1 Petero 2:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ Olwohuba mwesi muli amakina malamu akoombahirwa Enyuumba ya Nasaae y'omwooyo, yi muchia ohuhalaabanira koti abalaamisi boolerefu, nimuwaana ebiyaanwa by'omwooyo bi Nasaae yakaanira ohubitira mu Yesu Kristo.

EBBAIBBO EMBOOSI YA NASAAE

⁵ Olwohuba mwesi muli amakina malamu akoombahirwa Enyuumba ya Nasaae y'omwooyo, yi muchia ohuhalaabanira koti abalaamisi boolerefu, nimuwaana ebiyaanwa by'omwooyo bi Nasaae yakaanira ohubitira mu Yesu Kristo.

1 Petero 2:5 Iomraidhean Croise

1 Abatuki 7:11

Aakulu wako hwaliho amakina kaandi, akaheengwa mu sikero, haandi neende emiguulo ky'emiseengese.

Esabbuli 141:2

Leha esaala yaange yinioohe koti obubbaani mu moni wao, haandi ohusiingisa aakulu amahono kaange hube koti esiyaanwa sy'engoloobe.

Esabbuli 50:14

Eng'we, yaneenge eyiri Nasaae esiyaanwa sy'ohweebasa, haandi mutuungeenge obweyamo bweeng'we eyiri oyo ow'Aakulu Muno;

Esabbuli 50:23

Oyo oleeta esiyaanwa sy'ohweebasa aba yanjiisamo oluyaali; eyiri oyo olagira engira chae ohuba endai niye yi njia ohweekesa obuwonia bwa Nasaae!”

Ohutula 19:6

abaandu bediisa ese syeeng'ene, mani muchia ohuuhalaabaniraanga koti abalaamisi.”

Engaado 9:1

Makesi yoombaahe enyuumba yae, mani yayitaamo esiiro chitaanu-na-chibiri.

Yisaaya 61:6

Nae eng'we mwahalaangweenge muti abalaamisi b'Omwaami. Mwahalaangweenge muti, abahalaabani ba Nasaae weefwe; Niing'we abahalicheenge emyaandu kyohu syaalo, haandi mwahasangaalireenge mu buyiinda bwaabyo.

Yisaaya 66:21

Mani abaandi hu baandu abo, ndahabahole abalaamisi neende Abaleefi, Omwaami nilwo lu aboola.

Hosea 14:2

Kobole eyiri Omwaami, mani muhole ohusaba huno hube esiyaanwa syeeng'we yaali: “Lehera ebyonoono byeefwe byoosi, ofukiirire ohusaba hweefwe huno, mani huba huchia ohuhufumia sa koti lu hwamala ohuhusuubisa.

Malaki 1:11

Olwohuba ohutula ebukwe ohwoola emuumbo, abaandu boosi baanjisamo oluyaali. Haandi buli abuundu, banioohesa obubbaani haandi bayaana ebiyaanwa byoolerefu. Boosi baanjisamo oluyaali.”

Abarooma 12:1

Basyaange, ohweema hu sisa siingi si Nasaae yatudiirira, mbekweeda nimboola endi: Muweeyo emibiri kyeeng'we eyiri Nasaae kibe koti esiyaanwa silamu, esyoolerefu, haandi esisangaasa Nasaae. Ohwo nihwo ohwiinamira Nasaae hwomu mwooyo hu muhoyere ohumuberesa.

Abarooma 15:16

ey'ohuba omuhalaabani wa Kristo Yesu ohuholera Abateende. Halaabana koti omulaamisi ninjaala Emboosi Ndai eyitula eyiri Nasaae hu Abateende banyale ohuba esiyaanwa sifukiirirwa eyiri Nasaae, esimubeereswa neende Mwooyo Mwoolerefu.

1 Abakoriito 3:16

Eng'we haba simumanyire muti muli Enyuumba ya Nasaae daawe, haandi muti Mwooyo wa Nasaae yesi yabamenyamo?

1 Abakoriito 3:9

Olwohuba, efwe fweesi huli sa abahalaabani baholera alala neende Nasaae; eng'we naang'we muli endalo chae, haandi Ebyoombahe bya Nasaae.

1 Abakoriito 6:19

Ewe haba soomanyire oti omubiri kwao okwo n'enyuumba ya Mwooyo Mwoolerefu ohulimo, ku wanyoola ohutula eyiri Nasaae? Ewe haba sooli weeng'ene hu bwao;

2 Abakoriito 6:16

Huwuliirisania siina ohuliwo akati w'enyuumba ya Nasaae neende enyuumba y'ebiloongaloongwe? Olwohuba efwe huli enyuumba ya Nasaae mulamu; lu Nasaae yaboola ati, “Njia ohubamenyamo haandi ohubakeendamo, mani njia ohuba Nasaae waabwe, nabo bachia ohuba abaandu baange.

