Abafilipi 1:20 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

²⁰ Esiindu sihira ohwekoomba neende ohusuubira muno nisyo siti, haba siinjia huhaywa ohwooseresa omulimo kwaange, nae endi ebiha byoosi kata bulaanu buti, njia ohuba neende esinani siingi esiteeta oluyaali lwa Kristo mu mubiri kwaange, kata andahabao omulamu oba niifwa.

EBBAIBBO EMBOOSI YA NASAAE

²⁰ Esiindu sihira ohwekoomba neende ohusuubira muno nisyo siti, haba siinjia huhaywa ohwooseresa omulimo kwaange, nae endi ebiha byoosi kata bulaanu buti, njia ohuba neende esinani siingi esiteeta oluyaali lwa Kristo mu mubiri kwaange, kata andahabao omulamu oba niifwa.

Abafilipi 1:20 Iomraidhean Croise

Esabbuli 119:116

Mberese amaani koti lu wasuubisa, doong'e nisisiiri omulamu; otaandeha ndayaambwa esoni nihweesikire!

Esabbuli 119:80

Naange hoya ndoseresaanga bulai ebilagiro byao, mani huhaye ohudiirwaanga esoni.

Esabbuli 25:2

Ewe Nasaae waange, niiwe yi ndeesika, otakeraho esoni chaandiira daawe: Otakeraho abasuku baange baandehuduumbasiraho.

Esabbuli 62:5

Nasaae yeeng'ene niye yi mwooyo kwaange kuliindirira nindeesimiiriise, olwohuba esuubi lyaange litula mu Nasaae.

Engaado 10:28

Esuubi ly'omuundu muluungifu lileeta ohweehoya, nae ohusuubira hw'abahola-mbi hwa bihaya.

Engaado 23:18

Mubwadyeeri bweene omukabo kuluwo, haandi esuubi lyao haba siricha hufwa buhaya.

Yisaaya 45:17

Nae Omwaami niye owahawonie Yisiraeli neende obuwonia butaakama. Eng'we Abaisiraeli, esoni haba sichahabadiire kata sa mwateng'eng'ala daawe endaalo ch'obulamu bweeng'we choosi.

Yisaaya 50:7

Olwohuba Omwaami Nasaae niye owahoonyaanga; mani sakira sindeeba hu bujoogi hwaabwe obwo, haandi manyire endi haba siinjia ohudirwa esoni.

Yisaaya 54:4

Otatya daawe, olwohuba haandi siwahaweemo oluyaali daawe; oteyendehera daawe, olwohuba esoni haba sichahahudiireho haandi. Oliibirira esoni ch'omuburaaga bwao, haandi oliibirira engisa yohulehwa ao koti omuhasi mufwiirwe.

Yowaana 21:19

(Yesu yaboola sino ohweekesa engeri yi Petero achia ohufwiiramo ohwiisa oluyaali mu Nasaae.) Mani niyamala ohulomaloma atyo, Yesu yaboolera Petero ati, “Noonde.”

Ebiholwa 20:24

Nae ese haba simbaliiriraho obulamu bwaange koti obuliho neende engaanga yi ndi ese omweene, ohutusaho lwoong'ene ni mba ninyalire ohwooseresa esichiiririrwa syaange neende obuhalaabani bu mba ndaberesebwa neende Omwaami Yesu, ohuyaala emboosi ndai ey'embabaasi cha Nasaae.

Ebiholwa 21:13

Nae Paulo yakobolamo ati, “Siina syeene sino si muli ohuhola, muli ohulira mundenguuse omwooyo? Olwohuba ese si ndi omwetekefu ohuboywa hwoong'ene, nae kata neende ohufwiira mu Yerusalemu, hulw'eliita ly'Omwaami Yesu.”

Ebiholwa 4:31

Nibali nibahamala ohulaama, abuundu ao yi bali nibebuusiire alala yeecha yateengereha; boosi beechusibwa Mwooyo Mwoolerefu mani balomaloma emboosi ya Nasaae neende obwomiifu.

Abarooma 12:1

Basyaange, ohweema hu sisa siingi si Nasaae yatudiirira, mbekweeda nimboola endi: Muweeyo emibiri kyeeng'we eyiri Nasaae kibe koti esiyaanwa silamu, esyoolerefu, haandi esisangaasa Nasaae. Ohwo nihwo ohwiinamira Nasaae hwomu mwooyo hu muhoyere ohumuberesa.

Abarooma 5:5

Ohusuubira nahwo haba si hutudiisa esoni, olwohuba obuheeri bwa Nasaae bwachuhwa mu mwooyo kyeefwe ohubitira mu Mwooyo Mwoolerefu yi hwabeereswa.

Abarooma 6:13

Haandi mutakanyaanga ohuberesa esituundu syoosi sy'emibiri kyeeng'we eyiri esyonoono syasyehoonyera ohuhola ebichiiririrwa byasyo bibi. Ohutusaho, mweyaaneengeyo eyiri Nasaae, koti abo abamala ohutusibwa mu hufwa baaleetwa mu bulamu, haandi mweyaaneengeyo mweesi eyiri Nasaae, abehoonyere hulw'ebichiiririrwa biluungifu.

