Esy'Abaleefi 18:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Eng'we mutaloondakanaanga neende ebiholwa by'abaandu ba Misiri, ba mwali nimwamenyayo hale, oba ebiholwa by'abaandu bali mu syaalo sya Kanani daawe, abo ba ndi ohubayiramo bulaanu.

EBBAIBBO EMBOOSI YA NASAAE

³ Eng'we mutaloondakanaanga neende ebiholwa by'abaandu ba Misiri, ba mwali nimwamenyayo hale, oba ebiholwa by'abaandu bali mu syaalo sya Kanani daawe, abo ba ndi ohubayiramo bulaanu.

Esy'Abaleefi 18:3 Iomraidhean Croise

2 Abatuki 17:8

haandi nibakeenderaanga mu miduunga ky'abaandu baandi. Omwaami yatusamo abaandu baandi abo, Abaisiraeli nibali aambi ohwoola, nibaloonda emiduunga ki batuki ba Yisiraeli bataao.

Esabbuli 106:35

Nae besaasaania nabo mani nibeeka ebiima byaabwe.

Ohutula 23:24

Mutasigamiraanga banasaae baabwe oba ohubeenamiraanga, haandi mutaloondaanga ebiima by'ediini chaabwe. Sihiriseenge banasaae baabwe mani mumala mulikula mukwiisa esiiro ndafu chaabwe ch'amakina.

Esekeeli 23:8

Haba siyalehana neende obucheke bwae buyachaaka n'asisiiri Misiri, yi yakonaanga neende abasaacha n'asisiiri omuyere, n'afwiirwa obwoolerefu bwae, mani abasaacha nibamumaliraho obwekoombi bwaabwe.

Esy'Abaleefi 20:23

Mutaanulaanga emiduunga ky'abaandu bamenyamo daawe; Ese ndi ohwiirusamo abakafiiri abo, hu eng'we munyale ohwiingira mu syaalo esyo. Baasinyisa muno neende ebiima byaabwe bibi.

Abarooma 12:2

Ebiima byeeng'we muleheenge ohubifwaanania neende eby'abaandu bohu syaalo, ohutusaho mukaluuhane munyoole ebibaaso biyaaha. Ao muchia ohunyala ohumanya ebyo bi Nasaae adaha ebilai, ebimusangaasa haandi ebyoolerefu by'elalira.

Amalako Kohubiri 12:4

Muteenamiraanga Omwaami Nasaae weeng'we koti lu baandu bomu syaalo esyo beenamiraanga banasaae baabwe.

Amalako Kohubiri 29:17

Haandi mwabona ebiindu by'omukwoobo bi bali nabyo, ebiloongaloongwe byaabwe byabaachwa mu misaala neende mu makina, mu feesa neende mu saabbu.

Amalako Kohubiri 9:4

“Mutaboolaanga mu myooyo kyeeng'we, Omwaami Nasaae weeng'we niyahabe naamalire ohutusa abaandu abo bomu syaalo esyo muti, ‘Obuluungifu bweefwe nibwo obukerere Omwaami yaatuleeta mani hwaatuka esyaalo sino.’ Ohutusaho obubi bw'ebyaalo bino nibwo obunaba nibukerere Omwaami yaatusamo abaandu abo eng'we nimuteengiramo.