Abafilipi 4:17 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁷ Siindi huboola endi ese ndekoomba sa ohunyoolaanga ebiyaanwa; nae ndekoomba ohubonaho ebihole biba nibimeeda huhusiimwa hweeng'we.

EBBAIBBO EMBOOSI YA NASAAE

¹⁷ Siindi huboola endi ese ndekoomba sa ohunyoolaanga ebiyaanwa; nae ndekoomba ohubonaho ebihole biba nibimeeda huhusiimwa hweeng'we.

Abafilipi 4:17 Iomraidhean Croise

Engaado 19:17

Oyo okwiira abamanani esisa, ali koti oweyosa Omwaami, Omwaami achia ohumutuunga ohweema hu biholwa byae.

Mika 7:1

Chiinjakaanire ese! Olwohuba ndeeholere koti ow'enjala otakaana esyaamo syoosi hu musaala, kata esyaaku sidoong'ere hu musabbiibbu, neende emituli chitaangira ohweenga chi mwooyo kwaange kwekoomba. Sibulaho esiindu syohulya.

Malaki 1:10

Omwaami w'Obunyala aboola ati: “Yiba niyiriyo mulala hweeng'we onyala ohwiikalao enjiki ch'enyuumba yaange, mani mwahaya ohwaadusa omuliro hu alutaari yaange bihaya! Haba siibasangaaliraho kata nabudiidi daawe, haandi siinjia husiima ebiyaanwa bi munyaanira.

Yowaana 15:16

Haba siniing'we abandoola daawe, nae ese niise owabadoola haandi ndabatuma endi muchie mwaame ebyaamo, haandi endi ebyaamo byeeng'we biyiindire. Mani buli siindu syoosi si munaasabeenge Laata mu liita lyaange, achia ohusibaberesaanga.

Yowaana 15:8

Nimwaama ebyaamo biingi, mani mweekesa muti muli abeeki baange badyeeri, Laata achia ohunyoola oluyaali.

Abarooma 15:28

Mani niimba niimalire omulimo kuno, haandi niimalire ohubayirira eseende choosi chi ndababuusira, ao niwo yi njia ohubakeniyira nindiirire olukeendo lwaange luchia Sipeini.

2 Abakoriito 11:16

Ndi ohuloondamo endi, lehe omuundu yeesi atabaasaangaho ati ese ndi omusiru; nae kata nimuhola mutyo, mani munjire koti omuundu musiru, hu syesi nyale ohwefumiaho budiidi.

2 Abakoriito 9:5

Sakira mbaasire endi silai muno ohutuma abasyeefwe bano bataangire ohwiicha yi muli, mutekehe nibusisiiri esiyaanwa sino simwalaka, hu sinyale ohuba esiyaanwa sitekehe esitula muhudaha hweeng'we ataali ohuyiikwa.

Abafilipi 1:11

Obulamu bweeng'we boosi bucha ohwaama ebyaamo by'ebiima bilai bi Krisito mweene aleeta mani byaaberesa Nasaae oluyaali neende efuma.

Abafilipi 4:11

Sikali mbwe ndi ohwekanyiirisa ohudahibwa; olwohuba ndaamalire ohweeka endi, obulamu bwoosi buumba nimbaamo, buunjera sa.

1 Abatesalonika 2:5

Olwohuba mumanyire bulai bweene muti haba sihweecha yi muli neende emboosi chibwiiha hu kuliira kweefwe daawe, nae Nasaae mweene niye oli omuloli weefwe hu biindu bi nomanoma bino.

1 Timoteo 3:3

Ahoyera ohuba otaali omumeesi, haandi otaali omwaalaba, nae ahoyere ohuba omuloonga, otaali omusoolani, haandi otaali omwekoombi w'eseende.

1 Timoteo 6:10

Olwohuba ohwekoomba eseende nihwo omusi kw'ebibi byoosi. Olwohuba ohubitira mu obwekoombi bubi buno, nimwo mu baandi boolera ohudaaliima baatula hu fukiirira yino, mani baafumita emyooyo kyaabwe neende amafumo maangi ak'ohwelalihirira.

Tito 1:7

Koti lwaali omuhalaabani wa Nasaae, omwiimirisi w'Abakristo ahoyere ohuba nataaliho esiindu simwekanyiirisaho. Haba s'ahoyere ohuba omuundu w'esuunga, oba onyoolera bwaangu, oba omumeesi, omwaalaba, oba ow'omutoolyo.

Tito 3:14

Haandi yoomisira abaandu beefwe oti bahoyere ohweeka ohuholaanga ebiindu bilai, hu banyale ohuba abeetekefu ohuhoonyaanga mu bidinyu bikwaao bwaangu, bahayeenge ohubechaanga sa ao nibabula obuhoonyi bwoosi.

Abaibburania 6:10

Nasaae haba siyehubbira. Haba saacha hwiibirira omulimo kumwahola, oba obuheeri bu mwamala ohweekesa mu buhoonyi bumwatusa nimuhoonya abaandu bae, haandi bu musyemeeda ohuhoonya Abakristo basyeeng'we.

1 Petero 5:2

Mube abaayi b'ebyaayo bi Nasaae yababeresa, haandi mubiliinde neende ohudaha koti lu Nasaae adaha muhole ataali ohuyiikwa. Hole emirimo kyeeng'we ataali ohwekoomba eseende, nae ohweema hu hudaha ohuhalaabanira abasyeeng'we mubwadyeeri.

2 Petero 2:15

Baleha engira nuungifu, mani baakota nibadiirire engira yi Bbalamu, omwaana wa Bbeyori yaloonda, owali niyaheera eseende chanyoola hulw'ohuhola ebyonoono,

2 Petero 2:3

Mu kuliira kwaabwe, abeekesa bobubacha bano bachia ohubanyoolamo engaanga muno ohweema hu ngano chi beene beeholera. Omusaango kwaabwe kwamala ohuheengwa hale muno, haandi ohusihiriswa hwaabwe haba sihukona daawe.

Yuda 1:11

Nga kahabanyoole! Olwohuba baloonda engira yi Kaini yaloondaho hale. Hulw'obwekoombi bw'eseende, beyingisa mu njekesa ndoondobanu koti lu Bbalamu hale yahola. Bachia ohusihiriswa hulw'amayiingi koti lu Koora hale yahola.