1 Petero 3:9 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁹ Mutatuungaanga esibi neende esibi, oba ohubwaaba neende ohubwaaba; ohutusaho, tuungeenge neende ehabi choong'ene olwohuba ehabi nicho chi Nasaae yasuubisa ohubaberesa niyali n'abalaanga.

EBBAIBBO EMBOOSI YA NASAAE

⁹ Mutatuungaanga esibi neende esibi, oba ohubwaaba neende ohubwaaba; ohutusaho, tuungeenge neende ehabi choong'ene olwohuba ehabi nicho chi Nasaae yasuubisa ohubaberesa niyali n'abalaanga.

1 Petero 3:9 Iomraidhean Croise

Ohuchaaka 42:25

Yosefu yatusa omunwa ati beechuse esao chaabwe neende engaano, bakobosere buli otulayo eseende chae mani bayite mu sao yae, haandi bababeeho ebyohulya nibali hu lukeendo lwaabwe olwo. Mani nibabaholera sa batyo.

Engaado 17:13

N'oholera esyonoono omuundu ohuholeere esilai, esyonoono haba sisyahatule mu ngo wao.

Engaado 20:22

Otaboola oti, “Njia ohwetuunga esibi” liinda Omwaami mani achia ohuhuhoonya.

Engaado 28:10

Oyo obachirisa omuundu muluungifu yaakera yahola esyonoono omweene yahakwe mu buko buyayaba; nae abaandu bataaliho omusaango, bahanyoole ebiindu bilai.

Matayo 19:29

Mani buli muundu yeesi owaleha enyuumba, kata bamwaanang'ina, kata bambochoong'ene, kata laatang'ene, kata ng'ina, kata abaana, kata eloba, hulw'eliita lyaange, achia ohunyoola amahabi emia ndala yeebyo, alala neende Obulamu Butaakama.

Matayo 25:34

Mani omutuki oyo achia ohuboolera abo abali hu muhono kwae muluungi ati, ‘Eng'we ba Laata yaange yaberesa ehabi, mwiiche mubukaane obwaami bubabatekehera ohutula ohuloongwa hw'esyaalo;

Matayo 5:39

Nae ese mbaboolera endi, Otatuungaanga omuundu, ohuholere esibi, neende esibi siindi. Omuundu naahupaama hu tama ly'omuhono muluungi, mukaluuhanisireenge ely'omuhono mukaada lyosi;

Matayo 5:44

Naange mbaboolera endi, muheeraneenge neende abasuku beeng'we, haandi musabireenge ehabi ndai abo ababaholera amabi,

Mariko 10:17

Mani Yesu niyali hwaatula ohuchaaka olukeendo lwae ati, omusaacha wuundi yeecha yaali niyeeruha mani yaasigama mu moni wae yaamuteeba ati, “Omweekesa mulai ewe, siina syeene si hoyeere ohuhola hu nyemeo nyoole obulamu butaakama?”

Luka 10:25

Nae bone, omweekesa w'amalako wuundi, yaasiingira yeema n'adaha ohuhema Yesu n'aboola ati, “Omweekesa, siina syeene siimba hole, hu nyale ohunyoola obulamu butaakama?”

Luka 18:18

Omutuki wuundi yateeba Yesu ati, “Ewe omweekesa mulai, siina syeene sihoyera ohuhola hu nyoole obulamu butaakama?”

Abarooma 12:14

Musabe Nasaae abereseenge ehabi abo ababalwaania. Mubwadyeeri bweene, mumusabe aberese abaandu abo ehabi ataali ohubaberesa ebibwaabo.

Abarooma 12:17

Omuundu yeesi n'abaholera esibi, mutamutungaanga nimumuholera esibi mwesi. Muteemeho koti lu munyala ohuhola esiindu si buli muundu abona ati silai.

Abarooma 8:28

Humanyire huti mu biindu byoosi bi Nasaae ahola, achiiririsaanga esilai sy'abaandu bamuheera, abo ba yalaanga ohweema hu sichiiririrwa syae.

Abarooma 8:30

Mani sakira abo ba Nasaae yaawula, bosi yabalaanga; haandi abo ba yalaanga, yabahola ohuba abaluungifu nae, mani yaakabana nabo oluyaali lwae.

Abagalatia 3:14

Kristo yetaaho esibwaabo esyo hu habi yi Nasaae yalaka Abburahamu yinyale ohubeereswa Abateende hulwa Kristo Yesu, haandi hulw'ohufukiirira hunyale ohunyoola Mwooyo Mwoolerefu yi Nasaae yasuubisa.

Abaefeso 4:32

mani buli muundu akwireenge sa owaasye esisa, neende omwooyo mudotoo-doto, buli muundu naleheraangamo owaasye, koti lu Nasaae ohubitira mu Kristo yabaleheramo.

1 Abatesalonika 5:15

Ataba hoo omuundu yeesi mweeng'we owutuunga esibi hu sibi, nae ebiha byoosi muboneenge muti echoomo lyeeng'we nilyo ohuholaniraanga ebilai, neende ohuholeraanga abaandu boosi ebilai.

Abaibburania 12:17

Mumanyire koti luunyuma yateemaho ohukoonya ehabi cha laatang'ene nae baahaya ohumuba olwohuba haba siyanyala ohunyoola engeri yoosi eyohukaluuhaniamo ebibaaso bya laatang'ene, kata neende ayahaba niyateemaho ohwekweeda neende amasika kae.

Abaibburania 6:14

Yasuubisa n'aboola ati, “Njia ohuhuberesa ehabi, haandi hubeerese abeechuhulu baangi muno.”

1 Petero 5:10

Nae nimumalire ohusaandaho budiidi, Nasaae ow'embabaasi choosi, owabalaanga ati mukabaneho hu luyaali lw'endaalo choosi mu Kristo, niye ochia ohubaberesa amaani mube abomiifu mu fukiirira.

1 Samueli 26:11

Omwaami ahoya yaangayira ohuhola esibi hu muundu yi Omwaami yahola ohuba omutuki! Leha hubukule efumo lyae neende enjaagi y'amaachi lyae, mani hweweereo.”