1 Petero 2:11 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹¹ Eng'we basyaange, mbahubbira omulaanga bawalukeenda haandi abeyikami mu syaalo muno endi, mweyolobye obwekoombi bubi bw'omubiri obulwaania obulamu bweeng'we buli ludaalo.

EBBAIBBO EMBOOSI YA NASAAE

¹¹ Eng'we basyaange, mbahubbira omulaanga bawalukeenda haandi abeyikami mu syaalo muno endi, mweyolobye obwekoombi bubi bw'omubiri obulwaania obulamu bweeng'we buli ludaalo.

1 Petero 2:11 Iomraidhean Croise

Abagalatia 5:24

Abaandu ba Kristo Yesu baba nibamala ohwiitira elalira obwekoombi neende ebiwonya by'emibiri kyaabwe.

1 Petero 4:2

Mani sakira, ohutula bulaanu neende ohwemeeda mu moni, ohudaha hwa Nasaae nihwo ohutuka obulamu bwae bwomu syaalo muno bwoosi, ataali hu bwekoombi bw'omubiri.

Abaibburania 11:13

Abaandu bano boosi bafwiira mu fukiirira. Haba sibanyoola ebiindu bi Nasaae yali yasuubisa, nae bali nibabibonera eyale muno mani babyakaanira, mani bomiisira elalira bati, bali Abateende sa haandi abeyikami sa hu syaalo.

Abarooma 8:13

Olwohuba nimumenya ohuloondakana neende bi mibiri kyeeng'we kidaha, muchia ohufwa; nae nimumenya koti lu Mwooyo adaha, ao muchia ohwiita ebihole byeeng'we bibi, mani mube abalamu.

1 Ebyomubiha 29:15

Ewe Omwaami, omanyire oti, obulamu buno hububitamo bubita koti abakeni haandi bawalukeenda, koti bakuuka yeefwe boosi lu bali. Endaalo cheefwe chohu syaalo chihamyuuhao koti esiihina, haba si bw'endaalo choosi daawe.

Yakobbo 4:1

Siina syeene esileetaanga ohulwaana neende obusoolo mweeng'we? Ebiindu bino haba sibitula mu hwekoombaanga hweeng'we hubi ohubalwaanirangamo?

2 Timoteo 2:22

Lehana neende obwekoombi bw'esiraaga, mani olwaanilire obuluungifu, efukiirira, obuheeri, neende omuleembe, alala neende abo abalaama Omwaami neende omwooyo mulai.

2 Abakoriito 7:1

Koti lu huli neende ebisuubise bino, abaheerwa, mulehe hweeyoseho buli syonoono sy'omubiri neende esy'omwooyo, mani huhole obwoolereere mu hutya Nasaae.

Abarooma 12:1

Basyaange, ohweema hu sisa siingi si Nasaae yatudiirira, mbekweeda nimboola endi: Muweeyo emibiri kyeeng'we eyiri Nasaae kibe koti esiyaanwa silamu, esyoolerefu, haandi esisangaasa Nasaae. Ohwo nihwo ohwiinamira Nasaae hwomu mwooyo hu muhoyere ohumuberesa.

Abaefeso 4:1

Mani sakira ese omuboye hulw'Omwaami, mbekweeda ohumenya obulamu buchaana neende ohulaangwa hu mwalaangwa,

Abarooma 7:23

Nae mbona endi mu mubiri kwaange, elako liindi eliyiingania elako lya Nasaae, nilyo li makesi kaange kadaha. Sino sikera ndaaba omuboye w'elako ly'esyonoono eliholera mu mubiri kwaange.

Ebiholwa 15:29

huti muhoyere ohulehana neende enyama yiyaaniirwe emisaambwa, haandi neende ohutula hw'esyo esiba nisimikirwe sa, haandi ohutula hu mukwoobo. Nimweliinda ohutula hu biindu bino byoosi, muba muchia ohuba nimuholere bulai muno. Mubeeyo.”

