Abafilipi 2:13 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹³ Olwohuba Nasaae niye oli ohubaholeramo ebiha byoosi naakera nimufukiirira haandi nimunyala ohuhola by'adaha.

EBBAIBBO EMBOOSI YA NASAAE

¹³ Olwohuba Nasaae niye oli ohubaholeramo ebiha byoosi naakera nimufukiirira haandi nimunyala ohuhola by'adaha.

Abafilipi 2:13 Iomraidhean Croise

1 Abatuki 8:58

ahoya yaatuhola hwaaba abamuwulira, hu fwesi hunyale ohumenya koti lwatudahisa ohumenya, neende ohwooseresaanga amalako koosi, haandi neende ebilagiro bi yaberesa bakuuka yeefwe.

2 Ebyomubiha 30:12

Nasaae yali naali hu mirimo kyae mu Yuda mani yaanyala ohuwambaania abaandu mu humaliirira hwaabwe ohutya byaadaha nibanyala ohuloondakananaanga neende amalako k'omutuki oyo alala neende abahoongo bae.

Esira 1:1

Mu mwaaka kwachaaka ku Sairasi owa Perisia yali omutuki, Omwaami yahola ebiindu bi yali n'alomalomeere mu nabbi Yeremia byoolerera. Yahola Sairasi yoola ohutusa esilagiro siloondaho sino, yasisasaania mu bwandiike ohuchia sisomwe lukali buli abuundu mu bwaami bwae bwoosi.

Esira 1:5

Abahoongo b'enono cha Yuda neende Bbenjamini, abalaamisi alala neende Abaleefi, neende buli muundu yeesi owuundi yi mwooyo kwae Nasaae yahola yeetekeha ohuchia mani yoombahe buyaaha Enyuumba ya Nasaae y'Omwaami mu Yerusalemu.

Esira 7:27

Esira yeemao yaboola ati, “Omwaami afumisibwe, Nasaae wa bakuuka yeefwe! Yahola omutuki wuno yaakanya ohwiisa oluyaali mu ngira yino ey'Enyuumba ya Nasaae y'Omwaami eyiri mu Yerusalemu.

Nehemia 2:4

Omwaami oyo haandi yateeba ati, “Siina syeene syoodaha?” Ese ndekongooyere Nasaae wo Muukulu,

Yobbu 33:29

“Bona, Nasaae niye ohola ebiindu bino byoosi, abiholera omuundu amahabi maangi,

Esabbuli 110:3

Hu ludaalo lw'olilwaania abasuku bao, abaandu bao bachia ohweyaanayo abeene ohulwaana. Abasaacha bao baraaga baheeche y'oli, hu ngulu njoolerefu, koti olume lw'omumabwiibwi.

Esabbuli 119:36

Mberese obwekoombi bw'ohudiira amalako kao ohuhira ohuba neende eby'engaanga.

Esabbuli 141:4

Hoonye haye ohwekoombaho ohuhola esibi syoosi, ohuhayira hu biholwa bibi haandi haye ohweyambaaniaho hu bahola-mbi; leha haye ohulyaaho hu bidyaalo byaabwe.

Engaado 21:1

Omwooyo kw'omutuki kuli mu bunyala bw'Omwaami okukaluuhania yaakuyira yi adaha; koti lu akaluuhania emyaalo ky'amaachi ohuhulukusira y'adahira.

Yisaaya 26:12

Ewe Omwaami, niiwe otuberesa omuleembe, haandi ebiindu bihunyoolere byoosi bitula yooli.

Yeremia 31:33

Nae yino niyo Endagaano yi ndahahole neende Abaisiraeli ebiha ebyo nibyahoole: ndahabateemo amalako kaange, haandi ndahakaandiike mu myooyo kyaabwe. Ndahabe Nasaae waabwe, mani bosi baaba abaandu baange.

Yeremia 32:38

Bachia ohubeechaanga abaandu baange, mani Syesi mba Nasaae waabwe.

Luka 12:32

“Mutatya daawe, eng'we baana baange, olwohuba Seeng'we musangaafu ohubaberesa Obwaami.

Luka 2:14

“Oluyaali lube eyiri Nasaae aakulu Muukulu, nae omuleembe kube hu syaalo mu baandu abahola ebiindu bisangaasa Nasaae!”

Yowaana 3:27

Yowaana yakobolamo ati, “Abulao omuundu yeesi onyala ohunyoola esiindu syoosi ohutusaho n'asibereeswe ohutula Muukulu.

Yowaana 6:45

Mu banabbi, syandiikwa siti, ‘Boosi baheekeswe neende Nasaae.’ Oyo yeesi owulira mani yeeka, yeecha yi ndi.

