Esy'Abaleefi 1:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ “Naaba niyoobba eng'oombe yae ohuba esiyaanwa sy'ohusaambwa, ahoyere ohuleetaanga esurusi yitaaliho obufwoolwa bwoosi. Ahoyere ohuyileetaanga hu mulyaango kw'Eyeema ly'Ohubaao hw'Omwaami, hu Omwaami anyale ohumusiima.

EBBAIBBO EMBOOSI YA NASAAE

³ “Naaba niyoobba eng'oombe yae ohuba esiyaanwa sy'ohusaambwa, ahoyere ohuleetaanga esurusi yitaaliho obufwoolwa bwoosi. Ahoyere ohuyileetaanga hu mulyaango kw'Eyeema ly'Ohubaao hw'Omwaami, hu Omwaami anyale ohumusiima.

Esy'Abaleefi 1:3 Iomraidhean Croise

Ohuchaaka 22:13

Abburahamu yahubba amahemo enyuma mani yaabonayo ekoondi emiiku niliyandiisye enjika chalyo mu sichaha. Abburahamu mani n'abukula ekoondi emiiku elyo, naaliyaanayo koti esiyaanwa sisaambwa ataali omwaana wae oyo daawe.

Ohuchaaka 22:2

Nasaae yamuboolera ati, “Bukula omwaana wao, omwaana wao mudeerwa Yisaka, omuheerwa wao oyo, ochie mu syaalo sya Moria, omuyaanireyo eyo koti esiyaanwa sisaambe hu lugulu lu njia ohuhweekesa.”

Ohuchaaka 22:8

Abburahamu yakobolamo ati, “Nasaae mweene niye ochia ohwenyoolera ekoondi lyohusaamba.” Mani boombi nibakeendera alala nibachia.

Ohuchaaka 8:20

Nowa yoombahira Omwaami alutaari, yaabukula hu buli sisolo syalabiswa neende hu buli yoni lyalabiswa, yaabiyaana koti ebiyaanwa bisaambwa hu alutaari eyo.

2 Ebyomubiha 29:32

Baleeta esurusi amahumi kataanu-na-kabiri, amakoondi emia ndala (100) neende amakoondi madoto emia chibiri (200), ohuba koti ebiyaanwa bisaambwa eyiri Omwaami;

2 Ebyomubiha 35:12

Nibamala batyo, bachaaka ohukabula abaandu, mu mikaanda ky'amadaala, ebisolo by'ohusaambwa, hu banyale ohubiyaanayo ohuloondehana neende amakerako kali mu Malako ka Musa.

Esabbuli 110:3

Hu ludaalo lw'olilwaania abasuku bao, abaandu bao bachia ohweyaanayo abeene ohulwaana. Abasaacha bao baraaga baheeche y'oli, hu ngulu njoolerefu, koti olume lw'omumabwiibwi.

Esabbuli 40:8

sangaala ohuhola bi waheera, Ewe Nasaae waange; mwooyo kwaange.”

Ohutula 12:5

Onyala ohudoola ekoondi oba embusi, nae yihoyeere ohuba eyimalire omwaaka mulala, esaacha, haandi eyitaaliho obulema bwoosi.

Ohutula 24:5

Bulaanu Musa yatuma abasyaani baraaga, bachia basaambira Omwaami ebiyaanwa, mani bayaana ebyaayo ebya ebiyaanwa by'ohusaangirana.

Ohutula 29:18

Saamba emiiku elyo lyoosi hu alutaari koti esiyaanwa sy'ebyaahulya. Esaami y'esiyaanwa sino yindyooyeranga muno.

Ohutula 29:4

“Leeta Arooni neende abaana bae hu mulyaango kw'Eyeema ly'Ohubaao hwaange, mani obaboolere bahole omusiro kw'ohweeyoka.

