1 Petero 4:11 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹¹ Omuundu yeesi oweekesa Emboosi ya Nasaae, ahoyere ohuyeekesa koti Emboosi ya Nasaae yeene; omuundu yeesi ohola emirimo ahole neende amaani ka Nasaae yamuberesa, mani hu mu buli siindu syoosi Nasaae anyoole efuma ohubitira mu Yesu Kristo, yi luyaali neende amaani bibe ebyae endaalo choosi. Amiina.

EBBAIBBO EMBOOSI YA NASAAE

¹¹ Omuundu yeesi oweekesa Emboosi ya Nasaae, ahoyere ohuyeekesa koti Emboosi ya Nasaae yeene; omuundu yeesi ohola emirimo ahole neende amaani ka Nasaae yamuberesa, mani hu mu buli siindu syoosi Nasaae anyoole efuma ohubitira mu Yesu Kristo, yi luyaali neende amaani bibe ebyae endaalo choosi. Amiina.

1 Petero 4:11 Iomraidhean Croise

Esabbuli 145:13

Obutuki bwao bw'endaalo choosi, haandi oli omutuki endaalo choosi pe. Omwaami mweesikwa mu byoosi bi yasuubisa, haandi w'esisa mu biholwa byae byoosi.

Yisaaya 8:20

Mubakobolaangamo muti, “Hwomiirire hu Malako neende eby'ohuboneraho bi Nasaae yatuberesa.” Mutatekeeresa eby'abalakusi, olwohubi emboosi chaabwe haba sichikaira obudinyu ohukwaao daawe. Mubwadyeeri bweene, abo abalomaloma mani bahaya ohuba neende ebilolero byomiisa bi balomaloma, bahafwiire mu siirima obwiire nibutaahya.

Yeremia 23:22

Nae baba nibamanya ebibaaso byaange, bahayirire emboosi yaange eyiri abaandu baange, mani bahakaluuhaane baatula hu biima byaabwe bibi, neende hu biholwa byaabwe bibi.”

Matayo 6:13

Otatuyira mu huteemwa, nae tuwonie mu bubi.”

Yowaana 13:31

Yesu mani niyamala ohutula erwaanyi, yaboola ati, “Bulaanu Omwaana w'Omuundu yeeswamo oluyaali, haandi ohumubitiramo Nasaae yeeswamo oluyaali.

Ebiholwa 7:38

Wuno niye omweene oyo owali mu mukaanda kwali mu siparara alala neende malaika oyo owamulomalomera hu Lugulu lwa Sinai, haandi neende bakuuka yeefwe; haandi niye oyo owadiiswa amalako malamu ohutuberesa.

Abarooma 11:36

Olwohuba ebiindu byoosi byaloongwa nae, haandi ebiindu byoosi bibaao ohumubitiramo haandi biriwo hulwae. Nasaae anyoole oluyaali endaalo choosi! Amiina.

Abarooma 12:3

Nae ohweema hu mbabaasi chi Nasaae yaamberesa koti esiyaanwa, mboolera buli muundu hweeng'we endi: Otabaasaangaho oti oli aakulu ohuhira koti lu oli. Ohutusaho, ba omuyenjeefu mu bibaaso byao, haandi buli muundu hweeng'we yeyire ohuloondakana neende efukiirira yi Nasaae yamuberesa.

Abarooma 16:27

Lehe Nasaae mulala, yeeng'ene omanyire ebiindu byoosi, abereswe oluyaali ohubitira mu Yesu Kristo endaalo choosi! Amiina.

Abarooma 3:2

Ohuhira ohwo ahira muno mu buli ngeri choosi! Muhuchaaka hweene, Nasaae yadiisa Abayudaaya emboosi yae.

1 Abakoriito 10:31

Sakira, syosi-syoosi syooba noohola, mu hulya oba mu hung'wa, siholeenge hulw'oluyaali lwa Nasaae.

1 Abakoriito 12:4

Bulaanu aliwo engeri enyiingi ech'ebiyaanwa, nae Mwooyo ali mulala obikaba;

1 Abakoriito 3:10

Ohweema hu mbabaasi cha Nasaae chi ndaberesebwa, ni ndi koti omwoombahi muhuluundu mumanyirifu, ndanyala ohutaao omusiingi, nae omuundu wuundi ali ohwoombahaanga hu bweene ohwo. Mulehe buli muundu yeesi yehaliirise koti lwaaba naali ohwoombahaanga hu bweene ohwo.

1 Abakoriito 6:20

wamala ohukulwa neende obukusi buhoongo. Mani sakira ohoyere ohuberesa Nasaae oluyaali mu mubiri kwao.

2 Abakoriito 2:17

Olwohuba efwe haba sihuyera, koti sa abaandu baangi bali, abaonianga emboosi ya Nasaae; nae koti abaandu b'obwadyeeri, koti abatumwa neende Nasaae, mu moni wa Nasaae hulomalomera mu Kristo.

2 Abakoriito 9:13

Nimuhola muti, muchia ohuberesa Nasaae oluyaali olw'obuwulisi bweeng'we muhufukiirira emboosi ndai ya Kristo, haandi hulw'obuwaani bweeng'we bulai, bumubaberesa neende bumuberesa abaandu baandi boosi;

Abaefeso 1:19

haandi neende koti lu buhunuufu bubitiirifu buli, obw'obunyala bwae buli mweefwe abafukiirira, ohweema hu huhola hw'obunyala bwae bukali muno

Abaefeso 4:29

Mumanyaanga emboosi mbi chitulaho mu minwa kyeeng'we, ohutusaho echiri endai, echiusa, echihoonya, haandi echoombaha abachiwulira.

