Abaefeso 1:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ Kata neende esyaalo nisyali nisitaloongwa, Nasaae yali niyamala ohutudoola hube abaandu bae ohubitira mu huba bulala neende Kristo, hu hunyale ohuba aboolerefu haandi abataaliho obubi bwoosi mu moni wae. Ohweema hu buheeri bwae

EBBAIBBO EMBOOSI YA NASAAE

⁴ Kata neende esyaalo nisyali nisitaloongwa, Nasaae yali niyamala ohutudoola hube abaandu bae ohubitira mu huba bulala neende Kristo, hu hunyale ohuba aboolerefu haandi abataaliho obubi bwoosi mu moni wae. Ohweema hu buheeri bwae

Abaefeso 1:4 Iomraidhean Croise

2 Samueli 22:24

Amanyire ati ese mbulaho esyonoono syoosi, ati ese ndeliinda obutaholaho esyonoono syoosi.

Esabbuli 135:4

Olwohuba Omwaami omweene yedoolera aba Yakobbo, abaandu ba Yisiraeli ohuba abae beene.

Yisaaya 42:1

Omwaami aboola ati, “Bone, omuhalaabani waange nguno, wuno niye yinyomiisa. Niye yindadoolamo, haandi niye yindehoyeramo.” Ndamwichusamo Mwooyo waange, mani achia ohuleeta obwadyeeri mu buli syaalo.

Esy'Abaleefi 19:2

ohuboolera oluyia lwa Yisiraeli luno ati, “Mube aboolerefu, olwohuba ese, Omwaami Nasaae weeng'we, ndi omwoolerefu.”

Esy'Abaleefi 20:7

Mweliinde nimuli aboolerefu, olwohuba ese niise Omwaami Nasaae oweeng'we.

Matayo 24:22

Haandi endaalo echo chiba nichitaheendeeswaho, abulao omuundu yeesi owahaonere daawe. Nae hulw'obulai bw'abaandu balobole ba Nasaae, endaalo echo chaheendeeswaho.

Matayo 24:24

Olwohuba yahabeeo abelaanga Kristo bataali badyeeri, neende abelaanga abanabbi abataali badyeeri. Bachia ohwoola baholeenge eby'amayia biingi by'ohubachirisa abaandu, haandi nisinyaliha bakose kata neende abadoole ba Nasaae bosi.

Matayo 24:31

Mani achia ohutuma bamalaika bae ohuubba eturumbete neende ekono hoongo, mani babuuse alala abalobole bae ohutula mu mbeka ch'esyaalo choosi, ohutula hu lubeka lulala lw'ekulu ohwoola hu luundi.

Matayo 25:34

Mani omutuki oyo achia ohuboolera abo abali hu muhono kwae muluungi ati, ‘Eng'we ba Laata yaange yaberesa ehabi, mwiiche mubukaane obwaami bubabatekehera ohutula ohuloongwa hw'esyaalo;

Yowaana 10:16

Ndiyo neende amakoondi kaandi, akataali ak'ehoonge yino. Mani hoyeere ohukaleeta kosi. Kosi kawulire ekono lyaange. Ao mani libeeo eyiicho lala neende omwaayi mulala.

Yowaana 15:16

Haba siniing'we abandoola daawe, nae ese niise owabadoola haandi ndabatuma endi muchie mwaame ebyaamo, haandi endi ebyaamo byeeng'we biyiindire. Mani buli siindu syoosi si munaasabeenge Laata mu liita lyaange, achia ohusibaberesaanga.

Yowaana 17:24

Laata, abo ba wamberesa, ndaha bosi babecheenge yi ndi, banyale ohubona oluyaali lu wamberesa. Olwohuba waaheera esyaalo nisisiisiiri ohuloongwa.

Ebiholwa 13:48

Abateende bawulira sino, mani basangaala muno bakinia emboosi ya Nasaae; abo boosi abali nibadoolwa ohunyoola obulamu butaakama, bafukiirira.

Ebiholwa 15:18

Omwaami aboola, owakera ebiindu bino byoosi byamanyihana ohutula hale.’

