31

“Mutachichaanga ohweteeba hu baandu beteeba hu myooyo ky'abaandu bafwa daawe. Nimuhola mutyo, muba muchia ohuba ab'omusiro eyiri abaandu ohweema koti emiduunga lu kiri. Ese niise Omwaami, Nasaae weeng'we.”

Esy'Abaleefi 19:34

Mubabukuleenge koti lu mwahabukuule Omuisiraeli waasyeeng'we, haandi mubaheereenge koti lu mweheera abeene. Mwiichuliseenge muti eng'we mwesi mwaliho oluundi abateende mu syaalo sy'e Misiri. Ese niise Omwaami, Nasaae weeng'we.

Esy'Abaleefi 23:3

Muli neende endaalo chisaasaba chi muhoyere ohuholeraangamo emirimo kyeeng'we, nae yichuliseenge muti, oludaalo lwa hataanu-na-habiri (7), olwa Sabbaato, nilwo oludaalo lw'ohuwuuluuha. Hu ludaalo olwo mutaholeraangaho emirimo kyoosi, nae mwehung'aanienge alala ohwiinamiraanga Nasaae. Sabbaato y'Omwaami niyo, abuundu woosi yooba niwamenya.

Esy'Abaleefi 26:2

Holeenge ebidyaalo by'esinadiini, haandi mwiseenge oluyaali abuundu yi mba ninyinamirwaangamo. Ese niise Omwaami.

Malaki 1:6

Omwaami w'Obunyala aboleere eng'we abalaamisi, ati, “Omwaami yeesa oluyaali mu laatang'ene, haandi omuhalaabani yeesa oluyaali mu mwaami wae.” Mani ni ndi laata yeeng'we, oluyaali lwaange luli yeena? Haandi ni ndi Omwaami weeng'we, oluyaali lwaange luli yeena? Mulekeresa, nae muteeba muti, “Hulekeeresa eliita lyao hutye?”

Amalako Kohubiri 27:16

“Buli muundu oteesa oluyaali mu laatang'ene oba ng'ina, ahoyere ohubwaabwa. Mani abaandu boosi bakobolemo bati, Amiina.”

Amalako Kohubiri 5:16

“ ‘Yiseenge oluyaali mu balaata yeeng'we neende mu bang'ineeng'we, koti lu Omwaami Nasaae weeng'we yabalagira; hu munyale ohuyiindira, haandi hu biindu binyale ohubachiira bulai mu syaalo si Omwaami Nasaae weeng'we ali ohubaberesa.

Abaibburania 12:9

Haandi buli muundu hweefwe, ali neende laatang'ene omukolola, haandi hu beesamo oluyaali. Mani bulaanu efwe sihuhoyere ohuba abaloonga muno eyiri seefwe w'omwooyo mani hwanyoola obulamu?