1 Petero 4:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Mwamala ohwehoonyera ebiha biingi nimuhola bi bakafiiri baheera ohuholaanga. Obulamu bweeng'we bwali bwaweera mubucheke, ohwekoomba hubi, obumeesi, obwekoombi bw'okuliira, obumeesi bw'omubidyaalo, neende ohwiinamira emisaambwa hubi.

EBBAIBBO EMBOOSI YA NASAAE

³ Mwamala ohwehoonyera ebiha biingi nimuhola bi bakafiiri baheera ohuholaanga. Obulamu bweeng'we bwali bwaweera mubucheke, ohwekoomba hubi, obumeesi, obwekoombi bw'okuliira, obumeesi bw'omubidyaalo, neende ohwiinamira emisaambwa hubi.

1 Petero 4:3 Iomraidhean Croise

2 Samueli 13:28

yakerakira abahalaabani bae ati: “Eng'we mwehaliirisaanga mubonera elalira muti Amunooni oyo anyoola ebyohung'wa ebibitiirifu, mani niinjicha ndaatusa elako, muchie mani mumwiitireo. Mutatya daawe. Ese mweene niise ochia ohubaaho omusaangao okwo. Mube abalulu mani muhaye ohwekoyaania daawe!”

1 Abatuki 21:26

Yaholaanga ebyonoono bihiramo ohuswaasa niyeenamiraanga ebiloongaloongwe, koti sa lu Abaamoori baholaanga, ba Omwaami yawuuyianga mu loba koti lu Baisiraeli bayiinduulaanga nibeengira).

2 Ebyomubiha 15:8

Mani Asa niyawulira obunabbi bu Asaria omusyani wa Odedi yali n'alomaloome, yalemesebwa omwooyo. Yamalirao elalira ebiloongaloongwe byoosi ebyali mu syaalo sya Yuda neende esya Bbenjamini mwoosi, haandi neende ebiloongaloongwe byali mu biko bi yali niyaamba ebyali mu syaalo sy'ebigulu esya Efuraimu. Haandi yachia yatereesa alutaari y'Omwaami eyali yoombahwa mu lwaanyi lw'Enyuumba ya Nasaae.

Yisaaya 28:7

Bano bosi amalwa kabanyaasa badandaamira nibang'weere amalwa maangi nibatanyala ohumanya ohuboneherwa hu Nasaae yabaleeteraanga; abalaamisi neende abanabbi, amalwa kabanyaasa, amalwa kabadoondobaania, bakeenda nibadandaamira olw'obumeesi; abanabbi badoondobana mani bahaya ohumanya, mani bahaya ohuheenga bulai emisaango kibabaleteere.

Yisaaya 5:11

Chibaakaanire, abo abawuuna ohusiingira echuli-chuli, nibakoonya ebyohung'wa bimeesa, mani baang'wa ohwoola engoloobe ohwoola lu malwa kabalalusa!

Yisaaya 65:4

Esiro bachia mu ng'uungu neende hu biriindwa ohweteeba hu misaambwa ky'abaandu bafwa. Balya enyama y'embiichi, mani bawuuta omuunyu kw'enyama ch'emisiro.

Yeremia 16:11

Mani ewe ochia ohubaboolera oti: “Olwohuba bakuuka yeeng'we baandulaho mani bachaaka ohuhalaabanira neende ohwiinamira banasaae baandi. Bandeebwaaba haandi baahaya ohuliinda amalako kaange Omwaami niye oboola.

Yeremia 16:18

Njia ohubatuungya amahabi kabiri olw'ebibi byaabwe neende omusaango kaabwe. Olwohuba banyaasire esyaalo syaange nibasiichusamo ebiloongaloongwe byaabwe ebiri koti emilaambo, haandi beechuuse obumenyo bwaange neende eby'omisiro byaabwe.”

Esekeeli 44:6

“Yekesa Abaisiraeli bajeemu abo oti, Ese Omwaami Nasaae mbaboolera endi: Mwaakamire ao eby'emisiro byoosi bi mubeere nimuhola.

