Abafilipi 1:10 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁰ hu munyale ohumanya ohukabuhania esiindu siba nisihiramo obulai mu byoosi. Ao muchia ohumenya nimubulaho ekoondo lyoosi, neende ohufunaanwa hwoosi hu ludaalo lwa Kristo.

EBBAIBBO EMBOOSI YA NASAAE

¹⁰ hu munyale ohumanya ohukabuhania esiindu siba nisihiramo obulai mu byoosi. Ao muchia ohumenya nimubulaho ekoondo lyoosi, neende ohufunaanwa hwoosi hu ludaalo lwa Kristo.

Abafilipi 1:10 Iomraidhean Croise

Ohuchaaka 20:5

Abburahamu mweene niye owaboola ati Saara yali mboochoong'ene. Saara yesi yaboola esiindu nasilala esyo. Sino ndasihola mu omwooyo mulai, niimbulaho neende esichiiririrwa sibi syoosi.”

Yobbu 12:11

Omuundu nawulira emboosi, amatwi haba sikakabulamo endai neende embi koti lu yahalya ebyohulya mani yakabulamo ebirimo echamu neende ebichalaafu?

Yobbu 34:3

olwohuba omuundu yawuula emboosi endai neende eyitaali endai ohweema hu bi awuliire koti olulimi lu lwaawula ebyohulya binyunyuula neende ebichalaafu.

Mika 3:2

Nae musyuula ebilai mani mwaaheera ebyonoono. Mubaaka abaandu baange mani mwaabamalaho esihoba, mwaatusa enyama hu makuumba kaabwe.

Matayo 16:23

Yesu nae yakaluuhana mani yaaboolera Petero ati, “Mbweere-eyi, Sitaani! Leha ohundehiinga mu moni, olwohuba embaasa yao eyo, haba si ya Nasaae, nae y'abaandu sa.”

Matayo 26:33

Petero yalomalomera alafu naamuboolera ati, “Kata neende abaandi boosi bahulehe, ese haba siinjia huhuleha daawe.”

Yowaana 1:47

Yesu niyabona Natanaeli niyeecha, yamuboolera ati, “Bone, Omuisiraeli mweene, otaliho ohweebachirisa hwoosi daawe!”

Yowaana 3:20

Olwohuba buli muundu ohola bubi, asyuula obulafu, haandi haba siyeecha eyiri obulafu, ebiholwa byae bihaye huboneha daawe.

Ebiholwa 24:16

Mani sakira ese ndamenya nindechunianga ohubona endi nyale ohunyoola embaasa ndai hu Nasaae neende hu baandu boosi.

Abarooma 12:2

Ebiima byeeng'we muleheenge ohubifwaanania neende eby'abaandu bohu syaalo, ohutusaho mukaluuhane munyoole ebibaaso biyaaha. Ao muchia ohunyala ohumanya ebyo bi Nasaae adaha ebilai, ebimusangaasa haandi ebyoolerefu by'elalira.

Abarooma 12:9

Obuheeri bweeng'we buhoyere ohubechaanga obw'obwadyeeri bweene. Muhaye esibi, nae mwomiirire hu silai.

Abarooma 16:17

Basyaange mbekweeda endi: mweliindeenge abo abaleeta ohukabuhana neende abanyaasa efukiirira y'abaandu, haandi abacha nibalwaania enjekesa yi mwanyoola. Mutabesudyaangaho!

Abarooma 2:18

omanyire bulai bweene bi Nasaae adaha, olwohuba weekeswa amalako, n'obaasa esiindu sihira obulai.

Abarooma 7:16

Mani koti esiindu si ndi ohuhola nisyo sitahadahire ohuhola, sino syeekesa siti, fukiirira endi elako luungifu nilyo.

Abarooma 7:22

Mu bulamu bwaange bweene, sangaalira amalako ka Nasaae.

Abarooma 8:7

Sakira abaandu batukwa neende obwekoombi bw'omubiri beehola abasuku ba Nasaae; olwohuba haba sibawulira amalako ka Nasaae, haandi mubwadyeeri bweene haba sibakawulira.

1 Abakoriito 1:8

oyo ochia ohubalera ohwoolera elalira hu njakamo, nimubulaho simudondobaane mu ndaalo eyo ech'Omwaami weefwe Yesu Kristo.

1 Abakoriito 10:32

Otanyolesaanga Abayudaaya oba Abagiriki oba abafukiiriri ba Nasaae,

1 Abakoriito 8:13

Mani sakira, nikali mbwe ebyohulya nibyo ebiba nibikera owasyaange ohukwa, ese siimba njia ohulyaaho enyama, takera owasyaange yaakwa.

2 Abakoriito 1:12

Olwohuba ohwefumia hweefwe, nihwo huno mbwe, ohubaasa hweefwe huhwebisiiremo mu syaalo muno, neende ohumeedaho eng'we mwesi, alala neende obwoolerefu neende obwadyeeri bw'ediini, nihuteehoonyera amakesi k'esyaalo, nae ohweema hu mbabaasi cha Nasaae.

