1 Petero 4:10 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁰ Buli muundu hweefwe koti omuliindi mulai w'ebiyaanwa bya Nasaae ahoyere ohwehoonyera ebiyaanwa byoosi bi Nasaae yamuberesa n'ahoonya abaasye, niyehoonyera ebiyaanwa bikabuhaane neende obwadyeeri.

EBBAIBBO EMBOOSI YA NASAAE

¹⁰ Buli muundu hweefwe koti omuliindi mulai w'ebiyaanwa bya Nasaae ahoyere ohwehoonyera ebiyaanwa byoosi bi Nasaae yamuberesa n'ahoonya abaasye, niyehoonyera ebiyaanwa bikabuhaane neende obwadyeeri.

1 Petero 4:10 Iomraidhean Croise

Matayo 20:28

koti lu Omwaana w'Omuundu ateecha ohuhalaabanirwa nae ohuhalaabanira abaandu, neende ohuyaanayo obulamu bwae koti omutuulu kw'ohununula abaangi.”

Matayo 24:14

Haandi Emboosi Ndai y'Obwaami bwa Nasaae buno, yichia ohuyaalwa mu syaalo syoosi, sibe esyohuboneraho eyiri abaandu boosi, hu njakamo y'esyaalo yimale yoole.

Matayo 24:21

Olwohuba ebiha ebyo ohusaanda hwamakana huchia ohubaao ohutabechaangahoo ohutula esyaalo nisiloongwa ohwoola bulaanu buti, haandi sihwahabeeo ehabi liindi daawe.

Matayo 24:45

“Nae muundu siina oba omuhalaabani mukesikesi haandi omweesikwa? Niye yi mwaami wae ataawo ohuliindaanga edaala lyae neende ohuberesaanga abaandu bomuungo mwae ebyohulya mu biha bihoyera.

Matayo 25:17

Omuundu yi baberesa “etalaata” chibiri, yesi yachia yaafuna “etalaata” chibiri chiindi,

Matayo 25:44

Mani abo bosi bachia ohukobolamo bati, ‘Omwaami, liina lu ndahubona enjala niyihuluma, kose obuluwo nibuhuluma, kose nooli omukeni, kose noowuma esy'ohwefwaala kose n'olwaala kose nooli mu jeela, mani ndaahaya ohuhuhoonya?’

Mariko 10:45

Olwohuba Omwaana w'Omuundu yesi haba siyeecha ohuhalaabanirwa, nae yeecha ohuhalaabanira abaandu, haandi neende ohuyaanayo obulamu bwae bube obwohununula abaandu abaangi.”

Luka 12:42

Nae Omwaami yaboola ati, “Muliindi siina omweesikwa haandi omukesi, yi mwaami wae yahadiisa edaala lyae, neende ohukabulira abaandu bamwo omukabo kwaabwe mu biha bihoyere?

Luka 19:13

Yalaanga abahalaabani bae ehumi, yaababeresa epawuundi ehumi, mani yaababoolera ati, ‘Muchurusire eseende chino ohwoola lu ndirikobola.’

Luka 8:3

neende Yoana, omuhasi wa Kusa, omubiihi muhuluundu wa Herode, neende Susaana, neende abahasi baangi baandi, abahonyaanga Yesu neende abeeki bae nibatusa hu biindu bi beene bahalaabanaanga ohunyoola.

Abarooma 15:25

Nae bulaanu buti ndi ohuchia Yerusalemu ohuhalaabanira abaandu ba Nasaae bali eyo.

Abarooma 15:27

Abeene baheengao ohuhola batyo; nae mubwadyeeri bweene, bali neende omulimo kw'ohubahoonya. Olwohuba Abayudaaya bakabana ehabi chaabwe chomu mwooyo neende Abateende, Abateende bosi bahoyere ohwehoonyera ehabi chaabwe echoby'omubiri ohuhoonya Abayudaaya.

1 Abakoriito 15:10

Nae hulw'embabaasi cha Nasaae, mbano ndi koti lu ndi, haandi embabaasi chae echo eyiri ese haba sichali echeebihaya. Ebuleka yiindi, ndahalaabana muno ohuhira abo boosi, kata neende nitaali ese omweene, nae embabaasi cha Nasaae chi ndi nacho.

1 Abakoriito 3:10

Ohweema hu mbabaasi cha Nasaae chi ndaberesebwa, ni ndi koti omwoombahi muhuluundu mumanyirifu, ndanyala ohutaao omusiingi, nae omuundu wuundi ali ohwoombahaanga hu bweene ohwo. Mulehe buli muundu yeesi yehaliirise koti lwaaba naali ohwoombahaanga hu bweene ohwo.

1 Abakoriito 4:7

Olwohuba ni naanu mweene oli neende obunyala bw'ohubona esiindu syoosi esikeni mweeng'we? Siina syeene si muli nasyo si mutaberesebwa? Nikali mani mbwe mwabereswa, lwasiina muli ohweniinia koti lu sitaali esiyaanwa syebihaya yi muli?

2 Abakoriito 6:1

Mani nihuli ohuholera alala nae, huli ohubekweeda obutanyoola sa embabaasi cha Nasaae bihaya.

2 Abakoriito 9:1

Sisihoyeere ohubaandiikira ebidiira hu huhoonya aboolerefu,

Abaefeso 3:8

Ese naange, kata neende lu ndi omudiidi ohira mu boolerefu boosi, ndabereswa embabaasi chino, hu nyale ohuchia ohuyaalira Abateende engaanga yitanyoolehanaanga eyiri mu Kristo,

Abaefeso 4:11

Niye yi biyaanwa byae byali biti abaandu baandi banyale ohuba abatume, abaandi abanabbi, abaandi abayaali, abaandi abaayi neende abeekesa,

2 Timoteo 1:18

Lehe Omwaami amubeerese ehabi y'ohukwiirwa esisa sy'Omwaami hu Ludaalo olwo! Olwohuba omanyire bulai esiindu si yaholera ni ndi mu Efeso.

Tito 1:7

Koti lwaali omuhalaabani wa Nasaae, omwiimirisi w'Abakristo ahoyere ohuba nataaliho esiindu simwekanyiirisaho. Haba s'ahoyere ohuba omuundu w'esuunga, oba onyoolera bwaangu, oba omumeesi, omwaalaba, oba ow'omutoolyo.

Abaibburania 6:10

Nasaae haba siyehubbira. Haba saacha hwiibirira omulimo kumwahola, oba obuheeri bu mwamala ohweekesa mu buhoonyi bumwatusa nimuhoonya abaandu bae, haandi bu musyemeeda ohuhoonya Abakristo basyeeng'we.

1 Petero 5:10

Nae nimumalire ohusaandaho budiidi, Nasaae ow'embabaasi choosi, owabalaanga ati mukabaneho hu luyaali lw'endaalo choosi mu Kristo, niye ochia ohubaberesa amaani mube abomiifu mu fukiirira.

1 Petero 5:12

Mbaandiikira ebbarwa nyimbikiti yino, neende obuhoonyi bwa Silifaano, yi njira koti mwaanaama mweesikwa. Ndaha ohubameedamo amaani neende ohuboomiisira endi buno n'embabaasi cha Nasaae cheene. Haandi mbalagira endi mubwoomiiriremo.