1 Samueli 15:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Chia oseete Abamaleki mani osihirisire elalira buli siindu syoosi si bali nasyo. Otalehaho esiindu syoosi daawe; yiita abasaacha boosi, abahasi, abaana, neende abadoto bosi; eng'oombe, amakoondi, engamia, neende esuhiri.”

EBBAIBBO EMBOOSI YA NASAAE

³ Chia oseete Abamaleki mani osihirisire elalira buli siindu syoosi si bali nasyo. Otalehaho esiindu syoosi daawe; yiita abasaacha boosi, abahasi, abaana, neende abadoto bosi; eng'oombe, amakoondi, engamia, neende esuhiri.”

1 Samueli 15:3 Iomraidhean Croise

Ohuchaaka 36:12

(Timuna yali omuhasi w'erwaanyi wa Elifaasi, omwaana wa Esau; Timuna yeebulira Elifaasi omwaana olaangwa, Amaleki.) Bano nibo abaana basyaani ba Ada, omuhasi wa Esau.

2 Samueli 1:8

Yandeebere ati niise naanu, mani ese ndaamuboolera endi ese ndi Omumaleeki.

Ohutula 17:14

Omwaami yaboolera Musa ati, “Ewe yandiika ebidiira hu huyiingira huno, hu binyale ohwiichuliswaanga. Boolera Yosua oti ese njia ohusihirisira elalira Abamaleki.”

Ohutula 20:5

Otasigamiraanga esiloongaloongwe syoosi oba ohusiinamira, olwohuba ese niise Omwaami Nasaae weeng'we, nae haba sindesimiirisiraanga oyo yeesi owunyiingania. Ese ndeeta ebibonereso eyiri abo boosi abasyuula, eyiri abeechuhulu baabwe, haandi neende ohwoolera elalira eyiri abeechuhulu baabwe aboohudatu kata neende abohune.

Ohubala 24:20

Mani niyali n'asisiiri muhuboneherwa, Bbalamu yabona Abamaleki yatuumbula obunabbi buno buti: “Amaleki syali nisiri esyaalo sihiramo byoosi amaani, Nae muhumaliiriha sichia ohusihiririra elalira.”

Ohubala 31:17

Mani bulaanu, yite buli mwaana musyaani neende buli muhasi wamala ohukonaho neende omusaacha,

Yosua 10:39

Yasidiira, alala neende omutuki wasyo, haandi neende ebiko byoosi ebyali nibisisibiraane. Beeta buli muundu yeesi owali mu biko ebyo byoosi. Yosua yahola mu Debbiri neende hu mutuki wasyo esiindu si yahola mu Hebburoni, haandi neende mu Libbina neende omutuki wasyo.

1 Samueli 14:48

Yalwanaanga neende obululu mani naayiingira kata Abamaleki. Yanyala ohuwonia Abaisiraeli boosi mu buli huseetwa hwoosi.

1 Samueli 15:18

Yahutuma ohuhola omulimo n'aboola ati: ‘Chia osihiirisire elalira abonooni abo Abamaleki. Yahuboolera obalwaanie ohwoola lu onabeete boosi.’

1 Samueli 15:9

Nae Saulo neende abasaacha bali nae bawonia obulamu bw'Agaagi haandi nibateeta amakoondi kahiramo obulai, neende eng'oombe, emoosi chihiramo obulai neende amakoondi madoto kahiramo obulai, neende buli siindi syoosi esyali esilai syoosi. Basihirisa ebiindu bitali neende obuhoonyi, haandi ebibulamo echamu.

1 Samueli 22:19

Haandi Saulo yeecha yaahola abaandu baandi bali nibamenya mu Noobbi, esiko syali esy'abalaamisi bosi beetwa sa: abasaacha neende abahasi, abaana neende abadoto, eng'oombe, esuhiri, neende amakoondi byoosi byeetwa.

1 Samueli 27:9

Betaanga abasaacha boosi alala neende abahasi, haandi nibayaaya amakoondi, eng'oombe, esuhiri, engamia, kata neende engubo chosi. Nibamalaanga batyo bakobolaangayo ewa Akiisi.

1 Samueli 30:17

Mu mabwiibwi hu ludaalo luloondaho, Daudi yabaseeta mani n'abalwaania ohwoola engoloobe. Mani abulao omuundu kata mulala owawonao, ohutusaho abaraaga emia chine (400), abali nibali hu ngamia abeeruha bawaao.