Abafilipi 1:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Ohutula eyiri Paulo neende Timoteo, abahalaabani ba Kristo Yesu, Niyichiira aboolerefu ba Nasaae abali mu bulala neende Kristo Yesu, alala neende abeemeresi b'emikaanda ky'abafukiiriri alala neende abahoonyi baabwe.

EBBAIBBO EMBOOSI YA NASAAE

¹ Ohutula eyiri Paulo neende Timoteo, abahalaabani ba Kristo Yesu, Niyichiira aboolerefu ba Nasaae abali mu bulala neende Kristo Yesu, alala neende abeemeresi b'emikaanda ky'abafukiiriri alala neende abahoonyi baabwe.

Abafilipi 1:1 Iomraidhean Croise

Mariko 13:34

Siri koti omuundu ochia hu lukeendo lw'eyale, naaba n'atula mu ngo, aberesa abahalaabani bae obunyala, buli otula neende omulimo kwae, mani yaboolera omuliindi w'ohusiruwa abe meeso.

Yowaana 12:26

Oyo owuuhalaabanira, yanoonda. Ese yi ndi, omuhalaabani waange yesi niwo yi yahabecheenge. Omuundu yesi-yesi owuuhalaabanira Laata yahamusiime.

Ebiholwa 1:20

“Olwohuba syandiikwa mu sitabo sy'Esabbuli siti, ‘Lehe edaala lyae lyeehole ekuunda, haandi lehe omuundu yeesi ahaye ohulimenyamo’; haandi ‘Lehe omuundu wuundi abukule omulimo kwae.’

Ebiholwa 20:28

Mweliinde abeene haandi muliinde omukaanda kwoosi kuno ku Mwooyo Mwoolerefu yamala ohubaholamo abaayi, ohuliinda omukaanda kw'abafukiiriri ba Nasaae, ku yenyoolera ohweema hu mabaanga k'Omwaana wae.

Ebiholwa 9:13

Nae Anania yakobolamo ati, “Omwaami, ndahawulira ohutula hu baandu baangi muno hu muundu wuno, obuungi bw'ebiindu bibi bi yahamala ohuhola hu boolerefu bao mu Yerusalemu;

Abarooma 1:1

Niise Paulo, omuhalaabani wa Kristo Yesu, owalaangwa ohuba omutume, haandi owaawulwa ohuyaala Emboosi Ndai ya Nasaae.

Abarooma 1:7

Eng'we mweesi abaheerwa ba Nasaae abali Rooma, haandi abalaangwa ohuba aboolerefu bae: Lehe Nasaae Seefwe, neende Omwaami Yesu Kristo bababerese embabaasi neende omuleembe.

1 Abakoriito 16:10

Timoteo niyeecha, mubonaanga muti mumuliinda bulai, olwohuba ali ohuhola omulimo kw'Omwaami koti lu ndi ohuhola.

2 Abakoriito 1:1

Ohutula eyiri Paulo, omutume wa Kristo Yesu ohweema hu hudaha hwa Nasaae, haandi ohutula eyiri Timoteo omwaana weefwe. Ohuchiira abafukiiriri ba Nasaae abali mu Koriiti, haandi ohuchiira abaandu ba Nasaae boosi abali mu Akaya mwoosi.

Abagalatia 1:10

Mani bulaanu mubaasa muti ndi ohuteemaho ohusiimwa neende abaandu, kose Nasaae? Haba daawe. Mubaasa muti ndi ohuteemaho ohusangaasa abaandu? Ni mba nisichiiririra ohusangasaanga abaandu sa, ao siimba niihoyera ohuba omuhalaabani wa Kristo.

Abagalatia 3:26

Olwohuba ohubitira mu fukiirira, eng'we mweesi muli abaana ba Nasaae mu Yesu Kristo.

Abagalatia 3:28

Abulao engabuhana akatikaati w'Abayudaaya Abateende, akatikaati w'abawaambe neende abalehuule, akatikaati w'abasaacha neende abahasi; mweesi muli nasilala mu Kristo Yesu.

