1 Petero 2:9 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁹ Nae eng'we muli abaandu badoolebwa, abalaamisi, enyuumba njolerefu, abaandu ba Nasaae beene, hu munyale ohufumia emirimo kya Nasaae kiwukisa, ba Nasaae yalaanga ohutula mu siirima ohwiingira mu bulafu bwae bulai butalomwalomwaho.

EBBAIBBO EMBOOSI YA NASAAE

⁹ Nae eng'we muli abaandu badoolebwa, abalaamisi, enyuumba njolerefu, abaandu ba Nasaae beene, hu munyale ohufumia emirimo kya Nasaae kiwukisa, ba Nasaae yalaanga ohutula mu siirima ohwiingira mu bulafu bwae bulai butalomwalomwaho.

1 Petero 2:9 Iomraidhean Croise

Esabbuli 106:5

Leha mbone abaandu bao ba wadoola koti lu bayiindiyala, haandi nyooleho esangaalo ly'abaandu bao, syesi nyooleho oluyaali lw'ohubalirwa mu baandu bao.

Esabbuli 118:27

Omwaami niye Nasaae otuberesa obulafu. Mudiire ehiindu mu mahono keeng'we mani muhuumbe nimweebodoohania alutaari.

Esabbuli 135:4

Olwohuba Omwaami omweene yedoolera aba Yakobbo, abaandu ba Yisiraeli ohuba abae beene.

Esabbuli 22:30

Abaandu baheebulwe bachia ohumuhalaabanira; abaandu bachia ohweekesa olwiibulo lwiicha ebidiira hu Omwaami,

Esabbuli 33:12

Esyaalo siri neende Nasaae koti Omwaami wasyo sy'ehabi, abaandu ba yadoola ohuba abae!

Esabbuli 73:15

Mani mba mbwe ndali niimboolere endi, “Ese njia ohulomaloma endyo,” ndahabeere nindoondobania abaandu bao.

Yisaaya 26:2

Mwiikuleo ebiruwa by'esiko, abaandu bomu byaalo biluungifu haandi ebyeesikwa banyale ohwiingira.

Yisaaya 41:8

Nae ewe, Yisiraeli omuhalaabani waange, Yakabbo, yi ndedoolera, olwiibulo lwa Abburahamu, omwiicha waange.

Yisaaya 42:16

“Njia ohwemerera abawofu, mbabise hu ngira chibataamanyire, mu mihoosi ki bali nibataamanyire mani mbeekese. Njia ohukaluuhania esiirima siri mu moni waabwe sibe obulafu, haandi ngwalaase buli abuundu yibabitira. Ebiindu bino njia ohubaholera, haba siinjia hubajwaang'a daawe.

Yisaaya 44:1

Omwaami aboola ati: “Bulaanu ewe Yakobbo omuhalaabani waange, tekeeresa owulire, eng'we Abaisiraeli ba ndedoolera.

Yisaaya 61:6

Nae eng'we mwahalaangweenge muti abalaamisi b'Omwaami. Mwahalaangweenge muti, abahalaabani ba Nasaae weefwe; Niing'we abahalicheenge emyaandu kyohu syaalo, haandi mwahasangaalireenge mu buyiinda bwaabyo.

Yisaaya 62:12

Mwahalaangwe, “Abaandu boolerefu.” “Abanunule b'Omwaami;” haandi mwahalaangwe “Esiko si Nasaae adaha,” “Esiko sitajwaang'wa.”

Yisaaya 66:21

Mani abaandi hu baandu abo, ndahabahole abalaamisi neende Abaleefi, Omwaami nilwo lu aboola.

Yisaaya 9:2

Abaandu abakeenderaanga mu siirima babweene obulafu buungi; abo abakeenderaanga mu siirima sya titititi, obulafu bubaaduhiire.

Malaki 3:17

Omwaami w'Obunyala aboola ati: “Bahabe abaandu baange beene hu ludaalo lu njia ohuholeraho. Njia ohubakwiira esisa koti lu musaacha yahakwiira esisa omwaana wae musyaani omuhalaabaniraanga.”

Matayo 4:16

Abaandu bakeenderaanga mu siirima leero babweene obulafu buungi. Nae abo abamenyaanga mu syaalo sy'esiirima sy'ohufwa, obulafu bubahosere.”

Matayo 5:16

Mani eng'we mwesi mulehe obulafu bweeng'we bwaaduhire abaandu hu banyale ohubona ebilai bi muhola mani bafumie Nasaae Seeng'we oli Muukulu.

Luka 1:79

Ohuberesa obulafu abaandu abo abehala mu siirima neende mu siiniha sy'ohufwa, ohuluungiha amakulu keefwe mu ngira y'omuleembe.”

Yowaana 17:19

Ese ndeyaanayo omweene y'oli hulwaabwe, hu bosi abeene banyale ohweyaanayo mubwadyeeri.

Ebiholwa 20:28

Mweliinde abeene haandi muliinde omukaanda kwoosi kuno ku Mwooyo Mwoolerefu yamala ohubaholamo abaayi, ohuliinda omukaanda kw'abafukiiriri ba Nasaae, ku yenyoolera ohweema hu mabaanga k'Omwaana wae.

Ebiholwa 26:18

Wahabaliimbusa emoni chaabwe, hu banyale ohukaluuhana ohutula mu siirima ohuchia mu bulafu, haandi ohutula mu maani ka Sitaani, ohuchia eyiri Nasaae, hu banyale ohunyoola ohuleherwamo hw'ebyonoono byaabwe, neende obweyaango bwaabwe mu baandu ba Nasaae yadoola.’

