Esy'Abaleefi 1:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ Omusaacha oyo ageeng'anga omuhono kwae hu mutwe kwayo, hu yinyale ohufukiirirwa koti esiyaanwa si nyala ohumalao ebyonoono byae.

EBBAIBBO EMBOOSI YA NASAAE

⁴ Omusaacha oyo ageeng'anga omuhono kwae hu mutwe kwayo, hu yinyale ohufukiirirwa koti esiyaanwa si nyala ohumalao ebyonoono byae.

Esy'Abaleefi 1:4 Iomraidhean Croise

Ohutula 28:38

Arooni ayifwaleenge hu bweeni, hu bulaanu ese Omwaami nyemeo nyale ohufukiiriraanga ebiyaanwa byeeng'we byoosi bi Abaisiraeli baanyaanira, kata neende abaandu nibadoondobana mu huyaana ebiyaanwa.

Ohutula 29:10

“Bulaanu leeta eng'oombe surusi mu moni w'Eyeema ly'Ohubaao hwaange, oboolere Arooni neende abaana bae ohuta emitwe chaabwe hu mutwe kwayo.

Ohutula 29:15

“Haandi bukula ekoondi miiku lala, mani oboolere Arooni neende abaana bae babukule amahono kaabwe bakate hu mutwe kwalyo.

Ohutula 29:19

“Bukula haandi ekoondi miiku liindi, ekoondi lyehoonyerwa ohuwaanayo, mani oboolere Arooni neende abaana bae bate amahono kaabwe hu mutwe kwalyo.

Ohutula 29:33

Bahoyere ohulya esyo esiba nisyehoonyerwa mu muduunga kw'ohuleherwa nibali nibabaawula. Abalaamisi boong'ene nibo abahoyere ohulya ebyohulya bino, olwohuba byoolerefu nibyo.

Yisaaya 56:7

“Njia ohubaleeta mboose hu Lugulu lwaange Lwoolerefu, mani baberese esangaalo mu nyuumba yaange yohusabiraanga esaala. Ebiyaanwa byaabwe bisaambwa neende ebiyaanwa byaabwe biindi njia ohubifukiirira hu alutaari yaange; olwohuba enyuumba yaange yahalaangwe enyuumba y'ohusabiraangamo esaala eyiri abaandu boosi.”

Esekeeli 45:15

Ekoondi lala, linaatusweenge mu yiicho ly'amakoondi emia chibiri (200), akomu lwaayiro lulai lwa Yisiraeli. Munaayaaneenge esiyaanwa sy'emwo, esiyaanwa sisaambwa, neende esiyaanwa esy'omuleembe, mani musaba esilehero sy'ebyonoono byeeng'we. Omwaami Nasaae, niye olagira.

Esy'Abaleefi 16:21

Bulaanu aba achia ohutechaanga amahono kae koombi hu mutwe kw'embusi eyo, mani ayebwaabireengeho ebyonoono byoosi, haandi neende obujeemu bw'abaandu ba Yisiraeli bwoosi, mani hu anyaleenge ohubidwiihaanga hu mutwe kw'embusi eyo. Naamala atyo, embusi eyo bulaanu yiba yichia ohuteebwaangaho omuundu oba naaloboolwe ohuchia ohuyiirusa yichia yikotera mu esiparara.

Esy'Abaleefi 16:24

Bulaanu aba ahoyere ohuchichaanga mani yeeyokera Abuundu Woolerefu ao, mani amale yefwaale engubo chae cha buli buhya. Mani naaba n'amalire ohuholaanga atyo, aba achia ohutulaanga erwaanyi achia ayaana esiyaanwa sisaambwa syaawa, ohumalao ebyonoono byae omweene mberi, haandi neende ebyonoono by'abaandu baandi abo.

Esy'Abaleefi 22:21

Omuundu yeesi n'aleeta esiyaanwa sy'ohukobola alala eyiri Omwaami, oba niyooseresa esyeyamo syoosi, oba koti esiyaanwa syebihaya sa, esisolo sihoyere ohuba nisitaaliho obufwoolwa bwoosi hu sinyale ohufukiirirwa.

Esy'Abaleefi 22:27

Eng'oombe esurusi, oba ekoondi, oba embusi niyiibulwa, yihoyere ohulehebwaanga hu ng'ina ohumalaanga endaalo chitaanu-na-chibiri; mani ohutula hu ludaalo lwa hataanu-na-hadatu, ohwemeeda mu moni, yiba bulaanu yihoyere ohufukiirirwaanga koti esiyaanwa esisaambwa syaawa eyiri Omwaami.