Ohutula 29:42

Mani hulw'endaalo echiicha choosi, esiyaanwa sisaambe sino, sihoyeere ohuyaanwaanga mu hubaao hwaange, mu siruwa sy'Eyeema ly'Ohubaao hwaange. Ao niwo yiinja ohwakaananaanga neende abaandu baange mani nyala ohulomaloma naang'we.

Ohutula 32:6

Mani echuli-chuli mu ludaalo lwaloondaho, abaandu baleeta ebisolo bati ba biite mani babisaambe koti ebiyaanwa, nae ebisolo biindi bibe eby'ohuliibwa sa koti esy'ohuwaayo sy'obusaangirani. Abaandu beehala aasi mani bachaaka ohulya neende ohung'wa, ebyatuliramo ohumeera neende ohuyirana.

Ohutula 35:21

mani buli muundu yeesi owalichiingi niyekoomba ohuhola atyo yatulaniramo ohuchaaka ohuleetaanga esiyaanwa eyiri Omwaami ohuholeramo Eyeema ly'Ohubaao hw'Omwaami. Baleeta ebiindu byoosi ebyali nibidahibwa ohwehoonyera mu hwiinamira Omwaami, haandi neende mu huhola ebyefwaalo by'obulaamisi.

Ohutula 35:29

Abaandu ba Yisiraeli boosi abali nibekoomba ohuleetaho esiindu, baletaanga ebiyaanwa byaabwe eyiri Omwaami bihole omulimo ku mweene yali n'alagiire Musa ohuhola.

Ohutula 35:5

Tekeheenge esiyaanwa esy'Omwaami. Buli muundu yeesi odaha ohuhola atyo, ahoyere ohuleetaanga esiyaanwa sy'esaabbu, efeesa, oba omugasa;

Ohutula 36:3

Musa yababeresa ebiyaanwa byoosi bi baandu bayaanayo ohwoombaha Eyeema ly'Ohubaao hw'Omwaami. Nae abaandu ba Yisiraeli bemeeda sa ohuleeteraanga Musa ebiyaanwa byaabwe buli chuli.

Ohutula 38:1

Hu lw'ohusambaanga ebiyaanwa, yahola alutaari ohutula mu mbaao ch'emigasia. Yali eyaakanirira enyaande choosi, emiita chibiri neende otutoonyese tubiri (2.2) obuleeyi, emiita chibiri neende otutoonyese tubiri (2.2) obubaambali, haandi yali emiita ndala neende otutoonyese tudatu (1.3) aakulu.

Yisaaya 1:11

Omwaami ateeba ati; Ebiyaanwa byeeng'we biingi bi muyaana bihoonya siina? Sinyihiire ebiyaanwa bisaambwa eby'amakoondi mamiiku neende amasinya ak'esolo cheeng'we enginu. Haba siindaha amabaanga k'eng'oombe esurusi, noomba ak'amakoondi madoto, noomba ak'embusi ehole.

Esekeeli 20:40

Olwohuba Omwaami Nasaae aboola ati “Hu lugulu lwaange lwoolerefu, olugulu luhiramo obuleeyi mu Yisiraeli, ohwo nihwo hu eng'we Abaisiraeli mweesi muchia ohunyinamiriraanga mu syaalo syoosi. Eyo niyo yiinjia ohubasiimira, haandi mbaheengereo ebiyaanwa byeeng'we bi ndaha, neende ebiyaanwa byeeng'we byoolerefu.

Esekeeli 40:39

Nae mu siseenge esyo, syotulaho hu wiingire mu lwaanyi, mwalimo emeesa chine; chibiri hu lwaande lulala, haandi chibiri hu lwaande luundi. Hu meesa chino, nihwo hu basiinjiraangaho ebisolo byoohu yaanayo nibisaambwa nibiri ebilaamba, neende eby'ebiyaanwa bi bayaana hulw'ebyonoono, neende ebiyaanwa ohumalao omusaango.

Esy'Abaleefi 1:10

“Omuundu oyo naaba naali ohuubba esiyaanwa sy'ekoondi oba esy'embusi, sihoyere ohuba nisiri esisaacha esitaaliho obufwoolwa bwoosi.

