1 Petero 5:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Mube abaayi b'ebyaayo bi Nasaae yababeresa, haandi mubiliinde neende ohudaha koti lu Nasaae adaha muhole ataali ohuyiikwa. Hole emirimo kyeeng'we ataali ohwekoomba eseende, nae ohweema hu hudaha ohuhalaabanira abasyeeng'we mubwadyeeri.

EBBAIBBO EMBOOSI YA NASAAE

² Mube abaayi b'ebyaayo bi Nasaae yababeresa, haandi mubiliinde neende ohudaha koti lu Nasaae adaha muhole ataali ohuyiikwa. Hole emirimo kyeeng'we ataali ohwekoomba eseende, nae ohweema hu hudaha ohuhalaabanira abasyeeng'we mubwadyeeri.

1 Petero 5:2 Iomraidhean Croise

2 Abatuki 12:6

Nae ohwoola mu mwaaka kw'amahumi kabiri-na-chidatu ech'obutuki bwa Yoasi, abalaamisi haba sibadabirisaho enyuumba y'Omwaami daawe.

Olweembo Luhira mu Nyembo 1:8

Ewe haba somanyireho abuundu ao daawe, ewe halai obahiramo boosi? Ewe chia oloonde hu byaayo ebyo; onyoolere embusi chao omuboka aambi neende amayeema k'abaayi.

Yisaaya 40:11

Achia ohuliinda ebyaayo byae koti omwaayi; achia ohubuusa alala amakoondi madoto, mani akalere mu mahono kae, achia ohukakiingira hu sirifu syae, mani yeemisiremo amadwaasi kebuule niyehaliirisa bulai.

Yisaaya 56:11

Bali koti embwa ch'okuliira; echiteekutaangaho kata oludaalo lulala. Abaayi bosi sibulao sibamanyire; buli otulayo yediirira engira yae, buli muundu niyekoonyera engaanga yae.

Yisaaya 6:8

Mani ndawulira ekono ly'Omwaami niliboola liti, “Wiina mweene yindaatume, haandi wiina onaabe wamwaanda weefwe?” Mani ese nimboola endi, “Ese mbano ndi ano! Ndume.”

Yisaaya 63:11

Mani abaandu bae nibeechulisa endaalo ehale, mu biha bya Musa omuhalaabani wae, mani nibateeba bati: “Omwaami ali yeena eyabaambusa enyaanja alala neende abeemirisi b'abaandu bae?” Ali yeena owata Mwooyo Mwoolerefu wae akatikaati waabwe?

Yeremia 13:17

Nae nimuhaya ohutekeeresa, njia ohulirira mu bweekisi ohwehuduumbasa hweeng'we. Njia ohulira muno, mani amasika kahulukuse, olwohuba abaandu b'Omwaami bayirirwe mu jeela.

Yeremia 13:20

“Yerusalemu, siingisa aakulu emoni mani obone abo abatula emukulu. Abaandu bahudiiswa ohuliinda, abaandu ba wasaangaalira, bali yeena?

Yeremia 6:13

“Olwohuba ohutulira elalira hu mudiidi mweene ohwoola hu muhunuufu ohiramo, buli muundu ang'aang'abanira ohunyoola engaanga mu ngira mbi. Kata abanabbi neende abalaamisi, bosi baliichaki nibo.

Yeremia 8:10

Mani sakira, abahasi baabwe njia ohubakaba abasaacha baandi, neende endalo chaabwe njia ohuchiba abaandu baandi, olwohuba ohutulira elalira hu muundu ohiramo obudiidi ohwoola hu muhunuufu ohiramo, buli muundu ayuyuuhanira sa ohunyoola engaanga mu saambo yitaali endai. Kata abanabbi neende abalaamisi bosi badaha sa asowa.

Esekeeli 34:23

Njia ohukaberesa omwaayi mulala, oli koti omuhalaabani waange Daudi. Oyo niye owahakaliise, haandi abe omwaayi wako.

Esekeeli 34:31

“Eng'we, amakoondi kaange, ebyaayo bi njaya, niing'we abaandu baange, haandi Niise Nasaae weeng'we.” Nilwo lu Omwaami Nasaae aboola.

Esekeeli 46:24

Omusaacha oyo niyamboolera ati: “Chino nicho ejokooni ch'abahalaabani bomu Nyuumba ya Nasaae, yi banaadehereenge ebiyaanwa bi baandu bayaana.”

Mika 3:11

Abahuluundu basyo baheenga emisaango olw'ohukuliirirwa. Abalaamisi basyo beekesa nibapaangiiswe, abanabbi basyo balaanga banyoole eseende. Mani boosi beesika Omwaami nibaboola bati, “Omwaami ali naafwe. Sibulao esyonoono sinaatukweeho daawe.”

Mika 5:4

Oyo niyaheeche, yahatuke abaandu bae mu bunyala bw'Omwaami, neende obuhunuufu bw'eliita ly'Omwaami Nasaae wae. Mani abaandu bae bahabe mu muleembe, olwohuba bulaanu yahabe omuhunuufu ohwoola hu njakamo y'esyaalo.

