Abafilipi 4:8 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁸ Mani nimaliirisa, basyaange, esiindu syoosi esyadyeeri, esiindu syoosi esy'oluyaali, esiindu syoosi esihoyera, esiindu syoosi esichweenufu, esiindu syoosi esidahibwa, esiindu syoosi esy'esisa, nikali mbwe aliwo obuluungifu bweene, nikali mbwe aliwo esiindu syoosi esihoyera ohukinisibwa, muhoyere ohubaasaanga hu biindu bifwaana koti bino.

EBBAIBBO EMBOOSI YA NASAAE

⁸ Mani nimaliirisa, basyaange, esiindu syoosi esyadyeeri, esiindu syoosi esy'oluyaali, esiindu syoosi esihoyera, esiindu syoosi esichweenufu, esiindu syoosi esidahibwa, esiindu syoosi esy'esisa, nikali mbwe aliwo obuluungifu bweene, nikali mbwe aliwo esiindu syoosi esihoyera ohukinisibwa, muhoyere ohubaasaanga hu biindu bifwaana koti bino.

Abafilipi 4:8 Iomraidhean Croise

Ohuchaaka 18:19

Ndamudoola endi anyale ohulagira abaana bae neende abeechuhulu bae ohuumbulira, mani baholeenge ebiindu ebihoyera neende eby'obwadyeeri. Nibahola batyo, njia ohumuholera buli siindu si musuubise.”

2 Samueli 1:23

“Saulo neende Yonatani, abali abekoombesa haandi abakoosi; abali alala mu bulamu, haandi baaba alala mu hufwa; abali abaangu ohuhiraho eeswi, haandi ab'amaani ohuhiraho edalang'i.

2 Samueli 23:3

Nasaae wa Yisiraeli yamala ohuboola; omuliindi wa Yisiraeli yamboolera ati: “Omutuki otuka naatakwiira, otuka naafunihira Nasaae,

Esabbuli 82:2

“Wahaake yeena ohuheenga emisaango ataali obwadyeeri neende ohweehubbira hu lwaande lw'abahola-mbi?

Engaado 11:1

Omwaami haba saadaha abaandu beehoonyera ebikero bihyaamu, nae asiima abo abehoonyera ebikero byadyeeri.

Engaado 12:4

Omuhasi mulai niye oluyaali lwa wamwe, nae omuhasi odiisa wamwe esoni ali koti obulwaae buhomakira mu makuumba.

Engaado 16:11

Elatiri ndai neende ebipiimo bilai nibyo bi Omwaami adaha; haandi buli bukusi bwoosi adaha bube obwadyeeri.

Engaado 20:7

Omuundu muluungifu akeendera mubwadyeeri bwae haandi omweesikwa abaana bae baliba ab'ehabi naafwiire.

Engaado 31:10

Wiina mweene onyala ohunyoola omuhaaye oyera? Omuhaaye ofwaana atyo w'engaanga muno ohuhira amakina k'engaanga.

Engaado 31:29

“Abahasi baangi balai nibo, nae niiwe obahiramo boosi.”

Engaado 31:31

Oyo muberese ebiindu byaahalaabaniire, haandi leha abaandu boosi bamuberese oluyaali.

Olweembo Luhira mu Nyembo 5:16

Omunwa kwae kunyunyuula n'okuchunjuuna; buli si muliho syoosi si ndalusa. Yino niyo efwaani y'omudya waange oyo, eng'we abahasi bomu Yerusalemu.

Yisaaya 26:7

Engira y'abaluungifu ngololofu niyo; haandi ewe Omwaami niiwe okwalaasira abaluungifu engira.

Matayo 22:16

Batuma abeeki baabwe alala neende abaloondi ba Herode baandi bati bachie eyiri Yesu, mani bamuboolere bati, “Omweekesa, humanyire huti oli omuundu w'obwadyeeri. Weekesaanga engira ya Nasaae mubwadyeeri bweene, n'otadeeba hu bi baandu babaasa, olwohuba sodeebaanga hu luyaali lw'abaandu daawe.

Mariko 6:20

olwohuba Herode yali yatya muno Yowaana n'amanyire bulai bweene ati, Yowaana yali omusaacha omuluungifu mweene haandi omwoolerefu, mani yaamuliinda bulai bweene. Niyawulira Yowaana n'ayaala, yateenga muno; kata niyasaangaalira bi Yowaana yayaalaanga.

