1 Petero 2:16 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁶ Obulamu bweeng'we buhoyere ohuba koti obw'abaandu bali neende omuleembe, nae mutehoonyera obulehuule bweeng'we ohubwiiha hu esibi syoosi, ohutusaho obulamu bweeng'we bube koti obw'abahalaabani ba Nasaae.

EBBAIBBO EMBOOSI YA NASAAE

¹⁶ Obulamu bweeng'we buhoyere ohuba koti obw'abaandu bali neende omuleembe, nae mutehoonyera obulehuule bweeng'we ohubwiiha hu esibi syoosi, ohutusaho obulamu bweeng'we bube koti obw'abahalaabani ba Nasaae.

1 Petero 2:16 Iomraidhean Croise

Abagalatia 5:13

Olwohuba eng'we basyaange, mwalaangirwa obulehuule; ohutusaho mbwe mutachia haandi mwachaaka ohwehoonyera obulehuule obwo koti ehabi y'ohuhola bi obwekoombi bw'omubiri bubayiika muhole, nae ohubitira mu buheeri, muhoyere mwehole abahalaabani b'abasyeeng'we.

Abarooma 6:22

Nae bulaanu, mwaboololwa ohutula mu syonoono, mani muli abawaambe ba Nasaae! Engaanga yeeng'we niyo obulamu bw'ohweyaanirayo elalira eyiri Nasaae, mani esitulamo nisyo obulamu butaakama.

1 Abakoriito 7:22

Olwohuba oyo yeesi oba niyalaangwa mu Omwaami naali omuwaambe, bulaanu ali omulehuule ow'Omwaami. Nasilala bityo, oyo yeesi owali omulehuule naalaangwa, bulaanu muwaambe wa Kristo.

Abarooma 6:18

Mwaboololwa ohutula mu syonoono, mani mweehola abawaambe b'obuluungifu.

Abagalatia 5:1

Obuboolole nabwo, Kristo yatuboolola; mani mumenye nimuli abalehuule, haandi mutoola ohweyingisaho ehabi liindi mu bulamu bw'obuwaambe.

Yakobbo 1:25

Nae niwehaliirisa bulai mu malako kawonia abaandu, mani wemeeda ohukabaasaho, ataali ohutekeeresaanga hwoong'ene mani waakebiirira, nae waakata mu hola, Nasaae achia ohuhuberesa ehabi mu by'ohola.

Yakobbo 2:12

Mani lomalome haandi holeenge ebiindu koti abaandu bachia ohuheengerwa omusaango ohweema hu lako lileeta omuleembe.

Abaefeso 6:6

ataali olwohuba mbwe ahubona, koti odaha ohusaangaasa sa abaandu, nae koti omuhalaabani owa Kristo, oli ohuholaanga bi Nasaae adaha neende omwooyo mulala.

2 Petero 2:19

Babasuubisa obulehuule, nae abeene badoong'a nibali ababoye mu biima bibi bibatuka mu buboye, olwohuba omuundu aba omuboye w'esiindu simuyiingire.

Abakolosaayi 3:24

nimumanyire muti Omwaami niye ochia ohubakaba omukabo kweeng'we koti omusaara; Olwohuba muli ohuhalaabanira Omwaami Kristo.

Matayo 23:13

“Chibaakaanire eng'we, Abafarisaayo alala neende Abaandiiki b'Amalako. Abebachirisi eng'we! Olwohuba mwiikaliraanga abaandu omulyaango kuchia mu bwaami bwo Muukulu, nae eng'we beene simwiingiriramo daawe, haandi haba simufukiirira abo abadaha ohwiingiriramo beengira.

Yuda 1:4

Olwohuba baluwo abaandu baandi abatatya Nasaae abamala ohutwiingiramo mu bweekisi nihutaamanyire. Abo nibo abaandu bataamanyire Nasaae haandi abahyaamia enjekesa yidiira hu mbabaasi cha Nasaae hu babwiihe hu bibi byaabwe, haandi bahaye Yesu Kristo, ow'Oluyaali luhiramo haandi Omwaami weefwe.

1 Abatesalonika 2:5

Olwohuba mumanyire bulai bweene muti haba sihweecha yi muli neende emboosi chibwiiha hu kuliira kweefwe daawe, nae Nasaae mweene niye oli omuloli weefwe hu biindu bi nomanoma bino.

Yowaana 15:22

Mba nindahaya ohwiicha ndaababoolera, haba sibahabeere neende esyonoono daawe. Nae bulaanu sibulao esibamalaho omusaango kw'esyonoono syaabwe.