Abaefeso 2:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² bi mwakeenderaangamo, nimuloondakana neende ehola y'esyaalo sino, nimuloondakirira ow'obunyala w'amaani k'emboo, mwooyo oli bulaanu ohuholeraanga mu baana bahayuha.

EBBAIBBO EMBOOSI YA NASAAE

² bi mwakeenderaangamo, nimuloondakana neende ehola y'esyaalo sino, nimuloondakirira ow'obunyala w'amaani k'emboo, mwooyo oli bulaanu ohuholeraanga mu baana bahayuha.

Abaefeso 2:2 Iomraidhean Croise

Yobbu 1:16

Wuno niyali n'asilomalomaanga, omuhalaabani wuundi yoola niyeeruha embiro cheene, mani n'aboola ati, “Omuliro kwa Nasaae kwakuuhe nikutula Muukulu mani kwaasaamba amakoondi neende abaayi bako, mani kaasihiriya koosi; niise syeeng'ene owonereo ohwiicha ohuhuboolera.”

Yobbu 1:19

Nae bona, esifuusye sy'amaani siichire nisitula mu siparara, mani syaakiinga esoonda chine ch'enyuumba eyo, mani niyikwa hu baana baraaga abo, mani boosi nibafwa, niise syeeng'ene owoneremo ohwiicha ohuhuboolera.”

Yobbu 1:7

Omwaami yateeba Sitaani ati, “Otula yeena?” Sitaani naakobola mu Omwaami ati, “Ndula ohung'alaala hu syaalo eyo neende era, nisyebodoohania.”

Yobbu 31:7

niimba nindatula hu ngira ndai, mani omwooyo kwaange kwaabachiriswa neende ebiindu bi ndabona, mani yabaa hoo ekoondo lyaanda hu mahono kaange;

Esabbuli 17:14

ewe Omwaami, monie abasaacha bano neende omuhono kwao, monie abasaacha ba omukabo kwaabwe kuli mu bulamu bwomu syaalo muno. Leha banyoole ohusaanda hu wabatekehera; leha abaana baabwe basaande ohuhirahoo; leha ohusaanda huundi hudoong'ere abeechuhulu baabwe!

Yisaaya 30:1

Omwaami aboola ati, “Chibaakaanire abaana bajeemu,” “abaloondakana neende endekeha, nae haba siyaange; haandi abahola endagaano, nae ese haba sifukiirisania nayo, nibameeda esyonoono hu sibi.

Yisaaya 57:4

Wiina mweene yi mubayiraho? Wiina mweene yi muli ohwechisyuula mani mwaamulomalomaho nimumuchalaasa? Eng'we abonooni, haandi abaana b'abebachirisi.

Yeremia 23:10

Olwohuba esyaalo siichulemo abaandu batomiirira hu Omwaami. Abaandu balira olwohuba Omwaami yalaama esyaalo, haandi olwaayiro lwoomereere. Abaandu bano b'ebiima bibi, haandi beehoonyera bubi obunyala bwaabwe.

Hosea 10:9

Omwaami aboola ati, “Abaandu ba Yisiraeli haba sibaakama ohwononaanga mu moni waange daawe ohutulira elalira hu biha by'esyonoono syaabwe esyali mu Gibbeya sira.

Esy'Abaleefi 11:16

ewudo, dulyeenge, namulobi,

Matayo 11:19

Nae Omwaana w'Omuundu niyeecha naalya haandi naang'wa, baboola bati, ‘Boneho, ow'okuliira, omumeesi, haandi omwiicha w'abatoosa b'emisolo neende abahola-mbi wuno!’ Nae obwadyeeri bw'amakesi ka Nasaae buboneheeraanga mu biholwa bikatulamo.”

Matayo 13:22

Nae emwo yakwa mu mawa, niyo oyo owuliraanga emboosi ya Nasaae, nae ohweelalihira hw'obulamu bw'esyaalo neende obwekoombi bw'emyaandu, bifwiinyirira emboosi eyo yihaya ohwaamaho ebyaamo byoosi.

Matayo 13:38

endaalo niyo esyaalo sino; nae emwo ndai, niyo abaana bomu Bwaami bwa Nasaae; ebaye nilyo abaana b'omusuku Sitaani;

Mariko 4:19

nae hulw'ohwelalihirira hw'obulamu bwomu syaalo muno, neende ohwekoomba hw'obuyiinda bwomu syaalo, alala neende obwekoombi bw'ebiindu biindi, biingira mu myooyo kyaabwe mani byafwiinyirira emboosi ya Nasaae, mani yahaya ohwaamaho esiindu syoosi.