2 Abakoriito 2:17

Olwohuba efwe haba sihuyera, koti sa abaandu baangi bali, abaonianga emboosi ya Nasaae; nae koti abaandu b'obwadyeeri, koti abatumwa neende Nasaae, mu moni wa Nasaae hulomalomera mu Kristo.

2 Abakoriito 6:3

Haba sihuli ohuta esiindu sikayira mu ngira y'omuundu yeesi, hu bulaanu abulao esisobyo si nyala ohunyoolehana mu buhalaabani bweefwe,

2 Abakoriito 8:8

Mboola sino ataali koti esilagiro, nae ohwomiisa obuluungifu bw'abaandu baandi endi ohuheera hweeng'we hwosi n'ohwobwadyeeri.

Abagalatia 5:11

Nae basyaange, nikali mbwe ese mweene siyalaanga sa ohuhebwa, ni lwasiina mba nisiboneresebwaanga? Syeekesa mbwe mu mboosi eyo, esichihi sino esyegumusa omusalabba syamala ohutusibwayo.

Abaefeso 4:15

Ohumalaho ohulomalomaanga obwadyeeri mu buheeri, hunyale ohuhulira mu buli ngira yoosi, mu mweene oyo oli omutwe, mu Kristo,

Abaefeso 5:10

mani muteemeho ohweeka ohuholaanga ebisaangaasa Omwaami.

Abaefeso 5:27

hwaanyale ohwediisa omweene abafukiiriri abo, neende obulai, nibabulaho ekoondo lyoosi, kata sa ohweekoda hwoosi, oba esiindu syoosi esifwaanaho sityo, hu banyale ohuba aboolerefu haandi ababulaho obubi bwoosi.

Abaefeso 6:24

Leha embabaasi cha Nasaae chibe neende abo boosi abaheera Omwaami weefwe Yesu Kristo neende obuheeri butafwa.

Abafilipi 1:16

Abaandi bano bahola batyo mu buheeri, olwohuba bamanyire bati bandeeta ano ohuyira omusaango kwaange eyiri Emboosi Ndai.

Abafilipi 1:6

Sakira manyire neende omwomiifu endi, Nasaae wachaakisa omulimo mulai mweeng'we, achia ohwemeeda nakwo ohwoola lwaalikumaliirisira hu ludaalo lwa Kristo Yesu.

Abafilipi 2:16

nimwomiriire hu Mboosi y'obulamu. Nimuhola mutyo mba njia ohuba neende esifune esy'ohubehoyeramo hu ludaalo lwa Kristo, olwohuba sichia ohweekesa siti amaani kaange koosi alala neende omulimo kwaange, haba sibyali eby'ebihaya.

1 Abatesalonika 3:13

Mu ngira yino nilwo lwaachia ohubameederamo amaani, mani mube ababulaho esibi syoosi, haandi aboolerefu mu moni wa Nasaae weefwe haandi Seefwe, hu ludaalo lu Omwaami weefwe Yesu yahakobolereho alala neende aboolerefu bae boosi.

1 Abatesalonika 5:21

Piimeenge buli siindu mberi: lindeenge esilai

1 Abatesalonika 5:23

Lehe Nasaae otuberesaanga omuleembe abahole mube aboolerefu mu ngeri yoosi haandi aliinde obulamu bweeng'we bwoosi, omwooyo, obulamu, neende omubiri nibitaaliho esibi syoosi, ohwoola hu ludaalo lw'ohwiichiraho hw'Omwaami weefwe, Yesu Kristo.

Yosua 24:14

“Mani bulaanu” Yosua yemeeda ohulomaloma ati, “yiseenge oluyaali mu Omwaami, haandi mumuhalaabanireenge elalira neende obweesikwa. Mweemalemo banasaae ba bakuuka yeeng'we beenamiraanga nibali mu Mesopotamia neende mu Misiri, mani muhalaabanireenge Omwaami yeeng'ene.

1 Yowaana 4:1

Basyaange baheerwa, mutafukiirisanianga neende buli muundu oboola ati ali neende Mwooyo wa Nasaae; mubateemeho hu mumanye neende obwadyeeri muti batula eyiri Nasaae. Olwohuba banabbi bobubacha baangi muno bamala ohusalaanira mu syaalo syoosi.

Ohubwiihulirwa 2:2

“‘Manyire ebiindu byoosi bi wahola. Manyire koti lu wahola emirimo cha amaani, haandi koti lu obeere omwesimiirisi. Manyire endi haba s'onyala ohulehera abaandu babi, haandi endi okeraania abo ababoola bati bali abatume nihane haba sibali batyo daawe, haandi endi waabona oti hane babacha.