2 Samueli 8:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Haandi yayiingira Abamoabbu. Yahola abadiire boosi baakonaanga aasi hu buloba mani yeetaanga babiri hu buli badatu. Mani Abamoabbu beehola abatukwa bae bachaaka ohumutuungaanga omusolo.

EBBAIBBO EMBOOSI YA NASAAE

² Haandi yayiingira Abamoabbu. Yahola abadiire boosi baakonaanga aasi hu buloba mani yeetaanga babiri hu buli badatu. Mani Abamoabbu beehola abatukwa bae bachaaka ohumutuungaanga omusolo.

2 Samueli 8:2 Iomraidhean Croise

2 Samueli 12:31

mani yata abaandu bomu siko omwo ohuholaanga emirimo kidaha emisyameeno, embako ch'ebichuma, neende eyaywa ch'ebichuma, haandi nibabayika ohuholaanga koti aboobbi b'amatafaali. Yahola atyo neende abaandu b'ebiko biindi byoosi ebidoong'ereyo eby'Abaamooni. Omweene oyo alala neende abasaacha bae balwaani abo baakobolayo mu Yerusalemu engo waabwe.

2 Samueli 8:6

Yoombaha ekaambi ch'amaye mu situundu sy'esyaalo syaabwe esyo, mani nibeehola abatukwa bae nibachaaka ohumutuungaanga omusolo. Omwaami yahola Daudi yaanyala ohuyiingiraanga buli yi yachiraanga yoosi.

1 Abatuki 4:21

Obwaami bwa Solomooni bwali nibuyiriramo neende ebyaalo byoosi ebiri ohutulira hu Mwaalo Ewufuraate ohwoolera elalira hu Filisiti, haandi neende hu lwaaho lwa Misiri. Byamutuungaanga emisolo mani byali nibimweebaliraho mu bulamu bwae bwoosi.

2 Abatuki 1:1

Luunyuma lw'ohufwa hwa Ahabbu omutuki wa Yisiraeli esyaalo sya Moabbu syajeemera Yisiraeli.

2 Abatuki 17:3

Salimanesa, omutuki wa Asiria yaseeta Hosea ohumulwaania. Yayiingira Hosea, mani yaamuhola yaachaaka ohumutoosaanga omusolo.

1 Ebyomubiha 18:2

Daudi yayiingira esyaalo sya Moabbu, mani Abamoabbu nibeehola abahalaabani bae, nibachaaka ohutooyaanga omusolo.

2 Ebyomubiha 26:8

Abaamooni batungaanga omukabo kwaabwe eyiri Wusia, mani yeehola yaaba ow'amaani muno ohwoola eliita lyae lyamanyihana lyasalaana lyoola mu Misiri.

Esabbuli 108:9

Moabbu nisyo olukaraaya lwaange lw'ohweeyoseraho Edomu nisyo sinyanihaho ebiraato byaange; Mu Filisitia nimwo muhuumulira neende amaani ninyingiire.”

Esabbuli 18:45

Abateende bawaamo omwooyo, mani beekisulaangayo mu bwiihalo bwaabwe nibateengereha.

Esabbuli 60:10

Ewe haba siwatujwaang'a, ewe Nasaae? Ewe Nasaae, haba s'okeenderaanga alala neende amaye keefwe.

Esabbuli 60:8

Moabbu nisyo yi ndeyosera amakulu kaange; humukulu wa Edomu nihwo hungeeng'a ebiraato byaange; hu Filisitia nihwo hu ndehuumira ninyingiire.”

Esabbuli 83:6

Abaandu bomu Edomu neende Abaisimaeli, Moabbu neende Abahagari,

Yisaaya 36:16

Mutatekeeresa ebya Hesekia, olwohuba omutuki wa Asiria aboola ati: “Mube silala naange mani mutule erwaanyi w'esiko mwiiche yi ndi; buli muundu hweeng'we achia ohulya ebyaamo by'omutuli kwae, neende ebyaamo by'emisabbiibbu kyae, haandi buli muundu achia ohung'wa amaachi komu sulo chae cheene;

Ohubala 24:17

Ndewuunja mu biha biicha, Mani ndaabona esyaalo sya Yisiraeli. Omutuki, oli koti eng'ining'ini yimesa, ochia ohwiihala hu butuki mu syaalo esyo. Koti efumo lyahabbyoosohe n'atulira mu Yisiraeli. Achia ohuhuya abeemirisi ba Moabbu Haandi aseenakire aasi abaandu boosi aba Seeti.

1 Samueli 10:27

Nae abaandu baandi, ababula obuhoonyi bwoosi bachaaka ohuteeba bati, “Omusaacha wuno mani anyala ohutuholera esiindu silai syoosi?” Mani nibamulekeeresa haandi nibahaya ohumuleeteraho esiyaanwa syoosi.

1 Samueli 14:47

Saulo n'amalire ohuba omutuki wa Yisiraeli, yalwaania abasuku bae boosi buli abuundu: yalwaania Abaandu ba Moabbu, neende Abaamooni, neende ab'Edomu, neende abatuki ba Sobba, neende Abafilisiti. Buli abuundu yi yachichaanga yayiingiraanga.

1 Samueli 22:3

Daudi yatula ao, mani naachia Misipa esiri mu Moabbu mani naaboolera omutuki wa Moabbu ati, “Nookanya, leha laata neende maama beeche bamenye naawe ohwoola lu njia ohumanya bi Nasaae achia ohuuholera.”

1 Samueli 22:4

Mani Daudi naaleha abeebusi bae ew'omutuki wa Moabbu, mani nibamenya nae ebiha byoosi bi Daudi yamala niyeekisire mu ng'uungu.