Abaefeso 2:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Mu beene bano, nimwo mweefwe fweesi hwali hwamenya mu obwekoombi bw'emibiri kyeefwe, nihuloondakana neende obwekoombi bw'emibiri neende ebibaaso, mani ohweema hu byeene ebyo, mu bwiibulanwa hwali abaana b'egiili, koti sa abaandu baandi badoong'ereyo.

EBBAIBBO EMBOOSI YA NASAAE

³ Mu beene bano, nimwo mweefwe fweesi hwali hwamenya mu obwekoombi bw'emibiri kyeefwe, nihuloondakana neende obwekoombi bw'emibiri neende ebibaaso, mani ohweema hu byeene ebyo, mu bwiibulanwa hwali abaana b'egiili, koti sa abaandu baandi badoong'ereyo.

Abaefeso 2:3 Iomraidhean Croise

Ohuchaaka 5:3

Adamu niyali n'amalire emyaaka emia ndala neende amahumi kadatu (130), yeebula omwaana musyaani omufwananira elalira, yaamulaanga Seeti.

Ohuchaaka 6:5

Nae Omwaami niyabona obubi bwa buli muundu hu syaalo koti lu bwali neende koti ebibaaso byaabwe byali ebibi buli siha,

Ohuchaaka 8:21

Nae Omwaami niyawulira esaami yiwunya bilai eyo, yasangaala mani yaboola mu mwooyo kwae ati, “Haandi haba sindahabwaabe esyaalo ehabi liindi daawe ohweema hu biholwa by'omuundu; olwohuba ebibaaso biri mu mwooyo kw'omuundu haba si bilai ohutulira elalira mu huloongwa hwae; haandi siinjia ohusihirisa buli siloonge silamu koti luu holere endi.

Yobbu 14:4

Wiina mweene onyala ohutusa esiindu syoolerefu mu siindu sitali esyoolerefu? Abulao kata mulala.

Yobbu 25:4

Omuundu anyala atye ohuba omuluungifu mu moni wa Nasaae? Omuundu weebulwa sa neende omuhasi anyala atye ohuba omwoolerefu?

Esabbuli 51:5

Bona, ese ndeebulirwa mu syonoono, haandi mu syonoono nimwo mu maama yanyoolera amabaanga kaange.

Yisaaya 53:6

Fweesi-fweesi hwali nihusalaanire koti amakoondi; buli muundu n'adiirire engira yae; Omwaami mani n'amudwiiha esyonoono syaali esyeefwe fweesi.

Mariko 4:19

nae hulw'ohwelalihirira hw'obulamu bwomu syaalo muno, neende ohwekoomba hw'obuyiinda bwomu syaalo, alala neende obwekoombi bw'ebiindu biindi, biingira mu myooyo kyaabwe mani byafwiinyirira emboosi ya Nasaae, mani yahaya ohwaamaho esiindu syoosi.

Yowaana 1:13

Beehola abaana ba Nasaae mu ngeri eyitaali eya buli ludaalo, abo abateebulwa neende amabaanga, kata neende mu bunyala bw'omubiri, oba ohudaha hw'omuundu, nae hulw'obunyala bwa Nasaae.

Yowaana 8:44

Eng'we mutula ewa laata yeeng'we Sitaani, mani esichiiririrwa syeeng'we nisyo ohuhola bi laata yeeng'we adaha. Omweene oyo ohutulira elalira mu njaako mutemo niye, olwohuba abulamo obwadyeeri kata nabudiidi. Mani n'abacha, aba aloondakana koti lu ali, olwohuba mubacha niye haandi niye laatang'ene bubacha.

Ebiholwa 14:16

Mu njibulo chabitao, yakanya ebyaalo byoosi ohukeenderaanga mu ngira chaabwe abeene;

Abarooma 1:24

Nasaae sakira yesi yabaleha bachiiririra neende ohuhola ebiindu bibi bi myooyo kyaabwe kyekoomba, mani baaholana ebiindu bidiisa esoni.

Abarooma 11:30

Nae eng'we Abateende, mwali mwahaya hale ohuwulira Nasaae; nae bulaanu, mwanyoola esisa sya Nasaae olwohuba Abayudaaya bahaya ohuwulira Nasaae.

Abarooma 13:14

Ohumalaho, mwefwaale Omwaami Yesu Kristo, mani mutaberesaangaho emibiri kyeeng'we obweyaango bw'ohwonoona bi kyekoomba.

Abarooma 2:14

Abateende haba sibali neende amalako ka Musa; nae buli siha si bahola bi malako ka Musa kadaha ohweema hu hudaha hw'emyooyo kyaabwe kyeene, baba beeholere amalako kaabwe abeene akabatuka, kata neende nibabula amalako ka Musa.

Abarooma 5:10

Hale hwalichiingi abasuku ba Nasaae, nae Nasaae yatuhola hwaaba abeecha bae ohubitira mu hufwa hw'Omwaana wae. Koti lu huli abeecha ba Nasaae, bulaanu obulamu bwa Kristo bucha ohutuwonisira elalira.

