1 Petero 1:7 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁷ Ohusaandisibwa huno hweecha neende esichiiririrwa esy'ohuteema efukiirira yeeng'we. Kata esaabbu yinyaasiha yosi yiteemwa neende omuliro. Sakira efukiirira yeeng'we eyiri neende engaanga nyiingi ohuhira esaabbu, yosi yihoyere ohuteemwa, huyinyale ohubonehana niyiri enyomiifu yadyeeri. Ao mani niwo yi Nasaae achia ohubafumia neende ohubaberesa oluyaali neende esitiibwa hu Ludaalo lu Yesu Kristo yaheyekesereho alafu.

EBBAIBBO EMBOOSI YA NASAAE

⁷ Ohusaandisibwa huno hweecha neende esichiiririrwa esy'ohuteema efukiirira yeeng'we. Kata esaabbu yinyaasiha yosi yiteemwa neende omuliro. Sakira efukiirira yeeng'we eyiri neende engaanga nyiingi ohuhira esaabbu, yosi yihoyere ohuteemwa, huyinyale ohubonehana niyiri enyomiifu yadyeeri. Ao mani niwo yi Nasaae achia ohubafumia neende ohubaberesa oluyaali neende esitiibwa hu Ludaalo lu Yesu Kristo yaheyekesereho alafu.

1 Petero 1:7 Iomraidhean Croise

Yobbu 23:10

Nae Nasaae amanyire engira yi ndiho; naaba n'amalire ohundeema, njia ohutulayo nindabire koti esaabbu.

Yobbu 28:1

“Mubwadyeeri aliwo esiroombe si bayabamo efeesa, haandi abuundu yi boosera esaabbu.

Esabbuli 17:3

Noteema waabona omwooyo kwaange, niwiicha yi ndi esiro, niwundeema, ochia ohunyoola oti mbulamo esyonoono; omunwa kwaange kubulamo esyonoono.

Engaado 16:16

Oli neende amakesi ahira eyale esaabbu; haandi ohudoola ohumanya, silai ohuhira ohudoola efeesa.

Engaado 17:3

Esaabbu neende efeesa biteemerwa mu muliro kw'etanuuru, nae Omwaami niye oteema emyooyo ky'abaandu.

Engaado 8:19

Ebiindu bi mbaberesa bihirira elalira esaabbu, kata esaabbu ndai yeene, haandi bihira efeesa yihiramo obulai.

Omuyaali 5:14

mani obuyiinda obwo nibusihirira hulw'ebidinyu bitaamanyihaane; mani yeebulwa omwaana n'abulaho esiindu syoosi kata.

Yisaaya 48:10

Bone, njia ohubalabya niimbitira mu husaanda; koti lu feesa yilabisibwa mu tanuuli ly'omuliro.

Yeremia 48:36

Mani sakira ndirira Moabbu koti omuundu yoobba erere, haandi ndirira abaandu ba Kiriheresi koti omuundu wuubba erere; olwohuba obuyiinda bu banyoola busihiriire.

Yeremia 9:7

Mani sakira Omwaami w'Obunyala aboola ati: “Bone, ndahabasaanguluse koti esyuuma, mani mbateeme, ndaahole siina syeene, olwohuba abaandu baange?

Sekaria 13:9

Mani naange male heme esituundu silala hu bidatu esinaba nisidoong'ereo, mani mba chweenule koti lu feesa yichwenulwaanga neende omuliro. Ese njia ohubateeema koti sa esaabbu yitemwaanga. Mani hu banyale ohunaamaanga, mani naange nyaleenge ohubakobolaangamo koti lu badaha. Njia ohubaboolera endi, abo baandu baange nibo, mani nabo beeyame bati ese ndi Nasaae waabwe.”

Malaki 3:3

Yaheehale hu esisaala ohuheenga omusaango, naali koti oyo owoosa haandi olabya efeesa. Koti omwiitaanyi w'ebyuuma olabya efeesa neende esaabbu, nilwo lu Omwaami yahalabye abaana ba Leefi ohwoola lu bahayaanire Omwaami ebiyaanwa bihoyera.

Ohubala 5:28

Nae naaba nataaliho omusaango kwoosi, haba saaba naachia ohuholwaho obubi bwoosi daawe, haandi aba achia sa ohunyala ohwiibulaanga bulai.

Matayo 19:28

Yesu yababoolera ati, “Mbaboolera obwadyeeri bweene endi mu syaalo siyaaha, Omwaana w'Omuundu niyaheehale hu sisala syae sy'oluyaali, eng'we abaanoondaho mweesi muchia ohwiihala hu bisaala by'obutuki, ehumi-na-bibiri, nimuheengera enono ehumi-na-chibiri cha Yisiraeli omusaango.

