Abafilipi 4:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Mani sakira, basyaange, bandaha haandi bandeekoomba, eng'we esangaalo lyaange haandi ekofia y'obwaami yaange, mweeme mwomiire mutyo mu Omwaami, baheerwa baange.

EBBAIBBO EMBOOSI YA NASAAE

¹ Mani sakira, basyaange, bandaha haandi bandeekoomba, eng'we esangaalo lyaange haandi ekofia y'obwaami yaange, mweeme mwomiire mutyo mu Omwaami, baheerwa baange.

Abafilipi 4:1 Iomraidhean Croise

Yobbu 31:36

Mubwadyeeri ndahakukingiire hu mabeka kaange; ndahakwebandiihire hu mutwe koti ekofia y'obutuki;

Esabbuli 125:1

Abo abeesika Omwaami bali koti Olugulu lwa Siyooni, olutahanyala ohudengaanisibwa daawe, oluyiindira endaalo choosi pe.

Esabbuli 27:14

Weesike Omwaami; kobolamo amaani, mani leha omwooyo kwao kugume; eee, weesike Omwaami!

Matayo 10:22

Buli muundu yahabasyuuleenge hulwaange. Nae owahesimiirise ohwoola hu njakamo, niye owahawone.

Yowaana 8:31

Bulaanu, Yesu yaboolera Abayudaaya abamufukiiriremo ati, “Nimwemeeda ohwomiirira hu mboosi chaange, mwahabe abeeki baange badyeeri,

Ebiholwa 11:23

Bbarinabba niyeecha yoola mu Atiokia, yabona embabaasi cha Nasaae chali nichiriyo, yasangaala muno; yaabasaba ati boosi badoong'e nibali abeesikwa eyiri Omwaami neende esichiiririrwa syomiifu;

Ebiholwa 14:22

nibadinyia emyooyo ky'abeeki balichiingi mu biko bihuluundu ebyo, nibabagumia bati bemeede ohuhula mu fukiirira, haandi nibaboola bati huhoyere ohubitira mu husaanda ohuungi muno hu hweemeo hunyale ohwiingira mu Bwaami bwa Nasaae.

Ebiholwa 2:42

Boomiirira hu njekesa y'Abatume neende ohuholeraanga alala, neende ohuliiraanga omugaati alala neende ohulaamiraanga alala.

Abarooma 2:7

Abaandu baandi bomiirira ohuhola ebiindu bilai, haandi bakoonya oluyaali neende efuma, neende obulamu butaakama; abo Nasaae yahababerese obulamu butaakama.

1 Abakoriito 15:58

Mani sakira, basyaange baheerwa, mube abomiifu, abatadeengaanisibwa, buli siha nimuhayiire hu mulimo kw'Omwaami, nimumanyire muti mu Omwaami oyo, obuhalaabani bweeng'we haba sibwebihaya daawe.

1 Abakoriito 16:13

Mube meeso, mweeme mwomiire mu fukiirira yeeng'we, mube abagumu, mube ab'amaani.

2 Abakoriito 1:14

koti lu mwali mwamanyaho bidiidi, hu munyale ohutwesiimiramo koti lu hunyala fwesi ohubesiimiramo, hu ludaalo lw'Omwaami Yesu.

Abagalatia 5:1

Obuboolole nabwo, Kristo yatuboolola; mani mumenye nimuli abalehuule, haandi mutoola ohweyingisaho ehabi liindi mu bulamu bw'obuwaambe.

Abafilipi 1:27

Esihirira elalira nisyo mbwe, ebiima byeeng'we bihoyere bibe koti Emboosi Ndai ya Kristo yidaha, kata ni mba niinjichire ohubabona, oba nimbulira-buwulira ebibadiiraho. Mube abomiifu muno neende esichiiririrwa silala, haandi mulwaanire alala neende embaasa ndala eyitula mu Mboosi Ndai.

Abafilipi 1:8

Nasaae niye omuloli waange omanyire ati ndi ohuboola obwadyeeri endi, ohubaasa humbabaasaho, hubaasa hwa Yesu Kristo hweene.

Abafilipi 2:16

nimwomiriire hu Mboosi y'obulamu. Nimuhola mutyo mba njia ohuba neende esifune esy'ohubehoyeramo hu ludaalo lwa Kristo, olwohuba sichia ohweekesa siti amaani kaange koosi alala neende omulimo kwaange, haba sibyali eby'ebihaya.

Abafilipi 2:26

Yekoomba muno ohubabona mweesi, haandi yachunisibwa muno mu mwooyo ohuwulira ati mwamanya n'alwaala.

Abakolosaayi 4:12

Epafura, mulala hweeng'we abahalaabani ba Kristo Yesu, yesi abaheesa, koti lu yanala ebiha byoosi naabechulisira elalira mu hulaama Nasaae hwae, ati munyale ohweebisa koti abahuluundu haandi nimuli neende esuubi liichufu mu biindu bi Nasaae adaha.

1 Abatesalonika 3:13

Mu ngira yino nilwo lwaachia ohubameederamo amaani, mani mube ababulaho esibi syoosi, haandi aboolerefu mu moni wa Nasaae weefwe haandi Seefwe, hu ludaalo lu Omwaami weefwe Yesu yahakobolereho alala neende aboolerefu bae boosi.

2 Abatesalonika 2:15

Sakira basyaange, mweeme bulai haandi mwomiirire hu bwadyeeri buhwabeekesa, mu nomanoma neende mu bbarwa yeefwe.

2 Timoteo 2:1

Nae ewe, mwaana waange, ba neende amaani ka hwanyoola ohubitira mu mbabaasi cha Kristo Yesu.

Abaibburania 10:23

Lehe hwomiirire hu suubi li huli nalyo, olwohuba Nasaae otusuubisa mweesikwa niye.

Abaibburania 3:14

Olwohuba fweesi hukabanira alala neende Kristo nihwomiisa obweesikwa bweefwe buhwachaaka nabo hwoola hu njakamo.

Abaibburania 4:14

Lehe bulaanu hwomiirire hu fukiirira yihutumbula. Olwohuba huli neende Omulaamisi Muhuluundu Ohiramo owamala ohwiingira ohwoola mu moni wa Nasaae bweene, oyo niye Yesu, Omwaana wa Nasaae.

2 Petero 3:17

Nae eng'we, basyaange, mwamala ohumanya sino. Bulaanu mweliinde mutakoswa neende enjekesa ch'obubacha ech'abaandu bahola-mbi mani mwaakwa ohutula mu bwiihalo bweeng'we bulai.