Esabbuli 10:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Olwohuba abahola-mbi bebwaaba mu bwekoombi bw'emyooyo kyaabwe, haandi omuundu wokuliira kw'efuni, haba s'adeeba hu Mwaami.

EBBAIBBO EMBOOSI YA NASAAE

³ Olwohuba abahola-mbi bebwaaba mu bwekoombi bw'emyooyo kyaabwe, haandi omuundu wokuliira kw'efuni, haba s'adeeba hu Mwaami.

Esabbuli 10:3 Iomraidhean Croise

1 Abatuki 20:25

Mani omale olaange eye ehoongo muno elyaaka neende lira elyahutulaho, eliri neende obuungi bw'efaraasi alala neende ebigaari byachio byaaka koti bira. Mani efwe huchia ohunyala ohulwaanisira Abaisiraeli mu syaalo siyanjaafu, mani leero luno huba huchia ohubayiingira.”

Yobbu 31:24

“Niimba ndahola esaabbu esuubi lyaange, oba ndalaanga esaabbu ndai endi niiwe obweesikwa bwaange;

Esabbuli 35:21

Balebalebana muhanwa (nibaanomanomaho); nibaboola bati, “A-ha, A-ha! Hwabona neende emoni cheefwe cheene!”

Esabbuli 49:18

Omuundu kata yahehuduumbasa ati mu bulamu bwae yali neende esangaalo, kata abaandu bahamufumia bati omweene yali bulai,

Esabbuli 49:6

abo abeesika obuyiinda bwaabwe mani beehuduumbasa olw'obuungi bw'obuyiinda bwaabwe?

Esabbuli 5:6

Osihirisaanga abaandu balomaloma emboosi ch'obubacha; Omwaami haba saadaha abeedisi b'amabaanga neende ababacha.

Esabbuli 52:1

Lwasiina wehuduumbasa, ewe omuundu w'amaani, hulw'ebibi by'ohola abaandu ba Nasaae? Oludaalo lwoosi

Esabbuli 94:4

Abahola-mbi boosi beehuduumbasa, beepaaha, balomaloma nibeekinia.

Ohutula 15:9

Omusuku yaboola ati, ‘Njia ohubaloondaho mbadiire; Njia ohukabaniamo obuyiinda bwaabwe, mani mbukule bi ndaha byoosi; Njia ohusobolayo olugaanga lwaange mani mbukule bi bali nabyo byoosi.’

Engaado 28:4

Abo abateesa oluyaali mu malako bafumia abahola-mbi; nae abo abadiira amalako abalwaania.

Omuyaali 7:15

Bino byoosi mbiboneere mu bulamu bwaange obuli ebihaya byeene. Aliwo omuundu muluungifu ofwiira bwaangu mu buluungifu bwae, nae aluwo omuundu mubi oyiindira, kata ayahaba n'ahola ebibi.

Yisaaya 37:23

“Obaasa oti wiina yooli ohufwoolaanga, haandi yobisamo emoni? Wiina mweene yohabuhiire haandi wahoomolera emoni?” Niye ese Omwoolerefu wa Yisiraeli!

Yisaaya 57:17

Olwohuba baanyoolesa neende ebyonoono byaabwe, neende okuliira kwaabwe; mani ese njia ohubasaandya olwohuba ndakisa obweeni bwaange haandi ndamala ohunyoolera. Mani niboomya emitwa mu saambo ch'emyooyo kyaabwe kyeene.

Yeremia 22:17

Nae ewe oli neende emoni neende omwooyo kudeeba hu hunyoola obuyiinda mu ngira yitaali endai. Olwohuba wiita abaandu bataaliho omusaango, haandi ofwiinyirira bao neende obwaalaba.” Omwaami niye oboolere.

Esy'Abaleefi 26:30

Njia ohusihirisa ebituundu byeeng'we by'ohwiinamiraangamo ebiri hu bigulu, ngwiise aasi alutaari chiniooheserwaangaho obubbaani, mani male sukune emilaambo kyeeng'we hu biloongaloongwe byeeng'we byafwa. Mu kusinye kuhiramo,

Habbakuuku 2:9

Odibire! Ewe wakeraanga edaala lyao niliyiindiyala neende ebyo bi wayayaanga neende obutemo, haandi wateemaho ohuhola edaala lyao lyeene nalyo lyaaba neende omuleembe litaaliho kata esidinyu neende amasira daawe!

