Esy'Abaleefi 1:9 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁹ Omuundu oyo ahoyere ohwoosa bulai ebituundu biba mukati byoosi, alala neende ebireenge by'adaho byoosi, mani omulaamisi oba n'ahoyere ohuba hu mulimo esiha esyo, niye oba naachia ohusaamba esiyaanwa esyo syoosi siweere hu alutaari. Mani esaami y'esiriiro siyaanwa sino yiba yichia ohuba eyisangaasa Omwaami.

EBBAIBBO EMBOOSI YA NASAAE

⁹ Omuundu oyo ahoyere ohwoosa bulai ebituundu biba mukati byoosi, alala neende ebireenge by'adaho byoosi, mani omulaamisi oba n'ahoyere ohuba hu mulimo esiha esyo, niye oba naachia ohusaamba esiyaanwa esyo syoosi siweere hu alutaari. Mani esaami y'esiriiro siyaanwa sino yiba yichia ohuba eyisangaasa Omwaami.

Esy'Abaleefi 1:9 Iomraidhean Croise

Ohuchaaka 8:21

Nae Omwaami niyawulira esaami yiwunya bilai eyo, yasangaala mani yaboola mu mwooyo kwae ati, “Haandi haba sindahabwaabe esyaalo ehabi liindi daawe ohweema hu biholwa by'omuundu; olwohuba ebibaaso biri mu mwooyo kw'omuundu haba si bilai ohutulira elalira mu huloongwa hwae; haandi siinjia ohusihirisa buli siloonge silamu koti luu holere endi.

1 Ebyomubiha 6:34

Elikana, Elikana mwaana wa Yerohaamu, Yerohaamu omwaana wa Elieli, Elieli mwaana wa Toa, Toa omwaana wa

2 Ebyomubiha 4:6

Haandi bahola ebbeseeni ehumi, chitaanu chateebwa emwaalo w'Enyuumba ya Nasaae, nae chitaanu chateebwa emukulu. Ebbeseeni chino chali ech'ohwehoonyerwa ohwoosaanga ebituundu by'ebisolo byasaambwaanga koti ebiyaanwa bisaambwe byoosi. Amaachi kalichiingi mu pipa ehoongo, kali ak'ohwehoonyeerwaanga neende abalaamisi ohweeyosa.

Esabbuli 51:6

Bona, ewe wekoomba obwadyeeri bube mu mwooyo kw'omuundu; mani sakira, njekese amakesi, kabecheenge mu mwooyo kwaange bweene.

Esabbuli 66:15

Ese njia ohuhuyaanira ebiyaanwa by'ohusaambwa eby'ebisolo byaange bikinu, alala neende esaami y'ebiyaanwa by'amakoondi mamiiku; njia ohuyaana ebiyaanwa by'esurusi neende embusi.

Ohutula 12:9

Mutalyaaho enyama yoosi eyiri embisi oba eyiri endeehe daawe, nae mulye niyiri esaambe, kata neende omutwe, ebireenge, alala neende amala keene.

Ohutula 29:18

Saamba emiiku elyo lyoosi hu alutaari koti esiyaanwa sy'ebyaahulya. Esaami y'esiyaanwa sino yindyooyeranga muno.

Ohutula 29:25

Haandi mala otyo mani obatuseho ebyohulya ebyo, mani omale obisaambire hu alutaari, n'obikereehe hu biyaanwa bisaambwa sa, hu bibe koti esiyaanwa sy'ebyahulia yiindi. Esaami y'esiyaanwa sino yindyooyeranga muno.

Yeremia 4:14

Ewe Yerusalemu, yosa omwooyo kwao, kuweemo ebyonoono, mani owone. Wahaake yeena ohubaasa ebibaaso bibi?

Esekeeli 20:28

Olwohuba ndabaleeta mu syaalo si ndeechuba ohubaberesa, nae buli yibabonaanga esigulu sileeyi oba omusaala kuliho amasaafu maangi, eyo niyo yibayaaniraanga ebiyaanwa byaabwe, biinyoolesa. Eyo yosi niyo yibayaaniraanga ebiyaanwa byaabwe biwunya esing'aari, neende ebiyaanwa by'ohung'wa bibachuhaangayo.

