Abafilipi 1:11 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹¹ Obulamu bweeng'we boosi bucha ohwaama ebyaamo by'ebiima bilai bi Krisito mweene aleeta mani byaaberesa Nasaae oluyaali neende efuma.

EBBAIBBO EMBOOSI YA NASAAE

¹¹ Obulamu bweeng'we boosi bucha ohwaama ebyaamo by'ebiima bilai bi Krisito mweene aleeta mani byaaberesa Nasaae oluyaali neende efuma.

Abafilipi 1:11 Iomraidhean Croise

Esabbuli 1:3

Ali koti omusaala ku bataaka aambi neende emyaalo ky'amaachi kahulukusa, okwaamaho ebyaamo mu biha bihoyera, haandi ku masaafu kakwo katoomaanga. Buli siindu sy'ahola syoosi, simuchiira bulai.

Yisaaya 5:2

Yayilima bulai muno, yadoolamo amakina, yaayitaakamo emisabbiibbu milai muno. Mani akatikaati wayo yoombahao omunara kw'ohuliindiramo, haandi yaayabamo esinyuhiro sy'emisabbiibbu. Mani n'asuubira ati yichia ohumwaamira emisabbiibbu milai, nae yaamamo emisabbiibbu mibi chomu siino.

Yisaaya 60:21

Abaandu bao boosi bahabe abaluungifu; esyaalo syao syahabe esyaabwe endaalo choosi. Bahabe esaga li mweene ndataaka, haandi omulimo ku Ese Mweene ndahola, hu nyale ohubereswaanga oluyaali.

Yisaaya 61:11

Olwohuba koti eloba limesa ebimera byaalyo, haandi koti lu ndalo yihusa ebitaakirwemo, nilwo lu Omwaami Nasaae achia ohununula abaandu bae. Mani ebyaalo byoosi bichia ohubafumia.

Yisaaya 61:3

Ohuberesa abo abalirira mu Siyooni, esangaalo neende ohweehoya ataali amanyoolero, olweembo lufumia ataali ohwelalihirira. Bachia ohubechaanga koti emisaala ki Omwaami mweene yataaka. Bosi bachia ohuholaanga ebihoyera, Mani Omwaami anyale ohufumisibwa hu biindu byaaba naaholere.

Matayo 5:16

Mani eng'we mwesi mulehe obulafu bweeng'we bwaaduhire abaandu hu banyale ohubona ebilai bi muhola mani bafumie Nasaae Seeng'we oli Muukulu.

Yowaana 15:16

Haba siniing'we abandoola daawe, nae ese niise owabadoola haandi ndabatuma endi muchie mwaame ebyaamo, haandi endi ebyaamo byeeng'we biyiindire. Mani buli siindu syoosi si munaasabeenge Laata mu liita lyaange, achia ohusibaberesaanga.

Yowaana 15:2

Buli saga eliri hweese elitaamaho ebyaamo alyaakulaangaho, nae buli saga lyaamaho ebyaamo alihaliirira hu linyale ohwemeeda ohwaamaho ebyaamo biingi.

Yowaana 15:8

Nimwaama ebyaamo biingi, mani mweekesa muti muli abeeki baange badyeeri, Laata achia ohunyoola oluyaali.

Abarooma 15:28

Mani niimba niimalire omulimo kuno, haandi niimalire ohubayirira eseende choosi chi ndababuusira, ao niwo yi njia ohubakeniyira nindiirire olukeendo lwaange luchia Sipeini.

Abarooma 6:22

Nae bulaanu, mwaboololwa ohutula mu syonoono, mani muli abawaambe ba Nasaae! Engaanga yeeng'we niyo obulamu bw'ohweyaanirayo elalira eyiri Nasaae, mani esitulamo nisyo obulamu butaakama.

1 Abakoriito 10:31

Sakira, syosi-syoosi syooba noohola, mu hulya oba mu hung'wa, siholeenge hulw'oluyaali lwa Nasaae.

2 Abakoriito 9:10

Oyo oberesa omuwaanyi emwo, neende ebiindu byohulya, achia ohubaberesa haandi ameede efuni yeeng'we haandi ameede ekesa ly'obuluungifu bweeng'we.