Abaefeso 5:20

buli siha syoosi, neende hulwabuli siindu syoosi, nimweebasaanga Nasaae Seefwe mu liita ly'Omwaami weefwe, Yesu Kristo.

Abaefeso 6:10

Nimaliirisa, becheenge abomiifu mu Omwaami neende mu maani k'obukali bwae.

Abafilipi 1:11

Obulamu bweeng'we boosi bucha ohwaama ebyaamo by'ebiima bilai bi Krisito mweene aleeta mani byaaberesa Nasaae oluyaali neende efuma.

Abafilipi 2:11

haandi enimi choosi chichia ohutuumbula chiti, Yesu Kristo niye Omwaami, nichiberesa Nasaae Laatang'ene oluyaali.

Abakolosaayi 4:6

Lehe enomanoma cheeng'we chibecheenge echesiroonyo buli siha, echiluungirwemo omuunyu, hu munyale ohumanya koti lu muhoyere ohukobolaanga mu buli muundu.

1 Abatesalonika 2:4

Ohutusaho, buli siha hwalomalomaanga koti lu Nasaae yadahaanga huhole, olwohuba yatweekesaanga sa, haandi atudiisaanga sa Emboosi Ndai. Haba sihwateemaangaho ohusaangaasaanga sa abaandu, nae hwaholaanga ebisangaasa Nasaae yeeng'ene, oyo omanyire ebichiiririrwa by'emyooyo kyeefwe.

1 Timoteo 1:17

Eyiri Omutuki w'endaalo choosi, otafwa, otabonehana, Nasaae mulala yeeng'ene, afumisibwe haandi abereswe oluyaali endaalo choosi. Amiina.

1 Timoteo 6:16

Oyo yeeng'ene oli neende obutaakama haandi owamenya mu bulafu butanyala ohusudibwaho, Oyo yi muundu yeesi ataabonaho; otanyala ohubonwa daawe. Oluyaali lwoosi lube nae, neende obutuki butaakama. Amiina.

Tito 2:1

Nae ewe, ohoyere ohweekesa ebifukiirisania neende enjekesa yadyeeri.

Tito 2:15

Beekese ebiindu bino byoosi, haandi wehoonyere obunyala bwao bwoosi noobagumia emyooyo haandi niwoolobya abahutekeeresa. Leha omuundu yeesi atahulekeeresaho.

Abaibburania 13:7

Yichulise abeemeresi beeng'we ababeekesa emboosi ya Nasaae. Baaseho koti obulamu bwaabwe bwali, mani muloondakane neende efukiirira yaabwe.

Abaibburania 5:12

Ebiha bibeereo ebimala ohukera mwaaba nimwamala hale ohweehola abeekesa nae kata katyo, eng'we musiidaha abeeo omuundu wuundu obeekesa amasomo kataangira keene ak'emboosi ya Nasaae. Ataali ohuba nimulya ebyohulya byoomeranu, eng'we musisiiri sa nimuhoyera ohung'wa amabeere.

Yakobbo 1:19

Basyaange, mudiire emboosi chino bulai! Buli muundu ahoyere ohuba omwaangu mu huwulira, nae otaanguya ohulomaloma haandi otanyoolera bwaangu.

Yakobbo 1:26

Omuundu yeesi n'abaasa ati w'efukiirira, nae saanyala ohutuka olulimi lwae, efukiirira yae yiba yibulamo obuhoonyi, haandi omweene aba yebachirisa.

1 Petero 2:12

Ebiima byeeng'we eyiri abakafiiri bihoyere ohuba ebilai, kata neende nibateemaho ohubayaasa bati muli abahola-mbi, bachia ohubona ebiholwa byeeng'we bilai, mani bafumie Nasaae hu Ludaalo lw'ohwiicha hwae.

1 Petero 2:5

Olwohuba mwesi muli amakina malamu akoombahirwa Enyuumba ya Nasaae y'omwooyo, yi muchia ohuhalaabanira koti abalaamisi boolerefu, nimuwaana ebiyaanwa by'omwooyo bi Nasaae yakaanira ohubitira mu Yesu Kristo.

1 Petero 4:10

Buli muundu hweefwe koti omuliindi mulai w'ebiyaanwa bya Nasaae ahoyere ohwehoonyera ebiyaanwa byoosi bi Nasaae yamuberesa n'ahoonya abaasye, niyehoonyera ebiyaanwa bikabuhaane neende obwadyeeri.

1 Petero 4:16

Nae omuundu yeesi hweeng'we n'asaanda olwohuba ali Omukristo, atadiirwa esoni, nae yeebase Nasaae ati ali Omukristo.

1 Petero 5:11

Obunyala bwoosi bube obwae, endaalo choosi. Amiina.

Yuda 1:25

Oyo niye Nasaae mulala yeeng'ene, otuwonia n'abitira mu Yesu Kristo Omwaami weefwe, abe neende oluyaali, obuhuluundu, obutuki neende obunyala ohutula hale-na-haandi, bulaanu neende endaalo choosi, mu Yesu Kristo. Amiina.