Esekeeli 20:41

Nae nindahamale ohubabuusa alala, mani ndabatusa mu byaalo bi mwasalaaniramo, nilwo lu ndahafukiiririre ebiyaanwa byeeng'we bisaambwa ebiwunya esing'aari. Haandi mwaheekese ebyaalo biindi koti lu ndi ow'oluyaali.

Esekeeli 40:38

Mu lwaanyi lw'erwaanyi, waliwo enyuumba yadiirana neende esiruwa syomuukati, hu lwaande lw'emukulu. Olwiiki lwao lwali nilweeyikuliire hu lwaande lw'esiseenge syotulaho hu wiingire mu lwaanyi. Mu nyuumba eyo, nimwo mu booseraangamo ebiyaanwayo by'ebisolo bisaambwa nibiri ebilaamba.

Esy'Abaleefi 1:13

Omuundu oyo haandi ahoyere ohwoosa bulai ebituundu biri mukati byoosi, haandi neende ebinama by'adaho, hu bulaanu omulaamisi oyo ayire esiyaanwa esyomu moni w'Omwaami, mani asisaambire syoosi hu alutaari. Esaami eyo, ey'esiyaanwa sy'esyohulya sino hu yiba yichia ohuba eyisangaasa Omwaami.

Esy'Abaleefi 1:17

Ahoyere ohudiiraanga embaya chalyo, mani yaabulaniamo eyoni elyo amahabi kabiri, naatahalaakeho embaya echio mani amale alisaambire lyoosi hu alutaari. Esaami y'esiyaanwa esyohulya yino yisangaasa Omwaami.”

Esy'Abaleefi 2:16

Omulaamisi aba bulaanu achia ohusaambaanga esituundu sy'obusye esyo alala neende amafuta ebiba nibichia ohuhiihiriraanga ebidoong'ereo, haandi kata neende obubbaani bwoosi, bino biba bichia ohubechaanga esiyaanwa sy'esyohulya eyiri Omwaami.

Esy'Abaleefi 2:2

hu yaabileeta eyiri abalaamisi b'Arooni. Bulaanu omulaamisi oba niye oli hu mulimo, niye oba naachia ohubukulaanga oluyu lw'obusye obwo, alala neende amafuta, obubbaani bwoosi, mani asaambira hu alutaari koti esituundu sihihirira obusye obwo bwoosi obuba ni buyaanirwe eyiri Omwaami. Mani esaami y'esiyaanwa y'esy'ohulya sino yiba yichia ohubechaanga eyisangaasa muno eyiri Omwaami.

Esy'Abaleefi 2:9

Omulaamisi achia ohubukulaho ekiindi, kibe ekihiihirira ekidoong'ereyo koti kyoosi ekiyaanirweyo eyiri omwaami, mani achia ohumala atyo mani akisaambire hu alutaari eyo. Mani esaami y'esiyaanwa sino esy'esyohulya yiba yichia ohuba eyisangaasa Omwaami.

Esy'Abaleefi 3:11

Mani omulaamisi oli ohuhulira omulimo okwo, niye oba ahoyera ohuchichaanga mani asaambira ebituundu bino byoosi hu alutaari, koti esiyaanwa sy'esyohulya eyiri Omwaami.

Esy'Abaleefi 3:5

Abalaamisi bahoyere ohuchichaanga baasaambira bino byoosi hu alutaari, alala neende ebiyaanwa bisaambe. Olwohuba esaami y'esiyaanwa sino esy'ebyohulya, yisangaasa Omwaami.

Esy'Abaleefi 4:31

Bulaanu aba achia ohutusaangamo amasinya koosi, koti sa lu masinya katuswaanga mu bisolo biitwa koti ebiyaanwa by'ohukobola alala, mani haandi ahoyere ohubechaanga naali niye ochia yaabisaambiraanga hu alutaari, hu bulaanu esaami yino yinyala ohusangaasaanga Omwaami. Mani mu ngira yino yiti, nimwo mu mulaamisi aba achia ohuba nayaanire esiyaanwa sy'esyonoono sy'omusaacha oyo, oba achia ohuleherwaangamo.

Esy'Abaleefi 6:14

Kano kati niko amalako kadiira hu biyaanwa by'emere. Omulaamisi w'oluya lw'Arooni niye ohoyere ohuchichaanga ayira esiyaanwa sy'emere eyiri Omwaami, mu moni w'alutaari.