Abagalatia 6:10

Mani sakira koti lu husisiiri neende ehabi eyo, lehe huholereenge abaandu boosi ebilai, haandi ohuhirira elalira abo ababa nibali mu nyuumba y'abaandu bali neende efukiirira mu Kristo.

Amalako Kohubiri 18:2

Haba sibanabecheenge neende omukabo kw'eloba koti enono chiindi; Omwaami niye onabecheenge omukabo kwaabwe, koti lu yabasuubisa.

Abafilipi 1:11

Obulamu bweeng'we boosi bucha ohwaama ebyaamo by'ebiima bilai bi Krisito mweene aleeta mani byaaberesa Nasaae oluyaali neende efuma.

Abafilipi 2:17

Kata amabaanga kaange kahaba nikachuhibwa aasi hu siyaanwa sy'ohweyaanayo sy'efukiirira yeng'we eyiri Nasaae. Nisiba sityo, ndi omusangaafu ohukabana esangaalo lyaange naang'we mweesi.

Abafilipi 4:18

Ese ndamala ohunyoola omusaara kwaange mu bwiichufu, kata neende ohuhirao; ndi omwichufu, nimalire ohunyoola ohutula eyiri Epafirodito ebiyaanwa bimwandumira, ebyali koti esing'aari silai sy'esiyaanwa, esiyaanwa sifukiirirwa haandi esisangaasa esya Nasaae.

Abakolosaayi 3:17

Nabuli siindu si muhola, mu mboosi oba mu biholwa, musiholeenge mu liita ly'Omwaami Yesu, nimumweebasiraangamo Nasaae Seefwe.

1 Timoteo 3:15

mbaandiikira ebbarwa yino nimbeekesa engeri yimuhoyere ohwebisiramo nimuli mu Nyuumba ya Nasaae, abo nibo abafukiiriri ba Nasaae mulamu, omusiiro haandi yi bwadyeeri bwoosi bweemaho.

Abaibburania 3:6

Nae Kristo mweesikwa koti Omwaana wa Nasaae oliinda Enyuumba ya Nasaae. Huli enyuumba yae nihudoong'a buli ludaalo nihuli abagumu, haandi nihuli abomiifu mu siindu si husuubiramo.

1 Petero 2:9

Nae eng'we muli abaandu badoolebwa, abalaamisi, enyuumba njolerefu, abaandu ba Nasaae beene, hu munyale ohufumia emirimo kya Nasaae kiwukisa, ba Nasaae yalaanga ohutula mu siirima ohwiingira mu bulafu bwae bulai butalomwalomwaho.

1 Petero 4:11

Omuundu yeesi oweekesa Emboosi ya Nasaae, ahoyere ohuyeekesa koti Emboosi ya Nasaae yeene; omuundu yeesi ohola emirimo ahole neende amaani ka Nasaae yamuberesa, mani hu mu buli siindu syoosi Nasaae anyoole efuma ohubitira mu Yesu Kristo, yi luyaali neende amaani bibe ebyae endaalo choosi. Amiina.

1 Petero 4:17

Olwohuba endaalo choolere ech'ohuheengeramo omusaango, nae haandi chichia ohuchaaka neende abaandu ba Nasaae beene. Nae nibichaakira hweefwe, byahabe bitye eyiri abo abatafukiirira Emboosi Ndai yitula eyiri Nasaae?

Ohubwiihulirwa 1:6

Haandi Yesu Kristo yatuhola ohuba obutuki bw'abalaamisi, ohuhalaabanira Nasaae wae haandi Laatang'ene. Yesu Kristo anyoole oluyaali alala neende obunyala endaalo choosi! Amiina.

Ohubwiihulirwa 20:6

Beehoye, haandi bali neende ehabi muno, abo ababalibwa mu husyuuha hw'abafu hutaangira huno. Olwohuba ohufwa hwa habiri haba sihuchia hunyala ohuboolaho daawe. Bano bachia ohuba abalaamisi ba Nasaae, haandi aba Kristo, mani bachia ohutuka nae hulw'embaka ya emyaaka elifu ndala (1,000).

Ohubwiihulirwa 3:12

Ese njia ohuhola abo boosi abaliyiingira ohuba emisiiro mu Nyuumba ya Nasaae waange, haandi sibalitulahoomo daawe. Njia ohubaandiikaho eliita lya Nasaae waange, haandi neende eliita ly'esiko sya Nasaae waange, Yerusalemu njaaha, esichia ohwiiha aasi nisitula Muukulu eyiri Nasaae. Njia haandi ohubaandiikaho eliita lyaange yaaha.

Ohubwiihulirwa 5:10

Wabahola ohuba obwaami bw'abalaamisi ohuhalaabanira Nasaae weefwe, haandi nibo abachia ohutuka hu syaalo huno.”