Abafilipi 2:15 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁵ hu munyale ohuba nimutaaliho esiindu syoosi sibabafunaana, nae mube abaluungifu koti abaana ba Nasaae ababulaho esyonoono, abamenya mu syaalo sy'abaandu badoondobanu haandi abonooni. Mani muhoyere ohubaaduhamo, koti eng'ining'ini chihosa mu syaalo,

EBBAIBBO EMBOOSI YA NASAAE

¹⁵ hu munyale ohuba nimutaaliho esiindu syoosi sibabafunaana, nae mube abaluungifu koti abaana ba Nasaae ababulaho esyonoono, abamenya mu syaalo sy'abaandu badoondobanu haandi abonooni. Mani muhoyere ohubaaduhamo, koti eng'ining'ini chihosa mu syaalo,

Abafilipi 2:15 Iomraidhean Croise

Esabbuli 122:5

Mu Yerusalemu nimwo mu bata ebisaala by'ohuheengeraho emisaango, ebisaala by'obutuki eby'enyuumba ya Daudi.

Ohutula 34:35

mani banyalaanga ohubona bati obweeni bwae bwalichiingi nibumesamesana. Haandi bulaanu yechaanga yeebwiihaho esitaambaya ohwoola esiha siloondaho si yachiraangamo ohulomaloma neende Omwaami.

Engaado 4:18

Nae engira y'omuluungifu yaaduha koti omubasu kw'esanya, okwemeeda ohwaaduha ohwoola esideete.

Engaado 8:8

Nomanoma ebiluungifu byoong'ene; sibulao esiindu sihyamu oba esikaluuhanakaluuhana.

Yisaaya 60:1

Ewe Yerusalemu, siingira mani omesamesane koti elyuuba, mani oluyaali lw'Omwaami lumesamesanire mweewe.

Matayo 10:16

“Mani mubone! Mbao mbatuma koti amakoondi akatikaati w'amabbwe; mubeecheenge abakesikesi koti enjuha haandi abaloonga koti amaguugu.

Matayo 17:17

Yesu nae yakobolamo ati, “Poo, eng'we oluse lubi luwuma efukiirira, ndahabe naang'we ohwoola liina? Ndahabeesimiriise ohwoola liina? Mumundeetere ano.”

Matayo 5:45

hu mweemeo mube abaana ba Nasaae Laata yeeng'we oli Muukulu. Olwohuba yaadusiraanga omubasu kwae abaandu babi neende abalai boosi nasilala. Haandi akwiisaanga efula yae eyiri ababi neende abalai boosi nasilala.

Matayo 5:48

Sakira eng'we mubecheenge aboolerefu koti lu Nasaae Seeng'we oli Muukulu ali Omwoolerefu.

Luka 1:6

Mani boombi bali abaluungifu mu moni wa Nasaae, nibaloondakirira amalako koosi neende ebidahibwa by'Omwaami byoosi ataali ohudoondobanaho kata.

Luka 6:35

Nae muheereenge abasuku beeng'we, haandi mubaholereenge ebilai, haandi mubeyoseenge nimutasuubira ohubanyoolaho esiindu syoosi; mani omukabo kweeng'we kuba kuchia ohuba omuhoongo, haandi muba muchia ohuba abaana ba Nasaae w'Aakulu Muno; olwohuba omweene oyo w'esisa eyiri abo abatasiima neende abeemani.

Yowaana 5:35

Yowaana yali etaara lyaaduha haandi elihosa. Nae eng'we mwadaha ohumala esiha sidiidi syoong'ene nimwehoyera mu bulafu.

Ebiholwa 2:40

Petero yalomaloma niyehoonyera emboosi nyiingi muno, yabalabula n'aboola ati, “Mwewonie abeene ohutula hu luse ludoondobanu luno.”

Ebiholwa 20:30

haandi ohutula mweeng'we abeene, muchia ohusiingiramo abaandu balomaloma ebiindu bidoondobania abaandu, hu banyale ohubatusaho abeeki nibaloonda abeene abo.

Abarooma 16:19

Buli muundu yamala ohuwulira obuwulisi bweeng'we eyiri Emboosi Ndai, mani hulwasino ndi omusangaafu muno hulweeng'we.

1 Abakoriito 1:8

oyo ochia ohubalera ohwoolera elalira hu njakamo, nimubulaho simudondobaane mu ndaalo eyo ech'Omwaami weefwe Yesu Kristo.

2 Abakoriito 6:17

Mani sakira mubatulemo, mukabuhane nabo, Omwaami aboolere, haandi mutadiiraangaho hu siindu sitafukiirirwa neende ediini; ao niwo yinjiira ohubabukaanira.

Abaefeso 5:27

hwaanyale ohwediisa omweene abafukiiriri abo, neende obulai, nibabulaho ekoondo lyoosi, kata sa ohweekoda hwoosi, oba esiindu syoosi esifwaanaho sityo, hu banyale ohuba aboolerefu haandi ababulaho obubi bwoosi.

Amalako Kohubiri 32:5

Nae abaandu nibo abahola-mbi, haba sibahoyere ohuba abaana bae olwohuba ebyonoono byaabwe; lwiibulo ludoondobanu haandi luhyaamu nilwo.