Ebiholwa 18:10

olwohuba ese ndi alala naawe, mani abulao omuundu yeesi ochia ohunyala ohuhuseeta ahuwumise; olwohuba ndi neende abaandu baange abaangi muno mu siko sihuluundu muno.”

Abarooma 8:33

Wiina ochia ohuta omusaango hu baandu ba Nasaae yadoola? Nasaae mweene aboola ati babula omusaango?

1 Abakoriito 1:8

oyo ochia ohubalera ohwoolera elalira hu njakamo, nimubulaho simudondobaane mu ndaalo eyo ech'Omwaami weefwe Yesu Kristo.

Abagalatia 5:13

Olwohuba eng'we basyaange, mwalaangirwa obulehuule; ohutusaho mbwe mutachia haandi mwachaaka ohwehoonyera obulehuule obwo koti ehabi y'ohuhola bi obwekoombi bw'omubiri bubayiika muhole, nae ohubitira mu buheeri, muhoyere mwehole abahalaabani b'abasyeeng'we.

Abagalatia 5:22

Nae esyaamo sya Mwooyo, ni ebiindu koti, obuheeri, esangaalo, omuleembe, ohwesimiirisa, esisa, obulai, obweesikwa,

Abagalatia 5:6

Olwohuba mu Kristo Yesu, oba ohuhebwa oba obutahebwa, haba sisiri neende obuhoonyi bwoosi, nae efukiirira niyo eyihola niyibitira mu buheeri.

Abaefeso 2:10

Olwohuba efwe fweesi huli omulimo kw'amahono kae keene, abaloongwa buyaaha ohubitira mu Kristo Yesu huholeenge emirimo milai, ki Nasaae yatekeha hale, ati efwe hukikeendereengemo.

Abaefeso 3:17

Haandi mbwe, Kristo anyale ohumenya mu myooyo kyeeng'we ohubitira mu fukiirira; mbwe eng'we, nimuba nimumalire ohuwaanda neende ohwomiiswa mu buheeri,

Abaefeso 4:2

obw'ohweyisa aasi koti lu bihoyera, neende obuloonga, neende obwesimiirisi, neende ohwesimiirisiraanga abasyeeng'we mu buheeri,

Abaefeso 5:2

Mani mukeendereenge mu buheeri, koti Kristo yatuheera yeyaanayo omweene hulweefwe, esiyaanwa syesing'aari, haandi esiyaanwa sya Nasaae.

Abaefeso 5:27

hwaanyale ohwediisa omweene abafukiiriri abo, neende obulai, nibabulaho ekoondo lyoosi, kata sa ohweekoda hwoosi, oba esiindu syoosi esifwaanaho sityo, hu banyale ohuba aboolerefu haandi ababulaho obubi bwoosi.

Abafilipi 2:15

hu munyale ohuba nimutaaliho esiindu syoosi sibabafunaana, nae mube abaluungifu koti abaana ba Nasaae ababulaho esyonoono, abamenya mu syaalo sy'abaandu badoondobanu haandi abonooni. Mani muhoyere ohubaaduhamo, koti eng'ining'ini chihosa mu syaalo,

Abakolosaayi 1:22

bulaanu anyale ohuba n'amalire ohubasaasanisiria mu mubiri kwae kw'enyama ohubitira mu hufwa hwae, hwaanyale ohubayira mu moni wa Nasaae nimuli aboolerefu, haandi abataaliho neende esyonoono syoosi, haandi abatanyala ohulekeereswa,

Abakolosaayi 2:2

hu bulaanu emyooyo kyaabwe kinyale ohwomiisibwa koti lu bediira alala mu huheerana, ohunyala ohunyoola engaanga yoosi eyohumanya hweene neende ohumanya esyaama sya Nasaae esya Kristo,

Abakolosaayi 3:12

Mani mwefwaale, koti abadoole ba Nasaae, aboolerefu, haandi abaheerwa, esasaakisi, esisa, ohweyisa aasi, obuloonga, neende ohwesimiirisa,

1 Abatesalonika 3:12

Lehe Omwaami ahole ohuheerana hweeng'we abeene, alala neende ohuheera abaandu boosi, hwemeede ohuhula mani hweehole ohuhoongo muno koti ohuheera hu hwabaheereramo fwesi.

