Esy'Abaleefi 1:14 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁴ “Nae naaba naali ohuubba eyoni ohuba esiyaanwa sisaambwa esilaamba, lihoyere ohubechaanga eguugu, oba ebburuuku.

EBBAIBBO EMBOOSI YA NASAAE

¹⁴ “Nae naaba naali ohuubba eyoni ohuba esiyaanwa sisaambwa esilaamba, lihoyere ohubechaanga eguugu, oba ebburuuku.

Esy'Abaleefi 1:14 Iomraidhean Croise

Ohuchaaka 15:9

Nae Omwaami yamukobolamo ati, “Ndeetere emoosi y'emyaaka kidatu, embusi subeeni y'emyaaka kidatu, ekoondi miiku ly'emyaaka kidatu, eguugu, neende ebburuuku.”

Esy'Abaleefi 12:8

Nae nikali mbwe omuhasi oli atyo naaba naatanyala ohunyoola ekoondi doto, mani aba achia ohunyala ohuleetaanga amabburuuku kabiri oba amaguugu kabiri, lala liba lichia ohubechaanga ely'esiyaanwa sisaambwa syaawa, nae eliindi liba lichia ohubechaanga ely'esiyaanwa sy'esyonoono, mani omulaamisi yeemeo anyale ohuhola omuduunga kw'ohumumalaho omusiro kwae okwo, hwaabe olabisibwe koti emiduunga kiba nikiri.

Esy'Abaleefi 5:10

Bulaanu aba achia ohuloondiaho ohuyaana eyoni lyoohubiri koti esiyaanwa sy'ohusaambwa syaawa, ohuloondakana neende amalako kachiiraho. Mani mu ngira yino, nimwo mu mulaamisi aba achia ohuyaaniramo esiyaanwa sy'esyonoono sy'omusaacha oyo, mani anyale ohuleherwamo.

Esy'Abaleefi 5:11

Nae omusaacha yeesi naahaywa ohunyoola amaguugu kabiri oba amabburuuku kabiri ako, aba achia ohuhoyera ohuleeta ekiloguraamu ndala ey'obusye, ohuba koti esiyaanwa sy'esyonoono esyo. Bulaanu haba saaba naachia ohudahibwa ohumeedaho kata amafuta k'emiseituuni, oba kata sa obubbaani, olwohuba sino siba esiyaanwa sy'esyonoono esyo, esitaali esiyaanwa sy'emere.

Esy'Abaleefi 5:7

Nae omuundu oyo naaba n'atanyala ohuyaana ebyo byoosi, aba anahoyera ohuleeta eyiri Omwaami amaguugu kabiri oba amabburuuku kabiri akafwa omutuungo okwo, buli lala nga lifwa esiyaanwa sy'esyonoono, nae eliindi lifwa esiyaanwa sy'ohusaambwa syaawa.

Matayo 11:29

Mwedwiihe ekoombo lyaange, haandi munjekereho, olwohuba ese ndi omudiira kaala haandi omuloonga mu mwooyo; mani mwahanyoole yi muwuluusira emyooyo kyeeng'we.

Matayo 21:12

Yesu yeengira mu Nyuumba ya Nasaae, yachaaka ohwiiruhaniamo abali nibakuliramo neende abali nibakusiramo ebiindu. Yafuumamya emeesa ch'abafuunjisi b'eseende neende ebisaala by'abachurusi b'amabburuuku.

Luka 2:24

haandi bachia ohuyanaanga esiyaanwa esihoyerwa koti lu lako ly'Omwaami liboola liti, “amaguugu kabiri, oba amabburuuku madoto kabiri.”

2 Abakoriito 8:12

Olwohuba obweetekefu ohuhola nibuba nibuliwo, hufukiirirwa ohweema hu biindu bi buli muundu aba ali nabyo, ataali ohweema hubyataali nabyo.

Abaibburania 7:26

Yesu niye Omulaamisi Muhuluundu onyala ohutuhoonya mu buli siindu si hudaha. Olwohuba mwoolerefu niye, haandi abulaho esisobyo syoosi, oba esyonoono syoosi; mwoolerefu haandi yaawulibwa ohutula hu bahola-mbi, mani yakiingwa yaaninisibwa aakulu ohubita ekulu.