Abafilipi 3:19 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁹ Ohumaliiriha hwaabwe huchia ohuba ohusihirira, nasaae waabwe ni olusooso, nae haandi beeniinisirya sa mu soni chaabwe, neende ebibaaso byaabwe nibyaandira hu biindu by'ohusyaalo.

EBBAIBBO EMBOOSI YA NASAAE

¹⁹ Ohumaliiriha hwaabwe huchia ohuba ohusihirira, nasaae waabwe ni olusooso, nae haandi beeniinisirya sa mu soni chaabwe, neende ebibaaso byaabwe nibyaandira hu biindu by'ohusyaalo.

Abafilipi 3:19 Iomraidhean Croise

Esabbuli 17:14

ewe Omwaami, monie abasaacha bano neende omuhono kwao, monie abasaacha ba omukabo kwaabwe kuli mu bulamu bwomu syaalo muno. Leha banyoole ohusaanda hu wabatekehera; leha abaana baabwe basaande ohuhirahoo; leha ohusaanda huundi hudoong'ere abeechuhulu baabwe!

Esabbuli 52:1

Lwasiina wehuduumbasa, ewe omuundu w'amaani, hulw'ebibi by'ohola abaandu ba Nasaae? Oludaalo lwoosi

Yeremia 44:17

Nae huchia ohwemeeda ohuhola buli siindu sihuheengereo ohuhola. Huchia ohunioohesa obubbaani eyiri nasaae muhasi w'ekulu haandi huchia ohumuchuhira ebiyaanwa by'ohung'wa, koti lu efwe neende bakuuka yeefwe, neende abatuki beefwe, neende abachweenufu beefwe hwaholaango mu biko byomu Buyudaaya neende mu ngira chomu Yerusalemu; olwohuba olwo nilwo lu hwabechaanga neende ebyohulya biingi muno, mani nihuba bulai, haandi sibulao esiindu syatunyasaho daawe.

Esekeeli 13:19

Muumaliremo oluyaali mu moni w'abaandu baange, nimukoonya ohwenyoolera amabeere masuungu madiidi neende ebituundu by'emigaati, nimwiita abaandu bataahoyere ohufwa, nae nimuwonia abaandu bataahoyere ohuba abalamu, mani nimubachirisa abaandu baange nibatekeeresa obubacha bweeng'we.”

Esekeeli 34:3

Mung'wa amabeere, haandi mwefwaala engubo chisonwa mu bwooya bwaako, mani mweeta amakoondi kahiramo obukinu; nae haba simukadeebaho daawe.

Hosea 4:7

“Obuungi bw'abalaamisi eng'we koti abwaaka, niwo yi mweesi mwaaka ohwonoona mu moni waange, mani sakira ese njia ohukaluuhania oluyaali lweeng'we lube esoni.

Mika 3:11

Abahuluundu basyo baheenga emisaango olw'ohukuliirirwa. Abalaamisi basyo beekesa nibapaangiiswe, abanabbi basyo balaanga banyoole eseende. Mani boosi beesika Omwaami nibaboola bati, “Omwaami ali naafwe. Sibulao esyonoono sinaatukweeho daawe.”

Mika 3:5

Omwaami aboola ebidiira hu banabbi abo nibakosakosa abaandu baange, abasuubisa omuleembe, eyiri abo abababeresa esyohulya, nae abalaanga ebiita eyiri abo abatababeresa ebyohulya. Abanabbi abo Omwaami aboola ati:

Malaki 1:12

Nae eng'we muundekeresa, mani nimuboola muti: “Emeesa y'Omwaami haba si y'oluyaali daawe, haandi ebyohulya byahwo bibulamo obuhoonyi.”

Matayo 16:23

Yesu nae yakaluuhana mani yaaboolera Petero ati, “Mbweere-eyi, Sitaani! Leha ohundehiinga mu moni, olwohuba embaasa yao eyo, haba si ya Nasaae, nae y'abaandu sa.”

Matayo 25:41

Nae achia ohuboolera abo abali hu muhono kwae mukaada ati, ‘Mumbweere-eyi, eng'we ababwaabwa! Mwiingire mu muliro kutasima okwatekeherwa Sitaani neende bamalaika bae;

Luka 12:19

Mani niimala endyo njia ohuboolera omwooyo kwaange endi, Bulamu ewe, mbao oli neende ebiindu biyera ebihubihiirwe ohumala emyaaka emiingi muno; mani otelalihira, lya, ng'wa, mani osangaale.’