Mika 7:14

Omwaami, abaandu bao bawedoolera, baliinde koti lu mwaayi aliinda ebyaayo byae. Kata ayahaba mbwe bamenya mu sichiimi boong'ene, eloba lai lyabeebodoohania. Leha baliireenge mu Bbasani neende Gileadi koti mu ndaalo cha hale.

Sekaria 11:17

Mani omwaayi mumayaanu oyo chimwaakaanire! Olwohuba yajwaang'a amakoondi kae. Ebiita bicha ohumumaliramo elalira amaani kae. Omuhono kwae okwo kuchia ohuwololoha, haandi emoni yae y'omuhono musaacha yicha ohuwofulira elalira.”

Malaki 1:10

Omwaami w'Obunyala aboola ati: “Yiba niyiriyo mulala hweeng'we onyala ohwiikalao enjiki ch'enyuumba yaange, mani mwahaya ohwaadusa omuliro hu alutaari yaange bihaya! Haba siibasangaaliraho kata nabudiidi daawe, haandi siinjia husiima ebiyaanwa bi munyaanira.

Ohubala 18:7

Nae ewe neende abaana bao mweeng'ene niing'we abahoyere ohwooseresaanga emirimo ky'obulaamisi ekidiira hu alutaari, neende esyo esiba nisisiiri mu Abuundu Ahiramo Obwoolerefu. Ebiindu bino byoosi biri mu bufunaanibwa bweeng'we, olwohuba niing'we baambereese esiyaanwa sy'obulaamisi. Mani omuundu yeesi otahoyera niyeecha yaasuda aambi neende ebiindu bilafu, aba ahoyere ohwiitwa-bwiitwa.”

Luka 12:32

“Mutatya daawe, eng'we baana baange, olwohuba Seeng'we musangaafu ohubaberesa Obwaami.

Ebiholwa 20:29

Ese manyire endi luunyuma lw'ohuwaao hwaange, ebinamiindi byaalaba bicha ohwiicha bibeengiremo, nibitalehaho ebyaayo byosi;

Ebiholwa 21:13

Nae Paulo yakobolamo ati, “Siina syeene sino si muli ohuhola, muli ohulira mundenguuse omwooyo? Olwohuba ese si ndi omwetekefu ohuboywa hwoong'ene, nae kata neende ohufwiira mu Yerusalemu, hulw'eliita ly'Omwaami Yesu.”

Abarooma 1:15

Sakira ndi neende obwekoombi ohuyaala Emboosi Ndai eyiri eng'we mwesi abali mu Rooma.

1 Abakoriito 9:7

Muundu siina ohalaabana koti omusikaari haandi mani yetunga omweene? Muundu siina otaaka endaalo y'emisabbiibbu mani yaahaya ohulyaaho ebyaamo byamwo? Wiina mweene owaaya ebyaayo mani yaahaya ohung'waaho amabeere kabyo?

1 Timoteo 3:3

Ahoyera ohuba otaali omumeesi, haandi otaali omwaalaba, nae ahoyere ohuba omuloonga, otaali omusoolani, haandi otaali omwekoombi w'eseende.

1 Timoteo 3:8

Abahalaabani b'abafukiiriri bosi bahoyere ohuba abaandu b'ebiima bilai haandi abalomaloma obwadyeeri, abataali abang'wi muno, haandi abataali neende esiwonya sy'eseende.

Tito 1:11

Enjekesa yaabwe yihoyere ohwakamisibwa, olwohuba babita mu madaala k'abaandu nibeekesa ebitahoyera ohweekeswa nibachiiririra ohweyiindiyasa abeene.

Tito 1:7

Koti lwaali omuhalaabani wa Nasaae, omwiimirisi w'Abakristo ahoyere ohuba nataaliho esiindu simwekanyiirisaho. Haba s'ahoyere ohuba omuundu w'esuunga, oba onyoolera bwaangu, oba omumeesi, omwaalaba, oba ow'omutoolyo.

Tito 2:14

Kristo yeyaanayo hulweefwe mani yaatununula mu bibi byoosi, haandi neende ohutulabya hube abaandu bae aboolerefu beene, haandi abadaha huhola ebiindu bilai.

Tito 3:1

Yichulisa abaandu bao oti bahoyere ohuberesaanga abeemirisi neende ab'obunyala oluyaali, babecheenge abawulisi, haandi abeetekefu ohuhola bulai omulimo kwoosi neende obweesikwa.

Filimooni 1:14

Nae haba siindahire ohuhola endyo ewe nootaafukiriire; ohutusaho ndahire ewe omweene ohole otyo ohutula muhudaha hwao omweene, ataali ohuyiikwa.

Abaibburania 12:15

Mweliinde awuleo omuundu yeesi okobola enyuma mani yaafwirwa embabaasi cha Nasaae. Haandi lehe omuundu yeesi ateehola koti omusaala mululu okwemeeda ohuhula mani kwanyaasa echaasye neende obusiba bwakwo.

2 Petero 2:3

Mu kuliira kwaabwe, abeekesa bobubacha bano bachia ohubanyoolamo engaanga muno ohweema hu ngano chi beene beeholera. Omusaango kwaabwe kwamala ohuheengwa hale muno, haandi ohusihiriswa hwaabwe haba sihukona daawe.