Esabbuli 53:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Nasaae yewuunjira Muukulu ohubona abaana b'abaandu ohubonaho nibahabaamo abanyala ohuba nibali neende amakesi, abanyala ohuba nibamukoonyaanga.

EBBAIBBO EMBOOSI YA NASAAE

² Nasaae yewuunjira Muukulu ohubona abaana b'abaandu ohubonaho nibahabaamo abanyala ohuba nibali neende amakesi, abanyala ohuba nibamukoonyaanga.

Esabbuli 53:2 Iomraidhean Croise

Yisaaya 55:6

Koonye Omwaami nasiinyolehana, mumulaange, n'asisiiri aambi.

2 Ebyomubiha 15:2

mani yaachia ohubukaanana neende Omutuki Asa. Yahuumula n'alaanga ati, “Ewe tekeeresa, ewe Omutuki Asa, alala neende abaandu boosi aba Yuda neende Bbenjamini! Omwaami ali naang'we mwesi nimusisiiri nae. Nikali mbwe muchia ohumukoonyaanga, aba achia ohubakanyaanga mumunyoole, nae nimucha ohumweekabulaho, aba achia yesi ohubajwang'aanga.

Esabbuli 111:10

Ohwiisa oluyaali mu Omwaami niyo enjaako y'amakesi. Abo abahola batyo nibo abali neende amakesi. Omwaami akinisibwe endaalo choosi pe.

Yeremia 23:24

Abulao omuundu onyala ohweekisa abuundu woosi mani ndaahaya ohumubona. Haba simumanyire muti ndi muukulu neende mu syaalo?

Esabbuli 27:8

Olwohuba niiwe owaboola oti, “Mungoonye.” Omwooyo kwaange kuhubolera kuti, “Omwaami niiwe yi ngoonya.”

2 Ebyomubiha 19:3

Nae kata katyo, ali hoo ebiindu bilai mu ewe. Ewe wanyala ohumalao ebilolero bya Asera nasaae muhasi bi baandu beenamiraanga, mani wateemaho ohuloondakana neende ohudaha hwa Nasaae.”

Yeremia 16:17

Olwohuba mbona buli siindu sibahola. Sibulao esyeekisa si taamanyire daawe. Haandi ebyonoono byaabwe sibinyala ohukiswa ni taabibweene daawe.

Esabbuli 102:19

Omwaami yatingaala aasi n'ali aakulu mu bwiihalo bwae bwoolerefu, yatingaalira aasi hu syaalo naali muukulu.

Esabbuli 11:4

Omwaami ali mu nyuumba yae njoolerefu, esisaala sy'obutuki sy'Omwaami siri Muukulu, Omwaami abona buli muundu, haandi amanyire buli siindu si muundu ohola.

Esabbuli 10:4

Mu hwehuduumbasa hwae, omuhola-mbi, haba s'akoonya Omwaami daawe; ebibaaso byae byoosi biboola sa biti, “Nasaae haba s'achia ohunjolobya daawe.”

Yobbu 28:28

Mani yaboolera omuundu ati, ‘Bona, ohutya Omwaami, ako niko amakesi; haandi ohutula mu syonoono nihwo ohumanya.’ ”

1 Ebyomubiha 28:9

Yaboolera Solomooni ati, “Nae ewe Solomooni mwaana waange, manya Nasaae wa laatao, haandi omuhalaabanire neende omwooyo kwao kwoosi haandi niwedahira; olwohuba Omwaami amanyire ebibaaso by'abaandu haandi ategeera boosi bi beekoomba. N'onamukoonyeenge, achia ohuhweyokesaanga, nae n'onamwebabeenge, achia ohuhusukuna endaalo choosi pe.

Amalako Kohubiri 4:6

Mubidiireenge haandi mubyosereseenge; olwohuba esyo nisyo esineekeseenge abaandu b'ebyaalo biindi siti muli neende amakesi alala neende ohumanya. Nimunawulireenge ebilagiro ebyo byoosi, banaabooleenge bati, ‘Mubwadyeeri bweene, abaandu b'amaani bano bakesi haandi bamanyire muno.’