Matayo 25:21

Omwaami wae oyo yakobolamo n'aboola ati, ‘Weebale muno, omuhalaabani mulai haandi omweesikwa; weekese obweesikwa bwao mu biindu bidiidi, njia ohuhuberesa ebiindi bihira hoo; yingira mu sangaalo ly'Omwaami wao.’

Matayo 25:23

Omwaami wae yamukobolamo yaboola ati, ‘Weebale muno, ewe omuhalaabani mulai haandi omweesikwa; weekeese obweesikwa mu biindu bidiidi bino, mani njia ohuhuberesa ebiindu biindi bihira hooho; yingira, mu sangaalo ly'Omwaami wao.’

Luka 12:33

Mukuse emyaandu kyeeng'we, mukabe abamanani; mwenyoolere emifuuko chitakofula, neende obuyiinda buli Muukulu obutanyaasiha, yi mwiibi yeesi atanyala ohwoola, haandi bu mbungi chitanyala ohunyaasa.

Luka 17:30

Haandi nilwo lu sichia ohuba hu ludaalo lu Omwaana w'Omuundu yahabonehere.

Yowaana 12:26

Oyo owuuhalaabanira, yanoonda. Ese yi ndi, omuhalaabani waange yesi niwo yi yahabecheenge. Omuundu yesi-yesi owuuhalaabanira Laata yahamusiime.

Yowaana 5:44

Munyala mutye ohufukiirira, nimukoonya onyoola oluyaali ohutula eyiri abaandu basyeeng'we, nae haba simudeeba hu luyaali lutula eyiri Nasaae mulala yeeng'ene?

Ebiholwa 8:20

Nae Petero yamuboolera ati, “Efeesa yao eyo, yisihirire naawe omweene, olwohuba obaasire oti onyala ohwenyoolera esiyaanwa sya Nasaae sino niwehoonyera sa eseende!

Abarooma 2:10

Nae abo boosi abahola ebilai, Nasaae achia ohubaberesa oluyaali, efuma, neende omuleembe, ohuchaaka neende Abayudaaya, ohwoolera elalira hu Abagiriki bosi.

Abarooma 2:29

Ohumalaho oyo Omuyudaaya mweene, niye omuundu Muyudaaya ow'omukati, haandi owahebwa neende ohuhebwa hwadyeeri, niye oyo yi mwooyo kwae kwahebwa, mani kuno mulimo kwa Mwooyo wa Nasaae, ataali okw'amalako kaandiikwa. Omuundu ofwaana ati, anyoola efuma ohutula eyiri Nasaae ataali ohutula hu baandu.

Abarooma 2:7

Abaandu baandi bomiirira ohuhola ebiindu bilai, haandi bakoonya oluyaali neende efuma, neende obulamu butaakama; abo Nasaae yahababerese obulamu butaakama.

Abarooma 8:19

Ebiloonge byoosi biri neende amaofu ohubona koti lu Nasaae achia ohubwiihulira abaana bae.

1 Abakoriito 3:13

buli mulimo kw'omuundu yeesi, kuchia ohweyekesa okweene; olwohuba Oludaalo olwo luchia ohukubakala alafu, olwohuba kuchia ohweyekesera mu muliro, haandi omuliro okwo kuchia ohupiima engeri ya buli mulimo ku buli muundu aba niyahola koti lu kufwaana.

1 Abakoriito 4:5

Sakira mutateemaho ohwetuliirisa ohuheengera omuundu omusaango esiha nisisisiiri ohwoola, Omwaami natoola ohwiicha, oyo ochia ohuleeta mu bulafu ebiindu byakiswa mu siirima, haandi ochia ohutuumbula ebibaaso biri mu myooyo ky'abaandu byoosi. Ao niwo yi buli muundu yeesi achia ohunyoolera si ahoyera ohunyoola ohutula eyiri Nasaae.

Yakobbo 1:12

Ali neende ehabi omuundu womiirira mu fukiirira ebiteemo nibimwoolaho, olwohuba naaba n'amalire ohuyiingira amateemo, achia ohunyoola ekofia y'obutuki y'obulamu yi Nasaae yamala ohusuubisa abamuheera.

1 Petero 1:13

Sakira lehe ebibaaso byeeng'we bibe ebyeetekefu ohuhola. Mube mwaaywe, haandi mute esuubi lyeeng'we lyoosi hu mbabaasi chi muchia ohunyoola hu ludaalo lu Yesu Kristo achia ohweyekesera elalira.

1 Petero 1:5

Hulw'ohufukiirira hweeng'we Nasaae abaliinda neende obunyala bwae, haandi achia ohubawonia hu ludaalo lw'enjakamo, lu yatekeha ohubaonisiryaho.