Esy'Abaleefi 14:10

Hu ludaalo lwa hataanu-na-hadatu, omuundu oyo ahoyere ohuchia mani yaleeta amakoondi kabiri amayere amasaacha, haandi neende lala doto haandi ehasi ak'omwaaka mulala-mulala, haandi akataaliho obufwoolwa bwoosi, neende ekiloguraamu chidatu ech'obusye busaasirwe neende amafuta k'emiseituuni, haandi neende silala syohudatu esy'elita y'amafuta k'emiseituuni.

Esy'Abaleefi 16:7

Mani bulaanu achia yaabukulaanga embusi chino chibiri, mani achiyireenge hu mulyaango kw'Eyeema ly'Ohubaao hw'Omwaami.

Esy'Abaleefi 17:4

mani yaahaya ohuyileeta yeetera ena mulyaango kw'Eyeema ly'Ohubaao hw'Omwaami, ohuyiyaana koti esiyaanwa eyiri Omwaami mu moni w'alutaari, ao aba amalire ohuhalaka elako. Aba amalire ohwiidisa amabaanga, mani haba saaba naachia ohuyirwa koti mulala hu baandu ba Nasaae.

Esy'Abaleefi 17:8

Omuisiraeli yeesi, oba omuteende yeesi owamenya mu baandu bano n'ayaanira esiyaanwa sy'ohusaamba syaawa, oba esiyaanwa syoosi

Esy'Abaleefi 17:9

koti esiyaanwa sy'Omwaami, abuundu woosi ataali hu mulyaango kw'Eyeema ly'Ohubaao hw'Omwaami, aba yakaame ohuyirwaanga koti mulala hu abaandu ba Nasaae.

Esy'Abaleefi 23:12

Hu ludaalo lumuleeteraho esiyaanwa sy'emere, haandi neende ohuyaana esiyaanwa sy'ohusaambwa syaawa, esy'ekoondi doto esaacha ely'omwaaka mulala elitaaliho obufwoolwa bwoosi.

Esy'Abaleefi 23:18

Mani, alala neende emigaati, oluyia lwoosi luhoyeere ohuleeta amakoondi amayere kataanu-na-kabiri ak'omwaaka mulala-mulala, eng'oombe esurusi ndala, amakoondi amamiiku kabiri, nga buli litula libulaho obufwoolwa bwoosi. Bihoyere ohuyaanwa eyiri Omwaami koti esiyaanwa sisaambwa syaawa, haandi alala neende esiyaanwa sy'emere, haandi neende esiyaanwa sy'efiini. Esaami y'esiyaanwa sino, yisaangaasa muno Omwaami.

Esy'Abaleefi 3:1

Omuundu yeesi nayaanaanga esiyaanwa silala hu ng'oombe chae koti esiyaanwa sy'ohukobola alala, sihoyere ohubechaanga esiyaanwa sy'esurusi oba edwaasi, eyitaaliho obufwoolwa bwoosi.

Esy'Abaleefi 4:15

mani abeemirisi b'oluyia nibo ababa nibachia ohutechaanga amahono kaabwe hu mutwe kwaayo, mani yimala yiitirwaanga abweene ao.

Esy'Abaleefi 4:23

mani esiha syeene syaaba n'anyaliiremo ohumanya ati aholere esyonoono esyo, abweene ao niwo y'ahoyere ohutulaniramo achie aleete esiyaanwa syae omweene esy'embusi ehole eyitaaliho obufwoolwa bwoosi.

Esy'Abaleefi 4:3

Naaba naali Omulaamisi Muhuluundu niye oholere esyonoono esyo, mani yaleeta esoni eyiri abaandu, aba ahoyere ohuchichaanga mani aleeta esurusi njere, eyibulaho obufwoolwa bwoosi, mani ayiyanaangayo eyiri Omwaami hulw'esyonoono syae esyo.