Ebiholwa 26:28

Mani Agiripa bulaanu yeecha yaboolera Paulo ati, “Mu bweyaango obudiidi buti, oli ohubaasa oti omalire ohungaluuhania ohuba Omukristo!”

Abarooma 9:24

Olwohuba neefwe abaandu ba Nasaae yalaanga, ataali ohutula mu baandu Bayudaaya boong'ene, nae ohutula mu Abateende bosi.

1 Abakoriito 3:17

Omuundu yeesi n'anyaasa Enyuumba ya Nasaae, Nasaae mweene aba achia ohumusihirisa yesi. Olwohuba Enyuumba ya Nasaae yiba niyiri enjolerefu, nihaandi Enyuumba ya Nasaae eyo niyo ewe mweene.

Abaefeso 1:14

oli esyomiisira elalira esuubi ly'ohunyoola obusiha bweefwe, ohwoola lu hulinyalira ohubunyoolera elalira, hulwohufumia oluyaali lwae.

Abaefeso 1:6

afumisibwe hulw'embabaasi chae ch'oluyaali, chi yatuberesera mu muheerwa wae.

Abaefeso 3:21

oyo abereswe oluyaali mu mikaanda ky'abafukiiriri haandi neende mu Kristo Yesu eyiri enjibulo choosi, ebiha neende ebiha. Amiina.

Amalako Kohubiri 10:15

Nae Omwaami yachuunirwa bakuuka yeeng'we mani yaabaheera muno, yadoola abeechuhulu baabwe mu baandu boosi, ohwoola buti.

Amalako Kohubiri 14:2

Olwohuba muli abaandu boolerefu eyiri Omwaami Nasaae weeng'we, haandi Omwaami yabadoola ohuba abaandu bae beene, ohutula mu baandu bali hu syaalo syoosi.

Amalako Kohubiri 18:2

Haba sibanabecheenge neende omukabo kw'eloba koti enono chiindi; Omwaami niye onabecheenge omukabo kwaabwe, koti lu yabasuubisa.

Amalako Kohubiri 4:20

Nae Omwaami yababukula mani yaabatusa mu buwaambe bw'amaani bu mwalimo mu Misiri, mani yaabahola abaandu bae beene koti lu muli buti.

Amalako Kohubiri 7:6

“Olwohuba niing'we abaandu boolerefu eyiri Omwaami Nasaae weeng'we; Omwaami Nasaae weeng'we yabadoola ohutula hu njia chiri hu syaalo syoosi mube abaandu bae beene.

Abafilipi 3:14

Ndi ohwedinyirisaanga ninjia mu moni eyiri esisuubirwa hu nyale ohunyoola esisiimo siri Muukulu esya Nasaae esibitira mu Kristo Yesu.

Abakolosaayi 1:13

Yanyala ohututusa mu bunyala bw'esiirima, haandi yatukiinga yaatuleeta mu Bwaami bw'Omwaana wae mukoosi,

2 Timoteo 1:9

Nasaae niye owatuwonia haandi yatulaanga hube abaandu bae, ataali ohweema hu siindu syoosi si hwahola, nae hulw'endekeha yae, neende embabaasi chae cheene. Yatuberesa embabaasi chino ohubitira mu Kristo Yesu, esyaalo nisisisiiri ohuloongwa.

Tito 2:14

Kristo yeyaanayo hulweefwe mani yaatununula mu bibi byoosi, haandi neende ohutulabya hube abaandu bae aboolerefu beene, haandi abadaha huhola ebiindu bilai.

1 Petero 1:2

Mwadoolwa neende esichiiririrwa si Nasaae Seefwe mweene yamanyira elalira ati, Mwooyo Mwoolerefu abahole mube aboolerefu, hu munyale ohuwulira Yesu Kristo mani aboose neende amabaanga kae. Lehe embabaasi neende omuleembe bibe ebyeeng'we mu bwiichufu.

1 Petero 2:5

Olwohuba mwesi muli amakina malamu akoombahirwa Enyuumba ya Nasaae y'omwooyo, yi muchia ohuhalaabanira koti abalaamisi boolerefu, nimuwaana ebiyaanwa by'omwooyo bi Nasaae yakaanira ohubitira mu Yesu Kristo.

1 Petero 4:11

Omuundu yeesi oweekesa Emboosi ya Nasaae, ahoyere ohuyeekesa koti Emboosi ya Nasaae yeene; omuundu yeesi ohola emirimo ahole neende amaani ka Nasaae yamuberesa, mani hu mu buli siindu syoosi Nasaae anyoole efuma ohubitira mu Yesu Kristo, yi luyaali neende amaani bibe ebyae endaalo choosi. Amiina.

Ohubwiihulirwa 1:6

Haandi Yesu Kristo yatuhola ohuba obutuki bw'abalaamisi, ohuhalaabanira Nasaae wae haandi Laatang'ene. Yesu Kristo anyoole oluyaali alala neende obunyala endaalo choosi! Amiina.

Ohubwiihulirwa 20:6

Beehoye, haandi bali neende ehabi muno, abo ababalibwa mu husyuuha hw'abafu hutaangira huno. Olwohuba ohufwa hwa habiri haba sihuchia hunyala ohuboolaho daawe. Bano bachia ohuba abalaamisi ba Nasaae, haandi aba Kristo, mani bachia ohutuka nae hulw'embaka ya emyaaka elifu ndala (1,000).

Ohubwiihulirwa 5:10

Wabahola ohuba obwaami bw'abalaamisi ohuhalaabanira Nasaae weefwe, haandi nibo abachia ohutuka hu syaalo huno.”

1 Samueli 12:22

Omwaami aholere esisuubise simaliirifu sino, haba saachia ohubajwaang'a daawe, olwohuba ohuheengao ohubahola mube abaandu bae beene.