Abafilipi 3:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Nimaliirisa basyaange, mwehoyere mu Omwaami. Ohubandiikira ebiindu bifwaanana neende koti bi ndabaandiikiraho hale, haba sibinjuuna, nae hoyeere hole endyo hulw'obulai bweeng'we.

EBBAIBBO EMBOOSI YA NASAAE

¹ Nimaliirisa basyaange, mwehoyere mu Omwaami. Ohubandiikira ebiindu bifwaanana neende koti bi ndabaandiikiraho hale, haba sibinjuuna, nae hoyeere hole endyo hulw'obulai bweeng'we.

Abafilipi 3:1 Iomraidhean Croise

1 Ebyomubiha 15:28

Mani batyo, Abaisiraeli boosi nibaleeta Esanduuku ly'Endagaano elyo ohwoola mu Yerusalemu nibahuumula neende amakono k'esangaalo, nibahubba eturumbete, enjika, alala neende nyaangili, haandi nibahuubba obuhana.

1 Ebyomubiha 16:10

Sangaaleenge muti huli abae; lehe abo boosi abamwiinamiraanga beehoye!

1 Ebyomubiha 29:22

Baliira haandi bang'weera mu moni w'Omwaami, mani nibasangaala muno hu ludaalo olwo. Haandi ehabi lyohubiri, bemeeda ohulaangirira Solomooni omwaana w'omutuki Daudi ohuba omutuki waabwe, nibamubaha amafuta mu liita ly'Omwaami ohuba omutuki waabwe, haandi nibabaha Sadoki amafuta ohuba omulaamisi waabwe.

Nehemia 8:10

Mani bulaanu, eng'we mwekobolere engo weeng'we mani mulye esidyaalo. Kabanire alala ebyohulya byeeng'we alala neende eby'ohung'wa byeeng'we neende abo abataali neende ebimala. Enyaanga yino njoolerefu eyiri Omwaami weefwe, mani haba simuhoyere ohuba abanyoolefu daawe. Esangaalo li Omwaami nilyo elichia ohubaba amaani.”

Yobbu 22:26

omweene ochia ohusaangaalira mu w'Obunyala bwoosi, mani otingaale Nasaae ataali ohutya hwoosi.

Esabbuli 149:2

Leha Yisiraeli asangaale hulw'ebyo bi muloongi wao yahola. Eng'we abaandu ba Siyooni, musangaalire omutuki weeng'we!

Esabbuli 32:11

Eng'we abaluungifu, mwehoyere mu Omwaami haandi musangaale, eng'we mweesi ab'omwooyo muluungifu, muhuumule hulw'esangaalo!

Esabbuli 33:1

Eng'we abaluungifu musangaalire mu Omwaami! Olwohuba abaandu baluungifu bahoyere ohufumia.

Esabbuli 37:4

Esangaalo lyao likonyeenge mu Omwaami, oba ochia ohuhuberesaanga bi mwooyo kwao kwekoomba.

Esabbuli 42:4

Buli lu njichulisa ebiindu bino, eholo yiingwichaanga sa mu nda: Njichulisa koti lu ndachichaanga neende esidiiyiha sy'abaandu, koti lu ndabeemiriraanga nihukeenda neende esiroonyo nihuchia mu nyuumba ya Nasaae, nihwiichuule esangaalo haandi nihweemba enyembo ch'ohweebasa, hwabechaanga abaangi hu sidyaalo.

Esabbuli 5:11

Nae leha abo boosi abahunyoolamo obweyikamo basangaale. Leha beembeenge hulw'esangaalo; mani ewe, obakayirire, mani abo abaheera eliita lyao banyale ohuhuhwehoyeramo.

Esabbuli 97:1

Omwaami niye omutuki! Leha esyaalo syehoye! Mwehoye eng'we abaandu bamenya hu bisiinga byomu nyaanja!

Yisaaya 41:16

Wahabisereeche omuyaka kwabidumuula, mani esiifuusye syabisalaania. Mani ochia ohwehoyera mu Omwaami; oluyaali lwao lwahabe mu Omwoolerefu wa Yisiraeli.

Yisaaya 61:10

Esiko sya Yerusalemu siboola siti: “Njia ohusangaalira muno mu Omwaami, haandi njia ohwehoyera muno mu Nasaae waange.” Olwohuba yafwaasire neende ebyefwaalo by'obuwonia, mani yambwiiha neende ekaanju ly'obuluungifu, koti oyo odehiisye omweeya lu yefwaala, haandi koti omweeya yesyaaya emigasa king'enaang'ena.

Yisaaya 65:14

Bone, abahalaabani baange baheembe hulw'esangaalo, nae eng'we mwahalire hulw'engisa, nimuchwiila olw'obuchuuni.

Yoeli 2:23

Eng'we abaandu bomu Siyooni, sangaale, haandi mwehoyere mu Omwaami, Nasaae weeng'we; olwohuba ababeresa efula ndai yomu toocho. Akwiisa efula nyiingi muno, ey'etoocho neende ey'esiruumbi.

Sefania 3:14

Yembe mwehuume neende esangaalo, eng'we abaandu ba Yisiraeli! Sangaala neende omwooyo kwao kwoosi, ewe Yerusalemu!