Esy'Abaleefi 4:32

Omusaacha yeesi n'aleeta ekoondi koti esiyaanwa sy'esyonoono, lihoyere ohubechaanga edwaasi elitaaliho obufwoolwa bwoosi.

Esy'Abaleefi 5:15

Omuundu yeesi naahola esyonoono meechuhana, mu ngeri y'ohuhaywa ohutuunga emituungo milafu ky'Omwaami, aba bulaanu ahoyere ohuleeta esiyaanwa siba koti esy'ohutuunga ekobi eyiri Omwaami, ekoondi emiiku, oba embusi ehole, buli situla siba nisitaaliho obufwoolwa bwoosi daawe.

Esy'Abaleefi 5:18

Ahoyere ohuleeta eyiri omulaamisi, esiyaanwa sy'ohutuunga ekobi, esiyaanwa sy'ekoondi emiiku, oba embusi ehole, buli situla nga haba sisiriho obufwoolwa bwoosi. Bulaanu ebbeyi y'esisolo esyo yihoyere ohuheengwao ohweema hu bbei yiba niyafukiirirwa ohukulirwaho. Omulaamisi bulaanu aba achia ohuyaana esiyaanwa sy'esyonoono si muundu oyo aba naaholere meechuhana, mani aleherwemo.

Esy'Abaleefi 6:2

Esiyaanwa sihoyere ohuubbwa niwiichuhana omuundu yeesi yaahola esyonoono eyiri Omwaami, naahaya ohukobosera Omuisiraeli waasye esiindu syaaba niyamusiingira oba naaba yamwiibaho esiindu syoosi, oba naaba namwiiba

Esy'Abaleefi 6:8

Omwaami haandi yalagira Musa

Esy'Abaleefi 7:16

Nae omuundu yeesi n'aleeta esiyaanwa sy'ohukobola alala n'adaha ohwooseresa esyeyamo syoosi oba nisiba nisiri esyae omweene, koti esiyaanwa sy'ohweyaanayo hwae, haba sisiyikwa mbwe sihoyere ohuliibwa syoosi syaawa hu ludaalo lweene lwasiyaanirayo daawe, nae nisibaao esyo syoosi esidoong'aho, siba sihoyera ohuliibwa hu ludaalo luloondaho.

Esy'Abaleefi 8:18

Ohuloondaho, haandi Musa yaleeta ekoondi emiiku libe esiyaanwa esisaambwa syaawa, mani Arooni alala neende abaana bae abo haandi baata amahono kaabwe hu mutwe kwalyo.

Esy'Abaleefi 8:21

Nae eby'enda byoosi alala neende ebireenge byeene nibyamala ohwooswa bulai bweene neende amaachi, Musa yabibukula byoosi mani n'abiyira n'asaambira ekoondi miiku elyo lyoosi hu alutaari, koti esiyaanwa esisaambwa syaawa, esiri neende esaami yisangaasa, haandi esiyaanwa syehoonyera omuliro ohwoola eyiri Omwaami, koti sa lu Omwaami yali niyalagira Musa.

Esy'Abaleefi 9:2

Niyamala atyo, yaboolera Arooni ati, “Chia obukule esurusi enjere ndala alala neende ekoondi emiiku litaaliho obufwoolwa bwoosi lyosi lala, mani wiiche obiyaane eyiri Omwaami. Esurusi eyo yichia ohuba esiyaanwa sy'esyonoono, nae ekoondi libe ely'esiyaanwa sisaambwa syaawa.

Sekaria 13:7

Omwaami w'Obunyala bwoosi aboola ati, “Ewe simuha, ewe olugaanga mani oseete omwaayi oyo owunjairaanga! Mwiite, mani amakoondi kasalaane. Ese njia ohuseeta abaandu baange

Malaki 1:14

Omulichaki oyo, oweyama ohuumberesa esurusi yae endai ohutula mu byaayo byae, nae mani niyanyaanira eyalema, alibwaabwa. Olwohuba Ese ndi Omutuki muhunuufu, haandi abaandu bomu byaalo byoosi baanjisamo oluyaali. Omwaami nilwo lu aboola.

