Esy'Abaleefi 13:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ Nae esifwiimba esyo, nisiba esyeene nisiri esya rachaari, nae haba sisibonehana koti esinyala ohuba nisiyabire mukati muno ohuhiraho esihoba siba nisisyebodoohaanie, nae efwiiri nalyo haba sirikaluuhaane lyosi lyafwaana rachaari daawe, omulaamisi wuno aba achia ohukabulaanga omuundu mulwaae wuno mani amukabulaanga endulo yeeng'ene ohwoola endaalo chitaanu-na-chibiri lu chiweera.

EBBAIBBO EMBOOSI YA NASAAE

⁴ Nae esifwiimba esyo, nisiba esyeene nisiri esya rachaari, nae haba sisibonehana koti esinyala ohuba nisiyabire mukati muno ohuhiraho esihoba siba nisisyebodoohaanie, nae efwiiri nalyo haba sirikaluuhaane lyosi lyafwaana rachaari daawe, omulaamisi wuno aba achia ohukabulaanga omuundu mulwaae wuno mani amukabulaanga endulo yeeng'ene ohwoola endaalo chitaanu-na-chibiri lu chiweera.

Esy'Abaleefi 13:4 Iomraidhean Croise

Esekeeli 44:10

Omwaami yamboolera ati, “Abaleefi abandebwaabira elalira, alala neende Abaisiraeli basyaabwe baandi abandebwaaba mani nibeenamira ebiloongaloongwe, njia ohubasaandya hulw'ebyonoono byaabwe.

Esy'Abaleefi 13:11

buno buba nibuli obulwaae bw'ebigeenge obwahaya ohweelera. Bulaanu omulaamisi aba achia sa ohumulaangiriraanga ohuba naali ow'omusiro ohweema hu miduunga koti lu kiri; Aba abulao obuhoonyi bwoosi ohumukabula mberi endulo, olwohuba aba abonehana sa alafu ohuba naali ow'omusiro eyiri abaandu ohweema hu miduunga koti lu kiri.

Esy'Abaleefi 13:25

omulaamisi aba achia ohuhoyera ohumweehaliirisaanga bulai. Mani obwooya buba nibuli mu ngaha eyo, nibuba nibwamala ohukaluuhana bwafwaana rachaari, nihaandi yibonehana mbwe yanyala ohweyaba yaachia mukati w'enyama ohuhiraho esihoba siba nisyebodoohaanie ebuubuuto elyo, mani buno buba nibuli obulwaae bw'ebigeenge obuba nibwachaakira mu busaambe obwo, mani omulaamisi aba ahoyere ohulaangiriraanga omuundu oyo ohuba naali ow'omusiro eyir abaandu ohweema hu miduunga kiba nikiri.

Esy'Abaleefi 13:26

Nae efwiiri liba ni lyameraho niliba nilitanyala ohukaluuhana lyafwaana rachaari, nihaandi haba si lyeeyaba muno lyeengira mu nyama ohuhiraho esihoba siba nisyebodoohania ebuubuuto elyo, nihaandi haba sinjahanyu muno, mani omulaamisi aba ahoyere ohumukabulaho endulo hu mbaka y'endaalo chitaanu-na-chibiri enaamba.

Esy'Abaleefi 13:3

Mani omulaamisi oyo yeehaliirisaanga bulai obufwiimbe obwo, mani niyabona ati obwooya buba nibusiriho, bwakaluuhana bwafwaana rachaari, nihaandi obufwiimbe obwo bubonehana bwosi buti butulira mukati muno ohuhiraho esihoba siba nisisyebodoohaanieo, mani obwo buba buli obulwaae bw'ebigeenge, mani omulaamisi oyo aba achia ohulaangiriraanga ati omuundu oyo ali ow'omusiro eyiri abaandu ohweema hu miduunga koti kiri.

Esy'Abaleefi 13:31

Nikali mbwe, omulaamisi anyala ohumwehaliirisa, mani esifwiimba esyo syaabonehana koti esitanyala ohwiingira mukati mu enyama muno ohuhiraho esihoba siba nisiri aambi ao, nae haandi kata katyo, abonehana koti efwiiri lyameraho haba silamu daawe, omulaamisi wuno aba ahoyere sa ohukabula omuundu wuno yadoong'a yeeng'ene hulw'embaka y'endaalo chitaanu-na-chibiri.

Esy'Abaleefi 13:5

Haandi omulaamisi wuno aba achia ohukobolaangamo ohwehaliirisaanga omuundu wuno ehabi liindi, hu ludaalo lwa hataanu-na-habiri lweene olwo, mani niyechuhana yaabona ati esifwiimba esyo sisiwereereho, haandi sisihoongoeho, nihaandi haba sisinyalire ohusalanaho daawe, aba bulaanu ahoyere ohukabulwaangaho haandi yeeng'ene hu mbaka y'endaalo chiindi chitaanu-na-chibiri.

Esy'Abaleefi 13:50

Mani omulaamisi oyo aba achia ohusyehaliirisa, mani amale abiihe esiseke esyo eyale neende abaandu hu mbaka y'endaalo chitaanu-na-chibiri.

Esy'Abaleefi 14:38

aba ahoyere ohutula mu nyuumba eyo, mani yaayikalao ohumala endaalo chitaanu-na-chibiri.

Ohubala 12:14

Omwaami yakobolamo ati, “Simwaana aba niyamufuucha mu bweeni bwae, aba yahadoong'ere mu soni echio endaalo chitaanu-na-chibiri. Mani leha mberi yeekalirweho erwaanyi w'ekaambi ohumala ejuma ndala hooho, hu mani luunyuma hu anyale ohwiingiswa haandi mukati.”

Ohubala 12:15

Mani Miriamu yeecha yeekalirwa erwaanyi w'ekaambi endaalo chitaanu-na-chibiri enaamba, abaandu boosi baahaya ohukeenda ohwoola lu bamukobosa mu kaambi.

1 Abakoriito 4:5

Sakira mutateemaho ohwetuliirisa ohuheengera omuundu omusaango esiha nisisisiiri ohwoola, Omwaami natoola ohwiicha, oyo ochia ohuleeta mu bulafu ebiindu byakiswa mu siirima, haandi ochia ohutuumbula ebibaaso biri mu myooyo ky'abaandu byoosi. Ao niwo yi buli muundu yeesi achia ohunyoolera si ahoyera ohunyoola ohutula eyiri Nasaae.

Amalako Kohubiri 13:14

muba muchia ohwehaliirisa mani mukoonyerese haandi muteeberese neende ohwegeenderesa muno, nae bone, nisiri esyadyeeri haandi syamanyihana siti esiindu sy'omusiro nisyo esibaholehanemo,

1 Timoteo 5:24

Ebyonoono by'abaandu baandi bibonehanira abweene, bichoomesera elalira hu huheengerwa emisaango, nae ebyonoono by'abaandu baandi bibonehana luunyuma.