2 Petero 3:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Ndaha mwiichulise emboosi chi banabbi boolerefu balomalomaho hale, neende elako litula eyiri Omwaami haandi Omuwonia bi batume beeng'we bababeresa.

EBBAIBBO EMBOOSI YA NASAAE

² Ndaha mwiichulise emboosi chi banabbi boolerefu balomalomaho hale, neende elako litula eyiri Omwaami haandi Omuwonia bi batume beeng'we bababeresa.

2 Petero 3:2 Iomraidhean Croise

Luka 1:70

koti lu yalomaloma hale mu minwa ch'abanabbi bae boolerefu,

Luka 24:27

Mani Yesu yachaaka ohubatotolera ebiindu byoosi ebimudiiraho ebiri mu byandiiko byoolerefu, ohutulira elalira hu Musa alala neende banabbi boosi.

Luka 24:44

Yesu yababoolera ati, “Chino nicho emboosi chindababooleraanga nindali nisisiiri naang'we, endi buli siindu syoosi syanyandiikwaho mu malako ka Musa neende mu byandiiko by'abanabbi, alala neende mu Sabbuli ebyali ebyohwoolerera abweene.”

Ebiholwa 10:43

Oyo niye yi banabbi boosi batusira obuloli bati buli muundu yeesi omufukiiriramo anyoola ohuleherwamo ebyonoono ohubitira mu liita lyae.”

Ebiholwa 28:23

Nibaba nibamalire ohumutekehera oludaalo lwae, bakobola yaali, abuundu yi yali niyamenya nibali abaangi muno. Yachwichwiisa esifune syae bulai yibali ohutulira elalira echuli, ohwoolera elalira engoloobe, niyomiisaanga ebidiira hu bwaami bwa Nasaae haandi n'ateemaho ohubaserera bafukiirire akadiira hu Yesu ohutulira elalira mu kali mu malako ka Musa ohwoolera elalira hu kali mu banabbi.

Ebiholwa 3:18

Nae, esyo si Nasaae yalomalomera hale mu banabbi boosi, ati Kristo wae ahoyere ohusaanda, yasyoseresa abweene atyo.

Ebiholwa 3:21

Yesu oyo niye ohoyere ohuba Muukulu ohwoolera elalira hu biha byeebyo byoosi bi Nasaae yalomalomera mu banabbi bae boolerefu boosi abaluwo hale.

Abagalatia 6:2

Honyeenge abasyeeng'we ohukiingaanga emikuku kyaabwe, hu munyale ohwooseresaanga amalako ka Kristo.

Abaefeso 2:20

eyoombahwa hu musiingi kw'abatume neende abanabbi, Kristo Yesu mweene naali ekina lyomu soonda,

Abaefeso 3:5

Esitabuulirwa abaandu boosi, mu njibulo chiindi echabita koti lu bulaanu simalire ohubwiihulirwa omutume wae mwoolerefu wuno, neende abanabbi ohubitira mu Mwooyo.

1 Timoteo 6:14

Hwekweeda ohuliinda esilagiro sino sitakwaaho obubi bwoosi, haandi obutalekeeresebwa daawe, ohwoolera elalira hu hwiicha hw'Omwaami weefwe Yesu Kristo.

2 Petero 2:21

Syahabeere esilai muno yi bali baaba nibatamanya engira y'obuluungifu, ohuhira ohumanya engira eyo, nae haandi baleha amalako moolerefu ka bababeresa.

2 Petero 3:15

Mumanye muti ohwesimiirisa hw'Omwaami weefwe hweekesa huti bababeresa obweyaango bwohuwonisibwa, koti lu wasyeefwe Paulo yaheera ohubaandiikira niyehoonyera amakesi ka Nasaae yamuberesa.

2 Petero 3:16

Sino nisyo sy'aboola mu bbarwa chae choosi n'alomaloma hu siindu esyo. Biriwo ebiindu biindi mu bbarwa chae ebidinyu byohumanya, bi baandu bataamanyire haandi abataali abomiifu mu fukiirira beekesa bubi, koti lu bahola mu bituundu biindi by'ebyandiiko byoolerefu. Mu ngeri eyo abeene beleetera ohusihirira.

1 Yowaana 4:6

Nae efwe huli aba Nasaae. Haandi omuundu yeesi omanyire Nasaae atutekeeresa. Nae omuundu yeesi otaali owa Nasaae haba saatuwulira. Yino niyo engira yi hunyala ohukabuhanisiramo Mwooyo w'obwadyeeri neende mwooyo w'obubacha.

Yuda 1:17

Nae eng'we abasyaange baheerwa, mwiichulise bi batume b'Omwaami weefwe Yesu Kristo bababoolera endaalo chabita bati bicha ohuholehana.

Ohubwiihulirwa 19:10

Ndaakwa aasi mu makulu kae ohumwiinamira, nae yamboolera ati, “Otasihola daawe! Syesi ndi sa omuhalaabani wasyo, haandi syesi ndi omufukiiriri koti abafukiiriri basyaange, abo boosi abahayira hu bwadyeeri bu Yesu yeekesa. Yinamirenge Nasaae!” Olwohuba obwadyeeri bu Yesu yeekesa nibwo ohugumya abanabbi.