Sefania 3:17

Omwaami Nasaae wao ali naawe; obunyala bwae nibwo obuhuberesa obuyiingiri. Omwaami achia ohuhusaangaaliramo, haandi obuheeri bwae nibwo obuchia ohukera ahuberese obulamu buyaaha. Achia ohuhweembera haandi ohuhusaangaalira,

Sekaria 10:7

Abaandu ba Yisiraeli bachia ohunyoola amaani kali koti ak'abanamaye, abasangaafu koti abo abamenya nibang'wa efiini. Abeechuhulu baabwe bosi bahanyale ohwiichulisaanga obuyiingiri buno mani beehoyereenge ebiindu bi Omwaami aba niyahola.

Matayo 5:12

Mweehoye, musangaale olwohuba omukabo kweeng'we Muukulu muhoongo muno: olwo nilwo nasilala lubasaandya abanabbi bahale.

Luka 1:47

haandi omwooyo kwaange kwehoyera mu Nasaae Omuwonia waange,

Abarooma 5:11

Nae esyo sinisyo syoong'ene daawe; huli abasangaafu hulw'ebyo bi Nasaae yatuholera ohubitira mu Omwaami weefwe Yesu Kristo, oyo owatuhola hwaaba abeecha ba Nasaae.

2 Abakoriito 13:11

Mani basyaange esimaliirihayo, nisyo ohubaseebula. Tereese obulamu bweeng'we, diire amaliro kaange, fukiirisanie abeene-na-beene, menye neende omuleembe, mani Nasaae w'obuheeri neende omuleembe achia ohuba naang'we.

Abaefeso 6:10

Nimaliirisa, becheenge abomiifu mu Omwaami neende mu maani k'obukali bwae.

Amalako Kohubiri 12:18

Nae ebiyaanwa ebyo munabiliiraanga mu moni w'Omwaami Nasaae weeng'we nimuli abuundu yi Omwaami Nasaae weeng'we achia ohudoola; eng'we neende abaana beeng'we basyaani neende abaana beeng'we bahaana, abahalaabani beeng'we basaacha neende abahalaabani bahasi, neende Abaleefi bamenya mu biko byeeng'we; muchia ohusangaaliraanga mu moni w'Omwaami Nasaae weeng'we mu buli siindu si munaholeenge.

Amalako Kohubiri 16:11

Haandi munasangaaliraanga mu moni w'Omwaami Nasaae weeng'we, eng'we alala neende abaana beeng'we basyaani neende abahaana, neende abahalaabani beeng'we basaacha neende abahasi, neende Abaleefi bamenya mu biko byeeng'we, neende bawalukeendwa, neende abaana bafwiirwe, alala neende abahasi bafwiirwe abali naang'we, abuundu yi Omwaami Nasaae weeng'we achia ohudoola, ohumwiinamiramo.

Abafilipi 3:3

Olwohuba efwe niifwe ohuhebwa hwadyeeri, abeenamira Nasaae mu mwooyo, haandi abeninisirya mu Kristo Yesu, haandi abateesikaho emiholo kidiirana hu mubiri kata nabudiidi.

Abafilipi 4:4

Sangaalireenge mu Omwaami ebiha byoosi; haandi mboola endi Sangaaleenge.

Abafilipi 4:8

Mani nimaliirisa, basyaange, esiindu syoosi esyadyeeri, esiindu syoosi esy'oluyaali, esiindu syoosi esihoyera, esiindu syoosi esichweenufu, esiindu syoosi esidahibwa, esiindu syoosi esy'esisa, nikali mbwe aliwo obuluungifu bweene, nikali mbwe aliwo esiindu syoosi esihoyera ohukinisibwa, muhoyere ohubaasaanga hu biindu bifwaana koti bino.

1 Abatesalonika 4:1

Muhumaliirisa, basyeefwe, mwamala ohutuboneraho engeri y'obulamu bu muhoyere ohuba nabwo hu musaangaase Nasaae. Buno nibwo obulamu bu mulimo. Mani bulaanu hubasaba haandi hubekweeda mu liita ly'Omwaami Yesu huti, mwemeede sa ohuholaanga mutyo.

1 Abatesalonika 5:16

Saangaaleenge ebiha byoosi,

Yakobbo 1:2

Basyaange, ebidinyu bya buli ngeri nibibakwaaho, mweeyireenge muti muli ab'ehabi.

1 Petero 3:8

Muhumaliirisa, eng'we mweesi, becheenge neende omwooyo mulala, kwiireenge abasyeeng'we esisa, haandi heeraneenge koti abeenda ndala. Deebeenge hu basyeeng'we, haandi becheenge abaloonga eyiri abasyeeng'we.

1 Petero 4:13

Ohutusaho sangaale muti muli ohukabanaho neende Kristo mu husaanda hwae, hu munyale ohwichula esangaalo mu myooyo kyeeng'we luunyuma lw'oluyaali lwae ohweyekesa.

2 Petero 3:1

Basyaange baheerwa, yino bulaanu niyo ebbarwa yaange yohubiri yi mbaandiikira. Mu bbarwa choombi chino, ndeemereho ohubadinya mube neende embaasa yitaalimo ohweebachirisa nimbeechulisa ebiindu bino.

1 Samueli 2:1

Hana yasaba ati: “Omwaami yechuuse omwooyo kwaange esangaalo; ndi omusangaafu muno hulw'ebiindu bi yaholeere! Syesi njeheho abasuku baange; nga ndi omusangaafu koti lu Nasaae yahoonyere!