Luka 16:8

Omwaami oyo yasiima muno omuliindi otaali neende obweesikwa wuno hulw'obukesi-kesi bwae obwo; olwohuba abaana b'esyaalo sino bakesi-kesi muno mu ngeri yi badiiraniramo neende oluse lwaabwe ohuhira abaana b'obulafu.

Luka 22:31

“Simooni, ewe Simooni! Bonaho, Sitaani yekombere ohubabukula koti engaano,

Yowaana 12:31

Bulaanu esyaalo sichia ohuheengerwa omusaango, bulaanu omutuki w'esyaalo sino achia ohusukunwa erwaanyi.

Yowaana 13:2

Nibali nibalya esy'engoloobe, Sitaani n'amalire ohuta mu mwooyo kwa Yuda, omwaana wa Simooni Yisikarioti, esibaaso syohulya mu Yesu olukwe,

Yowaana 13:27

Nga lu yamala sa ati ohulya esituundu sy'omugaati esyo, Sitaani yamwiingiramo. Mani Yesu n'amuboolera ati, “Esyo syoodaha ohuhola, sihole bwaangu.”

Yowaana 14:30

Ese haba siinjia ohulomaloma naang'we ebiindu biingi daawe, olwohuba omutuki w'esyaalo yeechia, nae haba saali neende obunyala bwoosi hweese.

Yowaana 15:19

Muba nimuli abohu syaalo huno, esyaalo syahabaheerere koti abasyo. Nae olwohuba ese ndabadoola, haba simuli abohu syaalo daawe. Sakira esyaalo sibasyuula.

Yowaana 16:11

ohweema hu heenga y'emisaango, olwohuba omutuki w'esyaalo sino, yamala hale ohuheengerwa omusaango.

Yowaana 7:7

Eng'we esyaalo sisinyala ohubasyuula, nae sisyuula, olwohuba mbabooleraanga endi ebiholwa byaabwe bibi.

Yowaana 8:23

Yesu yababoolera ati, “Eng'we muli ab'aasi, nae ese ndi ow'aakulu; eng'we muli abohu syaalo huno, nae ese haba si ndi owohu syaalo huno.

Yowaana 8:44

Eng'we mutula ewa laata yeeng'we Sitaani, mani esichiiririrwa syeeng'we nisyo ohuhola bi laata yeeng'we adaha. Omweene oyo ohutulira elalira mu njaako mutemo niye, olwohuba abulamo obwadyeeri kata nabudiidi. Mani n'abacha, aba aloondakana koti lu ali, olwohuba mubacha niye haandi niye laatang'ene bubacha.

Ebiholwa 19:35

Mani omuhuluundu w'esiko niyali n'amalire ohunyala ohuyenjeesa esidiiyiha esyo, yeecha yaboola ati, “Eng'we abaandu bomu Efeso, muundu siina oliwo otaamanyire ati, esiko sihuluundu sy'Abaefeso, nisyo esiriindi sy'enyuumba ya Aritemi omuhunuufu, haandi neende esyeene kina lyoolerefu elyakwa nilitula mu ekulu?

Ebiholwa 5:3

Petero yaboola ati, “Ewe Anania, lwasiina Sitaani ahuchuubire obwakiire ao ohubacha Mwooyo Mwoolerefu, neende ohuhayira hu situundu sy'eseende chitulire hu mukuunda kwao?

Abarooma 12:2

Ebiima byeeng'we muleheenge ohubifwaanania neende eby'abaandu bohu syaalo, ohutusaho mukaluuhane munyoole ebibaaso biyaaha. Ao muchia ohunyala ohumanya ebyo bi Nasaae adaha ebilai, ebimusangaasa haandi ebyoolerefu by'elalira.

1 Abakoriito 5:10

nae nimboola endyo sindaliho hu baandu b'omufuto bomu syaalo muno, oba ab'okuliira neende abanyaka, oba ab'emisaambwa, hulwohuba nibyahabeere bityo biba byahabadahiise ohutulira elalira mu syaalo muno.