Luka 21:34

“Nae mweliinde abeene, emyooyo kyeeng'we kitakatayaswa neende emideeho neende obumeesi neende ohwelalihirira hw'ebihoyera obulamu buno, bikere oludaalo olwo lwaabakwaaho koti omuteego nimutetekeehe;

Esabbuli 119:19

Hu syaalo huno ese ndi sa omubita-ngira sakira otaangisa amalako kao.

Esabbuli 39:12

Ewe Omwaami, bulira esaala yaange, tekeeresa mani owulire amaliro kaange, hoonye ohweema hu masika ka ndira! Ndi omukeni wao obita-bubita, walukeenda sa, koti bakuuka yaange.

Esy'Abaleefi 25:23

Eloba lyeeng'we haba sirihoyere ohukusirwaanga elalira, olwohuba haba simuba nimwaliyirira elalira; lya Nasaae nilyo, mani eng'we muli koti abateende ababa nibafukiirirwa sa ohuhola nimulyehoonyeraho.

1 Petero 1:17

Ngandi mulangaanga Nasaae muti Seefwe nimulaama, haandi niye oheengera omusaango buli baandu boosi mu ngeri nasilala. Sakira, mwehoonyere obulamu bweeng'we bwomu syaalo muno koti abakeni nimuberesa Nasaae oluyaali.

2 Abakoriito 6:1

Mani nihuli ohuholera alala nae, huli ohubekweeda obutanyoola sa embabaasi cha Nasaae bihaya.

2 Abakoriito 5:20

Mani sakira efwe huli bawamwaanda ba Kristo, Nasaae niyoobba omulaanga n'abisira mweefwe. Hubekweeda hulwa Kristo, mwesasaanie neende Nasaae.

Ebiholwa 15:20

nae huhoyere hubandiikire beeliinde ohutula hu mufuto kw'ebilongaloongwe neende ohutula hu mukwoobo neende hw'esyo syoosi esiba nisimikirwe sa, neende ohutula hu mabaanga.

Ohuchaaka 47:9

Yakobbo yakobolamo ati, “Emyaaka kindahamala hu syaalo kiri emia ndala neende amahumi kadatu (130). Emyaaka ekyo kyoosi kibeere emidinyu haandi emidiidi sa, haba sikiaakana neende emyaaka kya bakuuka yeefwe miingi ki bamala hu syaalo.”

1 Petero 1:1

Ese Petero omutume wa Yesu Kristo. Nyandiikira eng'we abalobole ba Nasaae bulaanu abali mu Poto Galatia, Kapadokia, Asia, neende Bbitinia, yi mweruha mwasasaanira.

Esabbuli 119:54

Mu bulamu bwaange obubita-bubita buno, nyemba enyembo chidiira hu bilagiro byao.

Ohuchaaka 23:4

“Ese ndi walukeendwa owamenya ano yi muli. Muunguseho hu loba, siihemo omuhasi waange.”

Abaefeso 2:19

Mani sakira, eng'we haba simusisiiri abateende oba bawalukeenda, nae muli abeebulanwa alala neende aboolerefu, haandi muli abaandu bomu Nyuumba ya Nasaae,

Abaibburania 6:9

Nae basyaange, kata nihuba nihulomaloma huti, haba sihubeekanakanamo. Humanyire huti, mwanyoola ehabi chihiramo obulai, ech'obuwonia bweeng'we.

1 Petero 4:12

Basyaange baheerwa, mutesinduhaanga hulw'ohuteemwa mubuchuuni bu musaandisirwamo, koti esiindu sikeni esiri ohubeeholehaho.

2 Petero 3:1

Basyaange baheerwa, yino bulaanu niyo ebbarwa yaange yohubiri yi mbaandiikira. Mu bbarwa choombi chino, ndeemereho ohubadinya mube neende embaasa yitaalimo ohweebachirisa nimbeechulisa ebiindu bino.

Ohuchaaka 21:34

Abburahamu yamenya mu syaalo sy'Abafilisiti ohumala embaka yiyeraho.

Esy'Abaleefi 15:18

Mani luunyuma lw'ohuba alala omusaacha neende omuhasi, boombi bahoyere ohuchia beeyokaanga bulai, mani badoong'anga sa nibasisiiri ab'omusiro eyiri abaandu ohwoola engoloobe y'oludaalo olwo.