1 Petero 2:4

Mwiiche eyiri Omwaami, ekina elamu li baandu bahaya bati libulamo obuhoonyi, nae Nasaae yaalidoola koti eliri neende obuhoonyi yali.

1 Petero 2:7

Ekina lino ly'engaanga y'akulu muno eyiri eng'we abafukiiririra; nae eyiri abo abatafukiirira liri: “Ekina li boombahi bahaya bati liwuma obuhoonyi nilyo elyeeholere ekina huluundu lisiira enyuumba.”

1 Petero 4:12

Basyaange baheerwa, mutesinduhaanga hulw'ohuteemwa mubuchuuni bu musaandisirwamo, koti esiindu sikeni esiri ohubeeholehaho.

1 Petero 4:13

Ohutusaho sangaale muti muli ohukabanaho neende Kristo mu husaanda hwae, hu munyale ohwichula esangaalo mu myooyo kyeeng'we luunyuma lw'oluyaali lwae ohweyekesa.

1 Petero 5:1

Bulaanu koti ese syeesi ndi omwaayi muhuluundu w'omukaanda kw'abafukiiriri, haandi koti omuundu owabona ohusaanda hu Kristo yali nahwo, haandi koti omuundu yeesi ochia ohukabana hu luyaali luchia ohuboneha, hubbira omulaanga eyiri abeemeresi b'emikaanda ch'abafukiiriri abali mweeng'we.

2 Petero 1:1

Ese Simooni Petero omuhalaabani haandi omutume wa Yesu Kristo, mbaandiikira eng'we abanyoola efukiirira y'engaanga muno koti lu efwe hwanyoola mu bwoolerefu bwa Nasaae weefwe, neende Omuwonia weefwe Yesu Kristo.

2 Petero 1:4

Mu ngeri yino, yatuberesa ebiyaanwa bihoongo haandi eby'engaanga y'aakulu muno bi yatusuubisa. Mani nihuba nihunyoolere ebiyaanwa bino, huchia ohuwonisibwa ohusihirira huli mu syaalo, ohuleetwa neende ohwekoomba hubi, hu munyale ohukabana hu bwanasaae bwae.

2 Petero 3:14

Sakira basyaange, nimusiliindire Oludaalo olwo, teemeho koti lu munyala ohuba abaluungifu bataaliho esyonoono syoosi mu moni wa Nasaae, nae abali mu muleembe nae.

Yuda 1:24

Oluyaali lube eyiri oyo onyala ohubaliinda mwaahaya ohukwa, haandi onyala ohuboosa neende esangaalo mu moni wae ow'Oluyaali nimutaaliho esyonoono.

Ohubwiihulirwa 1:7

Boneho, mbao yechera hu maleesi! Buli muundu yeesi achia ohumubona, n'oteereho neende abamufumita beene. Abaandu boosi abali hu syaalo bachia ohulira. Mani nilwo lu sichia ohuba! Amiina.

Ohubwiihulirwa 2:10

Otatya daawe, esiindu syoosi sy'ochia ohusaandisibwamo. Tekeeresa! Sitaani achia ohuhuteema, naaba nanyalire ohuta abaandi hweeng'we mu jeela, mani ebidinyu by'eng'we bibeeo hu siha sy'endaalo ehumi. Mube abeesikwa yi ndi, kata neende nibiri mbwe muchia ohwiitwa sa, mani mba njia ohubaberesa obulamu koti omusaara kw'ohuyiingira.

Ohubwiihulirwa 3:10

Olwohuba eng'we mwoseresa abweene elako lyaange ly'ohweesimiirisa, mani syesi njia ohubaliinda bulai ebiha by'ebidinyu ebiri ohwiicha hu syaalo huno, ohuteema abaandu boosi abali hu syaalo huno, bihaye ohuboolaho.

Ohubwiihulirwa 3:18

Mani ndi ohubakerakira ohuungulaho esaabbu, esaabbu yitaalihoomo ahakoha daawe, hu munyale ohuba abayiinda. Haandi mukule neende engubo charachaari ohwefwalaanga abeene mani munyala ohubwiiha hu syeekenye sy'esoni syeeng'we esyo. Haandi kuleho amafuta k'ohubahaho hu moni cheeng'we echo, hu munyale ohubona bulai.

1 Samueli 2:30

Ese, Omwaami Nasaae wa Yisiraeli, ndasuubisa hale endi edaala lyao, haandi neende oluya lwao luchia ohuhalaabaniraanga koti abalaamisi esiha syoosi. Nae bulaanu ndi ohuboola endi, haba sisiidaha endyo daawe! Njia ohwiisaanga oluyaali mwaabo abanjisamo oluyaali, nae njia ohusinyihira abo abaandekeresa.