1 Abakoriito 6:11

Abaandi mweeng'we mwabechaanga mutyo hale. Nae kali mbwe eng'we mwamala ohwooswa, mwaalabisibwa, mwoola ohuholwa abahoyera mu liita ly'Omwaami Yesu Kristo haandi neende mu Mwooyo wa Nasaae weefwe.

2 Abakoriito 4:4

Mu mbaasa yaabwe nasaae w'esyaalo sino yamala ohuwofusa ebibaaso by'abatafukiirira, hwaabakayiire ohunyala ohubona obulafu bw'emboosi ndai ey'oluyaali lwa Kristo, oli efwaani ya Nasaae.

Abagalatia 1:4

Kristo mweene yeyaanayo hulw'ebibi byeefwe, hwaanyale ohutununula mu syaalo sya bulaanu sibi sino koti lu Nasaae weefwe haandi Seefwe adaha.

Abaefeso 1:21

obuli aakulu muno ohuhira obutuki bwoosi neende obunyala bwoosi, neende amaani koosi, neende obuhunuufu bwoosi, haandi neende aakulu ohuhira buli liita lyoosi elikulihwaanga, ataali mu ndaalo chino choong'ene, nae neende mu ndaalo chiichayo;

Abaefeso 2:11

Mani sakira muhoyere ohwiichulisa muti, eng'we hale abali Bateende mu mubiri, nimulaangwa mbwe ohutahebwa neende abali nibelaanga bati ohuhebwa, huholerwaanga sa mu mubiri, haandi nihuholwa sa neende amahono

Abaefeso 2:13

Nae bulaanu mu Kristo Yesu, eng'we hale abaandu bali eyale muno, mwasudisibwa aambi ohubitira mu mabaanga ka Kristo.

Abaefeso 2:3

Mu beene bano, nimwo mweefwe fweesi hwali hwamenya mu obwekoombi bw'emibiri kyeefwe, nihuloondakana neende obwekoombi bw'emibiri neende ebibaaso, mani ohweema hu byeene ebyo, mu bwiibulanwa hwali abaana b'egiili, koti sa abaandu baandi badoong'ereyo.

Abaefeso 4:17

Bulaanu sino syomiisa haandi ndaasitusira obuloli mu Omwaami endi, eng'we simuhoyere haandi ohuchiiririra nimumenya koti Abateende bamenyaanga, mu buhyaamu bw'ebibaaso byaabwe;

Abaefeso 4:22

Mwefwaalulemo obulamu bweeng'we buhale, obuchiana neende ebiima by'obulamu bweeng'we buhale, obwamala ohubiiyira mu bwekoombi budoondobanu,

Abaefeso 5:6

Mutalehaanga omuundu yeesi ababachirisa neende emboosi chitaalimo amahuluundu, olwohuba ni hulw'ebiindu bifwaana biti obwaalaba bwa Nasaae bweehera hu baana b'obutawulira.

Abaefeso 5:8

olwohuba mwesi hale mwalichiingi esiirima syeene, nae bulaanu muli obulafu mu Omwaami; mani keendeenge koti abaana b'obulafu,

Abaefeso 6:12

Olwohuba sihuli hulwaana neende emibiri neende amabaanga sa, nae huli ohulwaania obutuki, ohulwaania amaani, ohulwaania abatuki bohu syaalo bali mu siirima siriho endaalo chino, ohulwaania omukaanda muhoongo kw'emisaambwa ech'obuhyaamu buli Muukulu.

Abakolosaayi 1:21

Haandi eng'we, abali hale nimwakabuhana haandi nimwasyuulana mu bibaaso, nimuholaanga ebihole bibi,

2 Timoteo 4:10

Olwohuba Deema, amalire ohuwambana obwiicha neende esyaalo, kata amalire ohuundeha achiire Tesalonika. Kireseni achiire Galatia. Nae Tito yacha Dalamatia.

Yakobbo 1:27

Efukiirira yi Nasaae Seefwe ayira koti eyadyeeri eyiwumamo ohwebachirisa, niyo yino: ohuliindaanga abaana bafwiire, neende abahasi bafwiirwe mu bidinyu byaabwe, neende ohweliindanga esyaalo sitahunyaasa.

Yakobbo 1:7

Omuundu ofwaana atyo, otanyala ohuheengao esy'ohuhola,

Yakobbo 4:4

Eng'we abatesikiha! Mukoterwe muti, nimuwaamba esyaalo obwiicha, muba abasuku ba Nasaae? Omuundu odaha ohwaamba esyaalo obwiicha, oyo aba adaha ohuba omusuku wa Nasaae?