Abarooma 6:19

(Ndehoonyera enomanoma ya buli ludaalo, hulw'obukata bweeng'we koti abaandu lu bamanyiramo.) Hale mwali nimweyaanayo abeene elalira ohuba abahalaabani b'obucheke neende mu hwonoona, hulw'ebichiiririrwa bibi. Mu ngeri nasilala, bulaanu muhoyeerwe ohweyaanayo abeene elalira ohuba abahalaabani b'obuluungifu hulw'ebichiiririrwa byoolerefu.

Abarooma 8:19

Ebiloonge byoosi biri neende amaofu ohubona koti lu Nasaae achia ohubwiihulira abaana bae.

Abarooma 9:33

li byandiiko byoolerefu bilomalomaho biti: “Bone, mbao nda mu Siyooni ekina elicha ohukera abaandu beegumule, olwaanda luchia ohukera bakwe. Nae oyo yeesi omufukiiriramo, haba saachia hudiirwa esoni.”

1 Abakoriito 15:31

Ese nyiingana, basyaange, neende esuunga yaange mweeng'we, yi ndi nayo mu Kristo Yesu Omwaami weefwe, fwa sa buli ludaalo!

1 Abakoriito 6:20

wamala ohukulwa neende obukusi buhoongo. Mani sakira ohoyere ohuberesa Nasaae oluyaali mu mubiri kwao.

1 Abakoriito 7:34

mani ebibaaso byae byaadoong'a sa nibyakabuhanamo. Nae omuhasi otaadeeha oba omuhaana otaamanyireho eby'abasaacha, abaao niyelalihirira sa hu biindu bidiira hu Omwaami byoong'ene, koti lu yahadoong'a naali omwoolerefu mu mubiri neende mu mwooyo. Nae omuhasi wadeeha, abaao niyelalihirira hu biindu bidiira hu syaalo huno byoong'ene, koti lu yahasangaasa wamwe.

2 Abakoriito 10:8

Olwohuba kata ni mba nindesiima hooho muno hulw'obunyala bweefwe, bu Omwaami yatuba hulwohuboombaha nae ataali hulw'ohubasihirisa, haba simba njia ohudiirwa esoni.

2 Abakoriito 3:12

Mani koti lu huli neende esuubi lifwaana lityo, sakira huli abasimbiifu muno,

2 Abakoriito 4:10

buli siha nihukiingire mu mibiri kyeefwe ohufwa hwa Yesu, hu bulamu bwa Yesu bunyale ohubonehanira mu mibiri kyeefwe.

2 Abakoriito 5:15

Mani yafwiira abaandu boosi, hu bulaanu abo boosi ababa nibali abalamu batahoyere obutabaao haandi hulwaabwe abeene, nae hulwae oyo ohweema hulw'obulai bwaabwe, yafwa mani yaasyuhiswa.

2 Abakoriito 7:14

Olwohuba kata neende nindamweekesa ohubewuliiriramo hwaange, haba sibyaswaasa daawe; nae koti sa buli siindu sihwalomaloma hweeng'we syali esyadyeeri, nilwo luhwesiima hweefwe mu moni wa Tito hwosi hwamanyisibwa ohuba nihwali ohwadyeeri.

2 Abakoriito 7:4

Ndi neende obwomiifu bubitiirifu mweeng'we; mbesuungiramo muno; ndalemesebwa omwooyo muno. Alala neende ohuchuunisibwa hweefwe ohwo, ndi neende esangaalo ebibitiirifu.

Abafilipi 1:14

haandi ohumenya hwaange mu jeela hwaberesa abasyaange bahira obuungi abafukiirira Omwaami amaani kohwemeeda ohuyaala Emboosi ya Nasaae neende ekono ly'aakulu ataali ohutya hwoosi.

Abafilipi 2:17

Kata amabaanga kaange kahaba nikachuhibwa aasi hu siyaanwa sy'ohweyaanayo sy'efukiirira yeng'we eyiri Nasaae. Nisiba sityo, ndi omusangaafu ohukabana esangaalo lyaange naang'we mweesi.

Abakolosaayi 1:24

Bulaanu ndi ohusangaalira mu husaandisibwa hwaange hulweeng'we, nae mu mubiri kwaange, ndi ohumaliirisaanga ebyo ebitoolerera mu huchuunisibwa hwa Kristo hulw'omubiri kwae, okulaangwa mbwe abafukiiriri,

1 Abatesalonika 5:23

Lehe Nasaae otuberesaanga omuleembe abahole mube aboolerefu mu ngeri yoosi haandi aliinde obulamu bweeng'we bwoosi, omwooyo, obulamu, neende omubiri nibitaaliho esibi syoosi, ohwoola hu ludaalo lw'ohwiichiraho hw'Omwaami weefwe, Yesu Kristo.

1 Petero 4:16

Nae omuundu yeesi hweeng'we n'asaanda olwohuba ali Omukristo, atadiirwa esoni, nae yeebase Nasaae ati ali Omukristo.

1 Yowaana 2:28

Eee, baana baange, doong'e sa mu bulala nae, hu bulaanu mube neende obwomiifu buungi naabonehana, hu muhaye ohumweekisa hulw'esoni, hu Ludaalo luyahakobolereho.