Luka 16:19

“Olwoola, waliwo omusaacha muyiinda wuundi, owefwalaanga engubo ch'oluyaali muno neende ech'elaasi ndai muno, haandi owalichaanga bulai buli ludaalo.

Luka 18:4

Nae yahayaho hulw'esiha sidiidi; nae luunyuma yeeboolera omweene ati, ‘Ndahaba mbwe ese haba siitya Nasaae kata neende nitadeeba hu muundu yeesi,

Abarooma 16:18

Olwohuba abaandu bahola ebiindu bifwaana bityo, haba sibahalaabanira Kristo Omwaami weefwe, nae bahalaabanira enda chaabwe abeene. Beehoonyera emboosi ndai neende ohwefumia, mani baabachirisa abaandu bataaliho omusaango.

Abarooma 6:21

Mani ngaanga siina yi mwanyoola hulw'ohuholaanga ebiindu bibadiisa esoni esiha sino? Ebitula mu biindu ebyo hufwa hwoong'ene.

1 Abakoriito 3:3

olwohuba eng'we musisiiri sa abaandu b'omubiri kwoong'ene. Olwohuba nikali mbwe eng'we musisiirimo ebihali-hali neende ohuyinduulana, haba simuba nimusisiiri abaandu bali neende omubiri kwoong'ene, haandi nimweebisa sa koti abaandu ba buli ludaalo?

1 Abakoriito 5:2

Nihaandi mubulaho kata esoni! Eng'we haba simwahahoyeere ohuba nimulira bulira hulw'esifwaabi sino? Mulehe oyo owahola sino yeerusibwe ohutula mweeng'we.

1 Abakoriito 5:6

Ohweniinia hweeng'we ohwo, haba sinohulayi daawe. Eng'we haba simumanyire muti, otumera tudiidi sa tunyala twabbaaha esiniho siingi?

2 Abakoriito 11:12

Mani esyo siindi ohuhola, njia ohwemeeda ohusihola, hu nyale ohuchalaasa enomanoma y'abaandu bahadahire ohuboola bati, mu buhalaabani bwaabwe bw'ohweefumia obwo, bahalaabanira mu luyaali lwaakana neende lu fwesi huhalaabaniramo.

2 Abakoriito 11:15

Mani haba sisikeni eyiri abahalaabani bae bosi ohweehola bafwaana koti abahalaabani b'obuluungifu. Enjakamo yaabwe yicha ohufwaanana neende ebihole byaabwe.

Abagalatia 6:13

Olwohuba kata abo abahebwaanga, abeene sibanyalaanga hwooseresa amalako ka Musa koosi nae badaha eng'we muhebwe hu banyale ohwewulirira sa mu mibiri kyeeng'we.

Abafilipi 2:21

Abadoong'ereo boosi bafwa hu biindu byaabwe byoong'ene, ataali ohubaasa hu bidiira hu Kristo Yesu.

Abakolosaayi 3:2

Mutecheenge ebibaaso byeeng'we hu biindu biri aakulu, ataali hu biindu biri hu syaalo.

2 Abatesalonika 1:9

Bachia ohunyoola ohusaandisibwa hw'ohumalirwao elalira nibatusibwa mu moni w'Omwaami neende mu luyaali lwae lw'amaani,

2 Abatesalonika 2:12

mani abaheengere omusaango kuhire abo abatafukiirira obwadyeeri nae baasaangaalira ebyonoono byoong'ene.

2 Abatesalonika 2:8

Mani ao niwo lu muundu otatya Nasaae achia ohubonehanira, yi Omwaami Yesu achia ohwiita neende omuuya kw'omuuhanwa wae mani amusihirise neende ohubonehana hw'oluyaali lwae naakobola.

1 Timoteo 6:5

neende amayiingani k'olutata akatula mu baandu b'ebibaaso byafwa ebitadoong'amo obwadyeeri bwoosi daawe. Babaasa sa bati, obunadiini niyo engira y'ohunyoola efuni.

2 Timoteo 3:4

bachia ohuba abekaani, abafwaayo esiindu, abechula esuunga; bachia ohuba abaheera esangaalo ly'ohusyaalo ohuhira Nasaae;

Yakobbo 4:16

Nae bulaanu eng'we mweniinia haandi mwefumia. Ohwefumia hw'engeri eyo, hubi nihwo.