Luka 16:15

Nae Yesu yababoolera ati, “Eng'we niing'we abelyooya abeene mu moni w'abaandu, nae Nasaae amanyire emyooyo kyeeng'we koti lu chiri; olwohuba esyo si baandu bafumia, siwumamo obuhoonyi mu moni wa Nasaae.

Luka 2:25

Bulaanu, mu Yerusalemu, mwalimo omusaacha olaangwa mbwe Simeoni, owali omuluungifu haandi owaheera Nasaae muno, owali n'aliindaanga ohulemeswa omwooyo hwa abaandu ba Yisiraeli, haandi nga Mwooyo Mwoolerefu amuliho.

Luka 23:50

Bulaanu waliwo omusaacha olaangwa ati, Yosefu otula mu siko sya Buyudea silaangwa siti Arimatea. Yali mulala hu b'oluhiiho, haandi yali omusaacha mulai haandi omuluungifu muno,

Yowaana 7:18

Omuundu yeesi olomaloma hulw'obunyala bwae omweene, aba akoonya ohunyoola oluyaali lwae; nae oyo okoonya oluyaali lw'oyo owamutuma aba owadyeeri, haandi abulamo obubacha.

Ebiholwa 10:22

Nabo baboola bati, “Korinelio, kaputeeni w'amaye k'Abarooma, omusaacha omuluungifu muno haandi omutiiririrwa muno wa Nasaae, haandi omanyihaane muno neende Abayudaaya boosi, yeecha yemirirwa neende malaika mwoolerefu ohuhulaanga wiiche ena daala lyae, mani anyale ohuwulira ewe by'onanyala ohuboola.”

Ebiholwa 22:12

“Omuundu wuundi olaangwa Anania, omusaacha odaha Nasaae muno ohweema hu malako ka Musa, haandi owali niyasiimwa muno neende Abayudaaya boosi abali nibamenya mu siko omwo,

Ebiholwa 6:3

Mani sakira basyaange, mwedoolemo abasaacha bataanu-na-babiri abali neende ebiima bilai, abechula Mwooyo alala neende amakesi, ba huhoyeere ohuberesa omulimo kuno.

Abarooma 13:13

Lehe hube neende ebiima bilai, ebihoyera abaandu bamenya mu bulafu bw'esideete, ataali ohusangaasa emibiri, oba ohumeera, ataali obucheke oba obuyirani, ataali ohulwaana oba ebihali-hali.

Abarooma 13:3

Olwohuba abaandu bahola ebiindu bilai, haba sibatya batuki, ohumalaho abahola-mbi nibo ababatya. Odaha ohuba omuundu otatya abatuki? Mani hola ebilai, mani bachia ohuhufumia,

Abarooma 14:18

Mani n'ohalaabanira Kristo mu ngeri yino, osangaasa Nasaae haandi abaandu baandi bosi bahusiima.

Abarooma 2:29

Ohumalaho oyo Omuyudaaya mweene, niye omuundu Muyudaaya ow'omukati, haandi owahebwa neende ohuhebwa hwadyeeri, niye oyo yi mwooyo kwae kwahebwa, mani kuno mulimo kwa Mwooyo wa Nasaae, ataali okw'amalako kaandiikwa. Omuundu ofwaana ati, anyoola efuma ohutula eyiri Nasaae ataali ohutula hu baandu.

1 Abakoriito 4:5

Sakira mutateemaho ohwetuliirisa ohuheengera omuundu omusaango esiha nisisisiiri ohwoola, Omwaami natoola ohwiicha, oyo ochia ohuleeta mu bulafu ebiindu byakiswa mu siirima, haandi ochia ohutuumbula ebibaaso biri mu myooyo ky'abaandu byoosi. Ao niwo yi buli muundu yeesi achia ohunyoolera si ahoyera ohunyoola ohutula eyiri Nasaae.

2 Abakoriito 13:7

Nae husaba Nasaae huti mutaholaho obubi ataali ohudaha ohweyekesa huti hwahola bulai, ohutusaho mbwe eng'we muhole esihoyera, kata neende nihubonehana koti abahaywa.

