Abaefeso 5:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Nae obudaamba neende ebiindu by'omufuto byoosi, oba obwekoombi sibihoyere kata ohutumbulwaanga mweeng'we, koti ebihoyera ohuba mu baandu boolerefu.

EBBAIBBO EMBOOSI YA NASAAE

³ Nae obudaamba neende ebiindu by'omufuto byoosi, oba obwekoombi sibihoyere kata ohutumbulwaanga mweeng'we, koti ebihoyera ohuba mu baandu boolerefu.

Abaefeso 5:3 Iomraidhean Croise

Esabbuli 10:3

Olwohuba abahola-mbi bebwaaba mu bwekoombi bw'emyooyo kyaabwe, haandi omuundu wokuliira kw'efuni, haba s'adeeba hu Mwaami.

Esabbuli 119:36

Mberese obwekoombi bw'ohudiira amalako kao ohuhira ohuba neende eby'engaanga.

Ohutula 18:21

Nae ohumeeda ohwo, ewe wesi ohoyere ohulobola abaandu baandi abanyala, mani obahole babe abeemirisi baandi ab'abaandu: abaandi beemirireenge abaandu elifu (1,000), abaandi emia (100), abaandi amahumi kataanu, nae abaandi abaandu ehumi boong'ene. Abaandu bahoyere ohuba abafunihira Nasaae, haandi abanyala ohuba abeesikwa, haandi abatanyala ohukuliirirwa.

Ohutula 20:17

“Otekoombaanga enyuumba y'owaasyo; otekombaanga omuhasi wae, omuwaambe wae, ebyaayo byae, esuhiri yae, oba esiindu syoosi syaali nasyo.”

Ohutula 23:13

“Tekeerese buli siindu si Ese, Omwaami, mbaboleere. Mutalaamanga banasaae baandi daawe; mutatuumbulaangaho kata ameeta kaabwe.

Engaado 28:16

Omutuki otadeeba hu baandu aba omwalaaba; nae oyo otadaha obulyaanga, achia otuka emyaaka miingi.

Yeremia 22:17

Nae ewe oli neende emoni neende omwooyo kudeeba hu hunyoola obuyiinda mu ngira yitaali endai. Olwohuba wiita abaandu bataaliho omusaango, haandi ofwiinyirira bao neende obwaalaba.” Omwaami niye oboolere.

Yeremia 6:13

“Olwohuba ohutulira elalira hu mudiidi mweene ohwoola hu muhunuufu ohiramo, buli muundu ang'aang'abanira ohunyoola engaanga mu ngira mbi. Kata abanabbi neende abalaamisi, bosi baliichaki nibo.

Yeremia 8:10

Mani sakira, abahasi baabwe njia ohubakaba abasaacha baandi, neende endalo chaabwe njia ohuchiba abaandu baandi, olwohuba ohutulira elalira hu muundu ohiramo obudiidi ohwoola hu muhunuufu ohiramo, buli muundu ayuyuuhanira sa ohunyoola engaanga mu saambo yitaali endai. Kata abanabbi neende abalaamisi bosi badaha sa asowa.

Esekeeli 33:31

Nibeechia bulai, beehala mu moni wao koti abaandu baange, nibawulira emboosi chi oboola, nae haba sibacha ohuhola by'oboola daawe. Beekesa obuheeri buungi muno, mu nomanoma yoong'ene, nae emyooyo kyaabwe kyemeeda ohweedahisira ebyaabwe.

Esy'Abaleefi 15:18

Mani luunyuma lw'ohuba alala omusaacha neende omuhasi, boombi bahoyere ohuchia beeyokaanga bulai, mani badoong'anga sa nibasisiiri ab'omusiro eyiri abaandu ohwoola engoloobe y'oludaalo olwo.

Mika 2:2

Nibekoomba endalo, nibachinyaka; kata chibe enyuumba, chosi bachiyira. Haba sibatya omuundu oba enyuumba yae, bafwiinyirira omuundu alala neende ebiindu byae.

Ohubala 25:1

Abaisiraeli nibali nibateere ekaambi yaabwe mu hoondo y'Akasia, abasaacha bachaaka ohuyirana neende abahasi ba Moabbu abali ebweene eyo.

Matayo 15:19

Olwohuba mu mwooyo nimwo omutula ebibaaso bibi, obwiiti, obuyirani, obucheke, obwiibi, obwaayirisi, neende ohunyaasa ameeta k'abaandi.

Luka 12:15

Mani Yesu yababoolera ati, “Mweliinde, haandi mweekaye obwekoombi bwoosi; olwohuba obulamu bw'omuundu sibweema hu buungi bw'obuyiinda bwae.”

Luka 16:14

Abafarisaayo abali baheera muno eseende, nibawulira bino byoosi, beecha beechusyuula muno Yesu.

Ebiholwa 15:20

nae huhoyere hubandiikire beeliinde ohutula hu mufuto kw'ebilongaloongwe neende ohutula hu mukwoobo neende hw'esyo syoosi esiba nisimikirwe sa, neende ohutula hu mabaanga.