Esy'Abaleefi 3:13

aba achia ohutechaanga omuhono kwae hu mutwe kwaayo, mani ayiitireenge mu moni w'Eyeema. Abalaamisi bahoyere ohuchichaanga baanyulaanyusa amabaanga ako hu nyaande chine choosi ech'alutaari

Esy'Abaleefi 3:2

Omuundu oyo ahoyere ohuchichaanga ageeng'a omuhono hu mutwe kw'esisolo esyo, mani asiitira hu siruwa sy'Eyeema ly'Ohubaao hw'Omwaami. Mani hu mulaamisi w'Arooni yeemeo achie anyulaanyuse amabaanga ako hu nyaande chine choosi ech'alutaari

Esy'Abaleefi 3:8

ahoyere ohutechaanga omuhono kwae hu mutwe kwalyo oba okwayo, mani aliitira oba ayiitira mu moni w'Eyeema. Ao abalaamisi bahoyere ohuchichaanga mani baanyulaanyusa amabaanga hu nyaande chine choosi echa alutaari

Esy'Abaleefi 4:15

mani abeemirisi b'oluyia nibo ababa nibachia ohutechaanga amahono kaabwe hu mutwe kwaayo, mani yimala yiitirwaanga abweene ao.

Esy'Abaleefi 4:20

Ahoyere ohuholaanga hu surusi yino, ebiindu nasilala, koti bi yahahoyere ohuholaanga hu surusi y'esiyaanwa sy'esyonoono, mu ngira yino, anyala ohuhola esiyaanwa sy'abaandu bano boosi, banyala ohuleherwamo esyonoono esyo.

Esy'Abaleefi 4:24

Ahoyere ohuchia yaabukula omuhono kwae mani yaakuta hu mutwe kwayo, mani ayiitire hu lwaande lw'emukulu lw'alutaari, yi bisolo by'ebiyaanwa by'ohusaambwa biwa biitirwaanga. Esiyaanwa sino siba siri esiyaanwa sy'ohumalao esyonoono esyo.

Esy'Abaleefi 4:26

Bulaanu ahoyere ohuchia mani yasaambira amasinya kayo koosi hu alutaari, koti sa lwaaba nasambaanga amasinya k'ebisolo biitwa koti ebiyaanwa by'ohukobola alala. Mani mu ngira yino, omulaamisi oyo aba n'amalire ohuyaana esiyaanwa sy'esyonoono sy'omwiimirisi oyo, mani aba achia ohuleherwaangamo.

Esy'Abaleefi 4:29

Ahoyere ohuchia yaata omuhono kwae hu mutwe kwaayo, mani yaamala yayiitira hu lwaande lw'emukulu lw'alutaari, yi beeteraanga ebisolo by'ebiyaanwa by'ohusaambwa biwa.

Esy'Abaleefi 4:31

Bulaanu aba achia ohutusaangamo amasinya koosi, koti sa lu masinya katuswaanga mu bisolo biitwa koti ebiyaanwa by'ohukobola alala, mani haandi ahoyere ohubechaanga naali niye ochia yaabisaambiraanga hu alutaari, hu bulaanu esaami yino yinyala ohusangaasaanga Omwaami. Mani mu ngira yino yiti, nimwo mu mulaamisi aba achia ohuba nayaanire esiyaanwa sy'esyonoono sy'omusaacha oyo, oba achia ohuleherwaangamo.

Esy'Abaleefi 4:33

Achia ohubukulaanga omuhono kwae mani akuta hu mutwe kwalyo, mani aliitira hu lwaande lw'emukulu lw'alutaari, yi beeteraanga ebisolo by'ebiyaanwa by'ohusaambwa biwa.

Esy'Abaleefi 4:35

Bulaanu haandi aba achia ohutusaangamo amasinya koosi, koti sa lu masinya katuswaanga mu koondi liitwaanga koti esiyaanwa sy'ohukobola alala, mani akasaambireenge hu alutaari eyo alala neende ebiyaanwa by'ebyohulya ebiba nibibereeswe Omwaami. Mani mu ngira yino nimwo mu mulaamisi aba nayaanire esiyaanwa sy'esyonoono sy'omusaacha oyo, mani aleherwaangamo.

Esy'Abaleefi 4:4

Ahoyere ohuleetaanga esurusi eyo hu siruwa sy'Eyeema, mani ata omuhono kwae hu mutwe kwaayo, mani ayiitiraanga abweene ao mu moni w'Omwaami.

Esy'Abaleefi 5:6

mani n'atuunga omutuungo okuchiana neende esyonoono syaaba naaholere, ahoyere ohuleeta eyiri Omwaami ekoondi edwaasi, oba embusi edwaasi koti esiyaanwa. Omulaamisi aba achia ohuba n'ayaanira esiyaanwa sy'esyonoono sy'omusaacha oyo.

Esy'Abaleefi 6:7

Mani omulaamisi oyo aba achia ohuyaana esiyaana esyo esy'esyonoono sy'omuundu oyo, mani anyale ohuleherwamo.