2 Abakoriito 6:8

mu hutiiswa neende mu hubachwa, mu liita ebi neende mu liita lai. Hubukulwa koti abohwetaaho, nihaandi nilwo lu huli;

2 Abakoriito 8:18

Alala nae mbao huchia ohubatumira omwaana weefwe mumanyirifu muno mu mikaanda ch'abafukiiriri miingi choosi hulw'ohuyaala emboosi ndai hwae;

2 Abakoriito 8:21

olwohuba efwe huchiiririra ohuhola esiindu esy'oluyaali ataali mu moni w'Omwaami yeeng'ene, nae mu moni w'abaandu mwosi.

Abagalatia 5:22

Nae esyaamo sya Mwooyo, ni ebiindu koti, obuheeri, esangaalo, omuleembe, ohwesimiirisa, esisa, obulai, obweesikwa,

Abaefeso 4:25

Mani sakira, muhwetusaho obwebachirisi, lehe buli muundu yeesi alomalomeenge obwadyeeri neende owaasye, olwohuba fweesi huli esiindu silala mu Kristo.

Abaefeso 5:9

(olwohuba esyaamo situla mu bulafu, sinyoolehanira mu biindu byoosi ebilai, haandi ebiluungifu haandi ebyadyeeri),

Abaefeso 6:14

Mani mwemeenge nimumalire ohweboya olusibiro mu sibuno neende obwadyeeri, haandi nimumalire ohwefwaala ebbaati ly'ohusirifu elyobuluungifu,

Amalako Kohubiri 16:20

Buli ludaalo mwoomiirireenge hu bwadyeeri bwoong'ene, hu munyale ohuyiindira haandi mutuke esyaalo si Omwaami Nasaae weeng'we achia ohubaberesa.

Abafilipi 3:1

Nimaliirisa basyaange, mwehoyere mu Omwaami. Ohubandiikira ebiindu bifwaanana neende koti bi ndabaandiikiraho hale, haba sibinjuuna, nae hoyeere hole endyo hulw'obulai bweeng'we.

Abakolosaayi 4:5

Mweebisireenge mu ngira y'amakesi eyiri abataali mu mukaanda kweefwe, nimuhola ebihoyera ohuholwa esiha syoosi.

1 Abatesalonika 4:12

Ao nilwo lu muba muchia ohuba neende obulamu buhoyera mani mwiiswemo oluyaali neende abo abasisiiri erwaanyi w'efukiirira, haandi hu munyale ohutaba neende esiindu syoosi si mwekoomba.

1 Timoteo 2:2

Musabireenge abatuki neende abo boosi abali mu bweyaango bw'obutuki, hu hunyale ohumenya mu bulamu buyenjeefu haandi obw'omuleembe, nihutya Nasaae, haandi nihweeyira bilai mu ngeri choosi.

1 Timoteo 3:11

Abahasi baabwe bosi bahoyere ohuba abaandu b'ebiima bilai, abataali abamoonyi, nae abaloonga haandi ab'esikwa mu biindu byoosi.

1 Timoteo 3:4

Ahoyere ohuba omuundu onyala ohuliinda edaala lyae bulai, oweekesa abaana bae ohuba abaloonga haandi ababeresa abaandu oluyaali mu ngira choosi.

1 Timoteo 4:12

Otalehaho omuundu yeesi yalekeeresa oburaaga bwao, nae beresa abafukiiriri esyohuboneraho mu nomanoma neende mu biholwa, mu buheeri, muhufukiirira neende mu buluungifu.

1 Timoteo 5:10

Haandi omuhasi oyo ahoyere ohuba nasiimibwa ohuba neende ebiholwa bilai, haandi koti owaliindaho abaana, omuliindi w'abaandu, owosaho amakulu k'aboolerefu ba Nasaae, owajanjabiaho abaandu, haandi owetusayo ohuholaanga ebilai mu buli ngira.

1 Timoteo 5:2

Bukulaanga abahasi bakofu koti ba maao, haandi abahaana basiimbuha koti bamboochoo, neende omwooyo mulala kwoong'ene.

Tito 1:8

Ahoyere ohuba owaakaanira abakeni bulai, haandi owaheera ohuhola ebiindu bilai. Ahoyere ohuba omuundu weetuka omweene, omuluungifu, omwoolerefu, haandi ow'ebiima bilai.