Ebiholwa 20:33

Ese haba sindekoombaangaho ebibya oba efeesa y'omuundu yeesi, kata neende ebyefwaalo.

Abarooma 1:29

Mani beechula omufuto kwa buli ngeri, obubi, omutoolyo, neende ebiindu bitahoyera ohuholwa; beechula ehiinda, obwiiti, ohulwaana, obubacha, neende ohubaasira abaandi obubi. Bamoonya,

Abarooma 16:2

Mumwaakaanire mu liita ly'Omwaami, koti abaandu ba Nasaae bahoyere, haandi mumuberese obuhoonyi bwoosi bw'adaha ohutula yi muli; olwohuba omweene yesi yahahoonya abaandu baangi muno syesi ni ndi mulala hu nibo.

Abarooma 6:13

Haandi mutakanyaanga ohuberesa esituundu syoosi sy'emibiri kyeeng'we eyiri esyonoono syasyehoonyera ohuhola ebichiiririrwa byasyo bibi. Ohutusaho, mweyaaneengeyo eyiri Nasaae, koti abo abamala ohutusibwa mu hufwa baaleetwa mu bulamu, haandi mweyaaneengeyo mweesi eyiri Nasaae, abehoonyere hulw'ebichiiririrwa biluungifu.

1 Abakoriito 10:8

Huteyingisaangaho kata nabudiidi mu byobudaamba koti lu baandi hu abo bahola, mani abaandu elifu amahumi kabiri-na-chidatu (23,000) baafwa hu ludaalo lulala.

1 Abakoriito 5:1

Mubwadyeeri bweene biri ohweeboola mbwe aliwo esifwaabi mweeng'we, haandi esyeengeri kata eyitanyala ohunyoolehanaho neende mu bakafiiri beene; mbwe bi musaacha akona sa omuhasi wa laatang'ene.

1 Abakoriito 6:13

“Ebyaahulya byateebwao hulw'enda haandi enda hulw'ebyohulya.” Nae Nasaae achia ohubisihirisa byoombi syasilala. Omubiri haba sikwaholerwa esifwaabi, nae hulw'Omwaami, haandi Omwaami hulw'omubiri.

1 Abakoriito 6:18

Mwebwaabe esifwaabi. Buli syonoono siindi syoosi, si muundu ahola siri sa erwaanyi w'omubiri; nae omusaacha wesifwaabi aba yonoona eyiri omubiri kwae omweene.

2 Abakoriito 12:21

Haandi ndi ohutya endi niinjicha haandi Nasaae waange achia ohundiisa esoni mu moni weeng'we, haandi nyala ndaalira hulw'abaandu baangi abahola ebyonoono mani bahaya ohweyolobya eby'obucheke, obuyirani, neende obwekoombi bu bahola.

Abaefeso 5:12

Olwohuba by'esoni nibyo kata ohulomaloma hu biindu bi baandu abo bahola mu bweekisi;

Abaefeso 5:5

Mwehalirise sino, mbwe abulao omudaamba yeesi oba omuundu w'omufuto, oba omuundu mwekoombi (esyeekesa ow'emisaambwa), oli neende obusiha mu bwaami bwa Kristo neende obwa Nasaae.

Abafilipi 1:27

Esihirira elalira nisyo mbwe, ebiima byeeng'we bihoyere bibe koti Emboosi Ndai ya Kristo yidaha, kata ni mba niinjichire ohubabona, oba nimbulira-buwulira ebibadiiraho. Mube abomiifu muno neende esichiiririrwa silala, haandi mulwaanire alala neende embaasa ndala eyitula mu Mboosi Ndai.

Abakolosaayi 3:5

Mani sakira mwiitire alala esiindu syoosi esibalimo esy'esyaalo sino koti: obucheke, omufuto, obwekoombi, ohwekoomba ohwoonoona, neende obucheke bw'ediini, obuli koti ohwiinamiraanga emisaambwa.

1 Abatesalonika 4:3

Nasaae abadahisa mube aboolerefu, haandi mubulireho elalira esyonoono esy'obucheke syoosi.

1 Abatesalonika 4:7

Olwohuba Nasaae siyatulaanga ohumenya mu bulamu bw'obucheke, nae ohumenya mu bulamu bwoolerefu.

1 Timoteo 2:10

Nae babe neende ebihole bilai bihoyera abahasi batya Nasaae.

1 Timoteo 3:3

Ahoyera ohuba otaali omumeesi, haandi otaali omwaalaba, nae ahoyere ohuba omuloonga, otaali omusoolani, haandi otaali omwekoombi w'eseende.

1 Timoteo 6:10

Olwohuba ohwekoomba eseende nihwo omusi kw'ebibi byoosi. Olwohuba ohubitira mu obwekoombi bubi buno, nimwo mu baandi boolera ohudaaliima baatula hu fukiirira yino, mani baafumita emyooyo kyaabwe neende amafumo maangi ak'ohwelalihirira.

