1 Petero 3:8 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁸ Muhumaliirisa, eng'we mweesi, becheenge neende omwooyo mulala, kwiireenge abasyeeng'we esisa, haandi heeraneenge koti abeenda ndala. Deebeenge hu basyeeng'we, haandi becheenge abaloonga eyiri abasyeeng'we.

EBBAIBBO EMBOOSI YA NASAAE

⁸ Muhumaliirisa, eng'we mweesi, becheenge neende omwooyo mulala, kwiireenge abasyeeng'we esisa, haandi heeraneenge koti abeenda ndala. Deebeenge hu basyeeng'we, haandi becheenge abaloonga eyiri abasyeeng'we.

1 Petero 3:8 Iomraidhean Croise

Esabbuli 103:13

Koti lu laatang'ene baana aleheramo abaana bae, olwo nilwo lu Omwaami akwiira esisa abo abamwiisamo oluyaali.

Engaado 28:8

Oyo onyoola engaanga naseera abaasye, obuyiinda bwae abubuusira oyo okwiira abamanani esisa.

Sekaria 7:9

“Hale-na-ahaandi, ‘Ese ndaberesa abaandu baange ebilagiro, ewe ohoyere ohubona oti obwadyeeri buholwa, haandi muhoyere ohweekesa esisa neende esasaakisi eyiri buli muundu.

Matayo 18:33

nae ewe, haba siwahakwiriire omuhalaabani waasyo oyo esisa, koti lu ndahukwiira?’

Luka 10:33

Nae Omusamaria wuundi, niyali naali hu lukeendo, yoola abuundu yi musaacha oyo yali; nae niyamubona, yamukwiira esisa,

Ebiholwa 2:1

Oludaalo lwa Pentekosti nilwoola, abatume bali nibebuusire alala abuundu alala.

Ebiholwa 27:3

Hu ludaalo lwaloondaho hwakobera Sidoni; Juliasi yaliinda Paulo neende esisa siingi muno, mani yamulehuula ati anyale ohuchia eyiri abeecha bae haandi anyale ohuliindirwa eyo.

Ebiholwa 28:7

Bulaanu aambi ao, yaliwo amaloba kali esiindu ak'omuhuluundu w'esisiinga esyo, olaangwa ati Pabbulo oweecha yatubukaanira haandi yamala yatusangaasanga n'atuliisa hulw'endaalo chidatu enaamba.

Ebiholwa 4:32

Bulaanu, omukaanda kw'abaandu bali nibafukiriire mu Yesu Kristo, babechaanga neende ebibaaso bilala, haandi neende omwooyo mulala, mani abulao omuundu yeesi owabolaanga ati, esiindu syoosi si yabechaanga naali nasyo syalichiingi esyae yeeng'ene, nae boosi balichiingi abeene neende buli siindu alala.

Abarooma 12:10

Heeraneenge neende emyooyo misangaafu koti abeebulanwa mu Kristo, haandi becheenge abeetekefu ohwiisaniamo oluyaali.

Abarooma 15:5

Mani lehe Nasaae, yi hweesimiirisa neende ohulemya emyooyo bitulaho, ababerese amaani munyale ohuba neende ebibaaso nasilala nimuloondakana neende esyohuboneraho sya Kristo Yesu,

1 Abakoriito 1:10

Ese ndi ohubalirira, basyaange, mu liita ly'Omwaami weefwe Yesu Kristo, endi eng'we mweesi munyale ohufukiirisania, haandi endi mweeng'we muhoya mwahaya ohubahoomo ohukabuhana-kabuhanamo, nae endi munyale ohweyambaania alala mu bibaaso bifwaanana, haandi neende mu huwuliirisania.

1 Abakoriito 12:26

Nikali mbwe esituundu silala sichunisibwa, byoosi bichuunisibwa alala; nikali mbwe esituundu silala siberesebwa oluyaali, ebyaasye byoosi bisaangaalira alala nasyo.

Abaefeso 4:2

obw'ohweyisa aasi koti lu bihoyera, neende obuloonga, neende obwesimiirisi, neende ohwesimiirisiraanga abasyeeng'we mu buheeri,

Abaefeso 4:31

Mulehe obululu bwoosi neende obwaalaba neende etima neende ohwekanyiirisa, neende obumoonyi, bituswe mweeng'we, alala neende ehiinda yoosi,

Abaefeso 4:32

mani buli muundu akwireenge sa owaasye esisa, neende omwooyo mudotoo-doto, buli muundu naleheraangamo owaasye, koti lu Nasaae ohubitira mu Kristo yabaleheramo.

Abafilipi 2:3

Mutaholaanga esiindu syoosi nimulwaanira oluyaali, oba nimudaha ohwelyooyia hutaalimo obuhoonyi, nae mubecheenge abaloonga mu moni w'abaasyeng'we, nimubayira koti abali neende oluyaali ohubahira.

Abafilipi 3:16

Ohutusaho, lehe efwe hwomiirire hu bwadyeeri bu hwamala ohunyoola.

Abakolosaayi 3:12

Mani mwefwaale, koti abadoole ba Nasaae, aboolerefu, haandi abaheerwa, esasaakisi, esisa, ohweyisa aasi, obuloonga, neende ohwesimiirisa,

Abaibburania 13:1

Muchiiririre ohuheerana koti Abakristo.

Yakobbo 2:13

Olwohuba Nasaae haba saachia hukwiira esisa omuundu otakwiira owaasye esisa n'amuheengera omusaango.

Yakobbo 3:17

Nae amakesi katula Muukulu kataangira ohuba amoolerefu; haandi kaleeta omuleembe, haandi kalimo obuloonga, neende ohudeeba hu baandu baandi; keechulamo esisa mani keebula ebiholwa bilai. Haba sikalimo mwooyo mubi, oba obwebachirisi.

Yakobbo 5:11

Hubalaanga huti b'ehabi olwohuba beesimiirisa. Mwawulira koti lu Yobbu yesimiirisa, haandi mumanyire esiindu si Omwaami yamuberesa muhumaliiriha. Olwohuba Omwaami yeechula esisa neende ohusaasira.

1 Petero 1:22

Nae koti bulaanu muli abanyirifu booswa hulw'ohuwulira obwadyeeri, haandi eng'we muli neende obuheeri bulamu eyiri abafukiiriri basyeeng'we, mani muheeranire elalira neende emyooyo kyeeng'we kyoosi.

1 Petero 2:17

Yiseenge oluyaali mu baandu boosi: heereenge abafukiiriri basyeeng'we, ticheenge Nasaae, haandi yiseenge oluyaali mu batuki omutuki muhunuufu.

1 Petero 5:5

Mu ngeri nasilala eng'we abasisiiri abaraaga, muhoyere ohuwulira abahuluundu beeng'we neende obuloonga. Haandi mweesi-mweesi koti engubo yeeng'we muhoyere ohwefwaala obuloonga bw'ohuhalaabanira abasyeeng'we; olwohuba ebyandiiko byoolerefu biboola biti, “Nasaae alwaaniaanga abeniinia, nae aberesaanga abaloonga embabaasi chae.”

2 Petero 1:7

hu hwiisa oluyaali mu Nasaae, mumeedeho ohuheerana koti abebulanwa; haandi hu hudahana koti abebulanwa, mumeedeho ohuheera abaandu boosi.

1 Yowaana 3:14

Humanyire huti, hwamala ohuleha ohufwa, mani hwechia mu bulamu; olwohuba hwaheera abasyeefwe. Omuundu otaheera abaasye, oyo asisiiri mu hufwa.