Abafilipi 1:10

hu munyale ohumanya ohukabuhania esiindu siba nisihiramo obulai mu byoosi. Ao muchia ohumenya nimubulaho ekoondo lyoosi, neende ohufunaanwa hwoosi hu ludaalo lwa Kristo.

Abafilipi 3:6

ohweema hu huchuunirwa ediini omwiiti w'abafukiiriri, ohweema hu buluungifu bweema hu malako ka Musa, otaaliho neende esyonoono syoosi.

1 Abatesalonika 5:23

Lehe Nasaae otuberesaanga omuleembe abahole mube aboolerefu mu ngeri yoosi haandi aliinde obulamu bweeng'we bwoosi, omwooyo, obulamu, neende omubiri nibitaaliho esibi syoosi, ohwoola hu ludaalo lw'ohwiichiraho hw'Omwaami weefwe, Yesu Kristo.

1 Timoteo 3:10

Haandi bahoyere ohuteemebwaho mberi; mani nibamalire ohweyekesa bati babulaho esifune syoosi, lehe bafukiirirwe ohuba abahalaabani b'abafukiiriri.

1 Timoteo 3:2

Omweemeresi ahoyere ohuba omuundu otaaliho esyonoono syoosi; ahoyere ohuba omusaacha w'omuhasi mulala, otaali ow'etima, omwegenderesa, ow'oluyaali, osangaalira abakeni, haandi ahoyere ohuba omweekesa mulai.

1 Timoteo 5:14

Mani naange ndahadahire abahasi bafwiirwe abo abasisiiri abayere bahahoyereenge banyala ohudeeha haandi, boole ohwibulaanga haandi abaana, hu banyale haandi ohuliindaanga amadaala akaabwe keene bulai hu beemeo banyaleenge ohwiimira elalira abasuku beefwe abo ehabi kata nabudiidi eyohuchaaka ohutulomalomaangaho emboosi ch'esifuto haba daawe.

1 Timoteo 5:20

Nae abaandu basiihayiire mu huholaanga ebyonoono, boolobyeenge mu lwichuule lw'abaandu, hu baandu badoong'ereyo banyale ohutya.

1 Timoteo 5:7

Lagiraanga otyo hu baandu bahaye ohuba neende sibatanyala ohwooseresa hu biindu bino byoosi.

Tito 1:6

Yichulisa oti, omwiimirisi yoodoola, ahoyere ohuba otaaliho esiindu syoosi si bamwekanyiirisaho, haandi ahoyere ohuba naali omusaacha w'omuhasi mulala. Haandi abaana bae bosi hahoyeere ohuba Abakristo, haandi sibahoyere ohuba abaalaba, oba abatawulira amalako.

Tito 2:10

oba ohubeebaangaho. Nae bahoyere ohweekesanga bati balai haandi beesikwa mu buli siindu, mani mu buli siindu si bahola, abaandu banyale ohusiima enjekesa yidiira hu Nasaae Omuwonia weefwe.

Tito 2:15

Beekese ebiindu bino byoosi, haandi wehoonyere obunyala bwao bwoosi noobagumia emyooyo haandi niwoolobya abahutekeeresa. Leha omuundu yeesi atahulekeeresaho.

Abaibburania 7:26

Yesu niye Omulaamisi Muhuluundu onyala ohutuhoonya mu buli siindu si hudaha. Olwohuba mwoolerefu niye, haandi abulaho esisobyo syoosi, oba esyonoono syoosi; mwoolerefu haandi yaawulibwa ohutula hu bahola-mbi, mani yakiingwa yaaninisibwa aakulu ohubita ekulu.

1 Petero 2:12

Ebiima byeeng'we eyiri abakafiiri bihoyere ohuba ebilai, kata neende nibateemaho ohubayaasa bati muli abahola-mbi, bachia ohubona ebiholwa byeeng'we bilai, mani bafumie Nasaae hu Ludaalo lw'ohwiicha hwae.

1 Petero 2:9

Nae eng'we muli abaandu badoolebwa, abalaamisi, enyuumba njolerefu, abaandu ba Nasaae beene, hu munyale ohufumia emirimo kya Nasaae kiwukisa, ba Nasaae yalaanga ohutula mu siirima ohwiingira mu bulafu bwae bulai butalomwalomwaho.

2 Petero 3:14

Sakira basyaange, nimusiliindire Oludaalo olwo, teemeho koti lu munyala ohuba abaluungifu bataaliho esyonoono syoosi mu moni wa Nasaae, nae abali mu muleembe nae.

Ohubwiihulirwa 2:5

Mani yichulisaho yi wachaakira ohudoondobana! Kaluuhana olehane neende ebyonoono byao byoosi, mani onyale ohuchaaka ohuhola bi waholaanga muhutaangira. Nae n'otakaluuhana walehana neende ebyonoono byao, njia ohwiicha yooli, mani male mbukule esiteeni sy'etaara syao situse abuundu wasyo.

Ohubwiihulirwa 3:9

Mani tekeerese! Omukaanda kwa Sitaani okwo, ababacha abo abelaanga mbwe Bayudaaya nibo nihane sibali batyo, njia ohubahola beeche mani basigame aasi mu makulu keeng'we. Boosi bachia ohubonera elalira bati hane ese ndabaheera muno.