Abafilipi 3:6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ ohweema hu huchuunirwa ediini omwiiti w'abafukiiriri, ohweema hu buluungifu bweema hu malako ka Musa, otaaliho neende esyonoono syoosi.

EBBAIBBO EMBOOSI YA NASAAE

⁶ ohweema hu huchuunirwa ediini omwiiti w'abafukiiriri, ohweema hu buluungifu bweema hu malako ka Musa, otaaliho neende esyonoono syoosi.

Abafilipi 3:6 Iomraidhean Croise

2 Samueli 21:2

(Abaandu ba Gibbeoni haba sibali Abaisiraeli daawe; bali nibali omukaanda mudiidi muno okw'Abaamoori, ba Abaisiraeli bali nibasuubisa ohuliindaanga, nae Saulo yali niyateemaho ohubasihirisa hulw'esiruwi si yali nasyo eyiri abaandu ba Yisiraeli neende aba Yuda.)

2 Abatuki 10:16

Mani naamuboolera ati, “Yiicha naange, obone koti lu ndeyaana eyiri Omwaami.” Mani boombi nibachiira mu sigaari syae.

Omuyaali 7:16

Mani sakira otabitirisaanga ohuba omuluungifu, oba omukesi. Lwasiina odaha ohweeyita omweene?

Esy'Abaleefi 13:16

Nae esifwiimba esyo nisiicha syaanyala ohuwona mani syafwaana rachaari ehabi liindi, omuundu oyo ahoyere ohuchia eyiri omulaamisi,

Matayo 23:25

“Chibaakaanire eng'we, Abeekesa b'Amalako neende Abafarisaayo. Abebachirisi eng'we! Eng'we aboosa humukulu w'ebikoombe neende ow'esaani, nae muukati wabyo, mweechulamo eby'obwiibi neende okuliira.

Matayo 5:20

Sakira ese mbaboolera endi, obukololofu bweeng'we nibutahiraho obw'Abaandiiki ba Amalako neende obw'Abafarisaayo, haba simwaheengire mu bwaami bwo Muukulu.

Luka 1:6

Mani boombi bali abaluungifu mu moni wa Nasaae, nibaloondakirira amalako koosi neende ebidahibwa by'Omwaami byoosi ataali ohudoondobanaho kata.

Ebiholwa 21:20

Nibamala ohuwulira batyo, bafumya Nasaae muno. Mani bamala baboolera Paulo bati, “Mwaana weefwe obona, chiriwo elifu neende elifu ech'abaandu Bayudaaya bosi abafukiirira; boosi bali ohwomiirira hu malako,

Ebiholwa 22:5

koti lu omulaamisi muhuluundu neende esiina syoosi esy'abahuluundu banyala ohusiira nimboola endyo. Ndaberesebwaanga ebbarwa enyiingi muno ohutula hu beene abo, chi ndayiriraanga abafukiiriri, mani ndakeniyaanga ninjola Damasiko ohudiira abo abalichiingi eyo nimbaleeta mu Yerusalemu nimbaboyere ohubasaandya.

Ebiholwa 26:5

Bamanyire bati, hulw'embaka ndeeyi muno, nikali mbwe banyala ohuba nibadaha ohusisiira, mbwe ohweema hu mukaanda kw'ediini yeefwe mujiing'u muno ese ndamenya koti Omufarisaayo.

Ebiholwa 8:3

Nae Saulo esiha syeene esyo yali naali ohusaandya muno abaandu bali bafukiirira mu Yesu Kristo, niyeengira maloondehania mu buli nyuumba, n'adiira abasaacha alala neende abahasi n'abayira ohubeekalira mu jeela.

Abarooma 7:9

Ese syesi ndali ni ndi omulamu amalako nikabulao; nae elako nilyeecha, esyonoono syalamuha,

1 Abakoriito 10:32

Otanyolesaanga Abayudaaya oba Abagiriki oba abafukiiriri ba Nasaae,

1 Abakoriito 15:9

Olwohuba ese niise ohiramo obudiidi oluyaali, otahoyera kata ohulaangwa omutume, olwohuba ndasaandyaanga abafukiiriri ba Nasaae.

Abafilipi 2:15

hu munyale ohuba nimutaaliho esiindu syoosi sibabafunaana, nae mube abaluungifu koti abaana ba Nasaae ababulaho esyonoono, abamenya mu syaalo sy'abaandu badoondobanu haandi abonooni. Mani muhoyere ohubaaduhamo, koti eng'ining'ini chihosa mu syaalo,

Abafilipi 3:9

mani njakaanibwe nimulimo, nitanyoolere obuluungifu obwaange omweene, obweema hu malako ka Musa, nae obwo obubitira mu fukiirira mu Kristo, obuluungifu butula eyiri Nasaae, haandi obweema hu fukiirira;

1 Timoteo 1:13

kata nindamufwoolaanga hale haandi nindamusaandyanga, haandi nimunyeka. Nae Nasaae yeecha yangwiira esisa olwohuba ndaholaanga endyo nitaali neende efukiirira haandi nitaamanyire esy'ohuhola.

Abakayi 6:30

Mani baachia eyiri Yoasi, bamuboolera bati, “Ewe tusa omwaana wao erwaanyi eno, humwiite bulaanu buti! Alikule alutaari ya Bbaali, haandi amalire ohutema-tema yakwiisa esilolero sy'Asera esibeechaanga endulo wayo.”