Abaefeso 1:1

Ohutula eyiri Paulo, omutume wa Kristo Yesu, ohweema hu hudaha hwa Nasaae. Yichiire aboolerefu bali mu Efeso, abeesikwa mu bulamu bwaabwe nibuli alala neende Kristo Yesu:

Abaefeso 1:15

Mani ohweema hu sifune sino, olwohuba ndamala ohuwulira ebidiira hu fukiirira yeeng'we mu Omwaami Yesu neende hu buheeri bweeng'we eyiri baandu boolerefu boosi,

Abaefeso 6:24

Leha embabaasi cha Nasaae chibe neende abo boosi abaheera Omwaami weefwe Yesu Kristo neende obuheeri butafwa.

Abafilipi 2:19

Nihuli ohudaha hw'Omwaami, suubira endi njia ohubatumira bwaangu Timoteo, hu nyale ohugumisibwa neende emboosi echibadiiraho.

Abafilipi 2:5

Ebibaaso byeeng'we bihoyere ohubechaanga koti bi Kristo yali nabyo,

Abafilipi 3:12

Sisiri mbwe ndamala ohunyoola esisuubirwa sino, oba oti ndamala ohuba otaalihooho esyonoono syoosi; nae ndi ohwedinya ninjiiririra nyale ohusinyoola omweene, olwohuba Kristo yamala ohuhola ohuba owae mweene.

Abafilipi 3:3

Olwohuba efwe niifwe ohuhebwa hwadyeeri, abeenamira Nasaae mu mwooyo, haandi abeninisirya mu Kristo Yesu, haandi abateesikaho emiholo kidiirana hu mubiri kata nabudiidi.

Abafilipi 3:8

Mubwadyeeri bweene mbala buli siindu syoosi koti ohufwiirwa huhaya hulw'obulai bubitiirifu obuli mu humanya Kristo Yesu Omwaami waange. Hulw'omweene oyo, ndabitira mu buchuuni bw'ohufwiirwa ebiindu byoosi, mani ndabibala ohuba koti obunyaka buhaya, hu nyemeo nyale ohuyindiyala mu Kristo

1 Abatesalonika 1:1

Ebbarwa yitula eyiri Paulo, Silifaano, neende Timoteo, eyichiira Abafukiiriri Batesolonika, ba Nasaae Seefwe haandi neende ba Omwaami Yesu Kristo adoola. Embabaasi neende emuleembe bibe naang'we.

1 Abatesalonika 2:2

Mumanyire koti lu hwasaandisibwa haandi koti lu hwanyekwa nihwali mu Filipi nihusisiiri ohwiicha mu Tesalonika. Kata katyo, Nasaae weefwe yatuberesa esinani sy'ohubayaalira Emboosi Ndai yitula yaali, kata neende ohuyiinganisibwa nihwali ohubitiirifu.

2 Abatesalonika 1:1

Ebbarwa yitula eyiri Paulo, Silifaano neende Timoteo, niyichiira abafukiiriri bali mu Tesalonika, abaandu ba Nasaae weefwe, neende Omwaami Yesu Kristo.

2 Abatesalonika 1:10

naakobola hu ludaalo olwo abereswe oluyaali mu boolerefu bae, haandi yesibwemo oluyaali mwaabo boosi abafukiirira olwohuba obuloli mweeng'we bwafukiirirwamo.

1 Timoteo 1:2

Ohuchiira Timoteo, omwaana waange w'elalira mu fukiirira. Lehe embabaasi neende esisa, alala neende omuleembe kutula eyiri Nasaae Seefwe neende Kristo Yesu Omwaami weefwe bibe naang'we.

1 Timoteo 3:8

Abahalaabani b'abafukiiriri bosi bahoyere ohuba abaandu b'ebiima bilai haandi abalomaloma obwadyeeri, abataali abang'wi muno, haandi abataali neende esiwonya sy'eseende.

Tito 1:1

Ebbarwa yitula eyiri Paulo, omuhalaabani wa Nasaae haandi omutume wa Yesu Kristo. Ndadoolwa haandi ndatumwa ohuhoonya efukiirira y'abaandu ba Nasaae yadoola, neende ohubeemerera banyale ohumanya obwadyeeri bweekeswa mu diini yeefwe,

Tito 1:7

Koti lwaali omuhalaabani wa Nasaae, omwiimirisi w'Abakristo ahoyere ohuba nataaliho esiindu simwekanyiirisaho. Haba s'ahoyere ohuba omuundu w'esuunga, oba onyoolera bwaangu, oba omumeesi, omwaalaba, oba ow'omutoolyo.

