Abafilipi 3:12 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹² Sisiri mbwe ndamala ohunyoola esisuubirwa sino, oba oti ndamala ohuba otaalihooho esyonoono syoosi; nae ndi ohwedinya ninjiiririra nyale ohusinyoola omweene, olwohuba Kristo yamala ohuhola ohuba owae mweene.

EBBAIBBO EMBOOSI YA NASAAE

¹² Sisiri mbwe ndamala ohunyoola esisuubirwa sino, oba oti ndamala ohuba otaalihooho esyonoono syoosi; nae ndi ohwedinya ninjiiririra nyale ohusinyoola omweene, olwohuba Kristo yamala ohuhola ohuba owae mweene.

Abafilipi 3:12 Iomraidhean Croise

Yobbu 17:9

Nae omuundu muluungifu yomiirira hu ngeri yae, haandi oyo otaaliho omusaango yemeeda sa ohubaamo amaani.

Esabbuli 119:5

Bulaanu mba ninyomiriire ohuliinda ebilagiiriro byao!

Esabbuli 138:8

Omwaami yahoserese bi yaasuubisa; olwohuba Ewe Omwaami, obuheeri bwao bw'endaalo choosi pe. Otasukuna omulimo ku wachaakisa.

Esabbuli 42:1

Koti lu mboongo yilumwaanga obuluwo bw'amaachi k'emyaalo kihulukusa, nilwo sa lu mwooyo kwaange kuhwekoomba, ewe Nasaae waange.

Esabbuli 63:8

Omwooyo kwaange kwoomera hu ewe; omuhono kwao muluungi nikwo okuniindaanga.

Esabbuli 84:2

Ndaha muno ohuba eyo. Ndekoomba ohuba mu Nyuumba y'Omwaami. Mu bulamu bwaange bwoosi, nyembera Nasaae mulamu neende esangaalo.

Esabbuli 94:15

Obwadyeeri mu huheenga emisaango hwahakaluheo, mani abaluungifu boosi nibabuloonda.

Engaado 4:18

Nae engira y'omuluungifu yaaduha koti omubasu kw'esanya, okwemeeda ohwaaduha ohwoola esideete.

Yisaaya 51:1

Omwaami aboola ati, “Tekeerese bi mboola eng'we abadaha ohuwonisibwa, eng'we abakoonya Omwaami. Baase hu lwaanda lumwabaachwamo, neende hu siroombe sy'amakina simwayabwamo.

Hosea 6:3

Lehe huteemeho ohumanyaanga Omwaami oyo. Aba achia ohwichaanga yi huli obutakosa koti sa buli ludaalo luhyechaanga, haandi obutakosa koti efula yihola amadiba yikwichaanga hu syaalo huno.”

Matayo 5:48

Sakira eng'we mubecheenge aboolerefu koti lu Nasaae Seeng'we oli Muukulu ali Omwoolerefu.

Ebiholwa 9:15

Nae Omwaami yamuboolera ati, “Ewe chia, olwohuba oyo niye omuhalaabani waange, omudoole ochia ohuyira eliita lyaange eyiri Abateende, abatuki neende abaana ba Yisiraeli;

Abarooma 8:39

kata syahaba esyaalo sy'aakulu, oba esya aasi, sibulao esiindu syoosi mu biloonge, esichia ohunyala ohutwawuhania syaatutusa hu obuheeri bwa Nasaae bu hwanyoola ohubitira mu Kristo Yesu Omwaami weefwe.

1 Abakoriito 13:10

nae ebiluungifu byeene nibichia ohwiicha, ebitaali ebiluungifu bichia ohuwaao.

1 Abakoriito 13:12

Olwohuba bulaanu, huli ohubonera mu monero amabuulyeesi, nae esiha esyo huchia ohubonana emoni-hu-moni. Bulaanu manyireho ebituundu; esiha esyo njia ohumanya mu bwiichufu, kata neende koti lu ndamala ohumanyihana mu bwiichufu.

1 Abakoriito 9:24

Simumanyire muti mu mbiro abeeruhi boosi bakeranaanga, nae mulala yeeng'ene niye onyoolaanga esiyaanwa? Mani yiruha nochoomere ohunyoola esiyaanwa.

2 Abakoriito 13:9

Efwe husangaala nihuba abakata nae eng'we nimuba ab'amaani. Sihubalaamira eyiri Nasaae nihwo ohuhula-hulana hweeng'we.

2 Abakoriito 7:1

Koti lu huli neende ebisuubise bino, abaheerwa, mulehe hweeyoseho buli syonoono sy'omubiri neende esy'omwooyo, mani huhole obwoolereere mu hutya Nasaae.

Abagalatia 5:17

Olwohuba obwekoombi bw'omubiri, buyiinganianga Mwooyo, nae ebidahibwa by'Omwooyo, byosi biyiinganianga eby'omubiri; olwohuba ebiindu bino byoosi, haba sibinyala ohuchiana, hubihukayire ohuholaanga byooba niwahadahireenge ohuhola.