Esy'Abaleefi 8:21

Nae eby'enda byoosi alala neende ebireenge byeene nibyamala ohwooswa bulai bweene neende amaachi, Musa yabibukula byoosi mani n'abiyira n'asaambira ekoondi miiku elyo lyoosi hu alutaari, koti esiyaanwa esisaambwa syaawa, esiri neende esaami yisangaasa, haandi esiyaanwa syehoonyera omuliro ohwoola eyiri Omwaami, koti sa lu Omwaami yali niyalagira Musa.

Esy'Abaleefi 8:28

Haandi Musa yabukula ebyohulya ebyo mani yaabatusaho, yaabisaambira hu alutaari, nibyeekereehe hu siyaanwa sisaambwa syaawa, byoosi byeemao byeehola ohuba esiyaanwa silala esy'ohwaawula. Sino haandi syali nisiri esiyaanwa sy'ebyohulya, mani esaami yasyo yaaba eyisangaasa muno eyiri Omwaami.

Esy'Abaleefi 9:14

Omweene yeemao yaabukula eby'enda byoosi alala neende ebinama by'adaho byoosi, mani yabyoosa bulai bweene yaabisaambira hu alutaari, humukulu w'esiyaanwa sy'ohusaamba syaawa.

Sekaria 13:7

Omwaami w'Obunyala bwoosi aboola ati, “Ewe simuha, ewe olugaanga mani oseete omwaayi oyo owunjairaanga! Mwiite, mani amakoondi kasalaane. Ese njia ohuseeta abaandu baange

Ohubala 15:3

Eng'oombe surusi, ekoondi miiku, ekoondi dwaasi, oba embusi, binyala ohuyirwa eyiri Omwaami koti esiyaanwa sisaambwa syaakwa ekohe, oba koti esiyaanwa ohwooseresa esichubo syoosi, oba koti esiyaanwa sy'ohweyaanayo sa omweene, oba koti esiyaanwa hu muholo kw'esidyaalo kwa buli buhya; esaami y'ebiyaanwa y'ebyohulya bino yisangaasa Omwaami.

Ohubala 28:11

Yiraanga esiyaanwa sisaambe eyiri Omwaami muhuchaaka hwa buli mwoosi: eng'oombe surusi njere chibiri, ekoondi emiiku lala, amakoondi mayere masaacha kataanu-na-kabiri ak'omwaaka mulala okw'obuhuluundu, byoosi ebibulaho obufwoolwa bwoosi.

Ohubala 28:7

Nae koti esiyaanwa sy'efiini, alala neende ekoondi yere elitaangira, chuhaanga hu alutaari elita ndala efiini.

Ohubala 28:8

Engoloobe, yanaanga ekoondi doto elya habiri, mu ngira nasilala neende esiyaanwa sy'echuli, alala neende esiyaanwa sy'efiini syasyo. Esyeene sino syosi ni esiyaanwa sy'ebyohulya, esaami yisangaasa Omwaami.

2 Abakoriito 2:15

Olwohuba efwe niifwe esing'aari sya Kristo eyiri Nasaae mwaabo abali ohuwonisibwaanga, haandi mwaabo abali ohusihiriranga,

Abaefeso 5:2

Mani mukeendereenge mu buheeri, koti Kristo yatuheera yeyaanayo omweene hulweefwe, esiyaanwa syesing'aari, haandi esiyaanwa sya Nasaae.

Amalako Kohubiri 12:27

Munayaanaanga ebiyaanwa byeeng'we bisaambwa, neende enyama neende amabaanga hu alutaari y'Omwaami Nasaae weeng'we. Amabaanga k'ebiyaanwa byeeng'we munakachuheenge hu alutaari y'Omwaami Nasaae weeng'we, nae munyala ohulya enyama.

Abafilipi 4:18

Ese ndamala ohunyoola omusaara kwaange mu bwiichufu, kata neende ohuhirao; ndi omwichufu, nimalire ohunyoola ohutula eyiri Epafirodito ebiyaanwa bimwandumira, ebyali koti esing'aari silai sy'esiyaanwa, esiyaanwa sifukiirirwa haandi esisangaasa esya Nasaae.