Filimooni 1:1

Ese Paulo, owaboywa hulwa Kristo Yesu, neende Timoteo omwaana weefwe. Hwandiikira ewe Filimooni omuhalaabani waasyeefwe muheerwa

Abaibburania 13:23

Mbeekesa mumanye muti, owasyeefwe Timoteo yamala ohulehuulwa ohutula mu jeela. Nae niyeecha bwaangu njia ohwiicha nae ohubabona.

Yakobbo 1:1

Ese Yakobbo, omuhalaabani wa Nasaae neende ow'Omwaami Yesu Kristo: Mbaheesa eng'we enono ehumi-na-chibiri ech'abaandu basalaanira mu syaalo syoosi.

1 Petero 2:25

Olwohuba mwali nimuli koti amakoondi kakota, nae bulaanu mwakaluha eyiri Omwaayi haandi Omuliindi w'obulamu bweeng'we.

2 Petero 1:1

Ese Simooni Petero omuhalaabani haandi omutume wa Yesu Kristo, mbaandiikira eng'we abanyoola efukiirira y'engaanga muno koti lu efwe hwanyoola mu bwoolerefu bwa Nasaae weefwe, neende Omuwonia weefwe Yesu Kristo.

Yuda 1:1

Ese Yuda, omuhalaabani wa Yesu Kristo haandi mwanaang'ina Yakobbo, nyandiika ebbarwa yino ohuchiira abaandu ba Nasaae yalaanga abali mu buheeri bwa Nasaae Seefwe, neende mu huliindwa hwa Yesu Kristo.

Ohubwiihulirwa 1:1

Esitabo sino sirimo ebiindu byaandiikwa ebidiira hu biindu bichia ohubaao bi Yesu Kristo yabwiihula. Nasaae niye owamuberesa ohubwiihulirwao huno, hu yemewo anyale ohweekesa abahalaabani bae ebiindu bichia ohubaao bwaangu muno. Kristo yatuma malaika wae ohuchia eyiri Yowaana omuhalaabani wae, amweekese abimanye.

Ohubwiihulirwa 1:20

Sino nisyo esyaama sy'eng'ining'ini chitaanu-na-chibiri ch'obona mu muhono kwaange muluungi, neende esy'ebiteeni by'esaabbu bitaanu-na-bibiri by'amataara: Eng'ining'ini chitaanu-na-chibiri chino, nibo bamalaika b'abafukiiriri bali mu biko bikabuhaane bitaanu-na-bibiri, haandi ebiteeni by'amataara bitaanu-na-bibiri, nibyo abafukiiriri bali mu biko bikabuhaane bitaanu-na-bibiri.

Ohubwiihulirwa 19:10

Ndaakwa aasi mu makulu kae ohumwiinamira, nae yamboolera ati, “Otasihola daawe! Syesi ndi sa omuhalaabani wasyo, haandi syesi ndi omufukiiriri koti abafukiiriri basyaange, abo boosi abahayira hu bwadyeeri bu Yesu yeekesa. Yinamirenge Nasaae!” Olwohuba obwadyeeri bu Yesu yeekesa nibwo ohugumya abanabbi.

Ohubwiihulirwa 2:12

“Eyiri malaika w'abafukiiriri bali mu Perigamumu yandiika oti, ‘Chino nicho emboosi chitula eyiri oyo oli neende olugaanga lwooki, olw'obwooki hu nyaande choombi.

Ohubwiihulirwa 2:8

“Eyiri malaika w'abafukiiriri bali mu Simirina, yandiika oti, ‘chino nicho emboosi chitula eyiri oyo otaangira haandi omaliirihayo, owafwa haandi yaaba omulamu.

Ohubwiihulirwa 22:9

Nae malaika oyo niyabona atyo, yamboolera ati, “Otahola otyo daawe! Ese ndi sa omuhalaabani waasyo, haandi neende abanabbi bosi baana beeng'we, alala neende abo boosi abafunihira emboosi chiri mu sitabo sino. Yinamiraanga Nasaae!”