Esy'Abaleefi 8:14

Bulaanu Musa yabukula esurusi enjere, mani naayileeta koti esiyaanwa sy'esyonoono, mani Arooni alala neende abaana bae nibata amahono kaabwe hu mutwe kwayo.

Esy'Abaleefi 8:18

Ohuloondaho, haandi Musa yaleeta ekoondi emiiku libe esiyaanwa esisaambwa syaawa, mani Arooni alala neende abaana bae abo haandi baata amahono kaabwe hu mutwe kwalyo.

Esy'Abaleefi 8:22

Musa haandi yabukula emiiku lyohubiri lira, elyali elyohuba ely'ohwaawula abalaamisi, mani yaboolera Arooni alala neende abaana bae ohubukula amahono kaabwe mani baakageeng'a hu mutwe kwalyo.

Esy'Abaleefi 9:7

Mani bulaanu yaboolera Arooni ati, “Ewe chia eyiri alutaari, mani oyaane esiyaanwa sy'esyonoono, alala neende esiyaanwa sy'ohusaamba syaawa, hu binyale ohumalao ebyonoono byao, haandi neende ebyonoono by'abaandu boosi. Yaanayo sino siyaanwa, sinyale ohumalao ebyonoono byoosi eby'abaandu bano, koti sa lu Omwaami alagiire.”

Ohubala 15:25

Omulaamisi aba ahoyere ohuholera abaandu abo boosi omuduunga kw'ohulabya, mani hu banyale ohuleherwamo, olwohuba esisobyo esyo siba nisyali esitachiiririirwe daawe, haandi baba bamalire ohuleeta esiyaanwa syaabwe sy'esyonoono, koti esiyaanwa sy'ohulabisibwa eyiri Omwaami.

Ohubala 15:28

Naali hu alutaari bweene, omulaamisi aba achia ohuholerayo omuduunga kw'ohulabiswa ohwoosa omuundu oyo ohutula hu syonoono syae, mani amale aleherwemo.

Ohubala 25:13

Omweene oyo neende abeechuhulu bae bamalire ohwiihaswa koti abalaamisi b'olubeerera, olwohuba haba siyesimirisiire owundekeraaniaho, yaleetao obuleheri hulw'esyonoono sy'abaandu.

Ohubala 8:10

Mani abaandu boosi aba Yisiraeli baba bachia ohuta amahono kaabwe hu Baleefi bano,

Ohubala 8:12

Abaleefi bano bulaanu baba boosi bachia ohubukula amahono kaabwe mani bakate hu mitwe ky'esurusi chino chibiri; ndala yiba yihoyeere ohuyaanwa koti esiyaanwa sy'esyonoono, nae eyiindi koti esiyaanwa sisaambwa syaakwa ekohe, hu banyale ohumalira Abaleefi omuduunga kw'ohulabiswa.

Abarooma 12:1

Basyaange, ohweema hu sisa siingi si Nasaae yatudiirira, mbekweeda nimboola endi: Muweeyo emibiri kyeeng'we eyiri Nasaae kibe koti esiyaanwa silamu, esyoolerefu, haandi esisangaasa Nasaae. Ohwo nihwo ohwiinamira Nasaae hwomu mwooyo hu muhoyere ohumuberesa.

Abarooma 3:25

Kristo Yesu niye yi Nasaae yataao ohuba esiyaanwa simalao esyonoono ohubitira mu hufwa hwae, eyiri abo boosi abamufukiiriramo. Nasaae yahola atyo ohweekesa obuluungifu bwae, olwohuba hale, mu hwesimiirisa hwae koti Nasaae, haba siyadeebaanga hu byonoono byaabwe.

Abarooma 5:11

Nae esyo sinisyo syoong'ene daawe; huli abasangaafu hulw'ebyo bi Nasaae yatuholera ohubitira mu Omwaami weefwe Yesu Kristo, oyo owatuhola hwaaba abeecha ba Nasaae.

Abafilipi 4:18

Ese ndamala ohunyoola omusaara kwaange mu bwiichufu, kata neende ohuhirao; ndi omwichufu, nimalire ohunyoola ohutula eyiri Epafirodito ebiyaanwa bimwandumira, ebyali koti esing'aari silai sy'esiyaanwa, esiyaanwa sifukiirirwa haandi esisangaasa esya Nasaae.

Abaibburania 10:4

Olwohuba amabaanga k'esurusi neende amabaanga k'embusi haba sikanyala ohumalao ebyonoono.

1 Yowaana 2:2

Omweene oyo niye esiyaanwa sikera hwaaleherwamo ebyonoono byeefwe, nae ataali ebyonoono byeefwe byoong'ene, nae ebyonoono bya buli muundu yeesi.