Ohubala 15:3

Eng'oombe surusi, ekoondi miiku, ekoondi dwaasi, oba embusi, binyala ohuyirwa eyiri Omwaami koti esiyaanwa sisaambwa syaakwa ekohe, oba koti esiyaanwa ohwooseresa esichubo syoosi, oba koti esiyaanwa sy'ohweyaanayo sa omweene, oba koti esiyaanwa hu muholo kw'esidyaalo kwa buli buhya; esaami y'ebiyaanwa y'ebyohulya bino yisangaasa Omwaami.

Ohubala 15:8

Nae eng'oombe surusi niyo eyiyaanwa eyiri Omwaami koti esiyaanwa sisaambwa syaakwa ekohe, oba koti esiyaanwa ohwooseresa esichubo, oba koti esiyaanwa sy'ohukobola alala,

Ohubala 19:2

ohuberesa Abaisiraeli ebilagiro biloondaho bino. Leete eyiri Musa neende Arooni, eng'oombe ya laando aai eyibulaho obufwoolwa bwoosi, haandi eyisisiiri ohwehoonyerwaho ohuhola omulimo kwoosi,

Ohubala 23:19

Nasaae haba saali koti abaandu babacha; Haba saali omuundu okaluuhanianga ebibaaso byae. Buli siasuubisa, asiholaanga; Alomalomaanga, mani siholehana.

Ohubala 23:27

Bbalaki haandi yaboola ati ewe yicha huchie, mani huyire abuundu waandi. Awuundi Nasaae ananyala ohuba n'adaha ohuhufukiirira ohubabwaaba hulwaange nimuli eyo.

Ohubala 23:3

Bulaanu Bbalamu yaboolera Bbalaki ati, “Yema ano aambi neende esiyaanwa syao sisaambirwe syaakwa ekohe, naange niinjia ohubona oba Omwaami achia ohumbukaana, oba haba. Njia ohuhuboolera buli siindu syaacha ohumbwiihulira.” Mani yeeng'ene yaniina yaachia aakulu w'esigulu,

Ohubala 23:30

Bbalaki haandi yahola koti lu yali n'aboleerwe, haandi n'ayaanira hu buli alutaari, eng'oombe surusi ndala, neende ekoondi emiiku lala.

Ohubala 28:11

Yiraanga esiyaanwa sisaambe eyiri Omwaami muhuchaaka hwa buli mwoosi: eng'oombe surusi njere chibiri, ekoondi emiiku lala, amakoondi mayere masaacha kataanu-na-kabiri ak'omwaaka mulala okw'obuhuluundu, byoosi ebibulaho obufwoolwa bwoosi.

Ohubala 28:19

Yaanayo esiyaanwa sisaambe koti esiyaanwa sy'ebyohulya eyiri Omwaami: eng'oombe esurusi chibiri enjere, ekoondi emiiku lala, neende amakoondi mayere masaacha kataanu-na-kabiri, ak'omwaaka mulala obuhuluundu, byoosi nga haba sibiriho obufwoolwa bwoosi.

Ohubala 28:31

Yanaanga bino byoosi, alala neende esiyaanwa sy'efiini, ohumeeda hu siyaanwa sisaambe esya buli ludaalo, neende esiyaanwa sy'emere.

Ohubala 29:13

Hu ludaalo lutaangira luno, yaneenge esiyaanwa sy'ebyohulya eyiri Omwaami, esaami yimusangaasa: eng'oombe surusi njere ehumi neende chidatu, amakoondi mamiiku kabiri, neende amakoondi mayere masaacha ehumi neende kadatu ak'omwaaka mulala obuhuluundu, byoosi bino nibibulaho obufwoolwa bwoosi.