1 Abatesalonika 4:7

Olwohuba Nasaae siyatulaanga ohumenya mu bulamu bw'obucheke, nae ohumenya mu bulamu bwoolerefu.

2 Timoteo 1:9

Nasaae niye owatuwonia haandi yatulaanga hube abaandu bae, ataali ohweema hu siindu syoosi si hwahola, nae hulw'endekeha yae, neende embabaasi chae cheene. Yatuberesa embabaasi chino ohubitira mu Kristo Yesu, esyaalo nisisisiiri ohuloongwa.

2 Timoteo 2:10

Mani sakira ngumira ebiindu byoosi hulw'obulai bw'abadoole ba Nasaae hu bosi banyale ohunyoola obuwonia buli Kristo Yesu alala neende oluyaali lutaakama.

2 Timoteo 2:19

Nae omusiingi kw'amaani ku Nasaae yataawo haba sikunyala hudengaanisibwa; haandi chino nicho emboosi chi bakwandiikaho: “Omwaami amanyire abaandu bae” haandi “Abaandu boosi abelaanga ohuba ab'Omwaami bahoyere ohwakamira elalira ohwonoona.”

Yakobbo 2:5

Basyaange mutekeerese! Mubaasa muti Nasaae haba siyadoola abamanani bohu syaalo ohuba abayiinda mu fukiirira haandi ohunyoola Obwaami bu yasuubisa abaandu bamuheera?

1 Petero 1:2

Mwadoolwa neende esichiiririrwa si Nasaae Seefwe mweene yamanyira elalira ati, Mwooyo Mwoolerefu abahole mube aboolerefu, hu munyale ohuwulira Yesu Kristo mani aboose neende amabaanga kae. Lehe embabaasi neende omuleembe bibe ebyeeng'we mu bwiichufu.

1 Petero 1:20

Nasaae yamudoola esyaalo nisisisiiri ohuloongwa, haandi yeekeseebwe mu ndaalo chimaliiriha chino hulw'obulai bweeng'we.

1 Petero 2:9

Nae eng'we muli abaandu badoolebwa, abalaamisi, enyuumba njolerefu, abaandu ba Nasaae beene, hu munyale ohufumia emirimo kya Nasaae kiwukisa, ba Nasaae yalaanga ohutula mu siirima ohwiingira mu bulafu bwae bulai butalomwalomwaho.

2 Petero 3:14

Sakira basyaange, nimusiliindire Oludaalo olwo, teemeho koti lu munyala ohuba abaluungifu bataaliho esyonoono syoosi mu moni wa Nasaae, nae abali mu muleembe nae.

1 Yowaana 4:16

Haandi efwe abeene hwamanya haandi hwaafukiirira obuheeri bu Nasaae yatuheereramo. Nasaae buheeri nibwo, mani omuundu oli mu buheeri ali mu Nasaae, haandi Nasaae yeesi amulimo.

Ohubwiihulirwa 13:8

Abaandu boosi abamenya hu syaalo huno bachia ohusiinamiraanga, ohutusaho abo ba meeta kaabwe kamala ohwandiikwa, kata neende ohuloongwa hw'esyaalo nihutabaao, mu sitabo sy'abaandu balamu, esy'Ekoondi doto lyeetwa.

Ohubwiihulirwa 17:8

Esisolo esyo, syaliho esilamu hale, nae haba sisisisiiri esilamu daawe. Siri aambi ohutula mu kotero, mani simale sichiire elalira mu husihiriswa. Mani abaandu bamenya hu syaalo huno, ba meeta kaabwe katandiikwa ohuloongwa hw'esyaalo nihutabaao, mu sitabo sy'abalamu, boosi bachia ohwesiinduha muno nibalingaala hu sisolo esyo. Esisolo esyo syaliho esilamu hale. Nae bulaanu haba sisisisiiri esilamu daawe, nae sichia ohubonehana haandi.