Esekeeli 45:9

Omwaami Nasaae aboola ati: “Eng'we abatuki bomu Yisiraeli, mulehere ao obwaalaba bweeng'we neende obunyaka bweeng'we. Muhole obwadyeeri neende ebihoyerwa. Mwaakamire ao ohwiirusaanga abaandu baange mu bulimo bwaabwe. Ese Omwaami Nasaae, Niise oboola.

Mariko 7:22

obwekoombi bubi, obusuku, obubacha, obusereri bubi, ehiinda, obumoonyi, esuunga, neende esibboli.

Ebiholwa 17:30

Nasaae yamala ohulekeeresa ebiha byali eby'obutamanya, nae bulaanu, alagira abaandu boosi buli abuundu woosi, ohweyolobya,

Abarooma 13:13

Lehe hube neende ebiima bilai, ebihoyera abaandu bamenya mu bulafu bw'esideete, ataali ohusangaasa emibiri, oba ohumeera, ataali obucheke oba obuyirani, ataali ohulwaana oba ebihali-hali.

1 Abakoriito 12:2

Mumanyire muti nimwali nimusisiiri abakafiiri, mwahyaamisibwa mwachia eyiri ebiloongaloongwe byawumumala, kata nimuba nimwakoswa sa.

1 Abakoriito 6:11

Abaandi mweeng'we mwabechaanga mutyo hale. Nae kali mbwe eng'we mwamala ohwooswa, mwaalabisibwa, mwoola ohuholwa abahoyera mu liita ly'Omwaami Yesu Kristo haandi neende mu Mwooyo wa Nasaae weefwe.

2 Abakoriito 12:21

Haandi ndi ohutya endi niinjicha haandi Nasaae waange achia ohundiisa esoni mu moni weeng'we, haandi nyala ndaalira hulw'abaandu baangi abahola ebyonoono mani bahaya ohweyolobya eby'obucheke, obuyirani, neende obwekoombi bu bahola.

Abagalatia 5:19

Bulaanu, ebihole by'omubiri biri alafu biti: obucheke, esifwaabi, obwekoombi,

Abagalatia 5:21

ehiinda, obutemo, obumeesi, ebiyumo neende ebiindi ebifwaana bityo. Mbalabula, koti lundabalabulaho hale endi, abo abahola ebiindu bifwaana bityo, haba sibacha ohwiingira mu Obwaami bwa Nasaae.

Abaefeso 5:18

Haandi mutameraanga amalwa, olwohuba kachia ohubanyaasa, nae mwiichusweenge neende Mwooyo,

1 Abatesalonika 4:5

ataali obwekoombi bw'ohuhola eby'esoni, koti abaandu bataali neende efukiirira, abataamanyire Nasaae.

Tito 3:3

Olwohuba efwe fwesi abeene hale hwalichiingi abasiru, abajeemu, abakota. Hwalichiingi nihuli abawaambe b'obulamu bw'obwekoombi bweefwe bubi, neende ohwesaangaasa hwa buli ngeri. Hwalichiingi abeetima haandi ab'ehiinda. Abaandu bali nibatuhaya, haandi fwesi nihwahayana abeene-na-beene.

1 Petero 1:14

Koti abaana bawulira Nasaae, mutafukiirira obwekoombi buhale bu mwali nimuli nabwo nimusisiiri ohumanya Nasaae otuka obulamu bweeng'we.

Yuda 1:4

Olwohuba baluwo abaandu baandi abatatya Nasaae abamala ohutwiingiramo mu bweekisi nihutaamanyire. Abo nibo abaandu bataamanyire Nasaae haandi abahyaamia enjekesa yidiira hu mbabaasi cha Nasaae hu babwiihe hu bibi byaabwe, haandi bahaye Yesu Kristo, ow'Oluyaali luhiramo haandi Omwaami weefwe.