Abaefeso 1:12

Lehe efwe abachaaka ohweesika humenye mu bulamu bufumia haandi obuberesa Nasaae oluyaali.

Abaefeso 1:14

oli esyomiisira elalira esuubi ly'ohunyoola obusiha bweefwe, ohwoola lu hulinyalira ohubunyoolera elalira, hulwohufumia oluyaali lwae.

Abaefeso 2:10

Olwohuba efwe fweesi huli omulimo kw'amahono kae keene, abaloongwa buyaaha ohubitira mu Kristo Yesu huholeenge emirimo milai, ki Nasaae yatekeha hale, ati efwe hukikeendereengemo.

Abaefeso 5:9

(olwohuba esyaamo situla mu bulafu, sinyoolehanira mu biindu byoosi ebilai, haandi ebiluungifu haandi ebyadyeeri),

Abafilipi 4:17

Siindi huboola endi ese ndekoomba sa ohunyoolaanga ebiyaanwa; nae ndekoomba ohubonaho ebihole biba nibimeeda huhusiimwa hweeng'we.

Abakolosaayi 1:10

ohumenyaanga obulamu buhoyere ohuba mu Omwaami, obumusangaasira elalira, nibwaama ebyaamo mu buli mulimo mulai, haandi nibwemeeda ohumanyaanga Nasaae.

Abakolosaayi 1:6

eyabeechera, koti mubwadyeeri bweene yeecha mu syaalo syoosi mu yiri ohwamaanga ebyaamo haandi niyihula yityo mweeng'we, ohutulira elalira hu ludaalo lu mwawuliirira haandi mwamala mwamanyira elalira embabaasi cha Nasaae koti lu chiri mubwadyeeri,

2 Abatesalonika 1:12

Mu ngira yino, nimwo mu liita ly'Omwaami weefwe Yesu lichia ohuberesebwa oluyaali mweeng'we, haandi eng'we mwesi muchia ohunyoola oluyaali mu Omwaami Yesu, ohweema hu mbabaasi cha Nasaae weefwe neende Omwaami Yesu Kristo.

Tito 3:14

Haandi yoomisira abaandu beefwe oti bahoyere ohweeka ohuholaanga ebiindu bilai, hu banyale ohuba abeetekefu ohuhoonyaanga mu bidinyu bikwaao bwaangu, bahayeenge ohubechaanga sa ao nibabula obuhoonyi bwoosi.

Abaibburania 12:11

Nihunyoola ohusaandisibwa nibatukolola, esiha esyo, ohusaandisibwa ohwo hutubonehera koti esiindu sibi, esituleetera obuchuuni sa. Nae luunyuma abomiisibwa neende esibonereso sifwaana sityo, banyoola omusaara kw'esangaalo lw'obulamu buluungifu.

1 Petero 2:12

Ebiima byeeng'we eyiri abakafiiri bihoyere ohuba ebilai, kata neende nibateemaho ohubayaasa bati muli abahola-mbi, bachia ohubona ebiholwa byeeng'we bilai, mani bafumie Nasaae hu Ludaalo lw'ohwiicha hwae.

1 Petero 2:5

Olwohuba mwesi muli amakina malamu akoombahirwa Enyuumba ya Nasaae y'omwooyo, yi muchia ohuhalaabanira koti abalaamisi boolerefu, nimuwaana ebiyaanwa by'omwooyo bi Nasaae yakaanira ohubitira mu Yesu Kristo.

1 Petero 2:9

Nae eng'we muli abaandu badoolebwa, abalaamisi, enyuumba njolerefu, abaandu ba Nasaae beene, hu munyale ohufumia emirimo kya Nasaae kiwukisa, ba Nasaae yalaanga ohutula mu siirima ohwiingira mu bulafu bwae bulai butalomwalomwaho.

1 Petero 4:14

Nimuli neende ehabi nibabanyeka hulw'ohwehoonyera eliita lya Kristo; amahuluundu kali mbwe Omwooyo kuli neende oluyaali, Omwooyo kwa Nasaae kuli mweeng'we.