Luka 12:15

Mani Yesu yababoolera ati, “Mweliinde, haandi mweekaye obwekoombi bwoosi; olwohuba obulamu bw'omuundu sibweema hu buungi bw'obuyiinda bwae.”

Luka 12:19

Mani niimala endyo njia ohuboolera omwooyo kwaange endi, Bulamu ewe, mbao oli neende ebiindu biyera ebihubihiirwe ohumala emyaaka emiingi muno; mani otelalihira, lya, ng'wa, mani osangaale.’

Abarooma 1:29

Mani beechula omufuto kwa buli ngeri, obubi, omutoolyo, neende ebiindu bitahoyera ohuholwa; beechula ehiinda, obwiiti, ohulwaana, obubacha, neende ohubaasira abaandi obubi. Bamoonya,

Abarooma 1:32

Bamanyire bati amalako ka Nasaae kaboola kati, abaandu bali mu bulamu bw'engeri yino, bahoyera ohufwa. Nae, esihiramo obubi, sibaakama ohuhola ebiindu byeene bino, nae basiima kata abaandu baandi abahola ebiindu biri nasilala koti ebyo.

1 Abakoriito 6:10

kata abeebi, kata ab'okuliira, kata abameesi, kata abachalaasi, kata abanyaka haba sibachia ohwiingira mu bwaami bwa Nasaae daawe.

Abaefeso 5:5

Mwehalirise sino, mbwe abulao omudaamba yeesi oba omuundu w'omufuto, oba omuundu mwekoombi (esyeekesa ow'emisaambwa), oli neende obusiha mu bwaami bwa Kristo neende obwa Nasaae.

Amalako Kohubiri 29:19

Nae oyo owulira emboosi ch'endagaano y'esichubo yino, mani yeniinia mu mwooyo kwae, n'aboola ati, ‘Njia ohuba bulai, kata ndahadoong'a neende esimyeeni sy'obulamu bwaange.’ Sino siba sinaakere mwaasihiriswa mweesi, abalai neende ababi nasilala.

Amalako Kohubiri 32:19

“Omwaami yabona sino, mani yanyoolera, olwohuba yebwaaba abaana bae basyaani neende abahaana.

Abakolosaayi 3:5

Mani sakira mwiitire alala esiindu syoosi esibalimo esy'esyaalo sino koti: obucheke, omufuto, obwekoombi, ohwekoomba ohwoonoona, neende obucheke bw'ediini, obuli koti ohwiinamiraanga emisaambwa.

Yakobbo 4:13

Nae bulaanu tekeerese eng'we ababoolanga muti, “Enyaanga yino oba muchuli huchia ohuchia mu siko nabulebe, mani humaleyo omwaaka mulala nihuchurusa hunyoole engaanga”.

Yakobbo 4:16

Nae bulaanu eng'we mweniinia haandi mwefumia. Ohwefumia hw'engeri eyo, hubi nihwo.

1 Yowaana 2:15

Mutaheraanga esyaalo, oba esiindu syomu syaalo syoosi. Omuundu yeesi oheera esyaalo, obuheeri bwae eyiri Seefwe buba bumubulamo.

Abakayi 17:2

Ludaalo luundi, yeecha yaboolera ng'ina ati, “Omuundu niyahwiibaho ebituundu elifu neende emia ndala (1,100), eby'efeesa byao ebyo, wabwaaba omunyaka oyo. Ese omweene ndahuwulira n'ohola otyo. Mani, wewuunjeho, ese niise oli neende eseende echo. Ese niise owali nindachibukula.” Nae ng'ina yamukobolamo ati, “Mani Omwaami ahoya yahuberesa ehabi, ewe mwaana waange!”

1 Samueli 23:21

Saulo yabakobolamo ati, “Leha Omwaami ababerese ehabi olwohundiirira esisa mutyo!