Abafilipi 2:14 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁴ Holeenge buli siindu syoosi ataali ohwekanyiirisa oba ohuyiingana,

EBBAIBBO EMBOOSI YA NASAAE

¹⁴ Holeenge buli siindu syoosi ataali ohwekanyiirisa oba ohuyiingana,

Abafilipi 2:14 Iomraidhean Croise

Esabbuli 106:25

Bekanyiirisira mu mayeema kaabwe mani nibahaya ohuwulira bi Omwaami yali n'aboola.

Engaado 13:10

Ohwehuduumbasa huleeta ebidinyu, nae sy'amakesi ohufukiirira ohukerakirwa.

Ohubala 14:27

Abaandu babi bano bahalehe liina ohundekanyisaanga? Ese malire ohuwulira ohwekanyiirisa humala!

Matayo 20:11

Nae nibabukula omusaara kwaabwe okwo bekanyiirisa muno eyiri omweeneengo,

Mariko 14:5

Olwohuba amafuta kano kanyala ohukuswamo edinaari chihira emia chidatu mani eseende echo chaabereswa abamanani.” Mani basoolania omuhasi oyo muno.

Mariko 9:14

Mani niboola eyiri abeeki, babona esidiiyiha sihoongo muno nisibebodoohaanie, mani abeekesa b'Amalako nibali ohuyiinganaanga nabo.

Luka 5:30

Nae Abafarisaayo neende Abaandiiki b'Amalako baabwe bekanyiirisira abeeki ba Yesu nibaboola bati, “Lwasiina eng'we mulya haandi mwang'wa neende abatoosa b'omusolo neende abahola-mbi?”

Ebiholwa 15:2

Nae Paulo neende Bbarinabba nibeecha baaba neende embaha ndeeyi nabo, Paulo neende Bbarinabba neende abaandu baandi balobolwa ohuniina ohuchia Yerusalemu eyiri abatume neende abahuluundu baandi hulw'esidinyu sino.

Ebiholwa 15:39

Abweene ao yatunduhao amayiingi amaangi muno mani beecha bakabuhanamo; Bbarinabba yabukula Mariko basyaabala bawaao baachia mu Saipurasi,

Ebiholwa 15:7

Luunyuma lw'ohuba neende ohukaniaaya huleeyi muno, Petero yasiingira yababoolera ati, “Eng'we abasyeefwe, mumanyire muti mu ndaalo hale, Nasaae yeecha yabelondera omweene, ati ohubitira mu munwa kwaange, Bateende abo bahoyere ohuwulira Emboosi Ndai mani beemeo bafukiirire.

Ebiholwa 6:1

Bulaanu endaalo echo, abeeki nibachaaka ohwemeeda ohwiingiya, Abayudaaya balomalomaanga Olugiriki bachaaka ohwekanyiirisa hu Bayudaaya beene bati abahasi bafwiirwe baabwe bali nibalehwaangwa nibatabeereswa obuhoonyi bwakabwaangwa.

Abarooma 12:18

Muteemeho koti lu sinyalihana, ohubona muti, muli neende omuleembe neende buli muundu.

Abarooma 14:1

Mwakaanireenge abasyeeng'we bakata mu fukiirira, haandi mutayiinganaanga nabo ebidiira hu mbaasa yaabwe.

Abarooma 16:17

Basyaange mbekweeda endi: mweliindeenge abo abaleeta ohukabuhana neende abanyaasa efukiirira y'abaandu, haandi abacha nibalwaania enjekesa yi mwanyoola. Mutabesudyaangaho!

1 Abakoriito 10:10

Mutemulugunyaanga, koti lu baandi hu abo bahola mani baasihiriswa neende Omusuku.

2 Abakoriito 12:20

Olwohuba ndi ohutya endi nyala ohwiicha mani ndabakaana nimutaali koti lu ndaha haandi mwanjakaana koti lu mutadaha; haandi awuundi wabaao ohusoolana, ebihali-hali, etima, omutoolyo, obulekeeresani, ohumoonyana, ohwehuduumbasa, neende ohuchokaana.

Abagalatia 5:15

Nae nikali mbwe mulumana haandi nimuliichana abeene-na-beene, mweliinde mani mutoola ohumalanao abeene-na-beene.

Abagalatia 5:26

Hutabechaangaho neende ohweniinia kata sa ohutangana abasyeefwe, kata sa ohudiiriraanga abasyeefwe ehali-hali.

Abafilipi 2:3

Mutaholaanga esiindu syoosi nimulwaanira oluyaali, oba nimudaha ohwelyooyia hutaalimo obuhoonyi, nae mubecheenge abaloonga mu moni w'abaasyeng'we, nimubayira koti abali neende oluyaali ohubahira.

1 Abatesalonika 5:13

Mubeeseengemo oluyaali lw'amaani, haandi mubaheereenge hulw'omulimo ku bahola. Mumenyeenge nimuli mu muleembe abeene-na-beene.

1 Abatesalonika 5:15

Ataba hoo omuundu yeesi mweeng'we owutuunga esibi hu sibi, nae ebiha byoosi muboneenge muti echoomo lyeeng'we nilyo ohuholaniraanga ebilai, neende ohuholeraanga abaandu boosi ebilai.

Abaibburania 12:14

Teemeho koti lu munyala ohubona muti, muli neende omuleembe neende buli muundu yeesi, nimukeendera mu bulamu bwoolerefu, olwohuba abulao omuundu yeesi ochia ohubona Omwaami naabula obwoolerefu.

Yakobbo 1:20

Olwohuba etima ly'omuundu sirimuhoonya ohwooseresa obuluungifu bu Nasaae adaha.

Yakobbo 3:14

Nae mu myooyo kyeeng'we nimuba nimweechulamo ehali-hali bi neende obwiimani, mani muleheenge ohweniinia neende ohweebacha nimuyiingania obwadyeeri.

Yakobbo 5:9

Basyaange, mutekanyiirisaanga abasyeeng'we, mani Nasaae haba saachia hubaheengera omusaango. Omuheengi w'emisaango nguyo ali aambi yetekeehe ohwiingira.

1 Petero 3:11

Ahoyere ohulehana neende ebibi mani ahole ebilai; ahoyere ohukoonya omuleembe neende omwooyo kwae kwoosi.

1 Petero 4:9

Yakaanire abasyeeng'we mu madaala keeng'we ataali ohwekanyiirisa.

Yuda 1:16

Abaandu bano buli siha bekanyiirisa haandi boolobya abasyaabwe; bahola neende obwekoombi bwaabwe bubi; abeene bewulira haandi balekeeresa abasyaabwe hu banyale ohuhola bi badaha abeene.