Abaefeso 1:4

Kata neende esyaalo nisyali nisitaloongwa, Nasaae yali niyamala ohutudoola hube abaandu bae ohubitira mu huba bulala neende Kristo, hu hunyale ohuba aboolerefu haandi abataaliho obubi bwoosi mu moni wae. Ohweema hu buheeri bwae

Abaefeso 4:12

ohuberesaanga abaandu ba Nasaae ebiindu bihoyera omulimo kw'obuhalaabani, hu banyalirwe ohwoombaha omubiri kwa Kristo,

Abafilipi 1:1

Ohutula eyiri Paulo neende Timoteo, abahalaabani ba Kristo Yesu, Niyichiira aboolerefu ba Nasaae abali mu bulala neende Kristo Yesu, alala neende abeemeresi b'emikaanda ky'abafukiiriri alala neende abahoonyi baabwe.

Abafilipi 3:16

Ohutusaho, lehe efwe hwomiirire hu bwadyeeri bu hwamala ohunyoola.

Abafilipi 3:3

Olwohuba efwe niifwe ohuhebwa hwadyeeri, abeenamira Nasaae mu mwooyo, haandi abeninisirya mu Kristo Yesu, haandi abateesikaho emiholo kidiirana hu mubiri kata nabudiidi.

Abafilipi 3:8

Mubwadyeeri bweene mbala buli siindu syoosi koti ohufwiirwa huhaya hulw'obulai bubitiirifu obuli mu humanya Kristo Yesu Omwaami waange. Hulw'omweene oyo, ndabitira mu buchuuni bw'ohufwiirwa ebiindu byoosi, mani ndabibala ohuba koti obunyaka buhaya, hu nyemeo nyale ohuyindiyala mu Kristo

1 Abatesalonika 5:15

Ataba hoo omuundu yeesi mweeng'we owutuunga esibi hu sibi, nae ebiha byoosi muboneenge muti echoomo lyeeng'we nilyo ohuholaniraanga ebilai, neende ohuholeraanga abaandu boosi ebilai.

2 Abatesalonika 2:13

Abaheerwa b'Omwaami, huhoyera ohweebasa Nasaae hulweeng'we buli siha, olwohuba Nasaae yabadoola muhuchaaka ati munyoole ohuwonisibwa neende amaani ka Mwooyo Mwoolerefu akabalabya hulw'efukiirira yaadyeeri yeeng'we yi muli nayo.

1 Timoteo 5:10

Haandi omuhasi oyo ahoyere ohuba nasiimibwa ohuba neende ebiholwa bilai, haandi koti owaliindaho abaana, omuliindi w'abaandu, owosaho amakulu k'aboolerefu ba Nasaae, owajanjabiaho abaandu, haandi owetusayo ohuholaanga ebilai mu buli ngira.

1 Timoteo 6:19

Nibahola batyo, nilwo lu baba bachia ohuba nibali ohweyoombahiraanga omusiingi mulai okw'obulamu bwiicha. Hu baba bachia ohunyala ohunyoola obulamu buli obulamu bw'alalira.

Abaibburania 12:14

Teemeho koti lu munyala ohubona muti, muli neende omuleembe neende buli muundu yeesi, nimukeendera mu bulamu bwoolerefu, olwohuba abulao omuundu yeesi ochia ohubona Omwaami naabula obwoolerefu.

Abaibburania 12:23

Mwiichire eyiri omukaanda kw'abafukiirira Kristo, abaana ba Nasaae b'amberi, ba baandiika ameeta kaabwe Muukulu. Mwiichire eyiri Nasaae, oheengera abaandu boosi emisaango, neende eyiri emyooyo ky'abaandu balai abaholwa aboolerefu.

Abaibburania 13:21

ababerese buli si mudaha, hu munyale ohuhola ebiindu by'adaha. Nasaae oyo atuholeremo ebimusangaasa, n'abitira mu Yesu Kristo. Nasaae oyo ohoyere ohubeereswa oluyaali endaalo choosi. Amiina.

Yakobbo 3:2

Efwe fweesi ebiha bihira obuungi hudoondobana nihuhola ebibi. Nae omuundu yeesi owutadondobana mu nomanoma yae, oyo aba omuluungifu elalira, onyala ohutuka obulamu bwae bwoosi.

1 Petero 5:10

Nae nimumalire ohusaandaho budiidi, Nasaae ow'embabaasi choosi, owabalaanga ati mukabaneho hu luyaali lw'endaalo choosi mu Kristo, niye ochia ohubaberesa amaani mube abomiifu mu fukiirira.

2 Petero 3:18

Nae mwemeeda ohuhula nimuli neende embabaasi, neende ohumanya Omwaami haandi Omuwonia weefwe Yesu Kristo. Oluyaali lube olwae bulaanu neende endaalo choosi. Amiina.