2 Timoteo 3:2

Abaandu bachia ohuba abeemani, ab'okuliira, ab'esuunga, haandi abewulira; abanyekani, abatawulira abeebusi baabwe, abaalaba, abatasiima siindu, haandi abataali neende ediini;

Tito 1:11

Enjekesa yaabwe yihoyere ohwakamisibwa, olwohuba babita mu madaala k'abaandu nibeekesa ebitahoyera ohweekeswa nibachiiririra ohweyiindiyasa abeene.

Tito 1:7

Koti lwaali omuhalaabani wa Nasaae, omwiimirisi w'Abakristo ahoyere ohuba nataaliho esiindu simwekanyiirisaho. Haba s'ahoyere ohuba omuundu w'esuunga, oba onyoolera bwaangu, oba omumeesi, omwaalaba, oba ow'omutoolyo.

Tito 2:3

Mu ngeri nasilala eyo, yekesa abahasi bahuluundu beebiseenge koti abahasi bali neende obulamu bwoolerefu buhoyera. Bahae ohubechaanga abamoonyi oba abawaambe b'obumeesi. Bahoyere ohweekesaanga ebihole bilai,

Abaibburania 12:16

Mweliinde omuundu yeesi ateehola omucheke haandi otatya Nasaae koti hale Esau owakusa ehabi yae y'obusiha koti omwaana muhuluundu hulw'esideru sy'ebyohulya silala.

Yosua 7:21

Mu biindu byoosi bi hwapeeyere, ndeechere ndaabonamo ekaanju ly'Esibbabbilooni enyirifu muno, aambi ekiloguraamu ch'efeesa chibiri, haandi neende esimeku sy'esaabbu esikera aambi w'obusito bwoola esituundu sy'ekiloguraamu. Ebiindu bino ndaabyekoombere muno mani ndoola ohubibukula. Muchia ohubyakaana nibyesiihire mu yeema lyaange, efeesa niyisibira aasi bweene hu lwaalo.”

1 Petero 5:2

Mube abaayi b'ebyaayo bi Nasaae yababeresa, haandi mubiliinde neende ohudaha koti lu Nasaae adaha muhole ataali ohuyiikwa. Hole emirimo kyeeng'we ataali ohwekoomba eseende, nae ohweema hu hudaha ohuhalaabanira abasyeeng'we mubwadyeeri.

2 Petero 2:10

neende abo abomiirira mu biima byaabwe bibolu neende obwekoombi bw'omubiri mani baalekeeresa amaani ka Nasaae. Abeekesa bobubacha bano, babulaho neende esiindu sibatya, haandi sibadiirwa esoni ohunyeka abaandu b'oluyaali.

2 Petero 2:14

Nae neende emoni chaabwe bewuunja buli siindu neende obucheke mani beekoomba buli muundu yi babona. Obwekoombi bwaabwe bw'ohuhola ebyonoono haba sibuyenjeera. Bakwiisa abaandu bakata mu muteego haandi baheera ohuhola ebiindu by'okuliira. Bali koti abaandu ba Nasaae yamala ohubwaaba!

2 Petero 2:3

Mu kuliira kwaabwe, abeekesa bobubacha bano bachia ohubanyoolamo engaanga muno ohweema hu ngano chi beene beeholera. Omusaango kwaabwe kwamala ohuheengwa hale muno, haandi ohusihiriswa hwaabwe haba sihukona daawe.

Ohubwiihulirwa 2:14

Nae aliwo ebiindu biindi ebidiidi bihwekanyiirisaho. Aliwo abaandu baandi mweeng'we abali ohuloonda enjekesa ya Bbalamu, oweekesa Bbalaki engeri y'ohuyira abaandu ba Yisiraeli mu syonoono n'abaserera ohulichaanga ebyohulya byalichiingi nibimalire ohuyaanirwa ebiloongaloongwe haandi neende ohuholaanga obuyirani bubi.

Ohubwiihulirwa 2:21

Ndamala ohumuberesa ebiha bimala endi yeyolobye ebyonoono byae, nae haba saadaha ohukaluuhana ohuleha obucheke bwae daawe.

Ohubwiihulirwa 21:8

Nae abati, abahobi, abahyaamia ohuhola obudya, abeeti, abacheke, abaholi b'amayia, abeenamira emisaambwa, alala neende ababacha boosi, obwiihalo bwaabwe, nibwo enyaanja yaaduha omuliro neende maratutu, eyiri niyo ohufwa hwa habiri.”

Ohubwiihulirwa 22:15

Nae erwaanyi w'esiko esyo, yiriyo embwa, neende abalakusi, neende abacheke, neende abeeti, neende ab'emisaambwa, neende buli muundu yeesi owaheera obubacha haandi omwebachirisi.

Ohubwiihulirwa 9:21

Kata haba sibeyolobyaho obwiiti bwaabwe, obulakusi bwaabwe, obucheke bubi, oba obwiibi bwaabwe.

1 Samueli 8:3

Nae haba sibaloondakana neende esyohuboneraho sya laata yaabwe daawe; nae badahaanga muno ohunyoola eseende, mani nibafukiiriraanga asowa haandi nibataheengaanga emisaango mubwadyeeri daawe.