Yowaana 6:65

Mani n'aboola ati, “Sino nisyo esikerere ndababoolera endi abulao omuundu yeesi onyala ohwiicha yi ndi ohutusaho nga Laata niye omuleetere yi ndi.”

Ebiholwa 11:21

Omuhono kw'Omwaami kwaaba nabo, abaandu abaangi muno bafukiirira emboosi eyo, bakaluuhana hu Omwaami.

Abarooma 12:3

Nae ohweema hu mbabaasi chi Nasaae yaamberesa koti esiyaanwa, mboolera buli muundu hweeng'we endi: Otabaasaangaho oti oli aakulu ohuhira koti lu oli. Ohutusaho, ba omuyenjeefu mu bibaaso byao, haandi buli muundu hweeng'we yeyire ohuloondakana neende efukiirira yi Nasaae yamuberesa.

Abarooma 9:11

Kata nibaba nibasisiiri ohwiibulwa, haandi nibasisiiri ohuholaho esiindu silai oba esibi, ohweekesa huti esichiiririrwa nisyo ohudoola hwa Nasaae, ohuteema hu bihole, nae ohweema hu hulaanga hwae.

Abarooma 9:16

Mani sakira, buli siindu syeema hu sisa sya Nasaae syoong'ene ataali ohweema hu hudaha hw'omuundu oba bi muundu ahola.

1 Abakoriito 12:6

haandi aliwo engeri enyiingi ech'obunyala buhola emirimo, nae ni Nasaae mulala oyo ota buli butula mu buli muundu.

1 Abakoriito 15:10

Nae hulw'embabaasi cha Nasaae, mbano ndi koti lu ndi, haandi embabaasi chae echo eyiri ese haba sichali echeebihaya. Ebuleka yiindi, ndahalaabana muno ohuhira abo boosi, kata neende nitaali ese omweene, nae embabaasi cha Nasaae chi ndi nacho.

2 Abakoriito 3:5

Ataali mbwe efwe abeene huli abanyala hulweefwe ohuboola huti hunyala ohuhola esiindu syoosi; obunyala bweefwe butula eyiri Nasaae,

Abaefeso 1:11

Ebiindu byoosi biholwaanga ohweema hu ndekeha neende eheengao ya Nasaae; haandi Nasaae yatudoola ohuba abaandu bae beene mu bulala neende Kristo ohweema hu sichiriirirwa syae, ohweema hu ndekeha yae.

Abaefeso 1:5

Yatutekehera ohuba mu buheeri, ohuba abaana bae ohubitira mu Yesu Kristo, ohweema hu sichiiririrwa sy'ohudaha hwae,

Abaefeso 1:9

Olwohuba yatubwiihulirao hwaamanya ohubitira mu makesi koosi, neende ohubaasa hwoosi, esyaama sy'ohudaha hwae, ohweema hu sichiiririrwa syae si yatuteera mu Kristo

Abaefeso 2:8

Olwohuba ohubitira mu mbabaasi, mwaonisirwa ohubitira muhufukiirira; haandi sino haba sisyali esiholwa syeeng'we abeene, nae syali esiyaanwa sya Nasaae

2 Abatesalonika 1:11

Sakira hubasabira buli siha, huti Nasaae weefwe ahoyere anyale ohubahola mube abahoyera obulamu bumwalaangwamo. Haandi neende amaani kae omweene yoserese abweene buli sichiiririrwa silai siri mu myooyo kyeeng'we neende buli mulimo kumuhola ohweema hu fukiirira.

2 Timoteo 1:9

Nasaae niye owatuwonia haandi yatulaanga hube abaandu bae, ataali ohweema hu siindu syoosi si hwahola, nae hulw'endekeha yae, neende embabaasi chae cheene. Yatuberesa embabaasi chino ohubitira mu Kristo Yesu, esyaalo nisisisiiri ohuloongwa.

Abaibburania 13:21

ababerese buli si mudaha, hu munyale ohuhola ebiindu by'adaha. Nasaae oyo atuholeremo ebimusangaasa, n'abitira mu Yesu Kristo. Nasaae oyo ohoyere ohubeereswa oluyaali endaalo choosi. Amiina.

1 Petero 1:3

Lehe hweebase Nasaae haandi Laatang'ene Omwaami weefwe, Yesu Kristo. Ohweema hu sisa syae sibitiirifu, yakera hwebulwa mu bulamu buyaaha, niyasyuuhisa Yesu Kristo ohutula mu bafu. Mani yaatuberesa esuubi lamu mu myooyo kyeefwe,