2 Petero 2:1

Abanabbi bobubacha bosi balichiingi mu baandu ba Nasaae, mani mweeng'we muchia ohubechaangamo abeekesa bobubacha. Abeekesa bobubacha bachia ohuleeta enjekesa ch'obubacha mbi echinyaasa, haandi bachia ohwekaana Omwaami wabanunula, mani beleeteere ohufwa bwaangu.

2 Petero 2:13

Bachia ohubatuunga neende ohusaandisibwa huli koti hu basaandisiramo abaandu baandi. Esaangaalo lyaabwe liri mu hung'wa esideete ng'alang'ala nibasaangaasa emibiri kyaabwe. Sy'esoni muno haandi sibi nibeehala mu sidyaalo alala naang'we, olwo nibasaangaalira mu ngira chaabwe mbi!

2 Petero 2:3

Mu kuliira kwaabwe, abeekesa bobubacha bano bachia ohubanyoolamo engaanga muno ohweema hu ngano chi beene beeholera. Omusaango kwaabwe kwamala ohuheengwa hale muno, haandi ohusihiriswa hwaabwe haba sihukona daawe.

Yuda 1:10

Nae bano banyeka kata neende esiindu si bataamanyire amahuluundu kasyo. Haandi ebiindu bi bamanyire mu bibaaso byaabwe, koti ebisolo bibula ebibaaso, nibyo ebiindu ebichia ohubasihirisa.

Yuda 1:16

Abaandu bano buli siha bekanyiirisa haandi boolobya abasyaabwe; bahola neende obwekoombi bwaabwe bubi; abeene bewulira haandi balekeeresa abasyaabwe hu banyale ohuhola bi badaha abeene.

Yuda 1:4

Olwohuba baluwo abaandu baandi abatatya Nasaae abamala ohutwiingiramo mu bweekisi nihutaamanyire. Abo nibo abaandu bataamanyire Nasaae haandi abahyaamia enjekesa yidiira hu mbabaasi cha Nasaae hu babwiihe hu bibi byaabwe, haandi bahaye Yesu Kristo, ow'Oluyaali luhiramo haandi Omwaami weefwe.

Ohubwiihulirwa 18:7

Mumuteeho ohusaanda huungi neende esibeera siingi koti oluyaali neende ohwesangaasa hu yeberesaanga omweene. Olwohuba yamenya niyebooleraanga omweene ati: ‘Mbano njihaale, omutuki muhasi hala! Haba siindi mufwiirwe daawe, Haba siinjia ohunyoolaho esibeera daawe!’

Ohubwiihulirwa 19:20

Esisolo esyo syayaambwa syayiriwa nisiri esiboye, alala neende abanabbi babacha abali nibaholaanga eby'amayia mu moni wae. (Olwohuba yehoonyeraanga ebiholwa by'amaya ebyo ohubachirisa abo abali nibaliho esilolero sy'esisolo esyo, neende abo abali nibeenamiraanga esifwaanani sy'esisolo syeene esyo.) Esisolo esyo syeecha syasukunibwa nisiri esilamu, alala neende omunabbi mubacha wula yesi naali omulamu mu nyaanja y'omuliro, eyaadusirwa maratutu.

Ohubwiihulirwa 21:8

Nae abati, abahobi, abahyaamia ohuhola obudya, abeeti, abacheke, abaholi b'amayia, abeenamira emisaambwa, alala neende ababacha boosi, obwiihalo bwaabwe, nibwo enyaanja yaaduha omuliro neende maratutu, eyiri niyo ohufwa hwa habiri.”

Ohubwiihulirwa 22:15

Nae erwaanyi w'esiko esyo, yiriyo embwa, neende abalakusi, neende abacheke, neende abeeti, neende ab'emisaambwa, neende buli muundu yeesi owaheera obubacha haandi omwebachirisi.

1 Samueli 2:29

Lwasiina, mani, muhondyoola mutyo neende esiwonya ebiyaanwa neende ebibereswayo biindusaanga hu baandu baange? Lwasiina, ewe Eli, wiisa oluyaali mu basyaani bao ohuhiraho koti lu wuunjisamo, n'obaleha nibehomesera mu hulya ebituundu bihiramo obulai eby'ebiyaanwa bi baandu baange baanyaanira?