1 Petero 2:8 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁸ Haandi biti, “Lino nilyo ekina likera abaandu nibateremuha, ekina likera nibakwa”. Bateremuha olwohuba haba sibafukiirira emboosi yira koti lu syatekehwa siti b'ohuhola batyo.

EBBAIBBO EMBOOSI YA NASAAE

⁸ Haandi biti, “Lino nilyo ekina likera abaandu nibateremuha, ekina likera nibakwa”. Bateremuha olwohuba haba sibafukiirira emboosi yira koti lu syatekehwa siti b'ohuhola batyo.

1 Petero 2:8 Iomraidhean Croise

Yobbu 23:14

Olwohuba achia ohwooseresa esiindu si yandekehera; haandi ebiindu biingi koti ebyo biri mu bibaaso byae.

Ohutula 9:16

Nae ni ohudaha sa ohuhweekesa obunyala bwaange, sakira ndahuleha sa endi obeeo omulamu hu efuma yaange yinyale ohutabaala esyaalo syoosi.

Yisaaya 37:26

“Haba siwawuliraho oti niise owatekeha esyo ohutula hale? Ndatekeha esyo hale muno mani bulaanu syolereere buti.” Ndahuberesa obunyala bwohusihirisa ebiko biriho olukaka lw'amaani, byehole ebituuli by'ebikoha.

Yisaaya 57:14

Omwaami aboola ati, “Muteeo engira, muteeo engira. Mutuseo osyohwegumulaho mu ngira y'abaandu baange.”

Yisaaya 8:14

Mani Omwaami niye ochia ohuba abuundu awoolerefu yi muchia ohuwoneramo, ekina lilwaania, haandi olwaanda lw'ohweegumulaho eyiri enyuumba choombi cha Yisiraeli, haandi omuteego neende oluhaanda eyiri abaandu bamenya mu Yerusalemu.

Luka 2:34

haandi Simeoni yabasabira ehabi mani yaboolera Maria ng'ina ati, “Bone, omwaana wuno ateerweo hulw'ohukwa neende ohusiingira hw'abaandu baangi mu Yisiraeli, haandi neende ohuba esilolero siyiinganisibwa

Abarooma 9:22

Nasaae yesi yahola esiindu nasilala atyo. Yadaha ohweekesa etima lyae, haandi neende ohukera obunyala bwae bumanyihane. Sakira yesimiirisira muno abo abamudiisa etima, abali abohusihiriswa.

1 Abakoriito 1:23

nae efwe huyaala Kristo owabaambwa, oli esigiingi syegumulwaho eyiri Abayudaaya haandi esy'obusiru eyiri abaandu bateende,

2 Abakoriito 2:16

eyiri owuundi ni esing'aari sy'ohutula mu hufwa ohuchia mu hufwa, nae eyiri owuundi ni esing'aari situla mu bulamu ohuchia mu bulamu. Ni naanu mweene oyera bino byoosi?

Abagalatia 5:11

Nae basyaange, nikali mbwe ese mweene siyalaanga sa ohuhebwa, ni lwasiina mba nisiboneresebwaanga? Syeekesa mbwe mu mboosi eyo, esichihi sino esyegumusa omusalabba syamala ohutusibwayo.

1 Abatesalonika 5:9

Nasaae siyatutekehera etima daawe, nae yatutekehera ohunyoola obuwonia ohubitira mu Omwaami weefwe Yesu Kristo,

1 Petero 2:6

Olwohuba ebyandiiko byoolerefu biboola biti, “Bone, mbao bulaanu ndaao ekina lisiira enyuumba mu Siyooni, ekina lyalobolwa haandi ely'engaanga y'aakulu; haandi omuundu yeesi omufukiirira haba saachia hudiirwa esoni.”

1 Petero 2:7

Ekina lino ly'engaanga y'akulu muno eyiri eng'we abafukiiririra; nae eyiri abo abatafukiirira liri: “Ekina li boombahi bahaya bati liwuma obuhoonyi nilyo elyeeholere ekina huluundu lisiira enyuumba.”

2 Petero 2:3

Mu kuliira kwaabwe, abeekesa bobubacha bano bachia ohubanyoolamo engaanga muno ohweema hu ngano chi beene beeholera. Omusaango kwaabwe kwamala ohuheengwa hale muno, haandi ohusihiriswa hwaabwe haba sihukona daawe.

Yuda 1:4

Olwohuba baluwo abaandu baandi abatatya Nasaae abamala ohutwiingiramo mu bweekisi nihutaamanyire. Abo nibo abaandu bataamanyire Nasaae haandi abahyaamia enjekesa yidiira hu mbabaasi cha Nasaae hu babwiihe hu bibi byaabwe, haandi bahaye Yesu Kristo, ow'Oluyaali luhiramo haandi Omwaami weefwe.