Ohubala 29:2

Yireenge esiyaanwa sisaambwa eyiri Omwaami, esaami yimusangaasa: eng'oombe surusi njere ndala, ekoondi emiiku lala, neende amakoondi mayere kataanu-na-kabiri amayere, amasaacha ak'omwaaka mulala obuhuluundu, bino byoosi nibibulaho obufwoolwa bwoosi.

Luka 1:35

Nae malaika yamuboolera ati, “Mwooyo Mwoolerefu achia ohuhwiihaho, haandi amaani kooyo oli Aakulu Muno kachia ohuhubwiiha; mani sakira omwaana ochia ohwiibulwa achia ohulaangwa omwoolerefu, Omwaana wa Nasaae.

Yowaana 1:36

yabona Yesu naali ohukeenda, mani n'aboola ati, “Bone ahakoondi hayere wa Nasaae!”

Yowaana 10:7

Yesu mani n'ababoolera ati, “Mbaboolera obwadyeeri endi, Ese ndi omulyaango kw'esidwooli sy'amakoondi.

Yowaana 10:9

Ese ndi omulyaango. Buli owiingira n'ambitiramo, yahawonisibwa. Yaheengire haandi yaatula mani anyoole olwaayiro.

2 Abakoriito 8:12

Olwohuba obweetekefu ohuhola nibuba nibuliwo, hufukiirirwa ohweema hu biindu bi buli muundu aba ali nabyo, ataali ohweema hubyataali nabyo.

2 Abakoriito 9:7

Buli muundu ahoyere ohuhola koti lu aba n'aheengereo mu mwooyo kwae, ataali ohwekanyiirisa, oba ohuyiikwa, olwohuba Nasaae adaha omuundu owaana neende esangaalo.

Abaefeso 2:18

olwohuba ohubitira mu mweene oyo nilwo lu huba fweesi alala huba huchia ohunyoola obunyala bw'ohusuda aambi neende Seefwe nihuli mu Mwooyo mulala.

Abaefeso 5:27

hwaanyale ohwediisa omweene abafukiiriri abo, neende obulai, nibabulaho ekoondo lyoosi, kata sa ohweekoda hwoosi, oba esiindu syoosi esifwaanaho sityo, hu banyale ohuba aboolerefu haandi ababulaho obubi bwoosi.

Amalako Kohubiri 12:27

Munayaanaanga ebiyaanwa byeeng'we bisaambwa, neende enyama neende amabaanga hu alutaari y'Omwaami Nasaae weeng'we. Amabaanga k'ebiyaanwa byeeng'we munakachuheenge hu alutaari y'Omwaami Nasaae weeng'we, nae munyala ohulya enyama.

Amalako Kohubiri 15:21

Nae esisolo sinaabecheengeho obufwoolwa, nisiba esilema oba esiwofu, oba esiri neende obufwoolwa bw'amaani, haba mutasiyaaniraanga Omwaami Nasaae weeng'we.

Amalako Kohubiri 17:1

“Mutayaaniraanga Omwaami Nasaae weeng'we eng'oombe oba ekoondi liriho obufwoolwa bwoosi oba esiindu syoosi esitaali esilai; olwohuba sy'omusiro eyiri Omwaami Nasaae weeng'we.

Abaibburania 7:26

Yesu niye Omulaamisi Muhuluundu onyala ohutuhoonya mu buli siindu si hudaha. Olwohuba mwoolerefu niye, haandi abulaho esisobyo syoosi, oba esyonoono syoosi; mwoolerefu haandi yaawulibwa ohutula hu bahola-mbi, mani yakiingwa yaaninisibwa aakulu ohubita ekulu.

Abaibburania 9:14

Sino nisiri esyadyeeri, mani amabaanga ka Kristo otaaliho esyonoono syoosi kachia ohulabya ebibaaso by'emyooyo nikabitusa mu biholwa bifu bihale, hu banyale ohuhalaabanira Nasaae mulamu.