1 Petero 2:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Mube koti abaana bayere baheebulwa sa, abawulira obuluwo bw'amabeere moolerefu k'omwooyo, mani nimukang'wa muchia ohuhula munyoole obuwonia.

EBBAIBBO EMBOOSI YA NASAAE

² Mube koti abaana bayere baheebulwa sa, abawulira obuluwo bw'amabeere moolerefu k'omwooyo, mani nimukang'wa muchia ohuhula munyoole obuwonia.

1 Petero 2:2 Iomraidhean Croise

2 Samueli 23:5

Eyo niyo engeri yi Nasaae achia ohuberesa ehabi abeechuhulu baange, olwohuba yamala ohuhola endagaano yitaakama naange, ohuwuliirisania hutalihalakwa daawe, esisuubise sitalikaluuhanisibwa daawe. Eyo niyo yi ese ndekoomba yoong'ene; eyo niyo eyichia ohuba obuyiingiri bwaange, ni Nasaae ohwoola achia ohukera byoole.

Yobbu 17:9

Nae omuundu muluungifu yomiirira hu ngeri yae, haandi oyo otaaliho omusaango yemeeda sa ohubaamo amaani.

Engaado 4:18

Nae engira y'omuluungifu yaaduha koti omubasu kw'esanya, okwemeeda ohwaaduha ohwoola esideete.

Hosea 14:5

Ese njia ohuba eyiri abaandu ba Yisiraeli koti efula hu loba lyooma. Bachia ohumuliha koti ebimuli; bachia ohwomiisa bulai emisi kyaabwe koti sa emisaala kya Lebbanooni.

Hosea 14:7

Ehabi liindi, bachia ohumenyaanga aasi w'obuliindi bwaange. Bachia ohulimaanga ebilime by'emere mani babe abeebusi koti emituli. Bachia ohumanyihanaanga koti efiini ya Lebbanooni.

Hosea 6:3

Lehe huteemeho ohumanyaanga Omwaami oyo. Aba achia ohwichaanga yi huli obutakosa koti sa buli ludaalo luhyechaanga, haandi obutakosa koti efula yihola amadiba yikwichaanga hu syaalo huno.”

Malaki 4:2

Nae eng'we abanjisamo oluyaali, obunyala bwaang'we buwonia bwahatuleyo koti elyuuba ly'obuluungifu, eliri neende amaani kawonia mu hwaaduha hwaalyo. Mwahabe mu muleembe, mani mwaaduumakala koti emoosi ndooto mu ehoonge.

Matayo 18:3

mani yaaboola ati, “Mbaboolera obwadyeeri endi, haba simuchia ohwiingira mu bwaami bwo Muukulu ohutusaho nimwekaluuhaanie mwaaba koti abaana bayere.

Matayo 19:14

Nae Yesu yababoolera ati, “Mulehe abaana bayere beeche yi ndi, haandi mutabakayira daawe; olwohuba obwaami bwo Muukulu bw'abaandu bafwaana koti bano.”

Mariko 10:15

Mbaboolera obwadyeeri bweene endi, oyo yeesi otaakaanira obwaami bwa Nasaae koti omwaana muyere, haba saacha ohubwiingiramo daawe.”

Luka 18:17

Mbaboolera obwadyeeri endi, oyo yeesi otakaanira obwaami bwa Nasaae koti omwaana muyere haba saachia hubwiingiramo.”

Abarooma 6:4

Sakira mani mu hubatiisibwa hweefwe, hwasiihwa neende Kristo, mani hwaakabana hu hufwa hwae hu hunyale ohusyuuha koti lu Kristo yasyuuha ohutula mu bafu hulw'amaani ka Laatang'ene maangi, mani ao fwesi hu hunyale ohumenya mu bulamu buyaaha.

1 Abakoriito 14:20

Basyaange, mutaba abayere mu hubaasa hweeng'we; mube abadoto mu bibi, nae mu hubaasa, mube abaangafu.

Abaefeso 2:21

yi syoombahe syoosi syeyambaaniaho alala, haandi syemeeda ohuhulaanga nisyeehola Enyuumba ya Nasaae njoolerefu ohubitira mu Omwaami;

Abaefeso 4:15

Ohumalaho ohulomalomaanga obwadyeeri mu buheeri, hunyale ohuhulira mu buli ngira yoosi, mu mweene oyo oli omutwe, mu Kristo,

2 Abatesalonika 1:3

Baasyeefwe, huhoyere ohweebasa Nasaae hulweeng'we buli siha. Silai efwe ohweebasa hutyo olwohuba efukiirira yeeng'we yemeeda niyihula muno, haandi obuheeri bu buli muundu ali ninabwo eyiri owaasye bwosi bwemeedere.

1 Petero 1:23

Olwohuba bulaanu mweebulwa ehabi lyohubiri, ataali ohweema hu lumwo lufwa, nae ohweema hu lumwo lutafwa, ohweema hu Mboosi ya Nasaae mulamu, haandi oyiindira endaalo choosi.

2 Petero 3:18

Nae mwemeeda ohuhula nimuli neende embabaasi, neende ohumanya Omwaami haandi Omuwonia weefwe Yesu Kristo. Oluyaali lube olwae bulaanu neende endaalo choosi. Amiina.