1 Petero 1:14

Koti abaana bawulira Nasaae, mutafukiirira obwekoombi buhale bu mwali nimuli nabwo nimusisiiri ohumanya Nasaae otuka obulamu bweeng'we.

1 Petero 4:3

Mwamala ohwehoonyera ebiha biingi nimuhola bi bakafiiri baheera ohuholaanga. Obulamu bweeng'we bwali bwaweera mubucheke, ohwekoomba hubi, obumeesi, obwekoombi bw'okuliira, obumeesi bw'omubidyaalo, neende ohwiinamira emisaambwa hubi.

2 Petero 2:14

Nae neende emoni chaabwe bewuunja buli siindu neende obucheke mani beekoomba buli muundu yi babona. Obwekoombi bwaabwe bw'ohuhola ebyonoono haba sibuyenjeera. Bakwiisa abaandu bakata mu muteego haandi baheera ohuhola ebiindu by'okuliira. Bali koti abaandu ba Nasaae yamala ohubwaaba!

1 Yowaana 3:10

Sino nisyo esikera hwaanyala ohukabuhania bulai akatikaati w'abaana ba Nasaae neende aba Sitaani. Omuundu yeesi otahola ebiluungifu, oba otaheera owaasye, oyo haba saaba ali omwaana wa Nasaae.

1 Yowaana 3:8

Nae omuundu wemeeda ohwonoona aba omuundu wa Sitaani olwohuba Sitaani yachaaka neende ebyonoono byae ohutula hale. Omwaana wa Nasaae yeecha hulw'esifune sino, ohusihirisa omulimo ku Sitaani yali amalire ohuhola.

1 Yowaana 4:4

Baana baange, eng'we muli abaana ba Nasaae, haandi mwamala ohuyiingira abanabbi bobubacha olwohuba Mwooyo obalimo w'amaani muno ohuhira mwooyo womu syaalo.

1 Yowaana 5:19

Humanyire huti huli abaandu ba Nasaae, haandi esyaalo syoosi siri mu bunyala bw'omusuku Sitaani.

1 Yowaana 5:4

olwohuba buli mwaana wa Nasaae yeesi ayiingiraanga amaani k'esyaalo. Yino niyo engeri yihuyiingiriramo amaani kohu syaalo, huyiingira neende efukiirira yeefwe.

Ohubwiihulirwa 12:9

Esisyuuhira-banaabi sihoongo muno esyo, syeecha syasukunibwa ohutula Muukulu-owali niye endemo hale yira, owali n'alaangwa mbwe Sitaani, oba Sitaani, owabachirisa esyaalo syoosi. Yeecha yaasukunwa yaakwa hu syaalo, alala neende bamalaika bae boosi.

Ohubwiihulirwa 13:14

Mani sya anyala ohubachirisa abaandu boosi bali nibamenya hu syaalo huno, nisyehoonyera eby'amayia biingi bi syali nisyafukiirirwa ohuholaanga mu moni w'esisolo syataangira sira. Esisolo esyo syaboolera abaandu abo siti, ohwiisa oluyaali mu sisolo syataangira sira, bahoyere ohuhola esifwaanani sifwaanana neende esisolo syanyaalwa neende olugaanga nae kata katyo syaanyala ohuwona syabaao esilamu.

Ohubwiihulirwa 13:8

Abaandu boosi abamenya hu syaalo huno bachia ohusiinamiraanga, ohutusaho abo ba meeta kaabwe kamala ohwandiikwa, kata neende ohuloongwa hw'esyaalo nihutabaao, mu sitabo sy'abaandu balamu, esy'Ekoondi doto lyeetwa.

Ohubwiihulirwa 16:17

Mani malaika wa hataanu-na-habiri yesi yabbwomoola yaamalira ebbakuli yae mu bbanga sa. Mani ekono hoongo muno niliicha nilitula hu sisaala sy'obutuki syali mu Nyuumba ya Nasaae, niliboola liti, “Simalire ohuholehana!”

Ohubwiihulirwa 20:2

Malaika oyo mani n'akwa hu sisyuhira-banaabi sira, endemo hale yira-ohuboola huti, Sitaani oba Sitaani wula-mani yaamala yamuboya neende omunyororo okwo hulw'emyaaka elifu ndala.