1 Petero 3:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ Olwohuba yino niyo engira yi bahasi boolerefu, abeesikaanga Nasaae mu ndaalo chabita baholaanga hu bulamu bwaabwe bwaaba obulai, haandi bawuliraanga abasaacha baabwe.

EBBAIBBO EMBOOSI YA NASAAE

⁵ Olwohuba yino niyo engira yi bahasi boolerefu, abeesikaanga Nasaae mu ndaalo chabita baholaanga hu bulamu bwaabwe bwaaba obulai, haandi bawuliraanga abasaacha baabwe.

1 Petero 3:5 Iomraidhean Croise

Engaado 31:10

Wiina mweene onyala ohunyoola omuhaaye oyera? Omuhaaye ofwaana atyo w'engaanga muno ohuhira amakina k'engaanga.

Engaado 31:30

Esiiso sibachirisa, haandi ohuboneha bulai hukotao, nae omuhasi wiisa oluyaali mu Omwaami afumiswa.

Yeremia 49:11

Mulehe bamulehwa beeng'we, njia ohubaliinda bulai; haandi lehe abahasi bafwiirwe beeng'we baandeesike.”

Luka 2:37

mani yadoong'a koti omuhasi mufwiirwe olw'embaka y'emyaaka amahumi kataanu-na-kadatu-na-kine. Haba siyalehaho Enyuumba ya Nasaae, nae yabechaanga sa omwo nalaama, haandi nasiiba alala neende ohusaba esaala esiro neende esideete.

Ebiholwa 1:14

Bano boosi, alala neende abahasi baandi neende Maria ng'ina Yesu, alala neende bamwaanang'ina, balaamaanga Nasaae neende omwooyo mulala.

Ebiholwa 9:36

Nae bulaanu, mu Yopa mwalimo omweeki wuundi owali alaangwa mbwe ati Tabbisa, esyeekesa Dorika, esyeekesa esijusu. Yali omuhasi owechula emirimo milai mihaya neende ebihole by'omuhono mukabi.

Abaefeso 5:33

nae kata katyo, lehe buli mulala hweeng'we aheereenge omuhasi wae koti lu yedaha omweene, haandi lehe omuhasi aboneenge ati yeesa mu wamwe oluyaali.

1 Timoteo 2:10

Nae babe neende ebihole bilai bihoyera abahasi batya Nasaae.

1 Timoteo 2:15

Kata katyo, omuhasi achia ohuwonisibwa ohubitira muhwiibula abaana, niyomiirira mu fukiirira, neende mu buheeri, neende mu bwoolerefu alala neende ohweliinda bulai.

1 Timoteo 5:10

Haandi omuhasi oyo ahoyere ohuba nasiimibwa ohuba neende ebiholwa bilai, haandi koti owaliindaho abaana, omuliindi w'abaandu, owosaho amakulu k'aboolerefu ba Nasaae, owajanjabiaho abaandu, haandi owetusayo ohuholaanga ebilai mu buli ngira.

1 Timoteo 5:5

Omuhasi mufwiirwe owadoong'a yeeng'ene, nataaliho neende omuundu yeesi onyala ohumuliinda, aba ali koti owamala ohuta esuubi lyae lyoosi mu Nasaae mani ahoyere ohuchiiririra ohusabaanga neende ohwekwedaanga Nasaae esiro neende esideete.

Abaibburania 11:11

Efukiirira niyo eyakera Abburahamu yehola laatang'ene baandu kata neende niyali nabitiriire mu myaka, haandi Saara yesi yali n'abitire emyaaka ch'ohwiibula.

1 Petero 1:3

Lehe hweebase Nasaae haandi Laatang'ene Omwaami weefwe, Yesu Kristo. Ohweema hu sisa syae sibitiirifu, yakera hwebulwa mu bulamu buyaaha, niyasyuuhisa Yesu Kristo ohutula mu bafu. Mani yaatuberesa esuubi lamu mu myooyo kyeefwe,

1 Samueli 2:1

Hana yasaba ati: “Omwaami yechuuse omwooyo kwaange esangaalo; ndi omusangaafu muno hulw'ebiindu bi yaholeere! Syesi njeheho abasuku baange; nga ndi omusangaafu koti lu Nasaae yahoonyere!