Abarooma 5:9

Koti ohufwa hwae hwatuleetera obuluungifu neende Nasaae, bulaanu yatuwonisira elalira etima lya Nasaae.

Abarooma 6:12

Mutakanya esyonoono haandi syaatuka emibiri kyeeng'we kifwa, mwoola ohuhola obwekoombi bwakyo bubi.

Abarooma 7:18

Ese manyire mu ese, koti omuundu, mbulamo esilai daawe, olwohuba ohwekoomba ohuhola esilai huundimo, nae ese haba siinyala ohusihola.

Abarooma 9:22

Nasaae yesi yahola esiindu nasilala atyo. Yadaha ohweekesa etima lyae, haandi neende ohukera obunyala bwae bumanyihane. Sakira yesimiirisira muno abo abamudiisa etima, abali abohusihiriswa.

1 Abakoriito 4:7

Olwohuba ni naanu mweene oli neende obunyala bw'ohubona esiindu syoosi esikeni mweeng'we? Siina syeene si muli nasyo si mutaberesebwa? Nikali mani mbwe mwabereswa, lwasiina muli ohweniinia koti lu sitaali esiyaanwa syebihaya yi muli?

2 Abakoriito 7:1

Koti lu huli neende ebisuubise bino, abaheerwa, mulehe hweeyoseho buli syonoono sy'omubiri neende esy'omwooyo, mani huhole obwoolereere mu hutya Nasaae.

Abagalatia 3:22

Nae ebyandiiko byoolerefu biboola biti, Esyaalo syoosi siri mu maani k'Esibi, mani sakira esiyaanwa esyasuubiswa, syeema hu fukiirira mu Yesu Kristo mani sibeereswa abo abafukiirira.

Abaefeso 2:2

bi mwakeenderaangamo, nimuloondakana neende ehola y'esyaalo sino, nimuloondakirira ow'obunyala w'amaani k'emboo, mwooyo oli bulaanu ohuholeraanga mu baana bahayuha.

Abaefeso 4:22

Mwefwaalulemo obulamu bweeng'we buhale, obuchiana neende ebiima by'obulamu bweeng'we buhale, obwamala ohubiiyira mu bwekoombi budoondobanu,

Abakolosaayi 1:21

Haandi eng'we, abali hale nimwakabuhana haandi nimwasyuulana mu bibaaso, nimuholaanga ebihole bibi,

1 Abatesalonika 4:13

Baasyeefwe, hudaha mumanye obwadyeeri budiira hu bafu, mani muhaye ohwewunamiraanga koti abaandu babula esuubi.

1 Abatesalonika 5:6

Mani sakira sihuhoyere ohukona endoolo koti baandu baandi, nae huhoyere ohubechaanga meeso, haandi mwaaywe.

1 Timoteo 6:9

Nae abo abekoomba ohuba abayiinda, bakwiichaanga sa mu huteemwa, mu muteego, mu biindu biingi muno ebitaalimo amakesi neende obwekoombi bunyala obudimbula abaandu mu hunyaasiha neende mu husihirira.

Tito 3:3

Olwohuba efwe fwesi abeene hale hwalichiingi abasiru, abajeemu, abakota. Hwalichiingi nihuli abawaambe b'obulamu bw'obwekoombi bweefwe bubi, neende ohwesaangaasa hwa buli ngeri. Hwalichiingi abeetima haandi ab'ehiinda. Abaandu bali nibatuhaya, haandi fwesi nihwahayana abeene-na-beene.

1 Petero 1:14

Koti abaana bawulira Nasaae, mutafukiirira obwekoombi buhale bu mwali nimuli nabwo nimusisiiri ohumanya Nasaae otuka obulamu bweeng'we.

2 Petero 2:14

Nae neende emoni chaabwe bewuunja buli siindu neende obucheke mani beekoomba buli muundu yi babona. Obwekoombi bwaabwe bw'ohuhola ebyonoono haba sibuyenjeera. Bakwiisa abaandu bakata mu muteego haandi baheera ohuhola ebiindu by'okuliira. Bali koti abaandu ba Nasaae yamala ohubwaaba!

2 Petero 2:18

Beehoonyera emboosi ch'obusiru haandi echohwefumia, beehoonyera obwekoombi bw'emibiri kyaabwe ohuteka abaandu bahachaakira ohweetusa hu baandu bali mu ngira mbi echileeta ohusihiriswa.

1 Yowaana 2:16

Olwohuba esiindu syoosi esyomusyaalo koti obwekoombi bw'omubiri hubi, neende obwekoombi bw'emoni, neende ohwefumia ohweema hu siindu si muundu ali nasyo oba si yahola, ebyo haba sibya Seefwe; nae by'esyaalo sa.

1 Yowaana 2:8

Nae esilagiro si ndi ohubaandikiira sino siyaaha, haandi obwadyeeri bwasyo bubonehera mu Kristo haandi neende mweeng'we mwesi. Olwohuba esiirima syamala ohutulao, haandi obulafu bwadyeeri bulaanu nibwo obuli ohwaaduha.