Abafilipi 2:17 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁷ Kata amabaanga kaange kahaba nikachuhibwa aasi hu siyaanwa sy'ohweyaanayo sy'efukiirira yeng'we eyiri Nasaae. Nisiba sityo, ndi omusangaafu ohukabana esangaalo lyaange naang'we mweesi.

EBBAIBBO EMBOOSI YA NASAAE

¹⁷ Kata amabaanga kaange kahaba nikachuhibwa aasi hu siyaanwa sy'ohweyaanayo sy'efukiirira yeng'we eyiri Nasaae. Nisiba sityo, ndi omusangaafu ohukabana esangaalo lyaange naang'we mweesi.

Abafilipi 2:17 Iomraidhean Croise

Ohubala 28:6

Sino nisyo esiyaanwa sya buli buhya esisaambwa syaakwa ekohe, esyataangira ohuyaanwa hu Lugulu Sinai koti esiyaanwa sy'ebyohulya, esaami yisangaasa eyiri Omwaami.

Ohubala 28:7

Nae koti esiyaanwa sy'efiini, alala neende ekoondi yere elitaangira, chuhaanga hu alutaari elita ndala efiini.

Ebiholwa 20:24

Nae ese haba simbaliiriraho obulamu bwaange koti obuliho neende engaanga yi ndi ese omweene, ohutusaho lwoong'ene ni mba ninyalire ohwooseresa esichiiririrwa syaange neende obuhalaabani bu mba ndaberesebwa neende Omwaami Yesu, ohuyaala emboosi ndai ey'embabaasi cha Nasaae.

Ebiholwa 21:13

Nae Paulo yakobolamo ati, “Siina syeene sino si muli ohuhola, muli ohulira mundenguuse omwooyo? Olwohuba ese si ndi omwetekefu ohuboywa hwoong'ene, nae kata neende ohufwiira mu Yerusalemu, hulw'eliita ly'Omwaami Yesu.”

Abarooma 12:1

Basyaange, ohweema hu sisa siingi si Nasaae yatudiirira, mbekweeda nimboola endi: Muweeyo emibiri kyeeng'we eyiri Nasaae kibe koti esiyaanwa silamu, esyoolerefu, haandi esisangaasa Nasaae. Ohwo nihwo ohwiinamira Nasaae hwomu mwooyo hu muhoyere ohumuberesa.

Abarooma 15:16

ey'ohuba omuhalaabani wa Kristo Yesu ohuholera Abateende. Halaabana koti omulaamisi ninjaala Emboosi Ndai eyitula eyiri Nasaae hu Abateende banyale ohuba esiyaanwa sifukiirirwa eyiri Nasaae, esimubeereswa neende Mwooyo Mwoolerefu.

2 Abakoriito 12:15

Njia ohusangaala nindehoonyera buli siindu syoosi siindi nasyo, kata omweene ohweyaanayo ohuwonia emyooyo kyeeng'we. Mani nimbaheera muno, niise oba hoyera ohutaheerwa mu ngeri nasilala eyo?

2 Abakoriito 4:12

Sakira ohufwa huli hu mulimo mweefwe, nae obulamu buli mweeng'we.

2 Abakoriito 6:10

koti abelalihirifu, nae abasangaafu esiha syoosi; koti abamanani, nae nihuhola abaangi ohuyiindiyala; koti abataali neende esiindu syoosi, nihaandi huli neende buli siindu syoosi.

2 Abakoriito 7:4

Ndi neende obwomiifu bubitiirifu mweeng'we; mbesuungiramo muno; ndalemesebwa omwooyo muno. Alala neende ohuchuunisibwa hweefwe ohwo, ndi neende esangaalo ebibitiirifu.

Abafilipi 1:20

Esiindu sihira ohwekoomba neende ohusuubira muno nisyo siti, haba siinjia huhaywa ohwooseresa omulimo kwaange, nae endi ebiha byoosi kata bulaanu buti, njia ohuba neende esinani siingi esiteeta oluyaali lwa Kristo mu mubiri kwaange, kata andahabao omulamu oba niifwa.

Abafilipi 2:18

Mu ngeri nasilala, mwesi muhoyere ohukabana esangaalo lyeeng'we alala naange.

Abafilipi 2:30

olwohuba yeyanayo obulamu bwae yawona ohufwa hulw'ohuhalaabanira Kristo, hwaanyale ohuumberesa obuhoonyi bu eng'we mutanyala ohuumberesa.

Abafilipi 4:18

Ese ndamala ohunyoola omusaara kwaange mu bwiichufu, kata neende ohuhirao; ndi omwichufu, nimalire ohunyoola ohutula eyiri Epafirodito ebiyaanwa bimwandumira, ebyali koti esing'aari silai sy'esiyaanwa, esiyaanwa sifukiirirwa haandi esisangaasa esya Nasaae.

Abakolosaayi 1:24

Bulaanu ndi ohusangaalira mu husaandisibwa hwaange hulweeng'we, nae mu mubiri kwaange, ndi ohumaliirisaanga ebyo ebitoolerera mu huchuunisibwa hwa Kristo hulw'omubiri kwae, okulaangwa mbwe abafukiiriri,

1 Abatesalonika 2:8

Ohweema hu buheeri bu hwabaheereramo, hwaba neende esangaalo ly'ohubeechulisa, ataali neende Emboosi Ndai yitula eyiri Nasaae yoong'ene, nae kata obulamu bweefwe bweene, olwohuba muli abaandu b'engaanga ya aakulu muno yi huli.

2 Timoteo 4:6

Nae hulwaange, esiha mbano syahanjolera esy'ohweyaanayo; esiha sinjoleere esy'ohutula mu bulamu buno.

1 Petero 2:5

Olwohuba mwesi muli amakina malamu akoombahirwa Enyuumba ya Nasaae y'omwooyo, yi muchia ohuhalaabanira koti abalaamisi boolerefu, nimuwaana ebiyaanwa by'omwooyo bi Nasaae yakaanira ohubitira mu Yesu Kristo.

1 Yowaana 3:16

Sino nisyo esikera hwaamanya koti lu buheeri buli: Kristo yayaanayo obulamu bwae hulweefwe. Mani fwesi huhoyere ohuyaanaangayo obulamu bweefwe hulw'abaasyeefwe!