Tito 2:14

Kristo yeyaanayo hulweefwe mani yaatununula mu bibi byoosi, haandi neende ohutulabya hube abaandu bae aboolerefu beene, haandi abadaha huhola ebiindu bilai.

Tito 2:2

Yekesa abasaacha bahuluundu bahaye ohubechaanga abameesi, nae babecheengemo amakesi, babecheenge ab'efukiirira ndai, ab'obuheeri bulai, haandi abeesimiirisi.

Tito 2:7

Nae mu biindu byoosi ewe omweene ohoyere ohubechaanga esyohuboneraho sy'ebiima bilai. Bechaanga owadyeeri haandi omumaliirifu mu njekesa yao.

Tito 3:14

Haandi yoomisira abaandu beefwe oti bahoyere ohweeka ohuholaanga ebiindu bilai, hu banyale ohuba abeetekefu ohuhoonyaanga mu bidinyu bikwaao bwaangu, bahayeenge ohubechaanga sa ao nibabula obuhoonyi bwoosi.

Abaibburania 11:2

Ohufukiirira hw'abaandu ba hale nihwo okwakera Nasaae yabasiima.

Abaibburania 13:18

Mutulaamireenge eyiri Nasaae buli siha. Olwohuba humanyire huti, huli neende ebibaaso bilai, haandi hudaha ohuhola ebiindu bilai ebiha byoosi.

Yakobbo 1:27

Efukiirira yi Nasaae Seefwe ayira koti eyadyeeri eyiwumamo ohwebachirisa, niyo yino: ohuliindaanga abaana bafwiire, neende abahasi bafwiirwe mu bidinyu byaabwe, neende ohweliindanga esyaalo sitahunyaasa.

Yakobbo 3:17

Nae amakesi katula Muukulu kataangira ohuba amoolerefu; haandi kaleeta omuleembe, haandi kalimo obuloonga, neende ohudeeba hu baandu baandi; keechulamo esisa mani keebula ebiholwa bilai. Haba sikalimo mwooyo mubi, oba obwebachirisi.

1 Petero 1:22

Nae koti bulaanu muli abanyirifu booswa hulw'ohuwulira obwadyeeri, haandi eng'we muli neende obuheeri bulamu eyiri abafukiiriri basyeeng'we, mani muheeranire elalira neende emyooyo kyeeng'we kyoosi.

1 Petero 2:12

Ebiima byeeng'we eyiri abakafiiri bihoyere ohuba ebilai, kata neende nibateemaho ohubayaasa bati muli abahola-mbi, bachia ohubona ebiholwa byeeng'we bilai, mani bafumie Nasaae hu Ludaalo lw'ohwiicha hwae.

1 Petero 4:8

Nae esihira byoosi, muheeraneenge neende obuheeri bwadyeeri, olwohuba obuheeri bubwiiha hu bibi biingi.

2 Petero 3:1

Basyaange baheerwa, yino bulaanu niyo ebbarwa yaange yohubiri yi mbaandiikira. Mu bbarwa choombi chino, ndeemereho ohubadinya mube neende embaasa yitaalimo ohweebachirisa nimbeechulisa ebiindu bino.

1 Yowaana 3:18

Baana baange, obuheeri bweefwe haba sibuhoyere ohuba obwohumunwa sa hwoong'ene nae buhoyere ohuba obw'obwadyeeri, ohubonehera mu biholwa.

1 Yowaana 3:3

Omuundu yeesi oli neende esuubi lino mu Kristo ahoyere ohulabya obulamu bwae koti lu Kristo yalabya.

1 Yowaana 4:1

Basyaange baheerwa, mutafukiirisanianga neende buli muundu oboola ati ali neende Mwooyo wa Nasaae; mubateemeho hu mumanye neende obwadyeeri muti batula eyiri Nasaae. Olwohuba banabbi bobubacha baangi muno bamala ohusalaanira mu syaalo syoosi.

Ruusi 3:11

Mani bulaanu ewe Ruusi otelalihirira daawe. Ese njia ohuhola buli siindu syoosi syoochia ohusaba; koti sa buli muundu yeesi mu siko muno amalire ohumanya, ewe oli omuhasi omuyenjeefu mweene.